Amoghapāśanāmahṛdayaṃ mahāyānasūtram

Header

Data entry: Klaus Wille

Contribution: Klaus Wille

Date of this version: 2019-08-22

Sources:

Meisezahl, R. O.: »The Amoghapāśahṛdaya-dhāraṇī. The Early Sanskrit Manuscript of the Reiunji Critically Edited and Translated.« In: Monumenta Nipponica 17 (1962), pp. 265-328.
Or.Ms.152: Fragmentary Nepalese palm-leaf Ms. (University Library Cambridge Or. Ms. 152), as edited by Meisezahl.

Publisher: Göttingen Register of Electronic Texts in Indian Languages (GRETIL), SUB Göttingen

Licence:

Distributed under a Creative Commons Attribution-NonCommercial-ShareAlike 4.0 International License.

Interpretive markup:

supplied material

Notes:

Due to the heterogeneity of the sources the header markup might be suboptimal. For the sake of transparency the header of the legacy file is documented below.

Revisions:

2025-05-08: Added BK, GND and ISO code for language.

Text

Or.Ms.152, p. 1b1oṃ namo lokanāthāya || evam mayā śrutam ekasmin samaye bhagavān potalake parvvate viharati sma || āryāvalokiteśvarasya bhavane anekaśālatālatamālacampakāśokātimuktakanānāratnavṛkṣasamalaṅkṛte | mahatā bhikṣusaṃghena sārddham aṣṭāśītibhir bhikṣuśatasahasrair Meisezahl1962, p. 313 nnavanavatibhiś ca bodhisatvakoṭīniyutaśatasahasrair anekaiś ca śuddhāvāsakāyikair devaputrakoṭīniyutaśatasahasraiḥ | parivṛtaḥ puraskṛta īśvaramaheśvarabrahmakāyikān devaputrān adhikṛtya dharmman deśayati sma || atha khalv āryāvalokiteśvaro bodhisatvo mahāsatva utthāyāsanād ekāṃsam uttarāsaṅgaṃ kṛtvā dakṣiṇaṃ jānumaṇḍalaṃ pṛthivyāṃ pratiṣṭhāpya yena bhagavāṃs tenāñjaliṃ kṛtvā praṇamya prahasitavadano bhūtvā bhagavantam etad avocat ||

asti mama bhagavann amoghapāśarājaṃ nāma hṛdayaṃ yan mayā pūrvvam ekanavatime kalpe vilokitāyāṃ lokadhātau lokendrarājasya tathāgatasya sakāśād udgṛhītaṃ yena me bhagavann īśvaramaheśvaradevaputrapramukhāni bahūni śuddhāvāsakāyikadevaputrapramukhāny anekāni devaputraśatasahasrāṇi samādāpitāny anuttarāyāṃ samyaksaṃbodhau || asaṃmohajñānavyūhapramukhāni ca mayā daśasamādhiśatasahasrāṇi pratilabdhāni | yasmiṃś ca punar bhagavan pṛthivīpradeśe | idam amoghapāśahṛdayaṃ pracaret || veditavyaṃ bhagavans tasmin pṛthivīpradeśe | īśvaramaheśvarabrahmakāyikapramukhāni dvādaśadevaputraśatasahasrāṇi rakṣāvaraṇaguptaye sthāsyanti || caityasammato bhagavan sa pṛthivīpradeśo bhaviṣyati | yatredam amoghapāśahṛdayam pracariṣyati | anekabuddhakoṭīniyutaśatasahasrāvaropitakuśalamūlās te bhagavan satvā bhaviṣyanti | ya idam madīyam Meisezahl1962, p. 314 amoghapāśahṛdayaṃ śroṣyanti ||

