Mṛtyuvañcanopadeśatārāsādhana
Header
Data entry: Johannes Schneider
Contribution: Johannes Schneider
Date of this version: 2020-07-31
- Johannes Schneider: Vāgīśvarakīrtis Mṛtyuvañcanopadeśa, eine buddhistische Lehrschrift zur Abwehr des Todes. Wien : Verlag der Österreichischen Akademie der Wissenschaften 2010. (Beiträge zur Kultur- und Geistesgeschichte Asiens ; 66) (Denkschriften der philosophisch-historischen Klasse ; 394) ISBN 978-3-7001-6722-8, p. 235.
Publisher: Göttingen Register of Electronic Texts in Indian Languages (GRETIL), SUB Göttingen
Licence:
Distributed under a Creative Commons Attribution-NonCommercial-ShareAlike 4.0 International License.
Interpretive markup: none
Notes:
Due to the heterogeneity of the sources the header markup might be suboptimal. For the sake of transparency the header of the legacy file is documented below.
Mrtyuvancanopadesatarasadhana (Mvupts) / SM 112
Based on the ed. by Johannes Schneider: Vāgīśvarakīrtis Mṛtyuvañcanopadeśa, eine buddhistische Lehrschrift zur Abwehr des Todes.
Wien : Verlag der Österreichischen Akademie der Wissenschaften 2010.
(Beiträge zur Kultur- und Geistesgeschichte Asiens ; 66) (Denkschriften der philosophisch-historischen Klasse ; 394)
ISBN 978-3-7001-6722-8
p. 235
Input by Johannes Schneider
Revisions:
- 2020-07-31: TEI encoding by mass conversion of GRETIL's Sanskrit corpus
- 2025-05-08: Added BK, GND and ISO code for language.
Text
Mṛtyuvañcanopadeśatārāsādhana
utthāya pūrvasaṃdhyāyāṃ bhūpradeśe manohare /
mṛdvāsanopaviṣṭaḥ san svahṛdi candramaṇḍale // Mvupts_1 //
pañcamasya prathamaṃ tu dvitīyasvarayojitam /
ardhendubindusaṃyuktaṃ sitaraśmivibhūṣitam // Mvupts_2 //
tasya śuklamayūkhais tu tārām ākṛṣya vyomani /
dvibhujāṃ sitadehāṃ tu varadotpaladhāriṇīm // Mvupts_3 //
pañcopacārapūjābhiḥ pūjayitvā tu bhaktitaḥ /
pāpānāṃ deśanāṃ paścāt tataḥ puṇyānumodanam // Mvupts_4 //
tatpariṇāmanāṃ caiva triśaraṇagamanaṃ tathā /
oṃ śūnyatājñānavajrasvabhāvātmako 'ham iti paṭhet // Mvupts_5 //
iti svaparaśūnyaṃ vai dhyātvā yogī vidhānavit /
sitāravindamadhyasthacandrabimbāsanopari // Mvupts_6 //
pūrvoktabījaniṣpannāṃ tārādevīṃ manoramām /
ābaddhavajraparyaṅkāṃ varadotpaladhāriṇīm // Mvupts_7 //
śaraccandrakarākārāṃ pṛṣṭhacandrasamāśritām /
sarvālaṅkārasampūrṇāṃ ṣoḍaśābdavapuṣmatīm // Mvupts_8 //
sarvasaṃbuddhatatputramātaraṃ kāmarūpadhām /
dhyātvāryatārāṃ hṛdaye tasyāś cakraṃ sitadyuti // Mvupts_9 //
aṣṭakoṣṭhakam aṣṭābhir akṣaraiḥ paripūritam /
oṃhāvyañjanamadhyasthasādhyanāmādyanābhikam // Mvupts_10 //
dhyāyād ekāgracittaḥ san ṣaṇ māsān dṛḍhaniścayaḥ /
japed akhinnacittaḥ san mantram enaṃ daśākṣaram // Mvupts_11 //
oṅkāram ādito dattvā paścāt tāre prayojayet /
tuttāre syāt ture paścāt svāhāntaṃ sārvakarmikaḥ // Mvupts_12 //
brahmendraviṣṇucandrārkarudradikpālamanmathaiḥ /
apy akhaṇḍitaromāgro mṛtyuṃ jayati muktavat // Mvupts_13 //
valīpalitadaurbhāgyavyādhidāridryasaṃkṣayaḥ /
siṃhādyaṣṭamahābhītiduḥkhasaṃdohanāśanam // Mvupts_14 //
ayācitānnapānādiharmyavastrādisaṃgamaḥ /
khaḍgāñjanapādalepabhadrakumbhādisiddhayaḥ // Mvupts_15 //
kavitā vaktṛtā medhā prajñā caikāntanirmalā /
anyā ca vāñchitā siddhiś cakrād asmāt prajāyate // Mvupts_16 //
// mṛtyuvañcanopadeśatārāsādhanaṃ samāptam //
- Rechtsinhaber*in
- GRETIL project
- Zitationsvorschlag für dieses Objekt
- TextGrid Repository (2025). Darśana Collection. Mṛtyuvañcanopadeśatārāsādhana. Mṛtyuvañcanopadeśatārāsādhana. GRETIL. GRETIL project. https://hdl.handle.net/21.11113/0000-0016-CDA6-6