Somadeva: Kathāsaritsāgara, Vetālapañcaviṃśatikā

pratiṣṭhānābhidhāno 'sti deśo godāvarītaṭe // SoKs_12,8.21 [= Vet_Intro]

pratiṣṭhāna-abhidhāno 'sti deśo godāvarī-taṭe //

tatra vikramasenasya putraḥ śakraparākramaḥ /
prāk trivikramasenākhyaḥ khyātakīrtir abhūn nṛpaḥ // SoKs_12,8.22 [= Vet_Intro]

tatra vikramasenasya putraḥ śakra-parākramaḥ / prāk trivikramasena-ākhyaḥ khyāta-kīrtir abhūn nṛ-paḥ //

tasya pratyaham āsthānagatasyopetya bhūpateḥ /
sevārthaṃ kṣāntiśīlākhyo bhikṣuḥ phalam upānayat // SoKs_12,8.23 [= Vet_Intro]

tasya praty-aham āsthāna-gatasya upetya bhū-pateḥ / sevā-arthaṃ kṣāntiśīla-ākhyo bhikṣuḥ phalam upānayat //

so 'pi rājā tad ādāya phalam āsannavartinaḥ /
haste dadau pratidinaṃ koṣāgārādhikāriṇaḥ // SoKs_12,8.24 [= Vet_Intro]

so 'pi rājā tad ādāya phalam āsanna-vartinaḥ / haste dadau prati-dinaṃ koṣa-agāra-adhikāriṇaḥ //

itthaṃ gateṣu varṣeṣu daśasv atra kilaikadā /
dattvā rājñe phalaṃ tasmai bhikṣāv āsthānato gate // SoKs_12,8.25 [= Vet_Intro]

itthaṃ gateṣu varṣeṣu daśasv atra kila ekadā / dattvā rājñe phalaṃ tasmai bhikṣāv āsthānato gate //

sa rājā tat phalaṃ prādāt praviṣṭāyātra daivataḥ /
krīḍāmarkaṭapotāya hastabhraṣṭāya rakṣiṇām // SoKs_12,8.26 [= Vet_Intro]

sa rājā tat phalaṃ prādāt praviṣṭāya atra daivataḥ / krīḍā-markaṭa-potāya hasta-bhraṣṭāya rakṣiṇām //

sa markaṭas tad aśnāti yāvat tāvat phalāt tataḥ /
vibhinnamadhyān niragād anarghaṃ ratnam uttamam // SoKs_12,8.27 [= Vet_Intro]

sa markaṭas tad aśnāti yāvat tāvat phalāt tataḥ / vibhinna-madhyān niragād anarghaṃ ratnam uttamam //

tad dṛṣṭvādāya papraccha taṃ bhāṇḍāgārikaṃ nṛpaḥ /
bhikṣūpanītāni mayā yāni nityaṃ phalāni te // SoKs_12,8.28 [= Vet_Intro]

tad dṛṣṭvā ādāya papraccha taṃ bhāṇḍa-agārikaṃ nṛ-paḥ / bhikṣu-upanītāni mayā yāni nityaṃ phalāni te //

haste dattāni tāni kva sthāpitāni sadā tvayā /
tac chrutvā taṃ sa sabhayaḥ koṣādhyakṣo vyajijñapat // SoKs_12,8.29 [= Vet_Intro]

haste dattāni tāni kva sthāpitāni sadā tvayā / tac chrutvā taṃ sa sa-bhayaḥ koṣa-adhyakṣo vyajijñapat //

kṣiptāni tāny anudghāṭya mayā gañje gavākṣataḥ /
yady ādiśasi tad deva tam udghāṭya gaveṣaye // SoKs_12,8.30 [= Vet_Intro]

kṣiptāni tāny an-udghāṭya mayā gañje gavākṣataḥ / yady ādiśasi tad deva tam udghāṭya gaveṣaye //

iti ūcivān anumato rajñā gatvā kṣaṇena saḥ /
koṣādhyakṣaḥ samāgatya prabhuṃ vyajñāpayat punaḥ // SoKs_12,8.31 [= Vet_Intro]

iti ūcivān anumato rajñā gatvā kṣaṇena saḥ / koṣa-adhyakṣaḥ samāgatya prabhuṃ vyajñāpayat punaḥ //

śīrṇāni nātra paśyāmi koṣe tāni phalāny aham /
ratnarāśiṃ tu paśyāmi raśmijvālākulaṃ vibho // SoKs_12,8.32 [= Vet_Intro]

śīrṇāni na atra paśyāmi koṣe tāni phalāny aham / ratna-rāśiṃ tu paśyāmi raśmi-jvāla-ākulaṃ vibho //

tac chrutvā tān manīn dattvā tuṣṭo 'smai koṣarakṣiṇe /
rājānyedyur apṛcchat sa bhikṣuṃ taṃ prāgvad āgatam // SoKs_12,8.33 [= Vet_Intro]

tac chrutvā tān manīn dattvā tuṣṭo 'smai koṣa-rakṣiṇe / rāja ānye-dyur apṛcchat sa bhikṣuṃ taṃ prāg-vad āgatam //

bhikṣo dhanavyayenaivaṃ sevase māṃ kim anvaham /
nedānīṃ te grahīṣyāmi phalaṃ yāvan na vakṣyasi // SoKs_12,8.34 [= Vet_Intro]

bhikṣo dhana-vyayena evaṃ sevase māṃ kim anv-aham / na idānīṃ te grahīṣyāmi phalaṃ yāvan na vakṣyasi //

ity uktavantaṃ rājānaṃ bhikṣus taṃ vijane 'bravīt /
vīrasācivyasāpekṣaṃ mantrasādhanam asti me // SoKs_12,8.35 [= Vet_Intro]