yaḥ kaścid bhagavan kilviṣakārī syāt sarvvapāpāspadaḥ pāpadharmmasamācāra āryāpavādakaḥ saddharmmapratikṣepakaḥ | avīciparāyaṇaḥ sarvvabuddhabodhisatvāryaśrāvakapratyekabuddhapratikṣepakaḥ saced vipratisāraṅ gacchet | āyatyāṃ samvaram āpadyate || tasyaiva tāvad bhagavann ekopavāsajāpena | ihaiva janmani tat karmma viśudhyati parikṣayaṅ gacchati | vāṃttībhavati | ekāhikena jvareṇa dvyāhikena vā || tryāhikena vā | cāturthikena vā | evaṃ saptāhikena vā jvareṇa | akṣiśūlena vā nāsāśūlena vā | karṇṇaśūlena vā | dantaśūlena vā | oṣṭhaśūlena vā | jihvāśūlena vā | tāluśūlena vā hṛdayaśūlena vā | udaraśūlena vā | pārśvaśūlena vā | kaṭiśūlena vā | aṅgapratyaṅgaśūlena vā | arśograhaṇīśūlena vā | atīsāreṇa vā | hastapādavedanayā vā | śirorujayā vā | valāhakaśvitrakuṣṭhavicarccikākiṭimalohaliṅgagalagrahabhagandaravisphoṭakāpasmārakākhordair anyair vā kṛtyāpakṛtyair vā | vadhabandhanatāḍanatarjjanābhūtābhyākhyānair vā | saṃkṣepato Meisezahl1962, p. 315 bhagavan kāyapīḍayā vā cittapīḍayā vā | duḥsvapnadarśanena vā tat karmma parikṣayaṅ gacchati | paryavadānaṅ gacchati | prāg eva śuddhasatvānāṃ śraddhādhimuktikānāṃ | yadi bhagavaṃś catasraḥ parṣadaś catvāro varṇṇā māyāśāṭhyenāpi ya idam amoghapāśahṛdayaṃ śroṣyanti udgṛhīṣyanti | dhārayiṣyanti | vācayiṣyanti | likhiṣyanti | likhāpayiṣyanti | paryavāpsyanti | anyeṣāṃ vā satvānāṃ śrāvayiṣyanti | antaśas tiryagyonigatānāṃ karṇṇapuṭe sthitvā karṇṇajāpena dāsyanti | imāni mantrapadāni cintayiṣyanti | apratikṣepato 'rūpato 'vikalpato 'sambhavato 'ciraṅgamato 'karaṇato nirlepato | samaciṃtānikṣepataḥ | virahitapaṃcaskaṃdhataḥ | anena yogena buddhānusmṛtir bhāvitavyā | tad eṣāṃ daśabhyo digbhyo buddhasahasraṃ saṃmukhaṃ darśanaṃ kārayiṣyaṃti | atyayadarśanaṃ ca kariṣyaṃti | peyālaṃ | yāvat pustakalikhitaṃ kṛtvā gṛhe sthāpayiṣyaṃti | kiṃ bahunā bhagavann anyonyaspardhayā vā Meisezahl1962, p. 316 śroṣyaṃti | svāmibhayena vā parānuvṛtyā vā uccagghanahetunā vā śroṣyaṃti | jñātavyaṃ bhagavan paṇḍitenāryāvalokiteśvarasyānubhāvena teṣāṃ karṇapuṭe sthitā sa śabdo nipatiṣyaṃti || tadyathāpi || sa bhagavan kaścid eva puruṣaś caṃdanaṃ vā karpūraṃ vā kastūrikāṃ vā ākruśya paribhāṣya śilāyāṃ vā piṣṭvā ātmānaṃ lepayet | na ca tasya caṃdanasya karpūrasya kastūrikāyāś caivaṃ bhavati | anenāham ākruṣṭaḥ paribhāṣito vā gandhenātikramiṣyāmi ti | api ca sugaṃdha eva saḥ | evam eva bhagavann idaṃ madīyam amoghapāśahṛdayaṃ | yaḥ kaścid uccagghya ullāpya peyālaṃ | yāvan māyāśaṭhyenāpi pūjayet teṣāṃ bhagavan khaṭukaṃsatvānāṃ sa eva kuśalamūlahetur bhaviṣyati | yatra yatropapatsyaṃte tatra tatrāvirahitāś ca bhaviṣyaṃti śīlasamādhiprajñāpuṇyasaṃbhāragaṃdhena | śīlasaugandhikam eva karoti ||

