ܐܝܬ ܗܘܐ ܗܟܝܠ ܒܝܘ̈ܡܝ ܣܢܚܪܝܒ ܘܣܪܚܕܘܡ ܡܠܟ̈ܐ ܕܐܬܘܪ ܘܢܝܢܘܐ ܓܒܪܐ ܚܕ ܕܫܡܗ ܐܚܝܩܪ ܝܗܘܕܝܐ ܚܰܟܝܡܐ܂ ܘܟܬܘܒܐ ܘܣܦܪܐ ܘܡܘܗܦܛܐ ܕܡܠ̈ܟܐ ܥܗܝ̈ܕܐ܂ ܘܒܐܡܝܢܘ ܩܐܿܡ ܒܬܫܡܫܬܐ ܕܝܠܗܘܢ ܕܠܐ ܟܠ ܙܠܡܐ܂ ܟܕ ܡܝܬ ܣܢܚܪܝܒ ܡܠܟܐ ܕܐܬܘܪ [ܒܫܢܬ ܫܬܡܐܐ ܘܬܫܥ ܘܫܒܥܝܢ ܩܕܡ ܡܫܝܚܐ] ܛܒ ܣܓܝ ܐܢܐ ܐܚܝܩܪ ܐܬܥܠܡܬ܂ ܐܦ ܠܣܪܚܕܘܡ ܒܪ ܡܠܟܐ ܣܢܚܪܝܒ ܫܡܫܬ܂ ܗܝܕܝܢ ܐܡܪܘ ܠܝ ܚܪ̈ܫܐ ܥܡ ܐܣܛܪ̈ܘܢܘܡܘ ܟܠܗܘܢ܂ ܕܚܕ Note: (p. 2) ܒܪܐ ܢܬܝܠܕ ܠܟ ܘܗܘ ܢܐܪܬ ܩܢܝܢܟ ܟܠܗ܂ ܟܕ ܕܝܢ ܗܕܐ ܐܡܪܘ ܠܝ ܐܙܕܘܓܬ ܒܢܫ̈ܐ ܫܬܝܢ܂ ܘܒܢܝܬ ܠܗܝܢ ܒܝܪ̈ܬܐ ܫܬܝܢ ܕܪ̈ܘܪܒܢ ܘܫܦܝܪ̈ܢ ܛܒ܂ ܘܟܕ ܦܫܬ ܒܪ ܫܬܝܢ [ܫܢ̈ܝܢ] ܠܐ ܗܘܐ ܠܝ ܒܪܐ܂ ܗܝܕܝܢ ܗܟܝܠ ܐܢܐ ܐܚܝܩܪ ܐܙܠܬ ܘܩܪܒܬ ܕܒܚ̈ܐ ܠܐܠܗ̈ܐ ܘܐܥܛܪܬ ܠܗܘܢ ܗܪ̈ܘܡܐ ܘܒܣ̈ܡܐ܂ ܘܐܡܪܬ ܠܗܘܢ܂ ܐܝܢ ܐܠܗ̈ܐ܂ ܗܒܘ ܒܪܐ ܠܥܒܕܟܘܢ ܕܢܚܕܐ ܒܗ܂ ܘܟܕ ܐܡܘܬ ܢܐܪܬܢܝ܂ ܡܛܠ ܕܣܓܝ ܗܘ ܩܢܝܢܝ ܕܩܢܬ܂ ܦܬܟܪ̈ܐ ܕܝܢ ܠܐ ܥܢܐܘܗܝ ܒܡܕܡ ܟܠܢܐܝܬ܂ ܘܗܦܟ ܟܕ ܒܗܝܬ ܘܚܫܝܫ ܡܢ ܒܝܬ ܦܬܟܪ̈ܐ ܠܒܝܬܗ܂ ܘܫܪܝ ܡܬܟܫܦ ܘܡܨܠܐ ܒܠܒܐ ܟܝܒܐ ܩܕܡ ܡܪܝܐ ܘܐܡܿܪܿ܂ ܐܘ ܐܠܗܐ ܕܫܡܝܐ ܘܕܐܪܥܐ܂ ܐܘ ܒܪܘܝܐ ܕܒܪ̈ܝܬܐ܂ ܚܘܪ ܘܚܙܝ ܕܡ̈ܥܝ ܘܩܒܠ ܒܥܘܬܝ ܘܗܒ ܠܝ ܒܪܐ ܐܝܟܢܐ Note: (p. 3) ܕܐܬܒܝܐ ܒܗ ܘܢܐܪܬܢܝ ܘܢܬܛܝܒ ܒܡܘܬܝ ܘܢܥܡܨ ܠܝ ܥܝ̈ܢܝ܂ [ܘܢܩܒܪܢܝ܂]

ܗܝܕܝܢ ܐܬܐ ܠܗ ܩܠܐ ܕܐܡܪ܂ ܒܗܿܝ ܕܛܥܝܬ ܘܐܬܬܟܠܬ ܥܠ ܐܠܗ̈ܐ ܘܣܡܬ ܠܗܘܢ ܒܣ̈ܡܐ ܘܥܠܝ ܠܐ ܐܬܥܡܠܬ܂ ܥܠ ܗܕܐ ܕܠܐ ܒ̈ܢܝܢ ܫܒܩܬܟ܂ ܣܦܩ ܠܟ ܠܐ ܬܬܛܪܦ܂ ܐܠܐ ܗܐ ܢܕܢ ܒܪ ܚܬܟ ܗܘ ܢܗܘܐ ܠܟ ܒܪܐ܂ ܕܥܡ ܬܪܒܝܬܐ ܕܩܘܡܬܗ ܡܫܟܚ ܐܢܬ ܠܡܠܦܘܬܗ ܟܠ ܡܕܡ܂ ܘܟܕ ܗܠܝܢ ܫܡܥܬ ܬܘܒ ܟܪܝܬ ܠܝ܂ ܘܐܡܪܬ܂ ܐܘܢ ܡܪܝܐ ܐܠܗܐ ܚܝܠܬܢܐ܂ ܐܢ ܬܬܠ ܠܝ ܒܪܐ ܠܢܕܢ ܒܪ ܚܬܝ ܟܕ ܢܪܡܐ ܥܦܪܐ ܥܠܝ ܒܬܪ ܡܘܬܝ ܘܢܥܡܨ ܠܝ ܥܝܵܢܝ܂ ܢܐܪܬܢܝ ܐܘ ܠܐ܂ ܘܡܕܡ ܡܢ ܗܠܝܢ ܦܬܓܡ̈ܐ ܠܐ ܦܢܝ ܠܝ܂ ܗܝܕܝܢ ܢܣܒܬ ܠܝ ܠܢܕܢ ܒܪ ܚܬܝ ܘܗܘܐ ܠܝ ܒܪܐ܂ ܐܝܢܐ ܕܡܼܢ ܬܪܒܝܬܗ ܟܠܡܕܡ ܕܐܠܦܝܘܗܝ ܢܩܒܠ܂ ܡܛܠ ܕܛܠܐ ܗܼܘܐ Note: (p. 4) ܐܫܠܡܬܗ ܒܐܝ̈ܕܝ ܡܝܢ̈ܩܬܐ ܕܢܪܒܝܢܝܗܝ܂ ܘܒܕܒܫܐ ܘܚܐܘܬܐ ܐܬܬܪܣܝ܂ ܘܠܒܘ̈ܫܝ ܒܘܨܐ ܘܐܪ̈ܓܘܢܐ ܐܬܟܣܝ܂ ܘܥܠ ܡܝ̈ܠܬܐ ܕܟܠ ܓܢܣ ܐܬܪܒܝ܂ ܘܪܒܐ ܒܪܝ ܢܕܢ [ܘܫܪܝܬ] ܠܡܠܦܘܬܗ ܣܦܪܐ ܕܚܟܡܬܐ ܕܠܐ ܫܠܘܐ܂ ܫܘܐܠܐ ܕܡܠܟܐ ܣܪܚܕܘܡ܂ ܘܟܕ ܐܬܐ ܡܠܟܐ ܡܢ ܐܝܟܐ ܕܐܙܼܠ ܗܘܐ܂ ܐܡܪ ܠܝ ܐܘ ܐܚܝܩܪ ܣܦܪܐ ܘܚܟܝܡܐ ܘܒܥܠ ܬܪܥܝܬܐ ܕܝܠܝ܂ ܟܕ ܬܣܐܒ ܘܬܡܘܬ ܡܿܢ ܢܰܠܦܢܝ ܚܟܡܬܐ܂ ܦܘܢܝܗ ܕܐܚܝܩܪ ܠܡܠܟܐ܂ ܗܝܕܝܢ ܥܢܝܬ ܘܐܡܪܬ ܠܡܠܟܐ܂ ܡܪܝ ܡܠܟܐ ܐܝܬ ܠܝ ܒܪܐ ܕܐܟܘܬܝ ܚܰܟܝܡ܂ ܘܣܦܪܐ ܕܝܠܝ ܗܘ ܝܳܕܥ܂ ܗܝܕܝܢ ܐܡܪ ܠܝ ܡܠܟܐ܂ ܐَܝܬܳܝܗܝ ܠܝ ܕܐܚܙܝܘܗܝ܂ ܘܐܢ ܡܫܟܚ ܕܢܩܘܡ ܩܕܡܝ܂ ܗܘ

ܢܩܘܡ ܠܘܬܝ ܘܠܟ ܐܫܪܐ ܒܫܠܡܐ ܐܝܟܢܐ Note: (p. 5) ܕܬܕܒܪ ܣܝܒܘܬܟ ܟܠܗܘܢ ܝܘ̈ܡܬܐ ܕܚܝ̈ܝܟ ܒܫܠܡܐ܂ ܟܶܢ ܐܝܬܝܬܗ ܠܢܕܢ ܒܪܝ ܠܘܬ ܡܠܟܐ ܣܪܚܕܘܡ ܘܩܪܒܬܗ ܩܕܡܘܗܝ܂ ܘܟܕ ܚܙܝܗܝ ܡܠܟܐ ܚܕܝ ܒܗ܂ ܘܐܡܪ ܝܘܡܢܐ ܩܡܬ ܠܐܚܝܩܪ ܩܪܢܐ ܕܦܘܪܩܢܐ ܘܐܬܒܝܐ ܒܼܛܠܝܐ ܗܢܐ܂ ܡܪܝܐ ܢܢܛܪܟ ܒܪܝ܂ ܐܟܡܐ ܕܪܗܛ ܐܚܝܩܪ ܩܕܡܝ ܘܩܕܡ ܣܢܚܪܝܒ ܐܒܝ ܘܐܬܦܪܥ܂ ܒܗ ܒܙܢܐ ܢܕܢ ܒܪܗ ܩܕܡܝ܂ ܐܚܝܩܪ ܕܝܢ ܗܫܐ ܢܦܘܫ [ܒܚܝܘ̈ܗܝ] ܠܢܝܚܐ ܒܒܝܬܗ܂ ܘܗܝܕܝܢ ܐܢܐ ܣܓܕܬ ܠܡܠܟܐ ܘܐܡܪܬ܂ ܡܪܝ ܡܠܟܐ ܐܝܟܢܐ ܕܝܿܕܥ ܐܢܬ ܕܪܗܛܬ ܩܕܡܝܟ ܘܩܕܡ ܐܒܘܟ ܐܦ ܐܢܬ ܐܓܪ ܪܘܚܟ ܥܠ ܛܠܝܘܬܗ ܕܒܪܝ܂ ܕܥܦܝܦܐܝܬ ܬܫܬܟܚ ܛܝܒܘܬܟ ܠܘܬܝ ܐܘ ܡܪܝ ܡܠܟܐ܂ ܗܝܕܝܢ ܡܠܟܐ ܣܪܚܕܘܡ ܥܠ ܗܕܐ ܝܗܒ ܠܗ ܝܡܝܢܐ܂ ܘܝܡܐ ܠܐܚܝܩܪ܂ ܡܛܠ ܢܕܢ ܒܪܗ܂ ܕܢܗܘܐ ܠܘܬܗ ܒܐܝܩܪܐ Note: (p. 6) ܐܟܘܬܗ ܘܕܢܦܪܥܝܘܗܝ ܒܛܒ̈ܬܐ ܐܡܝܢܐܝܬ܂ ܟܢ ܐܢܐ ܐܚܝܩܪ ܢܫܩܬ ܦܰܣܰܬ ܪ̈ܓܠܝ ܡܠܟܐ܂ ܘܫܩܠܬ ܠܢܕܢ ܒܪܝ ܘܗܦܟܬ ܠܒܝܬܐ܂ ܟܕ ܠܐ ܫܠܝܬ ܡܢ ܝܘܠܦܢܐ ܕܡܰܠܦ ܗܘܝܬ ܠܗ ܠܒܪܝ [ܥܕܡܐ ] ܕܣܒܥܬܗ ܠܢܕܢ ܝܘܠܦܢܐ ܐܝܟ ܠܰܚܡܐ ܘܡ̈ܝܐ܂ ܘܗܟܢܐ ܐܡܿܪ ܗ̇ܘܝܬ ܠܗ ܡ̈ܠܝ ܚܟܡܬܐ ܡܰܬ̈ܠܐ ܕܐܠܦ ܐܚܝܩܪ܂

‘ܒܪܝ ܢܕܢ ܒܟܠ ܕܡܪܓܫ ܐܢܬ ܠܐ ܬܐܡܪ ܘܟܠ ܕܚܿܙܐ ܐܢܬ ܠܐ ܬܓܠܐ܂’ ‘ܒܪܝ ܐܣܪܐ ܕܚܬܝܡ ܠܐ ܬܫܪܐ ܘܐܦ ܕܫܪܐ ܠܐ ܬܚܬܘܡ܀’ ‘ܒܪܝ ܡ̈ܠܐ ܕܠܐ ܕܝܠܟ ܣܦܘ̈ܬܟ ܠܐ ܢܒ̈ܥܢ܀’ ‘ܐܢ ܬܬܪܝܡ ܘܬܚܙܐ ܐܢܬܬܐ ܕܰܡܫܝܚܐ ܠܐ ܬܪܓܝܗ̇܂ ܡܛܠ ܕܐܢ ܬܼܬܠ Note: (p. 7) ܠܗ̇ ܟܠܡܕܡ ܕܩܢܐ ܐܢܬ܂ ܡܕܡ ܕܝܘܬܪܢ ܠܐ ܬܫܟܚ ܒܗܿ܂ ܘܬܚܛܐ ܠܐܠܗܟ ܚܛܝܬܐ ܪܒܬܐ܀’ ‘ܒܪܝ ܠܐ ܬܗܘܐ ܡܣܰܪܗܒ ܒܠܫܢܟ ܐܝܟ ܠܘܙܐ ܕܠܘܩܕܡ ܡܚܘܝܐ ܘܠܚܪܬܐ ܐܒܗܿ ܡܬܐܟܠ܇ ܒܪܝ ܗܘܝ ܪܡܝܣܐ ܐܝܟ ܐܝܠܢ ܬܘܬܐ ܕܚܰܪܬܐ ܡܚܘܝܐ܂ ܘܒܩܕܡܐ ܐܒܗ̇ ܡܬܐܟܠ܀’ ‘ܒܪܝ ܐܰܪܟܢ ܥܝ̈ܢܝܟ ܘܐܡܟ ܩܠܟ ܘܚܘܪ ܠܬܚܬ ܘܗܘܝ ܠܟ ܡܛܟܣܐ ܘܠܐ ܙܠܝܠܐ܂ ܡܛܠ ܕܐܠܘ ܒܩܠܐ ܪܡܐ ܡܬܒܢܐ ܗܘܐ ܒܝܬܐ ܚܡܪܐ ܬܪܬܝܢ [ܒܬܝ̈ܢ] ܒܝܘܡܐ ܒܿܢܐ ܗܘܐ܂ ܘܐܠܘ ܒܚܝܠܐ ܬܰܩܝܦܐ ܡܬܕܒܪܐ ܗܘܬ ܦܰܕܢܐ ܢܝܪܐ ܕܦܰܕܢܐ ܡܼܢ [ܩܕܠܗ] ܕܓܡܠܐ ܠܐ ܡܬܓܰܪܕܐ ܗܘܐ܀’ ‘ܒܪܝ ܛܒ ܠܡܬܗܦܟܘ ܥܰܡ ܓܒܪܐ ܚܰܟܝܡܐ܂ ܘܠܐ ܥܡ ܓܒܪܐ ܣܟܠܐ܀’ ‘ܒܪܝ ܥܪܘܩ ܡܢ ܐܰܢܬܬܐ ܢܰܨܝܬܐ Note: (p. 8) ܘܦܰܟܳܢܝܬܐ܀’ ‘ܒܪܝ ܒܬܪ ܫܘܦܪܐ ܕܐܢܬܬܐ ܠܐ ܬܐܙܠ ܘܠܐ ܬܪܓܝܗܿ’