ity uktavantaṃ rājānaṃ bhikṣus taṃ vijane 'bravīt / vīra-sācivya-sa-apekṣaṃ mantra-sādhanam asti me //

tatra vīrendra sāhāyyaṃ kriyamānaṃ tvayārthaye /
tac chrutvā pratipede tat tathety asya sa bhūpatiḥ // SoKs_12,8.36 [= Vet_Intro]

tatra vīra-indra sāhāyyaṃ kriyamānaṃ tvaya ārthaye / tac chrutvā pratipede tat tatha īty asya sa bhū-patiḥ //

tataḥ sa śramaṇas tuṣṭo nṛpaṃ puna uvāca tam /
tarhi kṛṣṇacaturdaśyām āgāminyāṃ niśāgame // SoKs_12,8.37 [= Vet_Intro]

tataḥ sa śramaṇas tuṣṭo nṛ-paṃ puna uvāca tam / tarhi kṛṣṇa-caturdaśyām āgāminyāṃ niśā-āgame //

ito mahāśmaśānāntaḥvaṭasyādhaḥ sthitasya me /
āgantavyaṃ tvayā deva pratipālayato 'ntikam // SoKs_12,8.38 [= Vet_Intro]

ito mahā-śmaśāna-antaḥ-vaṭasya adhaḥ sthitasya me / āgantavyaṃ tvayā deva pratipālayato 'ntikam //

bāḍham evaṃ kariṣyāmīty ukte tena mahībhujā /
sa kṣāntiśīlaḥ śramaṇo hṛṣṭaḥ svanilayaṃ yayau // SoKs_12,8.39 [= Vet_Intro]

bāḍham evaṃ kariṣyāmi ity ukte tena mahī-bhujā / sa kṣāntiśīlaḥ śramaṇo hṛṣṭaḥ sva-nilayaṃ yayau //

atha tāṃ sa mahāsattvaḥ prāpya kṛṣṇacaturdaśīm /
prārthanāṃ pratipannāṃ tāṃ bhikṣos tasya nṛpaḥ smaran // SoKs_12,8.40 [= Vet_Intro]

atha tāṃ sa mahā-sattvaḥ prāpya kṛṣṇa-caturdaśīm / prārthanāṃ pratipannāṃ tāṃ bhikṣos tasya nṛ-paḥ smaran //

pradoṣe nīlavasanas tamālakṛtaśekharaḥ /
niryayau rājadhānītaḥ khaḍgapāṇir alakṣitaḥ // SoKs_12,8.41 [= Vet_Intro]

pradoṣe nīla-vasanas tamāla-kṛta-śekharaḥ / niryayau rāja-dhānītaḥ khaḍga-pāṇir alakṣitaḥ //

yayau ca ghoranibiḍadhvāntavrātamalīmasam /
citānalogranayanajvālādāruṇadarśanam // SoKs_12,8.42 [= Vet_Intro]

yayau ca ghora-nibiḍa-dhvānta-vrāta-malīmasam / citā-nala-ugra-nayana-jvālā-dāruṇa-darśanam //

asaṃkhyanarakaṅkālakapālāsthiviśaṅkaṭam /
hṛṣyatsaṃnihitottālabhūtavetālaveṣṭitam // SoKs_12,8.43 [= Vet_Intro]

a-saṃkhya-nara-kaṅkāla-kapāla-asthi-viśaṅkaṭam / hṛṣyat-saṃnihita-uttāla-bhūta-vetāla-veṣṭitam //

bhairavasyāparaṃ rūpam iva gambhīrabhīṣaṇam // SoKs_12,8.44 [= Vet_Intro]

bhairavasya aparaṃ rūpam iva gambhīra-bhīṣaṇam //

sphūrjan mahāśivārāvaṃ śmaśānaṃ tad avihvalaḥ /
vicitya cātra taṃ prāpya bhikṣuṃ vaṭataror adhaḥ /
kurvāṇaṃ maṇḍalanyāsam upasṛtya jagāda saḥ // SoKs_12,8.45 [= Vet_Intro]

sphūrjan mahā-śiva-arāvaṃ śmaśānaṃ tad avihvalaḥ / vicitya ca atra taṃ prāpya bhikṣuṃ vaṭa-taror adhaḥ / kurvāṇaṃ maṇḍala-nyāsam upasṛtya jagāda saḥ //

eṣo 'ham āgato bhikṣo brūhi kiṃ karavāṇi te /
tac chrutvā sa nṛpaṃ dṛṣṭvā hṛṣṭo bhikṣur uvāca tam // SoKs_12,8.46 [= Vet_Intro]

eṣo 'ham āgato bhikṣo brūhi kiṃ karavāṇi te / tac chrutvā sa nṛ-paṃ dṛṣṭvā hṛṣṭo bhikṣur uvāca tam //

rājan kṛtaḥ prasādaś cet tad ito dakṣiṇāmukham /
gatvā vidūram ekākī vidyate śiṃśapātaruḥ // SoKs_12,8.47 [= Vet_Intro]

rājan kṛtaḥ prasādaś cet tad ito dakṣiṇā-mukham / gatvā vidūram ekākī vidyate śiṃśapā-taruḥ //

tasminn ullambitamṛtaḥ ko 'py ekaḥ puruṣaḥ sthitaḥ /
tam ihānaya gatvā tvaṃ sānāthyaṃ kuru vīra me // SoKs_12,8.48 [= Vet_Intro]

tasminn ullambita-mṛtaḥ ko 'py ekaḥ puruṣaḥ sthitaḥ / tam ihā anaya gatvā tvaṃ sānāthyaṃ kuru vīra me //

tac chṛutvaiva tathety uktvā sa rājā satyasaṃgaraḥ /
dakṣiṇāṃ diśam ālambya pravīraḥ prayayau tataḥ // SoKs_12,8.49 [= Vet_Intro]

tac chṛutva aiva tatha īty uktvā sa rājā satya-saṃgaraḥ / dakṣiṇāṃ diśam ālambya pravīraḥ prayayau tataḥ //