yaḥ kaścid bhagavan kulaputro vā kuladuhitā vā bhikṣur vā bhikṣuṇī vā upāsako vā upāsikā vā tadanyo vā kaścit satvaḥ amoghapāśahṛdayam uddiśya śuklāṣṭamyām upavāsaṃ kuryāt | saptavārān amoghapāśahṛdayam anālāpataḥ parivarttayet | tasya bhagavan dṛṣṭa eva dharmā viṃśatir anuśaṃsāḥ pratikāṃkṣitavyāḥ | Meisezahl1962, p. 317 katame viṃśatir yad uta

(1) rogāś cāsya kāye notpatsyaṃte | (2) utpannāś cāsya rogāḥ karmavaśena śīghraṃ praśamaṃ yāsyaṃti | (3) snigdhamanojñaślakṣṇagātraś ca bhaviṣyati | (4) bahujanapriyaś ca bhaviṣyati | (5) gupteṃdriyo 'rthapratilaṃbhaś cāsya bhaviṣyati | (6) utpannaṃ cāsyārthaṃ na caurāḥ pratimoṣyanti | (7) agninā na dahyante nodakena hriyante na rājā śaknoti manasāpy apahartum | (8) karmāntāś cāsya sphītā bhaviṣyaṃti | (9) nāśanir nodakabhayaṃ bhaviṣyati | (10) na vātavṛṣṭibhayaṃ bhaviṣyati | (11) saptavārān amoghapāśahṛdayena bhasmodakaṃ vā parijapya dig vidig adha ūrddhvaṃ ca kṣetrasya baṃdho dātavyaḥ | sarvopadravā upaśamiṣyanti | (12) na c' ojohārā ojo 'pahartuṃ śaknuvaṃti | (13) sarvasatvānāṃ ca priyo bhaviṣyati | (14) na cāsya śatrubhayaṃ bhaviṣyati | (15) utpannaṃ cāsya śatrubhayaṃ śīghraṃ praśamaṃ yāsyati | (16) na cāsyāmanuṣyabhayaṃ bhaviṣyati | (17) na kākhordabhayaṃ na cāsya ḍākinībhayaṃ na cāsya tīvrāḥ kleśopakleśā bhaviṣyanti | (18) nāgninā na śastreṇa | na viṣeṇa kālaṃ kariṣyati | Meisezahl1962, p. 318 (19) devatāś cāsya satatasamitaṃ rakṣāvaraṇaguptaye sthāsyanti | (20) yatra yatropapatsyate | tatra tatrāvirahitaś ca bhaviṣyati | maitrīkaruṇāmuditopekṣayā |

ime viṃśatir anuśaṃsāḥ pratikāṃkṣitavyāḥ || aparān aṣṭau dharmmān pratilapsyate | katamān aṣṭau

dine dine triṣkālaṃ trīṇi vārān parivarttayitavyaḥ | madyamānsapalāṇḍugṛñjanakalaśunaśaṅkārakṛtocchiṣṭaviśeṣārthinā hy ete varjjyaḥ || ayañ cāmoghapāśahṛdayo dharmmaparyāyaḥ sarvvasatvānāṃ balābalaṃ jñātvā śrāvayitavyaḥ | ācāryamuṣṭir Meisezahl1962, p. 319 nna karttavyā | yasmād vigatamalamātsaryā | īrṣyāpagatā bodhisatvā bhavanti | satvānām arthakaraṇenaiva buddhabodhiḥ prāpyate | bodhisatvānāṃ gaṇatāñ ca gacchati | bodhir ucyate prajñā | satva ucyate upāyaḥ || etau dvau dharmmau satvānām arthenaiva prāpyete | sacen punar bhagavān jānīyāt || nv aham imam amoghapāśahṛdayan tathāgatasya purataḥ kīrttayeyaṃ catasṛṇāṃ parṣadām arthāya hitāya sukhāyānyeṣāñ ca pāpakāriṇāṃ |