‘ܒܠܒܟ܂ ܡܛܠ ܕܫܘܦܪܗܿ ܕܐܢܬܬܐ ܛܥܡܗ̇ ܘܡܠܬܗܿ ܘܗܕܪܗܿ ܐܝܬܘܗܝ܀’ ‘ܒܪܝ ܐܢ ܐܪܥܟ ܐܢܫ ܒܒܝܫܘ ܐܪܘܥ ܐܢܬ ܠܗ ܒܚܟܡܬܟ܀’ ‘ܒܪܝ ܠܐ ܬܩܢܐ ܬܘܪܐ ܡܰܪܒܥܳܐ܂ ܘܚܡܪܐ ܦܰܪܣܢܐ܀ ܘܥܒܕܐ ܥܪܘܩܐ ܘܐܡܬܐ ܓܰܢܒܬܐ܂ ܕܠܐ ܟܠ ܕܐܝܬ ܠܟ܂ ܡܘܒܕܝܢ ܠܗ ܡܢܟ܀’ ‘ܒܪܝ ܡ̈ܠܐ ܕܐܢܫܐ ܕܓܠܐ ܐܝܟ ܨܦܖ̈ܐ ܕܫܡ̈ܝܢܢ܂ ܘܡܿܢ ܕܐܝܬ ܠܗ ܠܒܐ ܐܟܿܠ Note: (p. 9) ܠܗܝܢ܀’ ‘ܒܪܝ ܠܐ ܬܐܙܠ ܒܐܘܪܚܐ ܕܠܐ ܙܝܢܐ܂ ܡܛܠ ܕܠܐ ܝܿܕܥ ܐܢܬ ܐܝܠܝܢ ܒܥܠ̈ܕܒܒܐ ܐܳܪܥܝܢ ܠܟ܀’

‘ܒܪܝ ܫܕܪ [ܓܒܪ̈ܐ] ܚܟܝ̈ܡܐ ܘܠܐ ܬܣܓܐ ܠܰܡܦܩܕܘܬܗܘܢ܂ ܘܐܢ ܣܟ̈ܠܐ ܡܫܕܪ ܐܢܬ܂ ܐܢܬ ܒܢܦܫܟ ܙܠ ܘܠܗܘܢ ܠܐ ܬܫܰܕܰܪ܀’ ‘ܒܪܝ ܢܰܣܐ ܚܒܪܟ ܒܠܚܡܐ ܘܡ̈ܝܐ܂ ܘܗܝܕܝܢ ܐܫܠܡ ܒܐܝܕܘ̈ܗܝ ܢܟܣ̈ܝܟ ܘܩܢܝ̈ܢܝܟ܀’ ‘ܒܪܝ ܡܿܢ ܕܐܝܕܗ ܡܰܠܝܐ ܡܬܩܪܐ ܚܟܝܡܐ܂ ܘܡܿܢ Note: (p. 10) ܕܐܝܕܗ ܣܦܝܩܐ ܡܬܩܪܐ ܣܟܠܐ܀’ ‘ܒܪܝ ܐܟܠܬ ܕܡܪ̈ܝܪܢ ܘܒܠܥܬ ܕܥܠ̈ܘܩܝܢ܂ ܘܠܐ ܐܫܟܚܬ ܕܡܪ̈ܝܪܢ ܡܢ ܡܣܟܢܘܬܐ܀’ ‘ܒܪܝ ܛܥܢܬ ܐܒܪܐ ܘܐܰܗܦܟܬ ܦܪܙܠܐ ܘܠܐ ܐܝܩܪ ܥܠܝ ܐܝܟ ܚܘܒܬܐ܀’ ‘ܒܪܝ ܐܠܦ ܒܪܟ ܟܰܦܢܐ ܘܨܗܝܐ܂ ܕܐܝܟܢܐ ܕܚܙܝܐ ܥܝܢܗ ܢܕܒܪ ܒܝܬܗ܀’ ‘ܒܪܝ [ܛܒ ܥܘܝܪ ܥܝ̈ܢܐ ܡܼܢ ܥܘܝܪ ܠܒܐ܆] ܥܘܝܪ ܥܝܢܗ ܒܥܓܠ ܝܠܦ ܐܘܪܚܐ ܘܐܙܠ ܒܗܿ ܘܐܬܐ܆ [ܛܒ] ܡܼܢ ܥܘܝܪ ܠܒܐ [ܕܫܒܩ] ܐܘܪܚܐ ܬܪܝܨܬܐ܀’

ܒܪܝ ‘ܒܪܝ ܐܢ ܬܫܡܰܥ ܡܠܬܐ ܡ̣ܢ ܐܢܫ ܐܥܠܝܗܿ ܒܐܪܥܐ ܐܡ̈ܝܢ [ܐܪܒܥ܂] ܘܐܟܡܐ ܕܬܕܪܘܟ ܥܠܝܗܿ ܬܘܒܕܝܗܿ܀’ ‘ܒܪܝ ܒܝܢܬ ܐܝܠܝܢ ܕܢܳܨܝܢ ܠܐ ܬܩܘܡ܂ ܡܛܠ ܕܡ̣ܢ ܡܰܨܘܬܐ ܗܿܘܐ ܕܝܢܐ ܘܡܢ ܕܝܢܐ ܗ̇ܘܐ ܡܘܬܐ܀’ ‘ܒܪܝ ܛܰܪ Note: (p. 12) ܠܫܢܟ ܡܢ ܕܓܠܘܬܐ܂ ܘܐܝܕܟ ܡܢ ܓܢܒܘܬܐ܂ ܘܬܬܩܪܐ ܚܟܝܡܐ܀’ ‘ܒܪܝ ܠܐ ܬܗܘܐ ܒܡܟܘܪܝܐ ܕܐܢܫ܆ ܐܢ ܢܶܒܐܫ ܠܟ ܢܠܘܛܘܢܟ [ܘܐܢ] ܬܛܐܒ ܠܗܘܢ [ܠܐ ] [ܬܒܪܟܟ܀]’

‘ܒܪܝ ܕܗܕܝܪ ܒܠܒܘܫܗ ܗܕܝܪ ܒܡܠܬܗ܂ ܘܕܫܝܛ ܒܠܒܘܫܗ ܫܝܛ ܐܦ ܒܡܠܬܗ܀’ ‘ܒܪܝ ܐܢ ܬܫܟܚ ܡܕܡ ܩܕܡ ܨܠܡܐ ܡܢܬܗ ܗܒ ܠܗ܀’ ‘ܒܪܝ ܬܬܠ ܠܟ ܐܝܕܐ ܕܣܒܥܬ ܗܘܬ ܘܟܦܢܬ܂ ܘܠܐ ܬܬܠ ܠܟ ܐܝܕܐ ܕܟܦܢܬ ܗܘܬ ܘܣܒܥܬ܀’ ‘ܒܪܝ ܟܠܒܐ ܕܫܒܿܩ ܡܪ̈ܘܗܝ ܘܐܬܐ ܒܬܪܟ ܒܟ̈ܐܦܐ ܪܓܘܡܝܗܝ܆ ܡܛܠ ܕܠܘܬܟ ܠܐ ܥܿܡܪ܀’ ‘ܒܪܝ ܥܡ ܚܟܝܡܐ ܠܐ ܬܣܪܘܚ ܘܥܡ ܣܪܘܚܐ ܠܐ ܬܬܚܟܡ܀’ ‘ܒܪܝ ܐܢ ܐܝܬ ܡܣ̈ܢܐ ܒܪܓܠܟ ܕܪ̈ܕܪܐ [ܕܘܫ܂] ܘܥܒܕ ܐܘܪܚܐ ܠܒܢ̈ܝܟ܀’ ‘ܒܪܝ ܒܪ ܥܬܝܪ̈ܐ ܐܟܰܠ ܚܘܝܐ܆ ܐܡܪܝܢ ܕܠܐܣܝܘܬܐ ܕܟܘܪܗܢܗ ܐܟܿܠ ܠܗ܂ ܘܟܕ ܒܪ ܡܣܟ̈ܢܐ ܐܟܠ ܠܗ ܬܘܒ ܐܡܪܝܢ ܠܟܦܢܗ ܐܟܿܠ ܠܗ܀’ ‘ܒܪܝ ܐܰܟܘܠ ܡܢܬܟ ܘܥܡ ܚܒܪܟ ܠܐ [ܬܣܬܪܗܒ܀]’ ‘ܒܪܝ ܠܓܢܬܐ ܕܕܝܳܢܐ ܠܐ ܬܚܘܬ܂ ܘܠܒܪܬ ܕܝܢܐ ܠܐ ܬܡܟܘܪ܀’

‘ܒܪܝ ܣܥܘܪ ܪܚܡܟ ܒܡ̈ܠܐ ܛܒ̈ܬܐ܂ ܩܕܡ ܫܠܝܛܐ ܐܡܿܪ ܠܡܥܕܪܝܘܬܗ ܡܢ ܦܘܡܗ ܕܐܪܝܐ܀’ ‘ܒܪܝ ܐܢ ܢܩܘܡ ܐܢܫ ܕܠܐ ܕܘܟܬܐ܂ ܘܢܦܪܚ ܨܦܪܐ ܕܠܐ ܓܦ̈ܐ܂ ܘܢܚܘܪ ܢܰܥܒܐ ܐܝܟ ܬܠܓܐ܂ ܘܢܚܰܠܐ ܡܰܪܝܪܐ ܐܝܟ ܕܒܫܐ܂ ܗܝܕܝܢ [ܡܫܟܚ] ܕܣܟܠܐ ܢܬܚܰܟܡ܀’ ‘ܒܪܝ [ܐܢ] ܬܘܙܦ ܠܡܣܟܢܐ ܟܣܦܐ܂ ܙܒܢܿܬܝܗܝ ܠܟ ܗܘ ܘܒܢܘ̈ܗܝ܀’ ‘ܒܪܝ ܠܐ ܬܐܡܪ ܕܡܪܝ ܣܟܠ ܘܐܢܐ ܚܟܝܡ܂ ܐܠܐ ܐܚܘܕܝܗܝ ܒܡܘ̈ܡܬܐ ܘܬܬܪܚܡ܀’ ‘ܒܪܝ ܠܐ ܬܡܢܐ ܢܦܫܟ ܥܡ ܚܟܝ̈ܡܐ܂ ܕܟܕ ܐܚܖ̈ܢܐ ܠܐ ܢܫܰܒܚܘܢܟ܀’ ‘ܒܪܝ ܠܐ ܬܣܓܐ ܡ̈ܠܝܟ ܩܕܡ ܡܪܟ ܕܠܐ ܬܒܣܪ ܒܥܝ̈ܢܘܗܝ܀’ ‘ܒܪܝ ܒܝܘܡ [ܒܝܫܬܟ] ܠܐܠܗܐ ܠܐ ܬܠܘܛ ܕܠܡܐ ܢܫܡܥ ܡ̈ܠܝܟ ܘܢܪܓܙ ܥܠܝܟ܀’ ‘ܒܪܝ ܟܕ ܢܗܘܘܢ ܥܒܕ̈ܝܟ ܩܳܝܡܝܢ ܩܕܡܝܟ ܠܐ ܠܚܕ ܬܣܢܐ ܘܠܐܚܪܢܐ ܬܰܚܒ܂ ܡܛܠ ܕܠܐ ܝܕܿܥ ܐܢܬ ܐܝܢܐ ܡܢܗܘܢ ܦܐܿܫ ܠܘܬܟ ܒܚܪܬܐ܂’

‘ܥܒܕܐ ܕܫܿܒܩ ܡܪܐ ܩܕܡܝܐ ܠܐ ܡܨܠܰܚ Note: (p. 15) ܣܘܥܪܢܗ܀’ ‘ܒܪܝ ܕܘܢ ܕܝܢܐ ܬܪܝܨܐ܂ ܘܬܕܒܪ ܣܝܒܘܬܐ ܕܢܝܳܚܐ܀’ ‘ܒܪܝ ܠܐ ܬܫܒܘܩ ܠܚܒܪܟ ܕܢܕܪܘܟ ܥܠ ܪܓܠܟ ܕܠܐ ܢܕܪܘܟ ܐܦ ܥܠ ܨܘܪܟ܀’ ‘ܒܪܝ ܓܒܪܐ ܕܐܠܗܐ ܐܰܛܐܒ ܠܗ܂ ܕܐܦ ܐܢܬ [ܝܩܝܪܝܗܝ܀]’ ‘ܒܪܝ ܠܐ ܬܕܘܢ ܥܡ ܐܢܫ ܒܝܘܡܗ܂ ܘܠܐ ܬܩܘܡ ܠܘܩܒܠ ܢܗܪܐ ܒܡܐܬܝܬܗ܀’ ‘ܒܪܝ ܨܝܕ ܐܝܠܝܢ ܕܢܳܨܝܢ ܠܐ ܬܩܘܡ ܡܛܠ ܕܡ̣ܢ ܓܘܚܟܐ ܗܘܝܐ ܡܠܬܐ ܕܡܰܨܘܬܐ ܘܡܢ ܡܨܘܬܐ ܗܿܘܐ ܬܟܬܘܫܐ܂ ܘܡܢ ܬܟܬܘܫܐ ܗܿܘܐ ܩܛܠܐ܀’ ܗܪܟܐ ܩܦܰܣ ܐܚܝܩܪ ܡ̈ܠܐ ܕܚܟܡܬܗ [ܕܡܰܠܦ] ܗܘܐ ܠܢܕܢ܀ ܗܝܕܝܢ ܐܢܐ ܐܚܝܩܪ ܡ̣ܢ ܒܬܪ ܗܢܐ ܝܘܠܦܢܐ ܕܐܰܠܦܬ ܠܢܕܢ ܒܪ ܚܬܝ܂ ܣܿܒܪ ܗܘܝܬ ܕܟܠܗ Note: (p. 16) ܝܘܠܦܢܐ ܗܢܐ ܢܐܚܕܝܘܗܝ ܒܠܒܗ܂ ܘܢܩܘܡ ܒܬܪܥ ܡܠܟܐ ܘܢܗܘܐ ܠܝ ܡܢܗ ܚܕܘܬܐ ܘܗܢܝܐܘܬ ܚܝ̈ܐ܂ ܒܪܡ ܕܝܢ ܒܗܦܟܐ ܥܒܰܕ ܘܠܐ ܫܡܥ ܐܢܝܢ ܡ̈ܠܝ ܐܠܐ ܕܪܐ ܐܢܝܢ ܐܝܟ ܕܒܪܘܚܐ܂

ܘܗܦܟ ܘܐܡܪ܂ ܕܐܚܝܩܪ ܐܒܝ ܣܶܐܒ ܠܗ܂ ܘܐܗܦܟܗ ܪܥܝܢܗ܂ ܘܐܰܩܦ ܢܕܢ ܒܪܝ ܥܠ ܢܟܣ̈ܝ ܘܩܢܝܢܝ ܡܒܕܪ ܘܠܐ ܚܐܿܣ [ܥܠ] ܥܒܕ̈ܝ ܟܫܝܪ̈ܐ [ܘܡܢܓܕ] ܗܘܐ ܠܗܘܢ ܩܕܡܝ܂ ܘܐܦ ܪ̈ܟܫܝ ܘܟܘܕ̈ܢܘܬܝ ܡܩܰܛܠ ܘܡܙܰܒܢ܂ ܘܟܕ ܚܙܝܬ ܗܟܢ ܥܒܝ̈ܕܬܗ܂ ܥܢܝܬ ܘܐܡܪܬ ܠܗ ܕܠܢܟܣ̈ܝ ܒܪܝ ܠܐ ܬܩܪܘܒ܂ ܐܡܝܪ ܒܡܰܬ̈ܠܐ ܕܐܝܕܐ ܕܠܐ ܩܢܝܬ ܥܝܢܐ ܠܐ ܚܣܬ܂ ܘܚܘܝܬ ܐܢܝܢ ܗܠܝܢ ܠܡܪܝ ܡܠܟܐ܂ ܘܦܩܕ ܕܠܐ ܐܢܫ ܢܬܩܰܪܒ ܠܩܢܝܢܗ ܕܐܚܝܩܪ ܣܦܪܐ ܟܡܐ ܕܒܚܝ̈ܐ ܐܝܬܘܗܝ܂ ܒܬܪܟܢ ܢܣܰܒ ܐܚܝܩܪ ܠܰܢܒܘܙܰܪܕܢ ܐܚܘܗܝ ܕܢܕܢ ܕܢܪܒܝܘܗܝ ܒܒܝܬܗ܂ ܗܝܕܝܢ ܟܕ ܚܙܐ ܢܕܢ ܕܢܣܒܬ ܠܢܒܘܙܪܕܢ ܘܐܩܝܡܬܗ ܩܕܡܝ [ܒܒܝܬܝ] ܐܬܒܐܫ ܠܗ܂ Note: (p. 17) ܘܩܨܦ ܟܕ ܣܡ ܢܕܢ ܒܬܪܥܝܬܗ ܡ̈ܠܐ ܕܒܝܫܘܬܐ܂ ܠܗܕܐ ܐܡܪ ܗܟܢܐ܂ ܐܚܝܩܪ ܐܒܝ ܣܶܐܒ ܘܚܟܡܬܗ ܥܿܒܪܬ܂ ܘܡ̈ܠܘܗܝ [ܫ̈ܛܝ] ܕܠܡܐ ܢܟܣܘ̈ܗܝ ܠܐܚܝ ܢܬܠ ܘܠܝ ܢܪܚܩ ܡܢ ܒܝܬܗ܂ ܘܫܡܥ ܐܚܝܩܪ ܡ̈ܠܘܗܝ ܕܢܕܢ܂ ܗܝܕܝܢ ܐܬܚܫܒ ܘܗܟܢܐ ܐܡܪ ܠܢܕܢ܂ ܚܒܠܝܗܿ ܠܚܟܡܬܝ܂ ܐܝܟܢ ܦܟܗܬ ܠܘܬܟ܂ ܘܟܕ ܫܡܥ ܒܪܝ ܢܕܢ܂ ܤܓܝ ܪܓܙ ܘܒܝܫܬܐ ܒܠܒܗ ܥܰܬܕ ܥܠܝ܂ ܘܐܙܠ ܠܗ ܠܬܪܥ ܡܠܟܐ ܕܢܝܬܐ ܠܥܒܕܐ ܒܝܫܬܐ ܕܠܒܗ܂ ܟܕ ܟܬܰܒ ܡܢ ܦܘܡ ܐܚܝܩܪ ܐܓܪ̈ܬܐ ܕܒܝܫܬܐ ܘܐܙܠ ܠܬܪܥ ܡܠܟܐ ܕܢܚܘܐ ܐܢܝܢ܂ ܘܬܪ̈ܬܝܢ ܐܓܪ̈ܬܐ ܕܟܬܒ ܠܡܠ̈ܟܐ ܒܥܠܕܒܒ̈ܘܗܝ ܕܣܢܚܪܝܒ