āttadīptacitālātalakṣitena pathātra saḥ /
gatvā tamasi taṃ prāpa kathaṃcic chiṃśapātarum // SoKs_12,8.50 [= Vet_Intro]

ātta-dīpta-citā-alāta-lakṣitena patha ātra saḥ / gatvā tamasi taṃ prāpa kathaṃcic chiṃśapā-tarum //

tasya skandhe citādhūmadagdhasya kravyagandhinaḥ /
so 'paśyal lambamānaṃ taṃ bhūtasyeva śavaṃ taroḥ // SoKs_12,8.51 [= Vet_Intro]

tasya skandhe citā-dhūma-dagdhasya kravya-gandhinaḥ / so 'paśyal lambamānaṃ taṃ bhūtasya iva śavaṃ taroḥ //

āruhya cātra bhūmau taṃ chinna rajjum apātayat /
patitaś cātra so 'kasmāc cakranda vyathito yathā // SoKs_12,8.52 [= Vet_Intro]

āruhya ca atra bhūmau taṃ chinna rajjum apātayat / patitaś ca atra so 'kasmāc cakranda vyathito yathā //

tato 'varuhya kṛpayā jīvāśaṅkī sa tasya yat /
rājāṅgaṃ prāmṛśat tena so 'ṭṭahāsaṃ vyadhāc chavaḥ // SoKs_12,8.53 [= Vet_Intro]

tato 'varuhya kṛpayā jīva-āśaṅkī sa tasya yat / rāja āṅgaṃ prāmṛśat tena so 'ṭṭahāsaṃ vyadhāc chavaḥ //

tataḥ sa rājā matvā taṃ vetālādhiṣṭhitaṃ tadā /
kiṃ hasasy ehi gacchāva iti yāvad akampitaḥ // SoKs_12,8.54 [= Vet_Intro]

tataḥ sa rājā matvā taṃ vetāla-adhiṣṭhitaṃ tadā / kiṃ hasasy ehi gacchāva iti yāvad a-kampitaḥ //

vakti tāvan na bhūmau savetālaṃ śavam aikṣata /
aikṣatātraiva vṛkṣe tu lambamānaṃ sthitaṃ punaḥ // SoKs_12,8.55 [= Vet_Intro]

vakti tāvan na bhūmau sa-vetālaṃ śavam aikṣata / aikṣata atra eva vṛkṣe tu lambamānaṃ sthitaṃ punaḥ //

tato 'dhiruhya bhūyo 'pi tam avātārayat tataḥ /
vajrād api hi vīrāṇāṃ cittaratnam akhaṇḍitam // SoKs_12,8.56 [= Vet_Intro]

tato 'dhiruhya bhūyo 'pi tam avātārayat tataḥ / vajrād api hi vīrāṇāṃ citta-ratnam a-khaṇḍitam //

āropya ca savetālaṃ skandhe maunena taṃ śavam /
sa trivikramaseno 'tha rājā gantuṃ pracakrame // SoKs_12,8.57 [= Vet_Intro]

āropya ca sa-vetālaṃ skandhe maunena taṃ śavam / sa trivikramaseno 'tha rājā gantuṃ pracakrame //

yāntaṃ ca taṃ śavāntaḥstho vetālo 'ṃsasthito 'bravīt /
rājann adhvavinodāya kathām ākhyāmi te śṛṇu // SoKs_12,8.58 [= Vet_Intro]

yāntaṃ ca taṃ śava-antaḥ-stho vetālo 'ṃsa-sthito 'bravīt / rājann adhva-vinodāya kathām ākhyāmi te śṛṇu //

asti vārāṇasī nāma purārivasatiḥ purī /
sthalīva kailāsagirer yā puṇyajanasevitā // SoKs_12,8.59 [= Vet_1]

asti vārāṇasī nāma purāri-vasatiḥ purī / sthali īva kailāsa-girer yā puṇya-jana-sevitā //

bhūrivāribhṛtā śaśvadupakaṇṭhaniveśinī /
hārayaṣṭir ivābhāti yasyāḥ svargataraṅgiṇī // SoKs_12,8.60 [= Vet_1]

bhūri-vāri-bhṛtā śaśvad-upakaṇṭha-niveśinī / hāra-yaṣṭir ivā abhāti yasyāḥ svarga-taraṅgiṇī //

pratāpānalanirdagdhavipakṣakulakānanaḥ /
tasyāṃ pratāpamukuṭo nāma rājābhavat purā // SoKs_12,8.61 [= Vet_1]

pratāpa-anala-nirdagdha-vipakṣa-kula-kānanaḥ / tasyāṃ pratāpamukuṭo nāma rāja ābhavat purā //

tasyābhūd vajramukuṭas tanayo rūpaśauryayoḥ /
kurvāṇo darpadalanaṃ smarasyārijanasya ca // SoKs_12,8.62 [= Vet_1]

tasya abhūd vajramukuṭas tanayo rūpa-śauryayoḥ / kurvāṇo darpa-dalanaṃ smarasya ari-janasya ca //

rājaputrasya tasyātra mantriputro mahāmatiḥ /
āsīd buddhiśarīrākhyaḥ śarīrābhyadhikaḥ sakhā // SoKs_12,8.63 [= Vet_1]

rāja-putrasya tasya atra mantri-putro mahā-matiḥ / āsīd buddhiśarīra-ākhyaḥ śarīra-abhyadhikaḥ sakhā //

tena sakhyā saha krīḍan sa kadācin nṛpātmajaḥ /
jagāma dūram adhvānaṃ mṛgayāti prasaṅgataḥ // SoKs_12,8.64 [= Vet_1]

tena sakhyā saha krīḍan sa kadā-cin nṛ-pa-ātmajaḥ / jagāma dūram adhvānaṃ mṛgayā-ati prasaṅgataḥ //