atha khalu bhagavān āryāvalokiteśvaraṃ bodhisatvaṃ mahāsatvam etad avocat |

bhāṣa tvaṃ śuddhasatva | yasyedānīṃ kālaṃ manyase || anumoditaṃ tathāgatena paścime kāle paścime samaye bodhisatvayānikānāṃ pitṛkāryaṃ kariṣyati ||

atha khalv āryāvalokiteśvaro bodhisatvo mahāsatvo 'nimiṣanayano bhūtvā bhagavantam etad avocat ||

śṛṇu me bhagavan sarvvabodhisatvanamaskṛtam idaṃ vimokṣamukhamaṇḍalaṃ bahujanahitāya bahujanasukhāya lokānukampāyai mahato janakāyasyārthāya hitāya sukhāya ||

oṃ || namas tryadhvānugatapratiṣṭhitebhyaḥ sarvabuddhabodhisatvebhyaḥ | namaḥ pratyekabuddhāryaśrāvakasaṃghebhyo Meisezahl1962, p. 320 'tītānāgatapratyutpannebhyaḥ | namaḥ samyaggatānām | namaḥ samyakpratipannānāṃ | namaḥ śāradvatīputrāya mahāmataye | nama āryamaitreyapramukhebhyo bodhisatvasaṃghebhyaḥ |

namaḥ supratiṣṭhitaśailendrarājapramukhebhyaḥ sarvatathāgatebhyo 'rhadbhyaḥ samyakasaṃbuddhebhyo bhagavadbhyaḥ |

oṃ mune 2 mahāmunaye svāhā |

oṃ śame 2 mahāśame rakṣa 2 māṃ sarvasatvāṃś ca sarvapāpapraśamane svāhā ||

namaḥ suparikīrttitanāmadheyāya tathāgatāya || namaḥ samantāvabhāsavijitasaṃgrāmaśriye tathāgatāya || nama indraketudhvajaśriye tathāgatāya || namo ratnaprabhāseśvararājāya tathāgatāya || namo 'pratihatabhaiṣajyarājāya Meisezahl1962, p. 321 tathāgatāya || namo vikrāntagāmine tathāgatāya ||

namo buddhāya namo dharmmāya namaḥ saṃghāya || namo 'tītānāgatapratyutpannebhyo buddhebhyo bhagavadbhyaḥ || tadyathā

namo ratnatrayāya | nama āryāvalokiteśvarāya bodhisatvāya mahāsatvāya mahākāruṇikāya ||

namo mahāsthāmaprāptāya bodhisatvāya mahāsatvāya mahākāruṇikāya ||

ebhyo namaskṛtvā idam āryāvalokiteśvaramukhodgīrṇṇam amoghapāśarājaṃ nāma hṛdayan tathāgatasammukhaṃ bhāṣitaṃ mahatāṃ parṣanmadhye | aham idānīm āvarttayiṣye || sidhyantu mantrapadāḥ sarvakāryāṇi sarvabhayebhyo mama sarvasatvānāñ ca rakṣā bhavatu || tadyathā

oṃ cara 2 ciri 2 curu 2 mara 2 miri 2 muru 2 mahākāruṇika svāhā || saṃśodhanamantraḥ ||

sara 2 siri 2 suru 2 curu 2 viri 2 dhiri 2 piri 2 miri 2 mahāpadmahastāya svāhā || vighnotsāraṇamantraḥ ||