ܘܕܣܪܚܰܕܘܡ ܡܢ ܦܘܡܝ ܗܟܢ ܐܝܬܝܗܝܢ ܗ̈ܘܝ܂ ܚܕܐ ܡܛܠ ܡܠܟܐ ܕܦܪܣ ܘܕܥܝܠܡ ܐܟܝܫ ܒܪ ܣܡܰܚܠܝܡ܂ ܗܟܢܐ ܟܬܒ ܒܗܿ܂ ܡܢ ܐܚܝܩܪ ܣܦܪܐ ܘܥܙܩܬܐ ܕܣܪܚܕܘܡ ܡܠܟܐ܂ ܫܠܡ ܠܟ ܡܠܟܐ ܕܦܪܣ ܘܕܥܝܠܡ܂ ܟܕ ܐܓܪܬܐ ܗܕܐ Note: (p. 18) ܬܩܒܠ܂ ܒܥܓܠ ܦܘܩ ܘܬܐ ܠܐܬܘܪ܂ ܘܐܢܐ ܡܰܫܠܡ ܐܢܐ ܠܗ̇ ܒܐܝ̈ܕܝܟ ܕܠܐ ܩܪܒܐ ܘܕܠܐ ܩܐܪܣܐ܂ ܘܡܠܟܘܬܗ ܬܐܚܘܕ ܕܠܐ ܟܠܝܢܐ܀ ܘܬܘܒ ܐܓܪܬܐ ܐܚܪܬܐ ܒܫܡܝ ܠܦܪܥܘܢ ܡܠܟܐ ܕܡܨܪܝܢ܂ ܘܗܟܢܐ ܟܬܒ ܒܗܿ܂ ܟܕ ܕܝܢ ܐܓܪܬܐ ܬܡܛܐ ܠܐܝܕܟ܂ ܦܘܩ ܠܐܘܪܥܝ ܠܦܩܥܬܐ ܕܒܬܝܡܢܐ܂ ܒܝܘܡ ܥܣܪܝܢ ܘܚܡܫܐ ܒܐܒ ܝܪܚܐ܂ ܘܐܢܐ ܐܰܥܠܟ ܠܢܝܢܘܐ܂ ܘܬܐܚܘܕ ܒܗܿ ܡܠܟܘܬܐ ܕܠܐ ܩܪܒܐ܂ ܘܕܰܡܝ ܐܢܝܢ ܟܬܝܒ̈ܬܐ ܒܟܬܝܒ̈ܬܝ܂ ܘܛܒܥ ܐܢܝܢ ܒܥܙܩ̈ܬܝ ܘܫܕܐ ܐܢܝܢ ܒܚܕ ܡܢ ܬܘ̈ܢܘܗܝ ܕܡܠܟܐ܂ ܒܬܪܟܢ ܬܘܒ ܟܬܒ ܐܓܪܬܐ ܐܚܪܬܐ ܡܢ ܦܘܡ ܡܠܟܐ ܠܘܬܝ܀ ܡܢ ܣܪܚܕܘܡ ܠܐܚܝܩܪ ܣܦܪܐ ܕܡܪܝ ܫܠܡ܂ ܟܕ ܐܓܪܬܐ ܗܕܐ [ܬܩܪܐ] ܟܰܢܫ ܚܝܠܐ ܟܠܗ ܠܛܘܪܐ ܕܨܳܚܘ܂ ܘܡܢ ܬܡܢ ܦܘܩ ܠܦܩܥܬ ܢܫܪܝܢ܂ ܒܝܘܡ ܥܣܪܝܢ ܘܚܡܫܐ ܒܝܪܚܐ ܐܒ܂ ܘܡܐ ܕܚܿܙܐ ܐܢܬ ܠܝ Note: (p. 19) ܕܡܬܩܪܒ ܐܢܐ ܠܘܬܟ܂ ܣܕܘܪ ܚܝܠܐ ܠܘܩܒܠܝ ܐܝܟ ܓܒܪܐ ܕܥܬܝܕ ܠܩܪܒܐ܂ ܡܛܠ ܕܐܝ̈ܙܓܕܐ ܕܦܪܥܘܢ ܡܰܠܟܐ ܕܡܨܪܝܢ ܐܬܘ ܠܘܬܝ܂ ܕܢܕܥܘܢ ܡܢܐ ܚܝܠܐ ܐܝܬ ܠܝ܂ ܘܕܐܝܟ ܐܝܟܐ ܐܢܘܢ ܚܝܠ̈ܘܬܝ܂

ܝܗܒ ܢܕܢ ܒܪܝ ܠܡܠܟܐ ܐܓܪܬܐ ܚܕܐ ܡܢܗܝܢ ܐܝܟ ܗܿܘ ܕܡܫܟܚܘ ܐܫܟܚܗܿ܂ ܘܢܣܒܗ̇ ܘܩܪܗܿ ܩܕܡ ܡܪܝ ܡܠܟܐ ܣܪܚܕܘܡ܂ ܘܟܕ ܫܡܰܥ ܣܰܓܝ ܪܓܶܙ ܥܰܠ ܐܚܝܩܪ ܣܦܪܐ ܘܗܟܢܐ ܐܡܰܪ܂ ܐܘ ܐܠܗܐ ܡܢܐ ܚܛܝܬ ܠܗ ܠܐܚܝܩܪ܂ ܕܗܟܢܐ ܨܒܼܐ ܕܢܶܥܒܕ ܠܝ܂ ܗܝܕܝܢ ܥܢܐ ܢܕܢ ܘܐܡܪ ܠܡܰܠܟܐ܂ ܠܐ ܬܪܓܙ ܘܬܬܟܡܪ ܡܪܝ ܡܠܟܐ܂ ܢܐܙܠ ܗܫܐ ܘܢܦܘܩ ܠܦܩܥܬ ܢܫܪܝܢ ܐܝܟ ܕܟܬܝܒ ܒܗܕܐ ܐܓܪܬܐ܂ ܘܕܡܢ ܬܡܢ ܝܕܥܝܢܢ ܫܪܪܐ ܕܗܠܝܢ܂ ܘܟܠ ܕܦܩܿܕ ܐܢܬ ܢܗܘܐ܂ ܟܕ ܕܝܢ ܦܩܕ ܡܠܟܐ ܕܢܬܛܰܝܒܘܢ ܕܢܣܩܘܢ ܠܦܩܥܬܐ ܕܢܚܙܘܢ ܫܪܪܐ ܕܝܠܗ ܕܣܘܥܪܢܐ܂ ܗܝܕܝܢ ܩܡ ܢܕܢ ܒܪܝ ܥܡ ܡܪܝ ܡܠܟܐ ܣܪܚܕܘܡ Note: (p. 20) ܘܐܬܘ ܘܐܫܟܚܘܢܝ ܘܠܚܝܠܐ ܕܥܡܝ ܒܦܩܥܬ ܢܫܪܝܢ܂ ܘܟܕ ܚܙܝܬܗ ܕܐܬܐ ܠܘܩܒܠܝ ܣܕܪܬ ܠܩܘܒܠܗ ܚܝܠܐ ܐܝܟ ܕܠܩܪܒܐ ܥܰܠ ܬܘܟܠܢܐ ܕܐܓܪܬܐ ܗܿܝ ܕܫܕܪ ܠܝ ܢܕܢ ܒܪܝ܀ ܗܝܕܝܢ ܟܕ ܡܠܟܐ ܚܼܙܐ [ܡܶܢܝ] ܗܟܢ ܐܬܟܡܪ ܐܦܘ̈ܗܝ ܘܗܦܟ ܒܝܕ ܡܶܠܟܗ ܕܢܕܢ ܒܪܝ ܟܕ ܐܡܪ ܠܗ܂ ܐܘ ܡܪܝ ܡܠܟܐ ܙܠ ܠܒܝܬܟ ܒܢܝܚܐ܂ ܐܢܐ ܠܐܚܝܩܪ ܐܚܕ ܐܢܐ ܠܗ ܟܕ ܐܣܝܪ ܒܫܫ̈ܠܬܐ ܘܒܣ̈ܘܛܡܐ ܘܡܫܠܡ ܐܢܐ ܠܗ ܒܐܝ̈ܕܝܟ ܥܠ ܕܥܒܕ ܒܝܫܬܐ ܥܰܡܟ܂ ܟܕ ܗܦܟ ܢܕܢ ܡܢ ܠܘܬ ܡܠܟܐ ܐܬܐ ܠܘܬܝ ܘܐܡܪ ܠܝ ܒܐܠܗܐ ܕܝܠܟ ܐܒܝ ܝܿܡܐ ܐܢܐ ܠܟ܂ ܒܗܕܐ ܥܒܝܕܬܐ ܕܥܒܕܬ ܛܒ ܣܓܝ ܩܰܠܣܟ ܘܪܡܪܡܟ ܡܠܟܐ ܣܪܚܕܘܡ ܥܰܠ ܕܫܰܡܠܝܬ

ܦܘܩܿܕܢ ܐܓܰܪܬܗ܂ ܗܫܐ ܕܝܢ ܫܰܠܚܢܝ ܒܬܪܟ ܕܢܬܛܰܝܒ ܒܠܚܘܕܝܢ ܠܘܬܗ ܘܐܪܦܐ ܠܚܝܠܐ ܕܟܠܚܕ ܢܐܙܠ ܠܒܝܬܗ܂ [ܟܢ] Note: (p. 21) ܟܢ ܐܪܦܝܬ ܐܢܐ ܠܚܝܠܐ ܘܐܬܝܬ ܐܢܐ ܥܡ ܢܕ ܢ ܠܘܬ ܡܠܟܐ ܘܫܠܡܬ ܥܠܘܗܝ܂ ܘܟܕ ܗܟܝܠ ܚܙܢܝ ܐܡܪ ܠܝ܂ ܐܬܝܬ ܐܚܝܩܪ ܣܦܪܐ ܕܝܠܝ ܘܡܕܒܪܢܐ ܕܡܠܟܘܬܝ܂ ܐܢܬ ܗܿܘ ܕܪܚܝܡ ܥܠܝ܂ ܐܡܿܪ ܐܢܐ ܠܟ ܙܶܠ ܠܒܝܬܐ ܘܠܐ ܣܟ ܬܬܚܙܐ ܩܕܡܝ܂ ܗܫܐ ܕܝܢ ܗܦܟܬ ܪܚܡܬܟ ܠܣܢܐܬܐ܂ ܘܗܘܝܬ ܠܟ ܡܢ ܒܥܠܕ̈ܒܒܝ܂ ܟܢ ܐܦܩ ܘܝܗܒ ܠܝ ܐܓܖ̈ܬܐ ܗܿܢܘܢ ܕܢܕܢ ܒܪܝ ܟܬܒ ܡܢ ܠܶܫܳܢܝ܂ ܘܐܝܟ ܟܝܪܬ ܐܝ̈ܕܝ ܕܚܬܡ ܗܘܐ ܐܢܝܢ ܒܚܬܡܝ܂ ܘܟܕ ܩܪܝܬ ܐܢܝܢ݀ [ܐܬܪܗܒܬ] ܘܦܫܬ ܒܪܥܠܐ ܘܕܚܠܬܐ܂ ܘܐܬܐܣܪ ܠܫܢܝ܂ ܘܟܕ ܨܒܝܬ ܠܡܡܠܠܘ ܡܠܬܐ ܚܕܐ ܡܢ ܡܠ̈ܝ [ܚܟܡ̈ܬܐ] ܠܐ ܐܫܟܚܬ܂ ܗܝܕܝܢ ܐܙܥܩ ܥܼܠܝ ܢܕܢ ܘܐܡܪ ܠܝ܂ ܐܬܦܢܝ ܡ̣ܢ ܩܕܡ ܡܠܟܐ ܐܘ ܣܒܐ ܣܟܠܐ ܐܘ ܒܝܫ ܓܕܐ ܘܗܒ ܐܝܕ̈ܝܟ ܠܐܣܘ̈ܪܐ ܘܪ̈ܓܠܝܟ ܠܣܘ̈ܛܡܐ܂ ܒܬܪܟܢ ܡܠܟܐ ܐܦܢܝ ܐܦܘ̈ܗܝ ܡܢܝ Note: (p. 22) ܒܚܡܬܐ ܕܠܐ ܡܬܡܠܠܐ܂ ܘܦܩܕ ܠܐܣܦܘܩܠܛܪܐ ܕܫܡܗ ܝܰܒܘܣܡܝܟܡܰܣܟܝܢܰܟܬܝ ܘܐܡܪ ܩܘܡ ܣܒ ܐܚܝܩܪ ܘܙܠ ܩܛܘܠܝܗܝ܂ ܘܐܪܚܩ ܪܝܫܗ ܡܢ ܫܠܕܗ ܡܐܐ [ܐܡ̈ܝܢ܂] ܗܝܕܝܢ ܣܓܕܬ ܠܡܰܠܟܐ ܐܢܐ ܐܚܝܩܪ ܘܐܡܪܬ ܠܗ܂ ܕܨܒܝܬ ܩܛܠܝ ܢܶܗܘܶܐ ܦܘܩܕܢܟ܂ ܡܛܠ ܕܠܝܬ ܠܝ ܣܘܪܚܢܐ ܐܝܟ ܕܝܕܥܢܐ܂ ܒܪܡ ܡܦܝܣܢܐ ܡܢ ܡܪܝ ܡܰܠܟܐ ܕܒܬܪܥ ܒܰܝܬܝ ܢܗܘܐ ܩܛܠܝ܂ ܘܐܦ ܦܓܪܝ ܢܬܝܗܒ ܠܥܒ̈ܕܝ ܐܝܟ ܕܢܩܒܪܘܢܢܝ܂ ܗܝܕܝܢ ܐܡܪ ܡܠܟܐ ܠܐܣܦܘܩܠܛܪܐ ܙܠ ܐܟܡܐ ܕܐܡܪ ܐܚܝܩܪ ܥܒܕ ܩܠܝܠܐܝܬ܂ [15] ܒܬܪܟܢ ܢܦܩܢܢ ܡܢ ܩܕܡ ܡܠܟܐ ܟܠܢ܂ ܘܫܠܚܬ ܠܐܢܬܬܝ ܐܫܦܓܢܐ ܐܝܟܢܐ ܕܬܦܘܩ ܠܐܘܪܥܝ ܒܐܠܦ ܥܠܝ̈ܡܬܐ ܒܠܒܘ̈ܫܐ ܗܕܝܪ̈ܐ ܘܪ̈ܓܝܓܐ ܐܝܟ ܕܢܝܠܘܢ ܘܢܒܟܘܢ Note: (p. 23) ܥܠܝ ܩܕܡ ܕܐܡܘܬ܂ ܘܠܒܪܬ ܙܘܓܝ ܥܗܝܕܬܐ ܕܬܗܦܘܟ ܠܒܝܬܐ ܘܬܛܝܒ ܡܐܟܠܐ ܘܡܫܬܝܐ ܥܰܠ ܦܬܘܪ̈ܐ ܕܙܢܝ̈ܢ ܙܢܝ̈ܢ܂ ܘܬܤܝܡ ܠܟܠܗܘܢ ܡܫܡܫ̈ܢܐ ܕܡܠܟܐ ܘܐܣܦܘܩܠܛܪ̈ܐ ܚܡܪܐ ܛܒܐ ܘܥܬܝܩܐ ܒܐܝܕ̈ܝܗ܂ ܗܝܕܝܢ ܐܫܦܓܢܐ ܐܢܬܬܝ ܡܪܬ ܝܕܥܬܐ [ܪܒܬܐ]ܘܣܟܘܠܬܢܝܬܐ ܥܒܕܬ ܐܟܡܐ ܕܦܰܩܕܬܗ܂ ܘܟܕ ܐܟܠܘ ܘܐܫܬܝܘ ܘܪܘܝܘ ܫܟܒܘ ܒܕܘܟܝ̈ܬܗܘܢ܂ ܗܝܕܝܢ ܐܢܐ ܐܚܝܩܪ ܐܡܪܬ ܠܐܣܦܘܩܠܬܪܐ܂ ܬܠܝ ܚܝܪܟ ܠܘܬ ܐܠܗܐ܂ ܒܪܘܝܐ ܕܫܡܝܐ܂ ܘܥܗܕ ܠܠܚܡܐ ܘܡܝ̈ܐ ܕܐܟܠܢܢ ܫܘܝܐܝܬ܂ ܘܝܕܥܢܐ ܓܝܪ ܕܣܘܪܚܢܐ ܘܚܛܝܬܐ ܠܝܬ ܠܝ܂ܘܢܕܢ ܐܨܛܢܥ ܥܠܝ ܘܫܕܠܢܝ܂ ܐܢܬ ܕܝܢ ܠܐ ܬܥܘܠ ܒܚܛܝܬܐ ܕܝܠܗܿ ܘܬܩܛܠܢܝ ܛܠܝܡܐܝܬ܂ ܗܘܝܬ ܓܝܪ ܡܬܕܟܪ ܘܡܝܬܐ ܥܠ ܒܠܟ ܝܘܡܐ ܕܪܓܙ ܥܠܝܟ ܣܢܚܪܝܒ ܐܒܘܗܝ ܕܡܠܟܐ Note: (p. 24) ܗܢܐ܂ ܘܦܩܕ ܠܡܩܛܠܟ܂ ܘܟܕ ܝܕܥܬ ܕܠܝܬ ܠܟ ܣܘܪܚܢ ܛܫܝܬܟ ܘܠܐ ܩܛܠܬܟ ܥܕܡܐ ܕܫܠܝ ܪܘܓܙܗ ܕܡܠܟܐ ܘܐܬܕܟܪ ܛܒܬܟ ܘܦܩܕ ܘܛܝܒܬܟ ܩܕܡܘܗܝ ܘܐܛܐܒ ܠܟ ܘܝܗܒ ܡܘܗܒ̈ܬܐ ܣܓܝ̈ܐܬܐ܂ ܘܐܦ ܐܢܬ ܬܘܒ ܗܫܐ ܛܰܫܢܝ܂ ܘܦܪܘܥܝܢܝ ܐܟܡܐ ܕܥܒܕܬ ܥܡܟ܂ ܘܗܐ ܐܝܬ ܠܝ ܥܒܕܐ ܚܰܝܳܒܳܐ ܗܐ ܪܡܶܐ ܒܚܒܘܫܝܐ ܘܫܡܗ ܡܶܕܝܳܦܪ ܘܚܝܒ ܠܩܛܠܐ ܡܛܠ ܒܝܫ̈ܬܗ܂ ܐܦܩܝܗ ܗܫܐ ܘܢܠܒܫ ܠܒܘ̈ܫܝ܂ ܘܐܦܩ ܠܓܒܪ̈ܐ ܕܥܰܡܟ ܗܠܝܢ ܪ̈ܘܝܐ ܘܢܩܛܠܘܢܝܗܝ ܟܕ ܠܐ ܝܳܕܥܝܢ ܠܡܿܢ ܩܛܠܘ܂ ܘܐܪܚܩ ܪܝܫܗ