śauryaśṛīcāmarānīva siṃhānāṃ mastakāni saḥ /
chindac charaiḥ saṭālāni viveśaikaṃ mahāvanam // SoKs_12,8.65 [= Vet_1]

śaurya-śṛī-cāmarāni iva siṃhānāṃ mastakāni saḥ / chindac charaiḥ sa-ṭālāni viveśa ekaṃ mahā-vanam //

tatrāsthāne smarasyeva paṭhat kokilabandini /
dattopakāre tarubhir mañjarīcalacāmaraiḥ // SoKs_12,8.66 [= Vet_1]

tatrā asthāne smarasya iva paṭhat kokila-bandini / datta-upakāre tarubhir mañjarī-cala-cāmaraiḥ //

so 'nvito mantriputreṇa tenāpaśyat saraḥvaram /
vicitrakamalotpattidhāmāmbudhim ivāparam // SoKs_12,8.67 [= Vet_1]

so 'nvito mantri-putreṇa tena apaśyat saraḥ-varam / vicitra-kamala-utpatti-dhāma ambudhim iva aparam //

tasmiṃs tadaiva sarasi snānārthaṃ kācid āgatā /
tena divyākṛtiḥ kanyā dadṛśe saparicchadā // SoKs_12,8.68 [= Vet_1]

tasmiṃs tada aiva sarasi snāna-arthaṃ kā-cid āgatā / tena divya-ākṛtiḥ kanyā dadṛśe sa-paricchadā //

pūrayantīva lāvaṇyaniḥjhareṇa saraḥvaram /
dṛṣṭipātaiḥ sṛjantīva tatrotpalavanaṃ navam // SoKs_12,8.69 [= Vet_1]

pūrayanti īva lāvaṇya-niḥ-jhareṇa saraḥ-varam / dṛṣṭi-pātaiḥ sṛjanti īva tatra utpala-vanaṃ navam //

pratyādiśantīva mukhenāmbujāni jitendunā /
sā jahāra manas tasya rājaputrasya tatkṣaṇam // SoKs_12,8.70 [= Vet_1]

pratyādiśanti īva mukhena ambu-jāni jita-indunā / sā jahāra manas tasya rāja-putrasya tat-kṣaṇam //

so 'py ahārṣīt tathā tasyā yuvā dṛṣṭvā vilocane /
yathā naikṣata sā kanyā lajjāṃ svām apy alaṃkṛtim // SoKs_12,8.71 [= Vet_1]

so 'py ahārṣīt tathā tasyā yuvā dṛṣṭvā vilocane / yathā nā ekṣata sā kanyā lajjāṃ svām apy alaṃkṛtim //

yūni paśyati tasmin sā keyaṃ syāditi sānuge /
saṃjñāṃ svadeśādyākhyātuṃ vilāsachadmanākarot // SoKs_12,8.72 [= Vet_1]

yūni paśyati tasmin sā ka īyaṃ syāditi sa-anuge / saṃjñāṃ sva-deśa-ādy-ākhyātuṃ vilāsa-chadmana ākarot //

karoti smautpalaṃ karṇe gṛhītvā puṣpaśekharāt /
ciraṃ ca dantaracanāṃ cakārādāya ca vyadhāt // SoKs_12,8.73 [= Vet_1]

karoti smautpalaṃ karṇe gṛhītvā puṣpa-śekharāt / ciraṃ ca danta-racanāṃ cakārā adāya ca vyadhāt //

padmaṃ śirasi sākūtaṃ hṛdaye cādadhe karam /
rājaputraś ca tasyās tāṃ saṃjñāṃ na jñātavāṃs tadā // SoKs_12,8.74 [= Vet_1]

padmaṃ śirasi sākūtaṃ hṛdaye cā adadhe karam / rāja-putraś ca tasyās tāṃ saṃjñāṃ na jñātavāṃs tadā //

mantriputras tu bubudhe sa sakhā tasya buddhimān /
kṣaṇāc ca sā yayau kanyā nīyamānānugais tataḥ // SoKs_12,8.75 [= Vet_1]

mantri-putras tu bubudhe sa sakhā tasya buddhimān / kṣaṇāc ca sā yayau kanyā nīyamāna ānugais tataḥ //

prāpya ca svagṛhaṃ tasthau paryaṅge 'ṅgaṃ nidhāya sā /
cittaṃ tu nijasaṃjñārtham āsthāt tasmin nṛpātmaje // SoKs_12,8.76 [= Vet_1]

prāpya ca sva-gṛhaṃ tasthau paryaṅge 'ṅgaṃ nidhāya sā / cittaṃ tu nija-saṃjña-artham āsthāt tasmin nṛ-pa-ātmaje //

so 'pi rājasuto bhraṣṭavidyo vidyādharo yathā /
gatvā svanagarīṃ kṛcchrāṃ prāpāvasthāṃ tayā vinā // SoKs_12,8.77 [= Vet_1]

so 'pi rāja-suto bhraṣṭa-vidyo vidyādharo yathā / gatvā sva-nagarīṃ kṛcchrāṃ prāpa avasthāṃ tayā vinā //