kala 2 kili 2 kulu 2 mahāśuddhasatvāya svāhā Meisezahl1962, p. 322 || devatāsaṃśodhanamantraḥ ||

budhya 2 bodha 2 bodhi 2 bodhaya 2 kaṇa 2 kiṇi 2 kuṇu 2 paramaśuddhasatvāya svāhā || tathāgatamantraḥ ||

kara 2 kiri 2 kuru 2 mahāsthāmaprāptāya svāhā || niveśanamantraḥ ||

cala 2 sañcala 2 vicala 2 eṭaṭa 2 bhara 2 bhiri 2 bhuru 2 tara 2 tiri 2 turu 2 ehy ehi mahākāruṇika svāhā || ākarṣaṇamantraḥ ||

mahāpaśupativeśadhara | dhara 2 dhiri 2 dhuru 2 tara 2 sara 2 cara 2 para 2 vara 2 mara 2 lara 2 hara 2 hāhā | hīhī | hūhū | oṃkāra brahmaveśadhara | dhara 2 dhiri 2 dhuru 2 tara 2 sara 2 cara 2 para 2 vara 2 hara 2 raśmiśatasahasrapratimaṇḍitaśarīra | jvala 2 tapa 2 bhāsa 2 bhrama 2 bhagavan somāditya | yamavaruṇa | kuberabrahmendra | vāyvagni | dhanada | ṛṣidevagaṇābhyarccitacaraṇa svāhā || arghāsanasnānamantrādyalaṃkāragandhapuṣpadhūpacchatradhvajapatākābalidīpamantraḥ ||

suru 2 curu 2 muru 2 ghuru 2 sanatkumāra | rudravāsava |viṣṇu | dhanada | vāyvagni | ṛṣināyaka | vināyaka | bahuvividhaveśadhara svāhā || devatālakṣaṇamantraḥ ||

dhara 2 dhiri 2 dhuru 2 tara 2 thara 2 ghara 2 para 2 lara 2 hara 2 yara 2 mara 2 vara 2 varadāyaka svāhā || sādhakasya Meisezahl1962, p. 323 niveśanamantraḥ ||

samantāvalokitavilokitalokeśvaratribhuvaneśvarasarvaguṇasamalaṃkṛta | avalokiteśvara | muhu 2 muru 2 muya 2 muñca 2 rakṣa 2 māṃ sarvasatvāṃś ca sarvabhayebhyaḥ sarvopadravebhyaḥ sarvopasarggebhyaḥ sarvagrahebhyaḥ sarvavyādhibhyaḥ sarvajvarebhyaḥ | evaṃ vadhabandhanatāḍanatarjjanarājataskarāgnyudakaviṣaśastraparimocaka svāhā ||

kaṇa 2 kiṇi 2 kuṇu 2 cara 2 ciri 2 curu 2 indriyabalabodhyaṅgacaturāryasatyasaṃprakāśaka | tama 2 dama 2 sama 2 masa 2 rama 2 dhama 2 mahākāruṇika | mahātamondhakāravidhamana | ṣaṭpāramitāparipūraka | mala 2 mili 2 mulu 2 ṭaṭa ṭaṭa 4 ṭhaṭha ṭhaṭha 4 ṭiṭi ṭiṭi 4 ṭuṭu ṭuṭu 4 ṭhiṭhi ṭhiṭhi 4 ṭhuṭhu ṭhuṭhu 4 eṇeyacarmmakṛtaparikara | ehy ehi mahākāruṇika īśvaramaheśvaramahābhūtagaṇasaṃbhañjaka | kara 2 kiri 2 kuru 2 para 2 hara 2 vara 2 sara 2 kaṭa 2 kiṭi 2 kuṭu 2 maṭa 2 mahāviśuddhaviṣayanivāsin | mahākāruṇika svāhā || saptaparivāramantraḥ ||

