Mṛtyuvañcanasitatārāsādhana
Header
Data entry: Johannes Schneider
Contribution: Johannes Schneider
Date of this version: 2020-07-31
- Johannes Schneider: Vāgīśvarakīrtis Mṛtyuvañcanopadeśa, eine buddhistische Lehrschrift zur Abwehr des Todes. Wien : Verlag der Österreichischen Akademie der Wissenschaften 2010. (Beiträge zur Kultur- und Geistesgeschichte Asiens ; 66) (Denkschriften der philosophisch-historischen Klasse ; 394) ISBN 978-3-7001-6722-8, p. 228.
Publisher: Göttingen Register of Electronic Texts in Indian Languages (GRETIL), SUB Göttingen
Licence:
Distributed under a Creative Commons Attribution-NonCommercial-ShareAlike 4.0 International License.
Interpretive markup: none
Notes:
Due to the heterogeneity of the sources the header markup might be suboptimal. For the sake of transparency the header of the legacy file is documented below.
Mrtyuvancanasitatarasadhana (Mvsts) / SM 103
Based on the ed. by Johannes Schneider: Vāgīśvarakīrtis Mṛtyuvañcanopadeśa, eine buddhistische Lehrschrift zur Abwehr des Todes.
Wien : Verlag der Österreichischen Akademie der Wissenschaften 2010.
(Beiträge zur Kultur- und Geistesgeschichte Asiens ; 66) (Denkschriften der philosophisch-historischen Klasse ; 394)
ISBN 978-3-7001-6722-8
p. 228
Input by Johannes Schneider
Revisions:
- 2020-07-31: TEI encoding by mass conversion of GRETIL's Sanskrit corpus
- 2025-05-08: Added BK, GND and ISO code for language.
Text
Mṛtyuvañcanasitatārāsādhana
mṛtyudoṣair aliptaḥ syāt tārāhṛccakrabhāvakaḥ /
lābhī ca sarvasiddhīnāṃ ṣaṇmāsāvadhi tatparaḥ // Mvsts_1 //
vāgīśvarakṛtādeśān mṛtyuvañcanasaṃgrahāt /
uddhṛtā sitatārāyā bhāvanā bhayanāśinī // Mvsts_2 //
turyavargādyasākāratviṣā visphuritāmbare /
sitābjendvāsanāṃ dṛṣṭvā puras triśaraṇaṃ paṭhet // Mvsts_3 //
muhūrtaṃ śūnyatāṃ paśyet prākṛtāropahānaye /
tataḥ praṇidhisāmarthyād bodhicittākṣaraṃ bhavet // Mvsts_4 //
sitāravindamadhyasthacandrabimbāsanopari /
ābaddhavajraparyaṅkāṃ varadotpaladhāriṇīm // Mvsts_5 //
śaraccandrakarākārāṃ pṛṣṭhacandrasamāśritām /
sarvālaṅkārasaṃpūrṇāṃ ṣoḍaśābdavapuṣmatīm // Mvsts_6 //
sarvasaṃbuddhatatputramātaraṃ kāmarūpadhām /
dhyātvāryatārāṃ hṛdaye tasyāś cakraṃ sitadyuti // Mvsts_7 //
aṣṭakoṣṭhakam aṣṭābhir akṣaraiḥ paripūritam /
oṃhāvyañjanamadhyasthasādhyanāmādyanābhikam // Mvsts_8 //
dhyāyād ekāgracittaḥ san ṣaṇ māsān dṛḍhaniścayaḥ /
japed akhinnacittaḥ san mantram enaṃ daśākṣaram // Mvsts_9 //
oṅkāram ādito dattvā paścāt tāre prayojayet /
tuttāre syāt ture paścāt svāhāntaḥ sārvakarmikaḥ // Mvsts_10 //
brahmendraviṣṇucandrārkarudradikpālamanmathaiḥ /
apy akhaṇḍitaromāgro mṛtyuṃ jayati muktavat // Mvsts_11 //
valīpalitadaurbhāgyavyādhidāridryasaṃkṣayaḥ /
siṃhādyaṣṭamahābhītiduḥkhasaṃdohanāśanam // Mvsts_12 //
ayācitāmbarapānaharmyaratnādisaṃgamaḥ /
khaḍgāñjanapādalepabhadrakumbhādisiddhayaḥ // Mvsts_13 //
kavitā vaktṛtā medhā prajñā caikāntanirmalā /
anyā ca vāñchitā siddhiś cakrād asmāt prajāyate // Mvsts_14 //
sādhanaṃ sitatārāyā mṛtyuvyādhivināśanam /
uddhṛtya yac chubhaṃ tena jagat tārā svayaṃ bhavet // Mvsts_15 //
// mṛtyuvañcanasitatārāsādhanam //
- Holder of rights
- GRETIL project
- Citation Suggestion for this Object
- TextGrid Repository (2025). Darśana Collection. Mṛtyuvañcanasitatārāsādhana. Mṛtyuvañcanasitatārāsādhana. GRETIL. GRETIL project. https://hdl.handle.net/21.11113/0000-0016-CDA0-C