sakhyā ca mantriputreṇa tena pṛṣṭas tadā rahaḥ /
śaṃsatā tām aduṣprāpāṃ tyaktadhairyo jagāda saḥ // SoKs_12,8.78 [= Vet_1]

sakhyā ca mantri-putreṇa tena pṛṣṭas tadā rahaḥ / śaṃsatā tām aduṣprāpāṃ tyakta-dhairyo jagāda saḥ //

yasyā na nāma na grāmo nānvayo vāvabudhyate /
sā kathaṃ prāpyate tan mām āśvāsayasi kiṃ mṛṣā // SoKs_12,8.79 [= Vet_1]

yasyā na nāma na grāmo nānvayo va āvabudhyate / sā kathaṃ prāpyate tan mām āśvāsayasi kiṃ mṛṣā //

ity ukto rājaputreṇa mantriputras tam abhyadhāt /
kiṃ na dṛṣṭaṃ tvayā tad yat saṃjñayā sūcitaṃ tayā // SoKs_12,8.80 [= Vet_1]

ity ukto rāja-putreṇa mantri-putras tam abhyadhāt / kiṃ na dṛṣṭaṃ tvayā tad yat saṃjñayā sūcitaṃ tayā //

nyastaṃ yad utpalaṃ karṇe tenaitat te tayoditam /
karṇotpalasya rāṣṭre 'haṃ nivasāmi mahībhṛtaḥ // SoKs_12,8.81 [= Vet_1]

nyastaṃ yad utpalaṃ karṇe tena etat te taya ūditam / karṇotpalasya rāṣṭre 'haṃ nivasāmi mahī-bhṛtaḥ //

kṛtā yad dantaracanā tenaitat kathitaṃ tayā /
tatra jānīhi māṃ dantaghāṭakasya sutām iti // SoKs_12,8.82 [= Vet_1]

kṛtā yad danta-racanā tena etat kathitaṃ tayā / tatra jānīhi māṃ danta-ghāṭakasya sutām iti //

padmāvatīti nāmoktaṃ tayottaṃsitapadmayā /
tvayi prāṇā iti proktaṃ hṛdayārpitahastayā // SoKs_12,8.83 [= Vet_1]

padmāvati īti nāma uktaṃ taya ūttaṃsita-padmayā / tvayi prāṇā iti proktaṃ hṛdaya-arpita-hastayā //

kaliṅgadeśe hy asty atra khyātaḥ karṇotpalo nṛpaḥ /
tasya prasādavitto 'sti mahān yo dantaghaṭakaḥ // SoKs_12,8.84 [= Vet_1]

kaliṅga-deśe hy asty atra khyātaḥ karṇotpalo nṛ-paḥ / tasya prasāda-vitto 'sti mahān yo danta-ghaṭakaḥ //

saṅgrāmavardhanākhyasya tasyāpy asti jagattraye /
ratnaṃ padmāvatī nāma kanyā prāṇādhikapriyā // SoKs_12,8.85 [= Vet_1]

saṅgrāmavardhana-ākhyasya tasya apy asti jagat-traye / ratnaṃ padmāvatī nāma kanyā prāṇa-adhika-priyā //

etac ca lokato deva yathāvad viditaṃ mama /
ato jñātā mayā saṃjñā tasyā deśādiśaṃsinī // SoKs_12,8.86 [= Vet_1]

etac ca lokato deva yathāvad viditaṃ mama / ato jñātā mayā saṃjñā tasyā deśa-ādi-śaṃsinī //

ity ukto mantriputrena tena rājasuto 'tha saḥ /
tutoṣa tasmai sudhiye labdhopāyo jaharṣa ca // SoKs_12,8.87 [= Vet_1]

ity ukto mantri-putrena tena rāja-suto 'tha saḥ / tutoṣa tasmai su-dhiye labdha-upāyo jaharṣa ca //

saṃmantrya ca samaṃ tena sa tadyuktaḥ svamandirāt /
priyārthī mṛgayāvyājāt punas tām agamad diśam // SoKs_12,8.88 [= Vet_1]

saṃmantrya ca samaṃ tena sa tad-yuktaḥ sva-mandirāt / priyā-arthī mṛgayā-vyājāt punas tām agamad diśam //

ardhamārge ca vātāśvavegavañcitasainikaḥ /
taṃ mantriputraikayutaḥ kaliṅgaviṣayaṃ yayau // SoKs_12,8.89 [= Vet_1]

ardha-mārge ca vāta-aśva-vega-vañcita-sainikaḥ / taṃ mantri-putra-eka-yutaḥ kaliṅga-viṣayaṃ yayau //

tatra tau prāpya nagaraṃ karṇotpalamahībhṛtaḥ /
anviṣya dṛṣṭvā bhavanaṃ dantaghāṭasya tasya ca // SoKs_12,8.90 [= Vet_1]

tatra tau prāpya nagaraṃ karṇotpala-mahī-bhṛtaḥ / anviṣya dṛṣṭvā bhavanaṃ danta-ghāṭasya tasya ca //

tadadūre ca vāsārtham ekasya vṛddhayoṣitaḥ /
gṛhaṃ prāviśatāṃ mantriputrarājasutāv ubhau // SoKs_12,8.91 [= Vet_1]

tad-adūre ca vāsa-artham ekasya vṛddha-yoṣitaḥ / gṛhaṃ prāviśatāṃ mantri-putra-rāja-sutāv ubhau //

dattāmbuyavasau vāhau gupte 'vasthāpya cātra saḥ /
rājaputre sthite vṛddhāṃ mantriputro jagāda tām // SoKs_12,8.92 [= Vet_1]