śvetayajñopavītaratnamakuṭamālādhara | sarvajñaśirasi kṛtajaṭāmakuṭamahādbhutakamalālaṅkṛtakaratala | dhyānasamādhivimokṣāprakampya Meisezahl1962, p. 324 bahusatvasantatiparipācakamahākāruṇika | sarvakarmmāvaraṇaviśodhaka | sarvajñajñānaparipūraka | sarvavyādhiparimocaka | sarvasatvāśāparipūraka | sarvasatvasamāśvāsanakara namo 'stu te svāhā ||

amoghāya svāhā || amoghapāśāya svāhā || ajitāya svāhā || aparājitāya svāhā || amitābhāya svāhā || amitābhasutāya svāhā || mārasainyapramardanāya svāhā || abhayāya svāhā || abhayapradānāya svāhā || jayāya svāhā || vijayāya svāhā || jayavijayāya svāhā || varadāya svāhā || varapradāya svāhā || akālamṛtyupraśamanāya svāhā || idañ ca me karmma kuru namo 'stu te svāhā ||

oṃ raṇa 2 hūṃ phaṭ svāhā ||

oṃ jaya hūṃ phaṭ svāhā ||

oṃ yuji hūṃ phaṭ svāhā ||

oṃ hūṃ jaya svāhā ||

oṃ hrīḥ trailokyavijayāmoghapāśāpratihata hrīḥ haḥ hūṃ phaṭ svāhā ||

oṃ vasumati hūṃ svāhā ||

oṃ ārolika svāhā ||

oṃ bahule 2 svāhā ||

oṃ ārolika hrīḥ jrīḥ hūṃ phaṭ svāhā || niyatāniyatavedanīyāśubhasya me bhagavan karmmaṇo 'śeṣataḥ kṣayaṃ kuru svāhā ||

oṃ padmahastāya svāhā ||

oṃ buddhadharmmasaṃghāya svāhā || ||

paṭhitasiddhasyāsya mantrasya karmmāṇi bhavanti | triṣkālajāpena pañcānantaryāni viśodhayati | sarvakarmmāvaraṇaviśuddhiñ Meisezahl1962, p. 325 ca karoti | agurudhūpena sīmābandhaḥ bhasmodakena sarṣapeṇa khadirakilakādyaiḥ sarvajvareṣu sūtrakaṃ bandhayitavyaṃ | sarvavyādhiṣu ghṛtaṃ tailam udakaṃ vā parijapya dātavyaṃ | kākhordacchedanaṃ śastreṇa | rakṣā sūtreṇa | udaraśūlena lavanodakaṃ | viṣanāśanaṃ mṛttikayā udakena vā | cakṣuroge śvetasūtrakaṃ karṇṇe bandhayitavyaṃ | dantaśūle karavīradantakāṣṭhaṃ | sīmābandhe pañcaraṅgikasūtram ekaviṃśativārān parijapya | catuḥṣu khadirakīlakeṣu baddhvā caturddiśaṃ nikhātavyaṃ | sīmābandho bhavati | sarvarakṣā sūtrakena udakena | bhasmakena vā | sarvagraheṣu pañcaraṅgikasūtrakaṃ | sarvajvareṣu śvetasūtrakaṃ | sarppakīṭalūtalohaliṅgagalagraheṣu madhupippalīyutaṃ | cakṣurogeṣu gandhodakaṃ palāśodakaṃ vā madhuyaṣṭyudakam vā | sarvakalikalahavivādābhyākhyāneṣu | udakaṃ parijapya mukham prakṣālayitavyaṃ | paraviṣayarājyarāṣṭropadravarakṣāsu Meisezahl1962, p. 326 pūrṇṇakalaśaṃ sthāpayitvā śucinā śucivastraprāvṛtena mahatīṃ pūjāṃ kṛtvā vācayitavyaṃ mahāśāntir bhavati || tena codakena sektavyaṃ | sarvasatvānāṃ rakṣā kṛtā bhavati | sarvetyupadravopasarggāḥ praśāmyanti | mudrikayā candanatilakaṃ hṛdaye | ekaviṃśativārān parijapya karttavyaṃ | sarvānantaryāṇi karmāṇi kṣayati | satatajāpena gṛhe rakṣā | padmahomena sarvvasatvarakṣā | candanahomena sarvagrahabhūtarakṣā | jayā vijayā | nākulī gandhanākūlī | vāruṇī | abhayapāṇi | indrapāṇi | gandhapriyaṅgu | tagara cakrā | mahācakrā | viṣṇukrāntā | somarājī | sucandanā ceti || eṣāṃ yathāsambhavataḥ | aṣṭottaraśatavārān parijapya maṇiṃ kṛtvā śirasi bāhau vā dhārayitavyaṃ | bālānāṃ gale | nārīṇāṃ vilagne | svayam paramasaubhāgyakaraṇaṃ | alakṣmīpraśamanaṃ putradañ ca || etena maṇinā bandhena sarvarakṣā kṛtā bhavati | viṣāgnir nnākramati | viṣakṛtaṃ notpadyate | utpannā api na pīḍāñ janayiṣyanti | śīghraṃ praśamayiṣyanti | grahāḥ praśamayiṣyanti | vātameghāśanistambhanam vāriṇā | karavīralatayā Meisezahl1962, p. 327 sarvakarmmakaraṃ | āryāvalokiteśvarahṛdayaṃ paramasiddhasamādhitam evaitāni karmmāṇi kurute ||