ܡܢ ܫܠܕܗ ܡܐܐ ܐܡ̈ܝܢ܂ ܘܗܒ ܦܓܪܗ ܕܢܩܒܪܘܢܝܗܝ܂ ܘܢܦܘܩ ܛܒܐ ܒܐܬܘܪ ܘܢܝܢܘܐ ܕܐܚܝܩܪ ܐܬܩܛܠ܂ ܗܝܕܝܢ ܐܣܦܘܩܠܛܪܐ ܘܐܫܦܓܢܐ ܒܪܬ ܙܘܓܝ ܥܒܕܘ ܠܝ ܕܘܟܬܐ ܟܣܝܬܐ ܬܚܝܬ Note: (p. 25) ܐܪܥܐ܂ ܕܐܘܪܟܗ̇ ܐܪ̈ܒܬܥܣܪ ܐܡܝ̈ܢ܂ ܘܦܬܝܗܿ ܫܒܥ܂ ܘܗܝ ܬܚܝܬ ܐܣܟܘܦܬܐ ܕܬܪܥܐ܂ ܘܐܥܠܘܢܝ ܘܛܫܝܘܢܝ ܒܗܿ ܘܣܡܘ ܠܘܬܝ ܠܚܡܐ ܘܡܝ̈ܐ ܘܟܶܢ ܫܒܩܘܢܝ ܘܐܙܠܘ ܐܘܕܥܘ ܠܡܠܟܐ ܕܐܬܩܛܠ ܐܚܝܩܪ ܐܝܟ ܦܘܩܕܢܟ܂ ܘܟܕ ܢܦܼܩ ܛܒܐ ܒܐܬܘܪ ܘܢܝܢܘܐ ܐܝܠܠܘ ܥܠܝ ܘܐܡܪܘ܂ ܚܒܠܝܟ ܐܚܝܩܪ ܣܦܪܐ ܡܗܝܪܐ ܘܝܿܕܥ ܟܣ̈ܝܬܐ܂ ܡܢܘ ܢܩܘܡ ܐܟܘܬܟ܂ ܗܝܕܝܢ ܩܪܐ ܡܠܟܐ ܣܰܪܚܕܘܡ ܠܢܕܢ ܘܐܡܪ ܠܗ܂ ܙܠ ܠܟ ܘܥܒܕ ܒܝܬ [ܒܟ̈ܐ] ܠܐܒܘܟ ܐܚܝܩܪ ܐܝܟ ܥܝܕܐ [ܕܐܢ̈ܫܐ܂] ܘܢܦܩ ܢܕܢ ܘܐܬܐ ܠܒܝܬܐ ܘܠܐ ܣܟ ܥܒܕ ܒܝܬ [ܒܟ̈ܐ܂] ܐܠܐ ܟܢܫ ܠܗ [ܐܢ̈ܫܐ] ܒܝ̈ܫܐ ܘܐܣ̈ܘܛܐ܂ ܘܫܪܝܘ ܐܟܿܠܝܢ ܘܫܬܝܢ ܘܪܩܕܝܢ ܘܙܡܪܝܢ܂ ܘܫܪܝ ܢܕܢ ܐܚܕ ܐܡ̈ܗܬܝ ܘܡܥܪܛܠ ܠܗܝܢ܂ ܘܬܒܥ ܡܢܗܝܢ ܒܝܫ̈ܬܐ܂ ܥܕܡܐ Note: (p. 26) ܠܒܪܬ [ܙܘܓܝ] ܕܪܒܝܬܗ ܐܝܟ ܝܠܕܗܿ ܠܐ ܒܗܬ ܡܢܗܿ ܐܠܐ ܨܒܼܐ ܕܢܦܪܣܝܗ̇ ܘܢܕܡܟ ܥܰܡܗ̇܂ ܐܢܐ ܐܚܝܩܪ ܡܢ ܬܚܝܬ ܐܪܥܐ ܫܡܥܬ ܩܠ ܓܥܬܗܘܢ ܕܒܢ̈ܝ ܒܝܬܐ ܡܢ ܩܕܡ ܢܕܢ ܒܪܝ܂ ܘܫܪܝܬ ܠܡܨܠܝܘ ܩܕܡ ܐܠܗܐ ܘܠܡܬܟܫܦܘ ܡܛܠܬܗܘܢ܂ ܘܫܡܥ ܐܠܗܐ ܬܢܚ̈ܬܝ ܡܢ ܥܘܡܩ̈ܝܗ̇ ܕܐܪܥܐ܂ ܘܫܕܪ ܒܬܪ ܩܠܝܠ ܝܘܡ̈ܬܐ ܠܝܒܘܣܡܝܟܝܢܟܬܝ ܠܘܬܝ ܘܒܰܝܰܐܢܝ ܘܡܠܐ ܒܠܒܝ܂ ܘܐܝܬܝ ܠܝ ܠܚܡܐ ܘܡܝ̈ܐ܂ ܘܟܕ ܒܥܿܐ ܠܡܐܙܠ ܐܦܝܣܬܗ ܕܢܨܠܐ ܠܐܠܗܐ ܕܢܦܪܩܢܝ ܡܢ ܕܘܟܬܐ ܗܕܐ܂

ܘܨܠܝ ܘܐܡܪ܂ ܐܘ ܐܠܗܐ ܡܪܚܡܢܐ ܘܡܫܒܚܐ܂ ܐܬܕܟܪ ܠܐܚܝܩܪ ܕܡܤܒܪ ܒܟ ܘܦܨܝܗܝ ܡܢ ܗܢܐ ܚܒܘܫܝܐ܂ ܟܕ ܕܝܢ ܫܡܰܥ ܦܪܥܘܢ ܕܐܬܩܛܠ ܐܚܝܩܪ ܚܟܝܡܐ ܚܕܝ ܚܕܘܬܐ ܪܒܬܐ܂ ܘܟܬܒ ܐܓܪܬܐ Note: (p. 27) ܘܫܕܪ ܘܐܡܪ܂ ܡܢ ܦܪܥܘܢ ܡܠܟܐ ܕܡܨܪܝܢ ܠܣܪܚܕܘܡ ܡܠܟܐ ܕܐܬܘܪ ܘܢܝܢܘܐ܂ ܫܠܡܐ ܘܢܝܚܐ܂ ܗܘܝܬ ܝܿܕܥ ܐܘ ܡܠܟܐ ܕܐܬܪܓܪܬ ܕܐܒܢܐ ܠܝ ܒܝܪܬܐ ܒܝܬ ܫܡܝܐ ܠܐܪܥܐ ܘܨܒܿܐ ܐܢܐ ܓܝܪ ܕܬܫܕܪ ܠܝ ܡܢ ܨܐܕܝܟ ܓܒܪܐ ܒܰܢܳܝܳܐ ܕܢܒܢܝܗ̇ ܐܟܡܐ ܕܨܿܒܐ ܐܢܐ܂ ܘܕܢܕܥ ܢܓܝܒܰܢܝ ܥܰܠ ܟܠ ܫܘܐܠܐ ܕܐܫܐܠܝܘܗܝ܂ ܘܐܢ ܬܶܫܟܚ ܬܫܰܕܪ ܠܝ ܓܒܪܐ ܗܟܢܐ܂ ܫܩܠܐ ܕܡܨܪܝܢ ܘܟܠܗܘܢ ܐܬܪ̈ܘܬܗ̇ ܕܬܠܬ ܫܢ̈ܝܢ ܡܫܕܪ ܐܢܐ ܠܟ܂ ܘܐܢ ܠܐ ܬܫܟܚ ܗܟܢ ܓܒܪܐ܂ ܫܕܪ ܥܡ ܐܝܙܓܕܐ ܕܠܘܬܟ ܫܶܩܠܐ ܕܬܠܬ ܫܢܝ̈ܢ ܕܐܬܘܪ ܘܢܝܢܘܐ܀ ܟܕ ܕܝܢ ܩܪܐ ܡܠܟܐ ܣܪܚܕܘܡ ܐܓܪܬܐ ܗܕܐ ܟܢܫ ܠܟܠܗܘܢ ܚܐܪ̈ܐ ܘܚܟܝ̈ܡܐ ܘܦܝ̈ܠܣܘܦܐ ܘܚܪ̈ܫܐ ܘܟܠ̈ܕܝܐ ܘܐܡܪ ܠܗܘܢ܂ ܡܢܘ ܡܢܟܘܢ ܡܫܟܚ ܕܢܐܙܠ ܘܢܓܝܒ ܠܦܪܥܘܢ ܡܠܟܐ܂܆ ܘܥܢܘ ܘܐܡܪܘ ܠܡܠܟܐ ܣܪܚܕܘܡ܂ ܒܫܪܪܐ Note: (p. 28) ܢܶܕܥ ܡܪܢ ܡܠܟܐ ܕܗܠܝܢ ܫܘ̈ܐܠܐ ܘܣ̈ܥܝܐ ܕܐܚܝܩܪ ܚܟܝܡܐ ܐܝܬܝܗܘܢ܂ ܚܙܝ ܡܢܘ ܕܩ݀ܐܿܡ ܒܕܘܟܬܗ ܩܪܝܘܗܝ ܫܰܐܶܠܝܗܝ܂ ܗܝܕܝܢ ܩܪܐ ܡܠܟܐ ܠܢܕܢ ܘܐܘܫܛܗ ܠܐܓܪܬܐ ܗܿܝ܂ ܘܥܢܐ ܢܕܢ ܘܐܡܼܪ ܠܣܪܚܕܘܡ܂ ܐܘ ܡܪܝ ܡܠܟܐ ܡܶܛܥܐ ܛܥܐ ܡܠܟܐ ܦܪܥܘܢ܂ ܟܒܪ ܫܓܡܗܝ ܗܿܝ ܕܟܳܬܘܒܳܐ܂ ܘܟܰܕ ܫܡܰܥ ܡܰܠܟܐ ܡ̈ܠܝ ܢܕܢ ܚܰܫ ܣܓܝ܂ ܘܢܚܬ ܡܢ ܟܘܪܣܝܗ ܘܝܬܒ ܥܠ ܩܛܡܐ ܘܐܡܪ܂

ܚܒܠܝܟ ܐܚܝܩܪ ܚܟܝܡܐ ܘܝ݀ܕܥ ܟܣܝ̈ܬܐ܂ ܡܢܘ ܢܣܰܒܪܢܝ ܘܢܐܡܪ ܠܝ ܕܗܐ ܐܚܝܩܪ [ܐܝܬܘܗܝ] ܒܚܝ̈ܐ܂ ܗܝܕܝܢ ܫܡܥ ܝܒܘܣܡܝܟܡܣܟܝܢܬܝ ܩܠ ܡܰܡܠܠܿܗ ܕܡܠܟܐ ܘܩܪܒ ܩܕܡܘܗܝ ܘܣܓܕ ܠܗ ܘܐܡܪ܂ ܡܪܝ ܡܠܟܐ ܗܐ ܗܟܝܠ ܐܚܝܩܪ[ܐܝܬܘܗܝ] Note: (p. 29) ܒܚܝ̈ܐ ܬܚܝܬ ܐܪܥܐ܂ ܠܐ ܬܒܟܐ܂ ܦܩܘܕ ܘܢܐܬܐ ܩܕܡܝܟ܂ ܟܕ ܕܝܢ ܫܡܥ ܡܠܟܐ ܩܡ ܒܥܓܠ ܡܢ ܩܛܡܐ ܘܣܠܩ ܥܠ ܟܘܪܣܝܐ܂ ܘܦܩܕ ܠܡܝܬܝܘܬܗ ܠܐܚܝܩܪ ܡܢ ܟܪ ܕܐܝܬܘܗܝ܂ ܐܙܠ ܝܒܘܣܡܝܟ ܘܐܦܩܗ ܡܢ ܬܚܝܬ ܐܪܥܐ ܘܐܩܝܡܗ ܩܕܡ ܡܠܟܐ ܡܢ ܒܬܪ ܕܣܓܕܘ ܬܪܝܗܘܢ܂ ܗܝܕܝܢ ܟܕ ܐܬܒܩܝ ܒܐܚܝܩܪ ܡܠܟܐ ܣܪܚܕܘܡ ܘܚܙܐ ܕܐܫܬܚܠܦ ܨܘܪܬܗ ܘܐܬܒܠܒܠ ܟܠܗ ܓܘܫܡܗ܂ ܗܝܕܝܢ ܟܕ ܒܗܟܢ ܓܘܢܐ ܚܙܝܗܝ ܡܠܟܐ ܚܢܓܬ ܠܗ ܘܒܟܐ ܘܐܡܪ܂ ܐܘ ܐܚܝܩܪ ܐܢܐ ܠܝܬ ܠܝ ܥܕܠܝܐ ܘܐܦܠܐ ܚܛܗܐ܂ ܐܠܐ ܢܕܢ ܒܪܟ ܗܘܝܘ ܕܐܒܐܫ ܠܟ ܒܢܟܠܐ܂ ܘܥܢܐ ܐܚܝܩܪ ܘܐܡܪ܂ ܡܪܝ ܡܠܟܐ ܒܚܙܬܟ ܗܫܐ ܟܠ ܡܕܡ ܕܥܒܪ ܢܫܒܩܝܘܗܝ ܥܠ ܕܐܰܫܘܝܢܝ ܐܠܗܐ ܠܚܙܬܐ ܕܦܪܨܘܦܟ ܪܓܝܓܐ܂ ܘܦܢܝ ܡܠܟܐ ܘܐܡܪ Note: (p. 30) ܢܗܘܐ ܒܪܝܟ ܘܡܒܪܟ ܐܠܗܐ ܕܐܚܝܩܪ ܕܦܨܝܗ ܡܼܢ ܗܢܐ ܛܠܘܡܝܐ܂ ܙܠ ܐܘ ܐܚܝܩܪ ܠܒܢܐ ܘܓܪܘܥ ܘܐܫܝܓ ܘܗܦܘܟ ܠܒܝܬܟ܂ ܐܟܘܠ ܘܐܫܬܝ ܐܪܒܥܝܢ ܝܘ̈ܡܝܢ ܥܕܡܐ ܕܬܬܚܝܠ܂ ܘܗܝܕܝܢ ܬܐ ܠܘܬܝ܂ ܘܗܦܟ ܐܚܝܩܪ ܘܥܒܕ ܐܝܟ ܡܠܬܗ ܕܡܠܟܐ܂ ܡܢ ܒܬܪ ܝܘ̈ܡܬܐ ܥܣܪܝܢ ܗܦܰܟ ܐܚܝܩܪ ܬܘܒ ܠܘܬ ܡܠܟܐ ܣܪܚܕܘܡ ܘܣܓܕ ܠܗ ܥܠ ܐܦܘ̈ܗܝ܂ [19] ܗܝܕܝܢ ܡܠܟܐ ܐܦܩ ܠܗ ܐܓܪܬܐ ܕܡܠܟܐ ܕܡܨܪܝܢ ܘܚܘܝܗܿ܂ ܘܢܣܒܗܿ ܐܚܝܩܪ ܡܢ ܐܝ̈ܕܝ ܡܠܟܐ ܠܐܓܪܬܐ ܗܿܝ ܘܩܪܗܿ܂ ܘܐܣܬܟܠ ܟܠܡܐ ܕܒܗܿ܂ ܘܐܡܪ ܠܡܠܟܐ܂ ܠܐ ܬܚܫ ܡܪܝܐ ܘܠܐ ܬܪܓܙ܂ܐܢܐ ܐܳܙܠ ܐܢܐ ܠܝ ܠܡܨܪܝܢ ܘܝܗܒ ܐܢܐ ܦܘܢܝܐ ܠܦܪܥܘܢ܂ ܟܠܗܘܢ ܫܘܐܠܘ̈ܗܝ ܡܦܫܩ ܐܢܐ ܠܗܘܢ܂ ܘܡܝܬܐ ܐܢܐ ܫܩܠܐ ܕܡܨܪܝܢ ܕܬܠܬ ܫܢ̈ܝܢ܂ ܘܐܒܗܬ ܠܟܘܠܗܘܢ Note: (p. 31) ܒܥ̈ܠܕܒܒܝܟ ܒܥܘܕܪܢ ܐܠܗܐ܂ ܐܘ ܡܪܝ ܡܠܟܐ܂ ܟܕ ܫܡܥ ܡܠܟܐ ܡܠ̈ܝ ܐܚܝܩܪ ܪܘܙ ܘܡܠܐ ܠܒܗ ܚܕܘܬܐ ܘܦܨܝܚܘܬܐ܂ ܗܝܕܝܢ ܫܟܢ ܠܐܚܝܩܝܪ ܘܠܐܢܬܬܗ ܡܘܗܒ̈ܬܐ ܣܓܝ̈ܐܬܐ܂ ܘܠܐܣܦܘܩܠܛܪܐ ܝܒܘܣܡܝܟ ܐܪܝܡ ܫܶܕܬܗ ܠܕܪܓܐ ܕܡܥܠܝ ܘܐܘܪܒܗ ܛܒ ܣܓܝ܂ ܠܒܬܪܗ ܕܝܘܡܐ ܗܿܘ ܟܬܒܬ ܐܢܐ ܐܚܝܩܪ ܐܓܪܬܐ ܠܐܫܦܓܢܐ ܒܪܬ ܙܘܓܝ܂ ܘܐܡܪܬ ܠܗܿ ܗܟܢܐ܂ ܒܡܘܢܥ ܐܓܪܬܝ ܗܕܐ܂ ܦܩܕܝ ܠܨܝ̈ܕܐ ܕܢܨܘܕܘܢ ܠܢ ܬܪܝܢ ܦܪ̈ܘܓܐ ܕܢܫܪܐ ܘܛܝܒ ܠܟܝ ܛܘܢܒ̈ܝ ܩܢܦܐ܂ ܐܝܟܢܐ ܕܢܗܘܘܢ ܐܪ̈ܝܟܐ ܬܪܝܢ ܐܠܦܝ̈ܢ ܐܡ̈ܝܢ܂ [ܘܦܩܘܕܝ] ܠܢܓܕ̈ܐ ܕܢܥܒܕܘܢ ܬܪܝܢ ܓܠܘܣܩ̈ܡܐ ܪ̈ܘܪܒܐ܂ ܘܗܒܝ ܢܒܘܠܚܠ ܘܕܒܫܠܝܡ ܠܢܫ̈ܐ ܡܝܢܩ̈ܢܝܬܐ ܕܢܐܢܩ̈ܢ ܐܢܝܢ܂ ܘܟܠܝܘܡ ܐܡܪܐ ܚܕ ܐܘܟܠܝ ܠܢܫܖ̈ܐ ܕܢܬܪܒܘܢ܂ ܘܟܠܝܘܡ ܬܪܟܒܝ ܛܠܝ̈ܐ ܥܠ ܚܨܝ̈ ܢܫܪ̈ܐ ܟܡܐ Note: (p. 32) ܕܙܥܘܪܝܢ ܕܠܐ ܝܘܩܪܐ܂ ܘܩܛܘܪܝ ܛܘܢܒ̈ܐ ܒܪ̈ܓܠܝ ܢܫܪ̈ܐ ܒܐܐܪ ܘܛܠ̈ܝܐ ܢܪܟܒܘܢ ܥܠ ܚܨܗܘܢ ܟܕ ܙܥܘܪܝܢ ܐܝܟܢܐ ܕܢܬܥܝܕܘܢ [ܒܛܥܘܢܬܗܘܢ܂] ܘܟܕ ܢܦܪܚܘܢ ܐܠܦܝ ܛܠ̈ܝܐ ܕܢܩܥܘܢ ܥܠ ܚܨ̈ܝ ܢܫܪ̈ܐ ܡܐ ܕܣܠܩܝܢ ܒܐܐܪ ܘܢܐܡܪܘܢ ܗܟܢܐ܂ ܡܢܥܘ ܠܢ ܟܠܫܐ ܘܓܨܐ