datta-ambu-yavasau vāhau gupte 'vasthāpya ca atra saḥ / rāja-putre sthite vṛddhāṃ mantri-putro jagāda tām //

kaccid vetsy amba saṅgrāmavardhanaṃ dantaghāṭakam /
tac chṛutvā sā jaradyoṣit saśraddhā tam abhāṣata // SoKs_12,8.93 [= Vet_1]

kaccid vetsy amba saṅgrāmavardhanaṃ danta-ghāṭakam / tac chṛutvā sā jarad-yoṣit sa-śraddhā tam abhāṣata //

vedmy eva dhātrī tasyāsmi sthāpitā tena cādhunā /
padmāvatyāḥ svaduhituḥ pārśve jyeṣṭhatarety aham // SoKs_12,8.94 [= Vet_1]

vedmy eva dhātrī tasya asmi sthāpitā tena ca adhunā / padmāvatyāḥ sva-duhituḥ pārśve jyeṣṭhatara īty aham //

kiṃ tv ahaṃ na sadā tatra gacchāmy upahatāmbarā /
kuputraḥ kitavo vastraṃ dṛṣṭvā hi harate mama // SoKs_12,8.95 [= Vet_1]

kiṃ tv ahaṃ na sadā tatra gacchāmy upahata-ambarā / kuputraḥ kitavo vastraṃ dṛṣṭvā hi harate mama //

evam uktavatīṃ prītaḥ svottarīyādidānataḥ /
saṃtoṣya so 'tra vṛddhāṃ tāṃ mantriputro 'bravīt punaḥ // SoKs_12,8.96 [= Vet_1]

evam uktavatīṃ prītaḥ sva-uttarīya-ādi-dānataḥ / saṃtoṣya so 'tra vṛddhāṃ tāṃ mantri-putro 'bravīt punaḥ //

mātā tvaṃ tad vadāmas te guptaṃ yat tat kuruṣva naḥ /
dantaghāṭasutām etāṃ gatvā padmāvatīṃ vada // SoKs_12,8.97 [= Vet_1]

mātā tvaṃ tad vadāmas te guptaṃ yat tat kuruṣva naḥ / dantaghāṭa-sutām etāṃ gatvā padmāvatīṃ vada //

so 'trāgato rājaputro dṛṣṭo yaḥ sarasi tvayā /
tena ceha tad ākhyātuṃ preṣitā praṇayād aham // SoKs_12,8.98 [= Vet_1]

so 'trā agato rāja-putro dṛṣṭo yaḥ sarasi tvayā / tena ca iha tad ākhyātuṃ preṣitā praṇayād aham //

tac chṛutvā sā tathety uktvā vṛddhā dānavaśīkṛtā /
gatvā padmāvatīpārśvam ājagāma kṣaṇāntare // SoKs_12,8.99 [= Vet_1]

tac chṛutvā sā tatha īty uktvā vṛddhā dāna-vaśī-kṛtā / gatvā padmāvatī-pārśvam ājagāma kṣaṇa-antare //

pṛṣṭā jagāda tau rājasutamantrisutau ca sā /
yuṣmadāgamanaṃ gatvā guptaṃ tasyā mayoditam // SoKs_12,8.100 [= Vet_1]

pṛṣṭā jagāda tau rāja-suta-mantri-sutau ca sā / yuṣmad-āgamanaṃ gatvā guptaṃ tasyā maya ūditam //

tayā śrutvā ca nirbhartsya pāṇibhyām aham āhatā /
dvābhyāṃ karpūraliptābhyām ubhayor gaṇḍayor mukhe // SoKs_12,8.101 [= Vet_1]

tayā śrutvā ca nirbhartsya pāṇibhyām aham āhatā / dvābhyāṃ karpūra-liptābhyām ubhayor gaṇḍayor mukhe //

tataḥ paribhavodvignā rudaty aham ihāgatā /
etās tad aṅgulīmudrāḥ putrau me paśyataṃ mukhe // SoKs_12,8.102 [= Vet_1]

tataḥ paribhava udvignā rudaty aham ihā agatā / etās tad aṅgulī-mudrāḥ putrau me paśyataṃ mukhe //

evaṃ tayokte nairāśyaviṣaṇṇaṃ taṃ nṛpātmajam /
jagāda sa mahāprājño mantriputro janāntikam // SoKs_12,8.103 [= Vet_1]

evaṃ taya ūkte nairāśya-viṣaṇṇaṃ taṃ nṛ-pa-ātmajam / jagāda sa mahā-prājño mantri-putro jana-antikam //

mā gā viṣādaṃ rakṣantyā mantraṃ nirbhartsya yat tayā /
karpūraśubhrā vaktre 'syāḥ svāṅgulyo daśa pātitāḥ // SoKs_12,8.104 [= Vet_1]

mā gā viṣādaṃ rakṣantyā mantraṃ nirbhartsya yat tayā / karpūra-śubhrā vaktre 'syāḥ sva-aṅgulyo daśa pātitāḥ //

tad etad uktaṃ pakṣe 'smiñ śukle candravatīr imāḥ /
rātrīr daśa pratīkṣadhvaṃ saṃgamānucitā iti // SoKs_12,8.105 [= Vet_1]

tad etad uktaṃ pakṣe 'smiñ śukle candravatīr imāḥ / rātrīr daśa pratīkṣadhvaṃ saṃgama-anucitā iti //

ity āśvāsya sa taṃ rājasutaṃ mantrisutas tataḥ /
vikrīya guptaṃ hastasthaṃ kāñcanaṃ kimcid āpaṇe // SoKs_12,8.106 [= Vet_1]

ity āśvāsya sa taṃ rāja-sutaṃ mantri-sutas tataḥ / vikrīya guptaṃ hasta-sthaṃ kāñcanaṃ kim-cid āpaṇe //