atha sādhayitum icched vidhiḥ paṭe 'śleṣakair varṇṇakair buddhapratimām ālekhya | āryāvalokiteśvaro jaṭāmakuṭadhārī | eṇeyacarmmakṛtavāsāḥ | paśupativeśadharaḥ | sarvālaṃkāravibhūṣitaṃ kṛtvā | poṣadhikena citrakareṇa citrāpayitavyaḥ || tataḥ sādhakena tasyāgrato 'patitagomayena maṇḍalakaṃ kṛtvā śvetapuṣpāvakīrṇṇaṃ | aṣṭau gandhodakapūrṇṇakumbhāḥ sthāpayitavyāḥ | aṣṭāv upahārāś catuḥṣaṣṭirūpakaraṇāni | balirmānsarudhiravarjjitaḥ | agurudhūpaṃ dahatā vidyā aṣṭasahasraṃ japtavyā | ahorātroṣitena trirātroṣitena vā triḥśuklabhojinā śucinā triṣkālasnāyinā śucivastraprāvṛtena jāpo dātavyaḥ | tataḥ pratimāyā agrataḥ | ātmānaṃ jvalitaṃ paśyati | tad dṛṣṭvā ca hṛṣyati svayam āryāvalokiteśvara āgacchati | sarvāśā paripūrayati | manaḥśilāñjanam vā parijapyākṣīṇy añjayitvā antarhito bhavati | ākāśena krāmati | asaṃmohajñānavyūhaṃ nāma samādhiṃ pratilabhate | yad icchati tat karoty eva sādhaka iti || ||

Meisezahl1962, p. 328idam avocad bhagavān āttamanā āryāvalokiteśvaro bodhisatvo mahāsatvas te ca bhikṣavas te ca bodhisatvas te ca śuddhāvāsakāyikadevaputrāḥ sadevamānuṣāsuragandharvaś ca loko bhagavato bhāṣitam abhyanandann iti || ||

āryāmoghapāśanāmahṛdayaṃ mahāyānasūtraṃ samāptaṃ || |

Rechtsinhaber*in: GRETIL project

Zitationsvorschlag für dieses Objekt: TextGrid Repository (2025). Darśana Collection. Amoghapāśanāmahṛdayaṃ mahāyānasūtram. Amoghapāśanāmahṛdayaṃ mahāyānasūtram. GRETIL. GRETIL project. https://hdl.handle.net/21.11113/0000-0016-CFB3-5