ܘܟ̈ܐܦܐ܂ ܕܒܢܝ̈ܐ ܘܦܥ̈ܠܐ ܒܛܿܠܝܢ܂ ܘܨܒܝܢ ܓܝܪ ܠܡܒܢܐ ܒܝܪܬܐ ܒܐܐܪ܂ ܒܬܪܟܢ ܕܝܢ ܓܕܝ ܠܦܪ̈ܘܓܐ ܘܐܚܬܝ ܐܢܘܢ ܠܐܪܥܐ ܘܐܥܠܝ ܐܢܘܢ ܒܓܘ ܓܠܘܣܩܡܐ ܘܫܕܪܝ ܠܝ ܦܬܓܡܐ [ܕܐܕܥ] ܒܓܘ [ܫܘܡܠܝ] ܨܒܘܬܐ ܗܕܐ܂ ܘܐܦ ܐܫܦܓܢܐ ܐܢܬܬܝ ܣܓܝ ܚܟܝܡܬܐ ܐܝܬܝܗܿ ܗܘܬ܂ ܘܟܠܡܐ ܕܦܩܕܬܗܿ ܥܒܕܬ ܘܐܘܕܥܬ ܠܝ܂ ܒܬܪ ܩܠܝܠ ܝܘܡ̈ܬܐ ܐܢܐ ܐܚܝܩܪ ܐܡܪܬ ܠܡܠܟܐ ܕܐܙܠ ܠܡܨܪܝܢ ܡܛܠ ܕܡܛܐ ܙܒܢܐ ܕܐܪܕܐ ܒܗ܂ ܗܝܕܝܢ ܝܗܒ ܠܝ Note: (p. 33) ܦܘܩܕܢܐ ܘܢܣܒܬ ܥܡܝ ܚܝܠܐ ܣܓܝܐܐ܂ ܘܟܕ ܥܒܪܢܢ ܡܰܪܕܐ ܝܘܡܐ ܚܕ ܘܩܡܢ ܒܕܘܟܬܐ ܕܪܘܝܚܐ ܒܦܩܥܬܐ܂ ܗܝܕܝܢ ܐܦܩܬ ܠܢܫܪ̈ܐ ܡܢ ܓܠܘܣܩ̈ܡܐ܂ ܘܐܣܪܬ ܒܪ̈ܓܠܝܗܘܢ ܛܘܢܒ̈ܐ ܘܐܪܟܒܬ ܥܠ ܚܨܝܗ̈ܘܢ ܛܠܝ̈ܐ܂ ܘܦܪܚܘ ܒܐܐܪ ܥܕܡܐ ܕܠܐ ܡܬܚܙܝܢ ܗܘܘ܂ ܗܝܕܝܢ ܫܪܝܘ ܩܥܝܢ ܛܠ̈ܝܐ ܥܠ ܚ̈ܨܝ ܢܫܖ̈ܐ ܒܐܐܪ܂ ܓܨܐ ܘܟܠܫܐ ܘܟ̈ܐܦܐ ܡܢܥܘ ܠܢ܂ ܕܒܢ̈ܝܐ ܘܦܥ̈ܠܐ [ܒܛܝܠܝܢ܂] ܘܒܥܝܢ ܕܝܢ ܕܢܒܢܘܢ ܒܝܪܬܐ ܒܫܡܝܐ ܕܥܶܠܝ܂ ܗܝܕܝܢ ܢܓܕܬ ܐܢܘܢ ܘܢܚܬܘ܂ ܘܟܕ ܫܡܥܘ ܐܬܘܪ̈ܝܐ ܗܕܐ ܚܕܝܘ ܚܕܘܬܐ ܪܒܬܐ܂ ܡܥܠܬܗ ܕܐܚܝܩܪ ܩܕܡ ܦܪܥܘܢ ܡܠܟܐ ܕܡܨܪܝܢ܂ ܟܕ ܥܠܬ ܥܡ ܚܝܠ̈ܘܬܝ ܐܢܐ ܐܚܝܩܪ ܠܡܨܪܝܢ܂ [ܐܙܠܬ] ܠܘܬ ܦܪܥܘܢ ܡܠܟܐ ܘܐܘܕܥܘܗܝ ܥܰܒܕ̈ܘܗܝ ܕܗܐ ܓܒܪܐ ܕܒܥܝܬ Note: (p. 34) ܡܢ ܡܠܟܐ ܕܐܬܘܪ ܡܢܥ܂ ܡܢܐ ܢܗܘܐ ܦܘܩܕܢܟ܂ ܘܦܩܕ ܦܪܥܘܢ ܘܝܗܒ ܠܢ ܕܘܟܬܐ ܠܝ ܘܠܚܝ̈ܠܘܬܝ܂ ܟܢ ܦܩܕ ܦܪܥܘܢ ܘܥܠܬ ܩܕܡܘܗܝ ܘܣܓܕܬ ܠܗ܂ܗܝܕܝܢ ܐܡܪ ܠܝ܂ ܡܢܘ ܫܡܟ܂ ܐܡܪܬ ܐܒܝܩܡ ܫܡܗ ܕܥܒܕܟ ܐܝܬܘܗܝ ܫܘܫܡܢܐ ܡܢ ܫܘܫܡ̈ܢܝ [ܕܣܪܚܕܘܡ] ܡܠܟܐ ܕܐܬܘܪ ܘܢܝܢܘܐ܂

ܘܟܕ ܫܡܥ ܦܪܥܘܢ ܪܓܙ ܥܠܝ ܘܐܡܪ܂ ܕܗܟܢ ܒܨܝܪ ܐܢܐ ܠܘܬ ܡܪܟ ܕܫܘܫܡܢܐ ܢܫܕܪ ܠܝ ܕܢܓܝܒܢܝ܂ ܗܫܐ ܙܠ ܐܘ ܐܒܝܩܡ ܠܬܘܢܟ ܘܰܡܚܪ ܗܦܘܟ ܠܘܬܝ܂ ܘܐܙܠܬ܂ ܫܘ̈ܐܠܐ ܕܡܠܟܐ܂ ܐ܂ ܘܦܩܕ ܦܪܥܘܢ ܠܪ̈ܘܪܒܢܘܗܝ ܕܢܠܒܫܘܢ ܡܚܪ ܠܒܘܫܐ ܕܒܘܨܐ ܣܘܡܩܐ ܘܢܐܬܘܢ ܠܘܬܗ܂ ܘܐܦ ܡܠܟܐ ܠܒܫ ܐܪܓܘܢܐ ܣܘܡܩܐ ܘܝܬܒ ܥܠ ܟܘܪܣܝܗ܂ ܘܟܠܗܘܢ ܥܒܕܘ̈ܗܝ ܘܪ̈ܘܪܒܢܘܗܝ ܚܕܪܘܗܝ܂ ܟܶܢ ܦܩܕ ܘܐܥܠܘܢܝ ܠܘܬܗ ܘܐܡܪ ܠܝ܂ ܐܘ ܐܒܝܩܡ܂ ܠܡܿܢ ܕܡܿܐ Note: (p. 35) ܐܢܐ܂ ܘܚܝܠ̈ܘܬܝ ܠܡܢܘ ܕܡܿܝܢ܂ ܘܐܡܪܬ ܠܗ܂ ܕܝܢ ܡܪܝ܆ ܕܡܿܐ ܐܢܬ ܠܒܝܠ ܨܠܡܐ܂ ܘܥܒܕ̈ܝܟ ܠܡܫܡܫ̈ܢܘܗܝ܂ ܗܝܕܝܢ ܐܡܪ ܠܝ܂ ܙܠ ܐܘ ܐܒܝܩܡ ܗܫܐ܂ ܘܡܚܪ ܬܐ܂ ܒ܂ ܘܦܩܕ ܡܠܟܐ ܠܪ̈ܘܪܒܢܘܗܝ ܕܢܠܒܫܘܢ ܠܒܘ̈ܫܐ ܚܘܪ̈ܐ ܕܡܼܢ ܬܟܠܬܐ ܘܢܬܛܝܒܘܢ ܠܘܬܗ܂ ܘܐܦ ܡܠܟܐ ܠܒܫ ܘܝܬܒ ܥܠ ܟܘܪܣܝܗ ܘܪ̈ܘܪܒܢܘܗܝ ܩܝܡܝܢ ܩܕܡܘܗܝ܂ ܘܦܩܕ ܘܐܬܛܝܒܬ ܠܘܬܗ ܘܐܡܪ ܠܝ܆ ܐܘ ܐܒܝܩܡ ܠܡܢ ܕܡܿܐ ܐܢܐ܂ ܘܪ̈ܘܪܒܢܝ ܠܡܰܢܘ ܕܡܿܝܢ܂ ܐܡܪܬ ܠܗ܂ ܐܢܬ ܠܫܡܫܐ ܘܪ̈ܘܪܒܢܝܟ ܠܙܠܝܩ̈ܐ܂ ܬܘܒ ܐܡܪ܂ ܙܠ ܠܬܘ̈ܢܝܟ ܘܡܚܪ ܗܦܘܟ ܠܘܬܝ܂ ܓ܂ ܘܦܩܕ ܡܠܟܐ ܠܪ̈ܘܪܒܢܘܗܝ ܕܢܠܒܫܘܢ ܙܰܪܓܐ ܫܥܘܬܐ܂ ܕܙܚܘܪܝܬܐ܂ ܘܐܦ ܡܠܟܐ ܠܒܫ ܗܟܢܐ ܘܝܬܒ ܥܠ ܟܘܪܣܝܗ܂ ܘܦܩܕ ܘܐܬܛܝܒܬ ܠܘܬܗ܂ ܘܐܡܪ ܠܝ܆ ܐܘ ܐܒܝܩܡ ܠܡܿܢ ܕܡܿܐ ܐܢܐ ܗܫܐ ܘܪ̈ܘܪܒܢܝ ܠܡܢܘ ܕܡܿܝܢ܂ ܐܡܪܬ ܠܗ Note: (p. 36) ܐܢܬ ܠܣܗܪܐ ܘܪ̈ܘܪܒܢܝܟ ܠܟܘܟܒ̈ܐ܂ ܐܡܪ ܠܝ܆ ܙܠ ܠܬܘܢܟ ܘܡܚܪ ܗܦܘܟ܂

ܕ܂ ܘܦܩܕ ܕܝܢ ܠܪ̈ܘܪܒܢܘܗܝ ܕܢܠܒܫܘܢ ܠܒܘ̈ܫܐ ܕܙܢܝ̈ܢ ܙܢܝ̈ܢ܂ ܘܘܐܠܝ̈ ܗܰܝܟܠܐ ܢܗܘܝܢ ܣܘܡ̈ܩܬܐ܂ ܘܡܠܟܐ ܠܒܫ [ܦܪܦܘܪܐ] ܘܝܬܒ ܥܠ ܟܘܪܣܝܗ܂ ܘܦܩܕ ܘܐܬܛܝܒܬ ܠܘܬܗ܂ ܘܐܡܪ ܠܝ܂ ܐܘ ܐܒܝܩܡ܂ ܠܡܢܘ ܕܡܿܐ ܐܢܐ ܘܪ̈ܘܪܒܢܝ ܠܡܢܘ ܕܡܝܢ܂ ܐܡܪܬ ܠܗ ܓܝܪ ܕܡܿܐ ܐܢܬ ܠܐܝܪܚ ܢܝܣܢ܂ ܘܪ̈ܘܪܒܢܝܟ ܠܗܒܒ̈ܘܗܝ܂ ܟܕ ܫܡܥ ܕܝܢ ܡܠܟܐ ܪܘܙ ܒܚܕܘܬܐ ܘܐܡܪ ܠܝ܂ ܐܘ ܐܒܝܩܡ ܙܒܢܬܐ ܗܕܐ ܐܡܿܪ ܐܢܐ ܠܟ܂ ܐܢܗܘ ܕܡܣܬܟܠ ܐܢܬ ܟܠܡܐ ܕܦܚܡܬܢܝ܂ ܡܪܟ ܡܠܟܐ ܣܪܚܕܘܡ ܠܡܢܘ ܕܡܿܐ܂ ܘܪ̈ܘܪܒܢܘܗܝ ܠܡܢܘ ܕܡܝܢ܂ ܗܝܕܝܢ ܐܡܪܬ ܠܗ܂ ܚܣ ܠܝ ܕܐܥܗܕ ܫܡܐ ܕܡܪܝ ܡܠܟܐ܂ ܘܐܢܬ ܕܝܢ ܝܬܝܒ ܥܠ ܟܘܪܣܝܟ܂ ܒܪܡ ܥܠ ܪ̈ܓܠܝܟ ܩܘܡ Note: (p. 37) ܘܐܡܿܪ ܐܢܐ ܠܟ ܠܡܢܘ ܕܡܿܐ ܡܪܝ ܡܠܟܐ ܕܐܬܘܪ܂ ܗܝܕܝܢ ܦܪܥܘܢ ܩܡ ܡܢ ܟܘܪܣܝܗ ܘܟܢ ܐܡܪܬ ܠܗ܂ ܡܪܝ ܣܪܚܕܘܡ ܕܡܿܐ ܠܫܘܠܛܢܐ ܕܪܘܚܐ ܘܪ̈ܘܪܒܢܘܗܝ ܠܒܪܩܐ܂ ܟܕ ܕܝܢ ܨܿ ܒܐ ܢܫܿܒܐ ܪܘܚܐ ܘܢܚܿܬ ܡܛܪܐ ܘܓܿܒܠ ܛܝܢܐ܂ ܘܦܿܩܕ ܬܘܒ ܥܠ ܪ̈ܥܡܐ ܪܳܥܡܝܢ ܘܒܪ̈ܩܐ ܒܿܪܩܝܢ ܘܣܚܿܦ ܠܒܝܠ ܨܠܡܐ܂ ܘܠܡܫܡܫ̈ܢܘܗܝ ܡܒܕܪ܂ ܘܡܥܘܟ ܠܫܡܫܐ ܕܠܐ ܢܢܗܪ܂ ܘܙܠܝܩ̈ܘܗܝ ܕܠܐ ܢܬܚܙܘܢ܂ ܘܡܩܝܡ [ܠܣܗܪܐ] ܕܠܐ ܢܕܢܚ ܥܡ ܟܘܟܒ̈ܐ܂ ܘܦܿܩܕ ܠܦܢܝܬܐ ܓܪܒܝܝܬܐ ܘܝܳܗܒܐ ܪ̈ܘܚܐ ܘܪ̈ܥܡܐ ܘܡܬܡܛܪ ܡܛܪܐ ܘܒܪܕܐ܂ ܘܡܬܚܒܛܝܢ ܘܢܳܬܪܝܢ ܦܩܚܘ̈ܗܝ ܘܗܒܒ̈ܘܗܝ ܟܠܗܘܢ ܕܢܝܣܢ ܝܪܚܐ܂ ܗܝܕܝܢ ܟܕ ܫܡܥ ܦܪܥܘܢ ܡܠܟܐ ܗܠܝܢ ܬܘܗ ܬܘܗܬܐ ܪܒܬܐ ܘܪܓܙ܂ ܘܐܡܪ܆ ܐܡܰܪ ܠܝ ܒܫܪܪܐ ܡܢܘ ܫܡܟ ܐܘ ܓܒܪܐ Note: (p. 38) ܗܝܕܝܢ ܐܡܪܬ ܐܢܐ ܐܢܐ ܐܚܝܩܪܣܦܪܐ܂