vṛddhayā sādhayāmāsa mahārhaṃ bhojanaṃ tayā /
tatas tau bubhujāte dvau tat tayā saha vṛddhayā // SoKs_12,8.107 [= Vet_1]

vṛddhayā sādhayāmāsa mahā-arhaṃ bhojanaṃ tayā / tatas tau bubhujāte dvau tat tayā saha vṛddhayā //

evaṃ nītvā daśāhāni jijñāsārthaṃ punaḥ sa tām /
padmāvatyantikaṃ vṛddhāṃ mantriputro visṛṣṭavān // SoKs_12,8.108 [= Vet_1]

evaṃ nītvā daśa-ahāni jijñāsā-arthaṃ punaḥ sa tām / padmāvaty-antikaṃ vṛddhāṃ mantri-putro visṛṣṭavān //

sāpi mṛṣṭānnapānādilubdhā tad anurodhataḥ /
gatvā vāsagṛhaṃ tasyā bhūyo 'bhyetya jagāda tau // SoKs_12,8.109 [= Vet_1]

sa āpi mṛṣṭa-anna-pāna-ādi-lubdhā tad anurodhataḥ / gatvā vāsa-gṛhaṃ tasyā bhūyo 'bhyetya jagāda tau //

ito gatvādya tūṣṇīm apy ahaṃ tatra sthitā tayā /
yuṣmatkathāparādhaṃ tam udgirantyā svayaṃ punaḥ // SoKs_12,8.110 [= Vet_1]

ito gatva ādya tūṣṇīm apy ahaṃ tatra sthitā tayā / yuṣmat-kathā-aparādhaṃ tam udgirantyā svayaṃ punaḥ //

sā laktakābhis tisṛbhiḥ karāṅgulibhir āhatā /
urasy asminn athaiṣāham ihāyātā tad antikāt // SoKs_12,8.111 [= Vet_1]

sā laktakābhis tisṛbhiḥ kara-aṅgulibhir āhatā / urasy asminn atha eṣa āham ihā ayātā tad antikāt //

tac chrutvā rājaputraṃ taṃ svairaṃ mantrisuto 'bravīt /
mā kārṣīr anyathā śaṅkām asyā hi hṛdaye tayā // SoKs_12,8.112 [= Vet_1]

tac chrutvā rāja-putraṃ taṃ svairaṃ mantri-suto 'bravīt / mā kārṣīr anyathā śaṅkām asyā hi hṛdaye tayā //

sā laktakāṅgulīmudrātrayaṃ vinyasya yuktitaḥ /
rajasvalā niśās tisraḥ sthitāham iti sūcitam // SoKs_12,8.113 [= Vet_1]

sā laktaka-aṅgulī-mudrā-trayaṃ vinyasya yuktitaḥ / rajas-valā niśās tisraḥ sthita āham iti sūcitam //

evam uktvā nṛpasutaṃ mantriputras tryahe gate /
padmāvatyai punas tasyai vṛddhāṃ tāṃ prajighāya saḥ // SoKs_12,8.114 [= Vet_1]

evam uktvā nṛ-pa-sutaṃ mantri-putras try-ahe gate / padmāvatyai punas tasyai vṛddhāṃ tāṃ prajighāya saḥ //

sā gatā mandiraṃ tasyās tayā saṃmānya bhojitā /
prītyā pānādilīlābhir dinaṃ cātra vinoditā // SoKs_12,8.115 [= Vet_1]

sā gatā mandiraṃ tasyās tayā saṃmānya bhojitā / prītyā pāna-ādi-līlābhir dinaṃ ca atra vinoditā //

sāyaṃ ca yāvat sā vṛddhā gṛham āgantum icchati /
udabhūd bhayakṛt tāvat tatra kolāhalo bahiḥ // SoKs_12,8.116 [= Vet_1]

sāyaṃ ca yāvat sā vṛddhā gṛham āgantum icchati / udabhūd bhaya-kṛt tāvat tatra kolāhalo bahiḥ //

hā hā bhraṣṭo 'yam ālānāj janān mathnan pradhāvati /
mattahastīti lokasya tatrākrando 'tha śuśruve // SoKs_12,8.117 [= Vet_1]

hā hā bhraṣṭo 'yam ālānāj janān mathnan pradhāvati / matta-hasti īti lokasya tatrā akrando 'tha śuśruve //

tataḥ padmāvatī sā tāṃ vṛddhām evam abhāṣata /
spaṣṭena hastiruddhena gantuṃ yuktaṃ na te pathā // SoKs_12,8.118 [= Vet_1]

tataḥ padmāvatī sā tāṃ vṛddhām evam abhāṣata / spaṣṭena hasti-ruddhena gantuṃ yuktaṃ na te pathā //

tat pīṭhikāṃ samāropya baddhālambanarajjukām /
bṛhadgavākṣeṇānena tvām atra prakṣipāmahe // SoKs_12,8.119 [= Vet_1]

tat pīṭhikāṃ samāropya baddha-ālambana-rajjukām / bṛhad-gavākṣeṇa anena tvām atra prakṣipāmahe //

gṛhodyāne tato vṛkṣam āruhyāmuṃ vilaṅghya ca /
prākāram avaruhyānyavṛkṣeṇa svagṛhaṃ vraja // SoKs_12,8.120 [= Vet_1]

gṛha-udyāne tato vṛkṣam āruhya amuṃ vilaṅghya ca / prākāram avaruhya anya-vṛkṣeṇa sva-gṛhaṃ vraja //