ܟܢ ܐܡܼܪ ܠܝ ܡܠܟܐ܆ ܚܢܢ ܫܡܥܢܢ ܕܐܚܝܩܪ ܐܬܩܛܠ܂ ܐܝܟܢܐ ܗܝ ܗܕܐ܂ ܬܘܒ ܐܡܪܬ ܛܰܝܒܘܬܐ ܠܐܠܗܐ ܡܪܚܡܢܐ [ܕܦܨܢܝ] ܡܢ ܢܟܠܐ ܘܛܠܘܡܝܐ [ܕܐܢ̈ܫܐ] ܒܝܫ̈ܐ ܘܰܢܟܝ̈ܠܐ܂ ܟܕܒܘ ܓܝܪ ܥܠܝ ܩܕܡ ܡܪܝ ܡܠܟܐ ܘܦܩܕ ܒܩܛܠܝ܂ ܘܡܪܝ [ܦܨܢܝ] ܡܢ ܩܛܠܐ܂ ܘܛܘܒܘܗܝ ܠܡܿܢ ܕܢܬܬܟܠ ܥܠܘܗܝ܂ ܘܥܢܐ ܗܟܝܠ ܡܰܠܟܐ ܦܪܥܘܢ ܘܐܡܪ ܠܝ܂ ܙܠ ܐܘ ܐܚܝܩܪ ܠܬܘܢܟ ܘܡܚܪ ܗܦܘܟ ܠܘܬܝ ܘܐܡܪ ܠܝ ܡܠܬܐ ܕܠܐ ܫܡܥܬܗܿ܂ ܘܠܐ ܣܟ ܐܫܬܡܥܬ ܡ̣ܢ ܪ̈ܘܪܒܢܝ ܡܨܪ̈ܝܐ܂ ܘܐܙܠܬ ܠܝ ܠܬܘܢܝ ܘܐܬܪܥܝܬ ܒܢܦܫܝ ܕܐܝܕܐ ܡܠܬܐ ܠܐ ܫܡܥܘܗ̇ ܠܰܓܡܪ܂ ܗܝܕܝܢ ܢܣܒܬ ܐܢܐ ܐܚܝܩܪ ܐܓܪܬܐ ܘܟܬܒܬ ܗܟܢ܂ ܡܢ ܦܪܥܘܢ ܡܠܟܐ ܕܡܨܪܝܢ ܠܣܪܚܕܘܡ Note: (p. 39) ܡܠܟܐ ܕܐܬܘܪ ܘܢܝܢܘܐ ܫܠܡܐ܂ ܕܥ ܐܘ ܐܚܝ ܚܒܝܒܐ ܕܣܢܩܝܢ ܐܚ̈ܐ ܠܐܚ̈ܐ ܘܡܠ̈ܟܐ ܠܡܠ̈ܟܐ܂ ܘܗܐ ܗܟܝܠ ܒܗܢܐ ܙܒܢܐ ܚܰܣܝܪ ܢܦܩ̈ܬܐ ܐܢܐ܂ ܘܓ̈ܙܝ ܘܣܝ̈ܡܬܝ ܓܡܪܘ܂ ܒܿܥܢܐ ܡܢ ܐܚܘܬܟ ܕܬܘܙܦ ܠܝ ܬܫܥܡܐܐ ܟܟܖ̈ܐ ܕܗܒܐ܂ ܘܒܬܪ ܩܰܠܝܠ ܦܪܥܢܐ ܠܟ ܕܗܒܐ ܕܠܐ ܬܘܚܪܬܐ܀ ܘܟܪܟܬ ܐܓܪܬܐ ܘܐܙܠܬ ܠܘܬ ܦܪܥܘܢ ܡܰܠܟܐ܂ ܟܢ ܐܡܼܪ ܠܝ܂ ܐܘ ܐܚܝܩܪ ܐܝܬܝܬ ܠܝ ܦܘܢܝ ܡܠܬܐ ܕܐܡܪܬܟ܂ ܗܝܕܝܢ ܐܡܪܬ ܐܝܢ ܡܪܝ܂ ܘܐܦܩܬ ܠܐܓܪܬܐ ܘܐܰܫܠܡܬܗ̇ ܒܐܝܕ̈ܘܗܝ܂ ܘܟܕ ܕܝܢ ܩܪܗܿ ܩܕܡ ܪ̈ܘܪܒܢܘܗܝ ܬܡܗܘ ܘܐܬܕܡܪܘ܂ ܘܐܡܪܘ ܕܫܪܝܪܐܝܬ ܠܐ ܣܟ ܐܫܬܡܥܬ ܕܐܝܟ ܗܕܐ ܡܠܬܐ ܒܡܨܪܝܢ܂ ܗܝܕܝܢ ܐܡܪܬ ܠܗܘܢ ܕܚܰܝܒܐ ܡܕܝܢ ܡܨܪܝܢ ܚܘܒܬܐ ܗܕܐ ܕܬܦܪܘܥ ܠܐܬܘܪ ܘܢܝܢܘܐ܂ ܟܢ ܩܒܠܘ ܥܠܝܗܘܢ ܡܨܪ̈ܝܐ ܕܢܬܠܘܢ ܚܘܒܬܐ ܥܗܝܕܬܐ܂ ܬܘܒ ܕܝܢ Note: (p. 40) ܐܡܪ ܠܝ ܦܪܥܘܢ ܡܠܟܐ܂ ܐܘ ܐܚܝܩܪ

ܒܥܿܐ ܐܢܐ ܡܢܟ ܕܬܒܢܐ ܠܝ ܒܝܪܬܐ ܒܝܬ ܫܡܝܐ ܠܐܪܥܐ܂ ܘܢܗܘܐ ܪܘܡܗ̇ ܬܪܝܢ ܐܠܦܝܢ ܐܰܡܝ̈ܢ ܒܫܘܝܘܬܐ܂ ܘܥܢܬ ܘܐܡܪܬ܂ ܒܿܢܐ ܐܢܐ ܠܟ ܡܪܝ ܒܝܪܬܐ ܐܟܡܐ ܕܒܥܝܬ ܒܪܡ ܟܐܦ̈ܐ ܘܓܨܐ ܘܟܠܫܐ ܡܢܟ ܢܗܘܘܢ ܘܒܢ̈ܝܐ ܘܐܘܡ̈ܢܐ ܡܢܝ܂ ܘܥܢܐ ܦܪܥܘܢ ܘܐܡܪ܆ ܕܗܟܢܐ ܢܗܘܐ܂ ܘܒܗܿ ܒܫܥܬܐ ܐܦܩܬ ܢܫܖ̈ܐ ܡܢ ܓܠܘܣܩ̈ܡܐ ܘܐܪܟܒܬ ܠܛܠ̈ܝܐ ܥܠ ܚܨܝ̈ܗܘܢ܂ ܘܐܣܪܬ ܛܘܢܒ̈ܐ ܒܪ̈ܓܠܝܗܘܢ܂ ܘܦܪܚܘ ܢܫܖ̈ܐ ܘܛܠ̈ܝܐ ܟܕ ܩܥܝܢ ܘܐܡܪܝܢ܂ ܓܨܐ ܘܟܠܫܐ ܘܟܐܦ̈ܐ ܡܰܢܥܘ ܠܢ ܕܐܘܡܢ̈ܝ ܡܠܟܐ ܦܪܥܘܢ ܘܦܥ̈ܠܐ ܩܿܝܡܝܢ ܘܒܛܝܠܝܢ܂ ܘܨܒܝܢ ܕܢܒܢܘܢ ܒܝܪܬܐ ܠܡܠܟܐ ܦܪܥܘܢ ܒܝܬ ܫܡܝܐ ܠܐܪܥܐ܂ ܬܘܒ ܩܥܝܢ ܗܘܘ ܘܐܡܿܪܝܢ ܕܡܙܘܓܘ ܘܗܒܘ ܠܢ ܚܡܪܐ ܕܢܫܬܐ Note: (p. 41) ܐܘ ܡܨܪ̈ܝܐ܂ ܟܕ ܕܝܢ ܐܬܒܰܩܝܘ ܦܪܥܘܢ ܘܪ̈ܘܪܒܢܘܗܝ ܬܗܰܪܘ ܣܓܝ܂ ܘܢܣܒ ܐܚܝܩܪ ܫܒܛܐ ܘܡܚܐ ܠܪ̈ܘܪܒܢܝ ܦܪܥܘܢ ܐܝܟܢܐ ܕܢܬܠܘܢ ܟܐܦ̈ܐ ܘܓܨܐ ܘܟܠܫܐ ܠܒܢ̈ܝܐ܂ ܟܕ ܥܩܬ ܠܗܘܢ ܡܢ ܡܚܘ̈ܬܐ ܥܪܩܘ ܠܗܘܢ ܠܒܬܝܗ̈ܘܢ܂ ܗܝܕܝܢ ܐܡܪ ܦܪܥܘܢ ܐܘ ܐܚܝܩܪ ܠܡܐ ܕܝܘܢܐ ܐܢܬ܂ ܡܢܘ ܡܨܐ [ܢܡܢܥ] ܢܡܢܥ ܗܿܘ ܡܕܡ ܕܐܡܿܪܝܢ ܒܗܿܘ ܪܘܡܐ ܕܫܡܝܐ܂ ܟܢ ܐܡܪܬ ܠܗ܂ ܐܠܘ ܡܪܝ ܣܪܚܕܘܡ ܗܪܟܐ ܢܬܚܙܐ ܗܘܐ܂ ܬܖ̈ܬܝܢ ܒܝܪ̈ܢ ܒܚܕ ܝܘܡܐ ܒܿܢܐ ܗܘܐ܂ ܟܢ ܐܡܪ ܠܝ ܦܪܥܘܢ ܦܘܫ ܗܫܐ ܡܢ ܒܢܝܢܐ ܘܙܠ ܠܬܘܢܟ܂ ܘܡܚܪ ܬܐ ܠܘܬܝ ܒܥܓܠ܂ ܐܙܠܬ ܐܝܟ ܕܦܩܕܢܝ ܘܟܢ ܗܦܟܬ ܠܘܬܗ ܘܐܡܪ ܠܝ܂ ܐܘ ܐܚܝܩܪ܂ ܐܝܟܢ ܗܼܘ ܫܪܒܐ ܕܣܘܣܝܐ ܕܡܪܟ ܣܪܚܕܘܡ܂ ܬܡܢ ܨܗܠ ܒܐܬܘܪ ܘܫܡܥܢ ܣܘܣ̈ܝܬܢ ܩܠܗ ܘܡܪ̈ܡܢ ܗܪܟܐ܂

ܗܝܕܝܢ Note: (p. 42) ܢܦܩܬ ܠܒܪ ܘܐܚܕܬ ܠܝ ܫܘܢܪܐ ܚܰܕ ܡܢ ܓܢܬܐ ܘܡܢܓܕ ܗܘܝܬ ܩܕܡ ܦܪܥܘܢ ܠܫܘܢܪܐ ܗ̇ܘ ܥܕܡܐ ܕܐܙܥܩ ܘܒܓܢ܂ ܘܩܪܢܝ ܦܪܥܘܢ ܡܠܟܐ ܘܐܡܪ ܠܝ܂ [ܥܠ ܡܢܐ] ܡܢܓܕ ܐܢܬ ܠܫܘܢܪܐ ܗܢܐ܂ ܗܝܕܝܢ ܐܡܪܬ ܠܦܪܥܘܢ ܡܠܟܐ܂ ܐܚܣܪܢܝ ܫܘܢܪܐ ܛܒ ܣܓܝ ܐܘ ܡܪܝ܂ ܒܗܿܝ ܕܐܝܬ ܗܘܐ ܠܝ ܬܪܢܓܠܐ ܚܕ ܬܡܝܗ ܩܠܐ ܘܡܘܕܥ ܗܘܐ ܠܝ ܥܠ ܫܥ̈ܝ ܠܠܝܐ܂ ܘܡܪܝ ܣܪܚܕܘܡ ܝܗܒܗ ܗܘܐ ܠܝ ܡܘܗܒܬܐ܂ ܘܒܠܠܝܐ ܗܢܐ ܐܙܠ ܫܘܢܪܐ ܠܐܬܘܪ ܘܐܟܠܗ ܠܬܪܢܓܠܐ ܕܝܠܝ܂ ܗܝܕܝܢ ܦܪܥܘܢ ܐܡܼܪ ܠܝ܂ ܐܘ ܐܚܝܩܪ ܚܙܿܐ ܐܢܐ ܒܟ ܐܬܐ ܕܕܝܘܢܘܬܐ ܗܫܐ܂ ܐܝܟܢܐ ܡܨܝܐ ܕܫܘܢܪܐ ܢܐܙܠ ܡܢ ܡܨܪܝܢ ܠܐܬܘܪ ܒܠܠܝܐ ܚܕ܂ ܒܗܝ ܕܐܝܬ ܒܝܢܬܗܘܢ ܝܬܝܪ ܡܼܢ ܬܠܬܡܐܐ ܘܫܬܝܢ ܦܪ̈ܣܚܐ Note: (p. 43) ܘܕܢܐܟܘܠ ܬܪܢܓܠܐ ܕܝܠܟ ܘܬܘܒ ܢܐܬܐ ܠܗܪܟܐ܂ ܗܝܕܝܢ ܐܡܪܬ ܐܘ ܡܪܝ ܡܠܟܐ ܦܪܥܘܢ܂ ܘܐܝܟܢܐ ܨܗܠ ܣܘܣܝܐ ܕܡܪܝ ܬܡܢ ܘܡܰܪ̈ܡܝܢ ܣܘ̈ܣܝܬܟܘܢ ܗܪܟܐ܂ ܟܢ ܐܡܼܪ ܡܠܟܐ ܛܒ ܫܦܝܪ ܦܘܢܝܟ܂ ܒܪܡ ܦܫܩ ܠܝ ܡܬܠܐ ܗܢܐ܂ ܒܢܝܐ ܚܕ ܒܢܐ ܥܡܘܕܐ ܡܕܡ܂ ܘܒܢܝܗܝ ܡܢ ܬܡܢܝܐ ܐܠܦܝܢ ܘܫܒܥܡܐܐ ܘܫܬܝܢ ܘܐܠܬܐ ܠܒ̈ܢܝܢ܂ ܘܛܠܠܗ ܓܝܪ [ܒܬܠܬܡܐܐ] ܘܫܬܝܢ ܘܚܡܫܐ ܟܐܦ̈ܝܢ܂ ܘܢܨܒ ܕܝܢ ܠܥܠ ܡܢܗ ܬܪܥܣܪ ܐܝ̈ܠܢܝ ܐܪ̈ܙܐ܂ ܘܬܩܢ ܒܟܠ ܐܪܙܐ ܬܠܬܝܢ [ܫܒܘ̈ܩܝܢ܂] ܘܒܟܠ ܫܒܘܩܐ ܬܪܝܢ ܣܓܘ̈ܠܐ ܘܬܡܪ̈ܐ ܚܕ ܚܘܪܐ ܘܐܚܪܢܐ ܐܘܟܡܐ܂‫‬ ܗܝܕܝܢ ܠܦܪܥܘܢ ܡܠܟܐ ܐܡܪܬ܂ ܪ̈ܥܝܝ ܒܩܪ̈ܐ ܕܐܬܘܪ ܘܢܝܢܘܐ ܝܕܥܝܢ ܠܗ܂ ܒܢܝܐ ܗܟܝܠ ܐܠܗܐ ܗܘ ܕܒܪܐ ܠܫܢܬܐ ܕܗܝ ܗܝ ܥܡܘܕܐ܂ ܘܣܡ ܫ̈ܥܝ Note: (p. 44) ܫܰܢܬܐ ܬܡܢܝܐ ܐܠܦܝܢ

ܘܫܒܥܡܐܐ ܘܫܬܝܢ ܘܬܠܬ ܫ̈ܥܝܢ܂ ܘܬܩܢ ܝܘ̈ܡܝ ܫܢܬܐ ܬܠܬܡܐܐ ܘܫܬܝܢ ܘܚܡܫܐ ܝܘ̈ܡܝܢ܂ ܘܬܪܥܣܪ ܐܪ̈ܙܝܢ ܬܪܥܣܪ ܝܪ̈ܚܝ ܫܢܬܐ܂ ܘܟܠ ܐܪܙܐ ܬܠܬܝܢ ܫܒܘܩܝ̈ܢ܂ ܟܐܡܬ ܬܠܬܝܢ ܝܘ̈ܡܝܢ܂ ܘܟܠ ܫܒܘܩܐ ܐܝܬ ܒܗ ܬܪܝܢ ܣܓܘ̈ܠܝܢ܂ ܚܕ ܚܘܪܐ ܘܐܚܪܢܐ ܐܘܟܡܐ ܗܢܘܢ ܐܝܡܡܐ ܘܠܠܝܐ܂ ܬܘܒ ܕܝܢ ܐܡܼܪ ܦܪܥܘܢ܂ ܐܘ ܐܚܝܩܪ ܟܪܘܟ ܠܝ ܬܪܝܢ ܚܒ̈ܠܝܢ ܡܢ ܚܠܐ ܕܝܡܐ܂ ܐܡܪܬ ܠܗ ܓܝܪ ܐܘ ܡܪܝ ܦܩܘܕ ܕܢܦܩܘܢ ܠܝ ܡܢ ܒܝܬ ܩܦ̈ܣܐ ܚܒܠܐ ܚܕ ܕܐܥܒܕ ܐܟܘܬܗ܂ ܐܡܪ ܠܝ ܡܠܟܐ ܐܘ ܐܚܝܩܪ ܐܢ ܚܒܠܐ ܠܐ ܥܒܕ ܐܢܬ ܫܩܠܐ ܕܡܨܪܝܢ ܠܐ ܝܗܿܒ ܐܢܐ ܠܟ܂ ܗܝܕܝܢ ܐܙܠܬ ܠܒܣܬܪܗ ܕܒܝܬܐ ܘܢܩܒܬ ܒܐܣܬܐ ܬܪܝܢ ܢܩ̈ܒܝܢ܂ ܘܥܠܬ ܫܡܫܐ ܒܢܩ̈ܒܐ܂ ܘܒܕܪܬ ܡܼܢ ܚܠܐ ܕܝܡܐ ܒܢܩܒ̈ܐ ܘܫܪܝ ܟܪܟ ܐܝܟ ܚܒܠܐ܂ ܐܡܪܬ ܠܡܠܟܐ܂ ܦܰܩܕ ܠܥܒ̈ܕܝܟ ܕܢܣܒܘܢ Note: (p. 45) ܚܒ̈ܠܐ܂ ܘܟܢ ܐܡܪ ܦܪܥܘܢ ܡܠܟܐ ܐܘ ܐܚܝܩܪ ܗܐ ܐܝܬ ܠܢ ܟܐܦܐ ܚܕܐ [ܕܪܚܝܐ] ܗܐ ܕܣܓܝ ܬܡܝܗ ܣܘܥܪܢܗܿ܂ ܘܚܕܐ ܡܢܗܝܢ ܬܒܝܪܐ ܨܒܿܐ ܐܢܐ ܕܬܚܘܛܝܗ̇ ܠܰܢ܂ ܘܣܡܘܗܿ ܩܕܡܝ ܥܒ̈ܕܝ ܦܪܥܘܢ܂ ܗܝܕܝܢ ܚܙܝܬ ܟܐܦܐ ܐܚܪܬܐ ܕܙܥܘܪ ܡܢܗ̇ ܘܬܒܝܪܐ܂ ܘܫܩܠܬܗ̇ ܘܣܡܬܗ̇ ܩܕܡ ܦܪܥܘܢ ܘܐܡܪܬ ܠܗ܂ ܬܗܘܐ ܝܕܿܥ ܐܘ ܡܪܝ ܕܓܒܪܐ ܐܢܐ ܗܪܟܐ ܢܘܟܪܝܐ ܗܫܐ܂ ܘܠܐ ܐܝܬܝܬ ܥܰܡܝ ܐܘܪ̈ܓܢܐ ܕܐܫܟ̈ܦܐ܂ ܦܩܘܕ ܠܪ̈ܚܡܝܟ ܐܫܟܦ̈ܐ ܕܒܡܕܝܢܬܟ ܘܢܩܕܘܢ [ܠܝ] ܡܢ ܟܐܦܳܐ ܗܕܐ ܩܶܕܳܐ ܕܐܚܘܛܝܗܿ ܠܟܘܢ ܒܥܓܠ܂ ܗܝܕܝܢ ܦܪܥܘܢ ܘܪ̈ܘܪܒܢܘܗܝ ܐܬܕܡܪ ܒܐܚܝܩܪ ܚܟܝܡܐ ܘܫܰܒܚܘܗܝ ܘܐܡܪܘ܂ ܒܪܝܟܘ ܡܪܝܐ ܕܝܰܗܒ ܠܟ ܗܟܢ ܚܟܡܬܐ ܘܝܕܥܬܐ ܐܘ ܐܚܝܩܪ

Note: (p. 46) ܡܦܩܬܗ ܕܐܚܝܩܪ ܡܢ ܡܨܪܝܢ ܘܗܦܘܟܝܗ ܕܠܘܬ ܣܪܚܕܘܡ ܡܠܟܐ ܕܐܬܘܪ ܘܢܝܢܘܐ܂ ܟܕ ܚܙܐ ܕܝܢ ܦܪܥܘܢ ܘܪܘܪ̈ܒܢܘܗܝ ܕܐܙܕܟܝܘ ܡܢ ܐܚܝܩܪ ܣܦܪܐ܂ ܘܦܰܫܩ ܘܫܪܐ ܠܟܠܗܘܢ ܡܬܠܝ̈ܗܘܢ [ܘܰܣܥܳܝܰܝ̈ܗܘܢ܂] ܘܠܐ ܦܫܘ ܠܗܘܢ ܥܠܘܗܝ ܥܠܬܐ ܡܕܡ܂ ܗܝܕܝܢ ܦܪܥܘܢ ܐܓܙܪ ܠܗ ܩܢܝܢܐ ܘܡܕܐܬܐ ܕܬܠܬ ܫ̈ܢܝܢ ܕܟܠܗ̇ ܐܪܥܐ ܕܡܨܪܝܢ܂ ܘܐܣܪܚ ܠܗ ܐܦ ܬܫܥܡܐܐ ܟܟܪ̈ܝܢ ܕܗܒܐ ܕܐܓܪܬܐ ܗ̇ܝ ܕܟܬܒ ܗܘܐ܂ ܘܫܪܬܚ ܠܟܠܗܘܢ ܥܒ̈ܕܝ ܘܚܝܠ̈ܘܬܝ ܡܘܗܒ̈ܬܐ ܕܠܐ ܡܶܢܝܢ܂ ܟܢ ܐܦܣ ܠܐܚܝܩܪ ܕܢܗܦܘܟ ܒܚܝܠ̈ܘܬܐ ܕܥܡܗ ܠܐܬܘܪ ܘܢܫܩܬ ܒܘܪ̈ܟܝ ܡܠܟܐ ܦܪܥܘܢ ܘܗܦܟܬ ܠܐܬܘܪ ܒܚܕܘܬܐ ܪܒܬܐ܂ ܘܥܠܬ ܠܘܬ ܡܠܟܐ ܣܪܚܕܘܡ ܒܐܝܩܪܐ ܘܪܝܡ ܪܝܫܐ ܘܚܕܝ ܚܕܘܬܐ ܪܒܬܐ ܒܚܙܬܝ܂ ܘܐܘܬܒܢܝ Note: (p. 47) ܡܼܢ ܝܡܝܢܗ ܘܐܡܪ ܠܝ܆ ܐܘ ܐܚܝܩܪ ܣܦܪܐ ܕܝܠܝ ܒܥܝ ܡܢܝ ܟܠܡܐ ܕܨܒܿܐ ܐܢܬ ܘܡܬܪܓܪܓ ܐܢܬ܂ ܗܝܕܝܢ ܐܡܪܬ ܠܗ܂ ܡܪܝ ܡܠܟܐ ܟܠܡܕܡ ܕܬܬܠ ܠܝ ܢܗܘܐ ܠܝܒܘܣܡܝܟ ܐܣܦܘܩܠܛܪܐ܂ ܡܛܠ ܕܒܡܨܥܝܘܬ ܚܟܡܬܗ ܚܿܝܐ ܐܢܐ ܗܠܝܢ ܚܝ̈ܐ܂ ܐܘ ܡܪܝ ܡܠܟܐ ܣܪܚܕܘܡ܂ ܟܢ ܫܪܝ ܡܠܟܐ ܕܐܬܘܪ ܡܫܐܠ ܠܝ ܥܠ ܟܠܡܐ ܕܥܒܕܬ ܩܕܡ ܦܪܥܘܢ ܡܠܟܐ ܕܡܨܪܝܢ܂ ܘܐܫܬܥܝܬ ܠܗ ܥܠ ܚܕܐ ܚܕܐ ܡܢܗܝܢ ܘܗܘ ܫܡܿܥ ܘܡܬܕܡܪ܂ ܬܘܒ ܐܫܠܡܬ ܠܗ ܟܠܡܐ ܕܝܗܒ ܗܘܐ ܠܝ ܦܪܥܘܢ ܡܠܟܐ ܕܡܨܪܝܢ܂ ܘܣܓܕܬ ܒܬܪܟܢ ܠܡܠܟܐ ܣܪܚܕܘܡ ܘܐܡܪܬ܂ ܫܠܡܟ ܘܚܘܠܡܢܟ ܒܳܥܐ ܐܢܐ ܕܡܪܝܐ ܢܬܠ ܠܟ ܒܐܡܝܢܘ܂ ܘܡܕܡ ܡܢ ܩܢܝܢܐ ܕܡܪܝ ܠܐ ܪܐܓ ܐܢܐ܂ ܐܠܐ ܗܒܠܝ [28] ܠܢܕܢ ܒܪܝ ܕܐܫܬܠܛ Note: (p. 48) ܥܠܘܗܝ ܒܦܘܩܕܢܟ ܘܒܡܠܬܟ܂ ܗܝܕܝܢ ܦܩܕ ܡܠܟܐ ܣܪܚܕܘܡ ܘܐܫܠܡܘܗܝ ܠܝ ܠܢܕܢ ܒܪ ܚܬܝ ܟܕ ܐܣܝܪ ܒܣܘܛܡ̈ܐ ܘܐܘܒܠܬܗ ܠܒܝܬܐ܂ ܘܫܪܝܬ ܠܡܢܓܕܘܬܗ ܩܫܝܐܝܬ܂ ܘܡܚܬܗ ܕܝܢ ܐܠܦ ܫܒ̈ܛܝܢ ܥܠ ܚܨܗ܂ ܘܐܠܦ ܥܠ [ܟܬܦ̈ܬܗ܂] ܘܐܠܦ ܥܠ ܟܪܣܗ ܘܐܠܦ ܥܠ ܛܚܘܪܗ ܘܐܠܦ ܥܠ ܪ̈ܓܠܘܗܝ܂ ܘܟܠܝܘܡ ܡܿܚܐ ܗܘܝܬ ܠܗ܂ ܘܟܕ ܒܿܥܐ ܗܘܐ ܕܢܬܬܢܝܚ܂ ܒܰܦܪܘܬܕܩܐ ܕܡܰܚܪܝܐ ܡܪܡܐ ܗܘܝܬ ܠܗ ܕܢܣܘܩ ܪܝܚܐ ܣܪܝܐ܂ ܘܠܚܡܐ ܘܡ̈ܝܐ ܠܬܘܪܣܝܗ ܒܡܬܩܠܐ ܝܗܿܒ ܗܘܝܬ܂ ܘܐܫܠܡܬܗ ܒܐܝ̈ܕܝ ܢܒܘܚܝܠ ܘܕܒܫܠܝܡ ܛܠܝ̈ܐ ܕܢܛܪܘܢܝܗܝ܂ ܘܐܡܪܬ ܠܗܘܢ ܓܝܪ܂ ܗܘܝܬܘܢ ܟܬܒܝܢ ܟܠܗܝܢ ܡ̈ܠܐ ܕܐܡܿܪ ܐܢܐ ܠܢܕܢ ܒܝܫ ܓܕܐ܂ ܕܗܟܢܐ ܝܩܪܬܗ ܘܚܰܒܰܒܬܗ܂ ܘܗܘ ܠܐ ܐܣܬܟܰܠ܂ ܒܪܡ ܕܝܢ ܗܘ ܒܼܥܐ ܩܶܛܠܝ ܘܐܒܝܕܘܬܝ ܡܢ ܚܝ̈ܐ܂ Note: (p. 49) ܗܝܕܝܢ ܐܡܪ ܠܢܕܢ ܒܪ ܚܬܗ܂ ‘ܒܪܝ ܐܡܝܿܪ ܗܘ ܒܡ̈ܬܠܐ ܡܿܢ ܕܠܐ ܫܡܿܥ ܒܐܕܢܗ ܡܢ ܒܣܬܪ ܩܕܠܗ ܐܫܡܥܘܗܝ܀’ ‘ܘܥܢܐ ܢܕܢ ܘܐܡܪ ܠܝ܂ ܥܠ ܡܢܐ ܪܓܝܙ ܐܢܬ ܥܠܝ ܐܘ ܐܚܝܩܪ܂ ܐܡܝܪ ܒܟܬܒܐ

‘ܠܐ ܬܦܪܘܥ ܒܝܫܬܐ [ܚܠܦ] ܒܝܫܬܐ܂’Note: Note: ܘܠܐܢܫ ܒܝܫܬܐ ܚܠܦ ܒܝܫܬܐ ܠܐ ܬܦܪܥܘܢ܂ ܘܐܦܠܐ ܨܘܚܝܬܐ ܚܠܦ ܨܘܚܝܬܐ܂ ܐܠܐ ܕܠܩܘܒܠܐ ܕܗܠܝܢ܆ ܗܘܝܬܘܢ ܡܒܪܟܝܢ܂ ܠܗܕܐ ܓܝܪ ܐܬܩܪܝܬܘܢ܆ ܕܒܘܪܟܬܐ ܬܐܪܬܘܢ܂ 1 Petr 3,9.Note: Note: ܘܠܐ ܬܦܪܥܘܢ ܠܐܢܫ ܒܝܫܬܐ ܚܠܦ ܒܝܫܬܐ ܐܠܐ ܢܬܒܛܠ ܠܟܘܢ ܕܬܥܒܕܘܢ ܛܒ̈ܬܐ ܩܕܡ ܒܢܝ̈ܢܫܐ ܟܠܗܘܢ܂ Rom 12,17.Note: Note: ܘܶܐܙܕܱܿܗ̱ܪܘ ܕܱܠܡܳܐ ܐ̱ܢܳܫ ܡܶܢܟܼܘܽܢ ܒܻܝܫܬܴܐ ܚܠܳܦܼ ܒܻܿܝܫܬܴܿܐ ܢܶܦܼܪܘܽܥ܆ ܐܶܠܴܐ ܒܼܟܼܽܠܙܒܼܰܢܿ ܗܰܪ̱ܛܘ ܒܿܳܬܰܪ ܛܳܒܼܳܬܼ̈ܳܐ܁ ܠܘܳܬܼ ܚ̈ܕܼܳܕܼܶܐ܂ ܘܰܠܘܳܬܼ ܟܿܽܠܢܳܫ܂ 1 Thess 5,15.

ܬܘܒ ܐܡܪ ܐܚܝܩܪ܂ ܒܪܝ ܐܢܐ ܝܩܪܬܟ ܘܪܒܝܬܟ܂ ܘܩܕܡ ܟܘܪܣܝ ܡܠܟܘܬܐ ܐܩܝܡܬܟ܂ ܘܐܢܬ ܕܝܢ ܕܚܝܬܢܝ ܡܢ ܡܘܬܒܝ ܘܪܚܡܬ ܩܛܠܝ܂ ܒܪܡ ܕܝܢ ܐܠܗܐ [ܦܰܨܢܝ] ܕܛܠܝܡ ܗܘܝܬ܂ ܡܛܠ ܕܐܠܗܐ ܕܚܿܐ ܠܰܡܫܰܩ̈ܠܐ܂ ܘܝܿܨܦ ܕܬܒܝܪ̈ܝ ܠܒܐ܂ ’ ‘ܒܪܝ ܗܘܝܬ [ܠܝ] ܐܝܟ ܥܩܪܒܐ ܕܡܚܬ ܥܘܩܣܗ̇ ܒܫܘܥܐ ܘܠܐ ܪܓܫ ܒܗܿ܂ ܘܡܚܬ ܒܰܡܚܰܛܐ܂ ܘܐܡܪܬ ܡܚܰܛܐ ܠܥܩܰܪܒܐ܂ ܗܐ ܥܘܩܣܝ ܩܫܶܐ ܗܘ ܡܼܢ ܕܝܠܟܝ܂’

‘ܒܪܝ ܗܘܝܬ [ܠܝ] ܐܝܟ ܥܙܐ ܕܩܡܬ ܥܠ ܥܣܒܐ ܕܦܘܬܐ ܕܬܐܟܘܠ ܡܢܗ܂ ܐܡܪܬ ܦܘܬܐ ܠܥܙܐ܂ ܠܡܢܐ ܐܟܠܐ ܐܢܬܝ ܡܢܝ ܕܓܠܕܟܝ ܒܝ ܨܒܥܝܢ ܠܗ܂ ܐܡܪܬ ܕܝܢ ܥܙܐ ܒܚܝ̈ܝ ܡܢܟܝ ܐܳܟܠܐ ܐܢܐ ܘܒܡܘܬܝ ܒܥܢܩܟܝ ܓܠܕܝ ܡܨܛܒܥܢܐ܀’ ‘ܒܪܝ ܗܘܝܬ ܠܝ ܐܝܟ ܐܢܫ ܕܚܙܐ ܟܢܬܗ ܕܡܼܢ ܩܘܪܫܐ ܪܥܠ܂ ܘܗܘ ܫܩܿܠ ܡܝ̈ܐ ܘܢܿܣܟ ܒܪܝܫܗ܀’ ‘ܒܪܝ ܗܘܝܬ ܝܕܿܥ ܕܐܢ ܢܐܪܟ ܕܘܢܒܗ ܕܚܙܝܪܐ ܫܒܥ ܐܡ̈ܝܢ܂ ܠܐ ܩ݀ܐܿܡ ܒܕܘܟܬ ܣܘܣܝܐ܂ ܘܐܦܠܐ ܐܢ ܢܗܘܐ ܤܥܪܗ ܪܟܝܟ ܐܝܟ ܬܟܠܬܐ܀’ ‘ܒܪܝ ܐܢܐ ܐܡܪܬ ܕܐܢܬ ܬܗܘܐ ܚܠܦܝ ܘܬܐܚܘܕ ܕܘܟܬܝ ܘܬܩܢܐ ܝܘܠܦܢܝ ܘܗܘ̈ܦܟܝ ܟܠܗܘܢ܂ ܐܢܬ ܗܟܝܠ ܠܝܘܠܦܢܝ ܠܐ ܩܒܠܬ ܘܠܡܠ̈ܝ ܠܐ ܫܡܥܬ܂ ܘܠܐ ܠܐܠܗܐ ܐܟܫܪܬ܂ ܘܠܐ ܗܘ ܫܡܰܥ ܩܠܟ܀’ ‘ܒܪܝ ܗܘܝܬ ܠܝ ܐܝܟ ܐܪܝܐ ܕܐܪܥ ܚܡܪܐ Note: (p. 51) ܒܥܕܢ ܨܦܪܐ܂ ܘܐܡܪ ܓܝܪ ܐܪܝܐ ܠܚܡܪܐ܂ ܫܠܡ ܗܘ ܡܐܬܝܟ܂ ܐܡܼܪ ܕܝܢ ܚܡܪܐ܂ ܫܠܡܟ ܢܦܓܥ ܗܘܐ ܒܗܿܘ ܕܐܰܣܪܢܝ ܒܙܒܢ ܪܡܫܐ܂ ܘܠܘܝ ܠܐ ܚܙܝܬ ܦܪܨܘܦܟ܀’ ‘ܒܪܝ ܗܘܝܬ ܠܝ ܐܝܟ ܦܚܐ ܕܥܠ ܙܒܠܐ܂ ܐܡܪܬ ܠܗ ܨܦܪܐ ܡܢܐ ܥܒܕܬ ܗܪܟܐ ܦܚܐ܂ ܐܡܼܪ ܓܝܪ ܦܚܐ܂ ܡܨܠܐ ܐܢܐ ܠܐܠܗ̈ܐ ܡܪ̈ܝܡܐ܂ ܐܡܪܬ ܬܘܒ ܨܦܪܐ܂ ܘܡܢܘ ܗܢܐ ܕܣܡܝܟ ܐܢܬ ܥܠܘܗܝ܂ ܐܡܰܪ ܦܚܐ܂ ܚܘܛܪܝ ܗܘ ܕܡܣܬܡܟ ܐܢܐ ܥܠܘܗܝ ܒܨܠܘܬܐ܂ ܘܐܡܪܬ ܨܦܪܐ܂ ܘܡܢܘ ܗܢܐ ܕܒܦܘܡܟ܂ ܐܡܪ ܦܚܐ܂ ܗܢܐ ܡܐܟܠܐ ܗܼܘ ܕܐܝܠܝܢ ܕܨܝܒܝܢ ܠܘܬܝ܂ ܨܦܪܐ ܕܝܢ ܐܡܪܬ܂ ܡܕܝܢ ܐܦ ܐܢܐ ܩܪܒܢܐ ܘܐܟܠܢܐ܂ ܐܡܰܪ ܦܚܐ ܩܪܘܒܝ܂ ܘܩܪܒܬ ܨܦܪܐ’

‘ܕܬܐܟܘܠ܂ ܐܰܚܕܳܗ̇ ܦܚܐ ܒܨܘܪܗܿ܂ ܗܝܕܝܢ ܥܢܬ ܨܦܪܐ ܘܐܡܪܬ ܠܦܚܐ܂ ܐܢ ܗܘ ܕܠܚܡܟ ܗܢܐ ܠܟܦ̈ܢܐ ܗܼܘ ܠܐ ܢܩܰܒܠ Note: (p. 52) ܐܠܗܐ ܙܕܩ̈ܬܟ܂ ܘܐܢܗܘ ܕܨܘܡܐ ܗܢܐ ܘܨܠܘܬܐ ܠܐܠܗܐ ܗܼܘ܂ ܠܐ ܢܩܒܠ ܨܘܡܟ ܘܐܦܠܐ ܨܠܘܬܟ܂ ܘܠܐ ܢܫܠܡ ܐܠܗܐ ܥܡܟ ܒܛܒ̈ܬܐ܀’ ‘ܒܪܝ ܗܘܝܬ ܠܝ ܐܝܟ ܩܠܡܐ ܕܗܘܝܐ ܒܚ̈ܛܐ܂ ܘܠܐ ܡܘܬܪܐ ܡܕܡ ܐܠܐ ܡܚܒܠܘ ܡܚܒܠܐ܀’ ‘ܒܪܝ ܗܘܝܬ ܠܝ ܐܝܟ ܟܠܒܐ ܕܡ̣ܢ ܩܘܪܐ ܥܠ ܠܒܝܬܐ ܠܡܫܚܢ܂ ܘܟܕ ܫܚܢ܂ ܫܪܝ ܢܒܚ ܥܠ ܒܢ̈ܝ ܒܝܬܗ܂’ ‘ܒܪܝ ܟܠܒܐ ܐܝܢܐ ܕܠܐ ܡܬܐܟܠ ܡܢ ܨܝܕܗ܆ ܡܐܟܠܐ ܕܕܐܒ̈ܐ ܢܗܘܐ܀’ ‘ܒܪܝ ܐܝܕܐ ܕܠܐ ܦܠܿܚܐ ܘܡܘܬܪܐ܂ ܡܬܩܰܛܥܐ܂’ ‘ܒܪܝ ܐܢܐ ܦܪܨܘܦ ܡܠܟܐ ܚܘܝܬܟ܂ ܘܠܐܝܩܪܐ Note: (p. 53) ܪܒܐ ܡܢܥܬܟ ܘܪܒܝܬܟ܂ ܘܚܠܦ ܛܒܬܐ ܦܪܥܬܢܝ ܒܝܫܬܐ܂ ܕܥܿܒܕ ܒܝܫܬܐ ܥܡܟ ܡܢܐ ܬܦܪܥܝܘܗܝ܂’ ‘ܒܪܝ ܗܘܝܬ ܠܝ ܐܝܟ ܟܟܘܫܬܐ܂ ܐܡܪܘ ܠܗ ܓܝܪ ܐܪܦܝ ܡܢܟܝ ܓܢܒܘܬܐ ܘܢܥܒܕ ܠܟܝ ܡܠܟܐ ܗܡܢܝܟܐ ܡܼܢ ܕܗܒܐ܂ ܐܡܪܬ ܕܝܢ܂ ܐܢܐ ܐܘܡܢܘܬ ܐܒܝ ܘܐܡܝ ܠܐ ܫܿܒܩܐ ܐܢܐ܀’ ‘ܒܪܝ ܐܢܐ ܟܠ ܡܐܟܠܐ ܒܣܝܡܐ ܐܘܟܠܬܟ ܘܐܢܬ ܕܝܢ ܠܚܡܐ ܒܨܝܪܐ ܠܐ ܣܒܥܬܢܝ ܘܐܢܐ ܛܡܝܪ ܘܡܚܦܝ܂ ܘܐܢܬ ܫܿܬܐ ܚܡܪ̈ܢܐ ܘܠܢܫ̈ܝ ܕܪܒܝܘܟ ܨܒܿܐ ܗܘܝܬ ܠܒܝܫܘܬܟ܀’ ‘ܒܪܝ ܪܒܝܬܟ ܐܝܟ ܐܪܙܐ ܦܐܝܐ܂ ܘܐܢܬ ܐܡܟܬܢܝ ܘܠܚܦܪܐ ܐܚܬܬܢܝ ܒܣܘܓܐܐ [ܕܢܫܒ̈ܝܟ܀]’ ‘ܒܪܝ ܐܢܐ ܣܿܒܪ ܗܘܝܬ ܕܒܢܝܬ ܠܝ ܡܓܕܠܐ ܚܣܝܢܐ’

‘ܕܐܣܬܬܪ ܒܗ ܡ̣ܢ ܒܥܠܕܒܒ̈ܝ ܘܡܪܝܐ [ܦܨܢܝ] ܡܢܗ܂ ܒܕ ܐܢܐ ܒܥܝܬ Note: (p. 54) ܠܟ ܛܒ̈ܬܐ ܘܐܢܬ ܦܪܥܬܢܝ ܒܝܫ̈ܬܐ܂ ܡܟܝܠ [ܐܚܰܛ] ܥܝܢܝ̈ܟ ܘܐܦܣܘܩ ܠܫܢܟ܂ ܘܒܣܝܦܐ ܐܶܣܰܒ ܪܝܫܟ܀’ ‘ܘܥܢܐ ܢܕܢ ܘܐܡܪ ܠܐܚܝܩܪ܂ ܚܣ ܠܝ ܕܢܗܘ̈ܝܢ ܡܢܟ ܒܝܫ̈ܬܐ ܐܠܐ ܐܢ ܛܒ̈ܬܐ܂ ܘܐܝܟ ܛܝܒ̈ܘܬܟ ܥܒܕ ܥܡܝ܂ ܘܫܒܘܩ ܠܝ ܟܠܡܐ ܕܩܕܡܬ ܘܐܡܪܬ܂ ܡܛܠ ܕܠܐܠܗܐ ܐܰܪܓܙܬ ܒܚܛܗ̈ܝ܂ ܘܒܐܡܝܢܘ ܕܝܢ ܡܩܒܠ ܠܬܝܒ̈ܐ ܘܠܕܚܛܝܢ܂ ܐܢܬ ܕܝܢ ܩܒܠܝܢܝ܂ ܕܐܗܘܐ ܡܫܡܫ ܪܟܫܟ ܘܐܪܥܐ ܠܚܙܝܪ̈ܝܟ [ܘܐܚܡ] ܙܒܠܟ܂ ܘܐܢܐ ܡܿܢ ܐܬܩܪܐ ܓܒܪܐ ܒܝܫܐ܂ ܘܐܢܬ ܓܒܪܐ ܛܒܐ܀’ ‘ܬܘܒ ܐܡܪ ܠܗ ܐܚܝܩܪ܆ ܒܪܝ ܢܕܢ ܥܠܝܡܘܬ ܢܫܪܐ ܛܒܐ ܗܝ ܡܼܢ ܥܠܝܡܘܬ ܥܘܪܒܐ ܣܪܝܐ܀’ ‘ܒܪܝ ܐܡܪܘ ܠܕܐܒܐ ܐܬܪܚܩ Note: (p. 55) ܡܢ ܩܪܝܒܘܬܗܿ ܕܥܢ̈ܐ ܕܠܐ ܬܐܬܐ ܢܦܳܬܗ̇ ܥܠܝܟ܂ ܐܡܿܪ ܓܝܪ ܕܐܒܐ ܠܐ ܡܬܪܚܩ ܐܢܐ܂ ܒܕ ܢܦܬܐ ܓܝܪ ܕܥܢ̈ܐ ܣܡܐ ܗܝ ܠܥܝ̈ܢܐ ܕܝܠܝ܀’ ܒܪܝ ܐܥܠܘܗܝ ܠܕܐܒܐ ܠܘܬ ܣܦܪܐ ܐܝܟܢܐ ܕܢܐܠܦ܂ ܐܡܪ ܠܗ ܡܠܦܢܐ܆ ܐܡܪ ܐܠܦ ܒܝܬ܂ ܥܢܐ ܕܐܒܐ ܘܐܡܪ܂ ܐܡܪܐ ܘܓܕܝܐ ܒܟܪܣܝ܂ ‘ܒܪܝ ܡܢ ܙܒܢܐ ܕܐܠܦܬܟ ܐܡܪܬ ܠܟ ܕܐܠܗܐ ܫܠܝܛܐ ܗܘ ܟܐܢܐ ܘܕܝܢܐ ܬܪܝܨܐ܂ ܕܥܒܿܕܝܢ ܛܒ̈ܬܐ ܦܿܪܥ ܠܗܘܢ ܛܒ̈ܬܐ܂ ܘܕܥܒܿܕܝܢ [ܒܝܫ̈ܬܐ] ܦܿܪܥ ܠܗܘܢ ܒܝܫ̈ܬܐ܂ ܘܣܐܡ ܒܪܝܫܗܘܢ ܫܘܢܩܐ ܕܒܓܗܢܐ܂ ܒܕ ܠܝܬ ܓܝܪ ܒܝܢܝ ܘܠܟ ܤܛܪ ܡܢ ܐܠܗܐ ܫܠܝܛܐ܂ ܗܼܘ ܕܝܢ ܢܦܪܥܟ ܐܟܡܐ ܕܫܿܘܐ ܐܢܬ܀’ ‘ܒܪܝ ܠܪܝܫܗ ܕܚܡܪܐ ܣܡܘܗܝ ܥܠ ܦܬܘܪܐ܂ ܘܐܬܥܪܓܠ ܢܿܦܠ ܥܠ ܐܪܥܐ܂ ܐܡܿܪܝܢ ܥܠ ܢܦܫܗ ܪܓܙ܂ ܕܠܐ ܡܩܒܠ ܐܝܩܪܐ ܐܠܐ ܐܟܬܐ܂’

‘ܒܪܝ ܐܫܬܪܪܬ ܒܟ ܡܠܬܐ ܗܿܝ ܕܐܡܝܪܐ ܕܝܠܕܬܝܗܝ ܩܪܝܘܗܝ ܒܪܟ܂ ܘܗܿܘ ܕܪܒܝܬܝܗܝ ܩܪܝܘܗܝ ܥܒܕܟ܀’ ‘ܒܪܝ Note: (p. 56) ܘܕܫܪܝܪܐ ܗܕܐ ܗܼܝ܂ ܐܢܕܝܢ ܒܪ ܚܬܟ ܗܼܘ ܒܐܣܬܐ ܫܩܦܝܗܝ܂ ܘܥܠ ܐܪܥܐ ܫܕܝܘܗܝ܂ ܘܕܝܕܥ ܟܰܣܝ̈ܬܐ ܐܠܗܐ ܗܘ܂ ܘܕܦܳܪܥ ܠܟܠܢܫ ܐܝܟ ܥܒܕܘ̈ܗܝ܂ ܐܢ ܛܒ̈ܐ ܘܐܢ ܒܝܫ̈ܐ ܗܼܘ ܢܶܦܪܥܟ ܐܟܡܐ ܕܫܿܘܐ ܐܢܬ܂ ܐܢܐ ܗܟܝܠ ܡܟܝܠ ܡܕܡ ܠܐ ܐܡܿܪܢܐ ܠܟ܀’ ܘܟܕ ܫܡܥ ܕܝܢ ܢܕܢ ܣܟܠܐ ܡ̈ܠܐ ܗܳܠܝܢ ܐܬܢܦܰܚ ܒܪ ܫܥܬܗ܂ ܘܗܘܐ ܐܝܟ ܙܩܐ ܕܢܦܝܚ܂ ܘܐܒܕ ܘܐܬܦܪܬܘ ܕܦܢ̈ܬܗ ܘܡܝܬ܂ ܐܟܡܐ ܕܐܡܝܪ ܒܡ̈ܬܠܐ܂

ܫܠܡܬ ܒܐܝ̈ܕܝ ܩܫܝܫܐ ܐܠܝܣ ܪܝܫ ܕܝܪ̈ܝܐ ܕܕܝܪܐ ܕܪܒܢ ܗܘܪܡܙܕ [ܕܟ̈ܠܕܝܐ܂] ܡܛܠ ܒܪ ܕܕܗ ܡܝܩܪܐ ܡܪܝ ܐܕܝ ܫܝܪ ܡܝܛܪܦܘܠܝܛܐ ܕܣܥܪܕ܂ ܘܗܕܐ ܝܓ ܒܐܝܪܚ ܢܝܣܢ܂ ܫܢܬ ܐܨܚ ܠܡܪܢ܂ ܠܗ ܫܘܒܚܐ܂