ity uktvā sā gavākṣeṇa kṣepayāmāsa tatra tām /
vṛddhāṃ ceṭībhir udyāne rajjupīṭhikayā tataḥ // SoKs_12,8.121 [= Vet_1]

ity uktvā sā gavākṣeṇa kṣepayāmāsa tatra tām / vṛddhāṃ ceṭībhir udyāne rajju-pīṭhikayā tataḥ //

sātha gatvā yathoktena pathā sarvaṃ śaśaṃsa tat /
yathāvad rājaputrāya tasmai mantrisutāya ca // SoKs_12,8.122 [= Vet_1]

sa ātha gatvā yathā-uktena pathā sarvaṃ śaśaṃsa tat / yathāvad rāja-putrāya tasmai mantri-sutāya ca //

tataḥ sa mantriputras taṃ rājaputram abhāṣata /
siddhaṃ taveṣṭaṃ mārgo hi yuktyā te darśitas tayā // SoKs_12,8.123 [= Vet_1]

tataḥ sa mantri-putras taṃ rāja-putram abhāṣata / siddhaṃ tava iṣṭaṃ mārgo hi yuktyā te darśitas tayā //

tad gacchādyaiva tatra tvaṃ pradoṣe 'smin nṛpāgate /
etenaiva pathā tasyāḥ priyāyā mandiraṃ viśa // SoKs_12,8.124 [= Vet_1]

tad gaccha adya eva tatra tvaṃ pradoṣe 'smin nṛ-pā agate / etena eva pathā tasyāḥ priyāyā mandiraṃ viśa //

ity uktas tena tadyukto rājaputro yayau sa tat /
udyānaṃ vṛddhayoktena tena prākāravartmanā // SoKs_12,8.125 [= Vet_1]

ity uktas tena tad-yukto rāja-putro yayau sa tat / udyānaṃ vṛddhaya ūktena tena prākāra-vartmanā //

tatrāpaśyac ca rajjuṃ tāṃ lambamānāṃ sapīṭhikām /
mārgonmukhābhiś ceṭībhir upariṣṭād adhiṣṭhitām // SoKs_12,8.126 [= Vet_1]

tatra apaśyac ca rajjuṃ tāṃ lambamānāṃ sa-pīṭhikām / mārga-unmukhābhiś ceṭībhir upariṣṭād adhiṣṭhitām //

ārūḍhas tāṃ ca dṛṣṭvaiva dāsībhis tābhir āśu saḥ /
rajjūtkṣipto gavākṣeṇa praviveśa priyāntikam // SoKs_12,8.127 [= Vet_1]

ārūḍhas tāṃ ca dṛṣṭva aiva dāsībhis tābhir āśu saḥ / rajju-utkṣipto gavākṣeṇa praviveśa priyā-antikam //

tasmin praviṣṭe sa yayau mantriputraḥ svam āspadam /
rājaputras tu tāṃ padmāvatīṃ tatra dadarśa saḥ // SoKs_12,8.128 [= Vet_1]

tasmin praviṣṭe sa yayau mantri-putraḥ svam āspadam / rāja-putras tu tāṃ padmāvatīṃ tatra dadarśa saḥ //

pūrṇāmṛtāmśuvadanāṃ prasaratkānticandrakām /
kṛṣṇapakṣabhayād guptasthitāṃ rākāniśām iva // SoKs_12,8.129 [= Vet_1]

pūrṇa-amṛta-amśu-vadanāṃ prasarat-kānti-candrakām / kṛṣṇa-pakṣa-bhayād gupta-sthitāṃ rākā-niśām iva //

sāpi dṛṣṭvā tam utthāya cirautsukyocitais tataḥ /
kaṇṭhagrahādibhis tais tair upacārair amānayat // SoKs_12,8.130 [= Vet_1]

sa āpi dṛṣṭvā tam utthāya cira-autsukya-ucitais tataḥ / kaṇṭha-graha-ādibhis tais tair upacārair amānayat //

tatas tayā sa gāndharvavidhinodūḍhayā saha /
guptaṃ rājasutas tasthau pūrṇecchas tatra kāntayā // SoKs_12,8.131 [= Vet_1]

tatas tayā sa gāndharva-vidhina udūḍhayā saha / guptaṃ rāja-sutas tasthau pūrṇa-icchas tatra kāntayā //

sthitvā cāhāni katicid rātrau tām avadat priyām /
sakhā mama sahāyāto mantriputra iti sthitaḥ // SoKs_12,8.132 [= Vet_1]

sthitvā ca ahāni kati-cid rātrau tām avadat priyām / sakhā mama sahāyāto mantri-putra iti sthitaḥ //

sa cātra tiṣṭhaty ekākī tvajjyeṣṭhatarikāgṛhe /
gatvā saṃbhāvya taṃ tanvi puna eṣyāmi te 'ntikam // SoKs_12,8.133 [= Vet_1]

sa ca atra tiṣṭhaty ekākī tvaj-jyeṣṭha-tarikā-gṛhe / gatvā saṃbhāvya taṃ tanvi puna eṣyāmi te 'ntikam //

tac chṛutvā tam avocat sā dhūrtā padmāvatī priyam /
hantāryaputra pṛcchāmi tāḥ saṃjñā matkṛtās tvayā // SoKs_12,8.134 [= Vet_1]

tac chṛutvā tam avocat sā dhūrtā padmāvatī priyam / hantā arya-putra pṛcchāmi tāḥ saṃjñā mat-kṛtās tvayā //

jñātā kiṃ kim uvā tena sakhyā mantrisutena te /
evam uktavatīm etāṃ rājaputro jagāda saḥ // SoKs_12,8.135 [= Vet_1]

jñātā kiṃ kim uvā tena sakhyā mantri-sutena te / evam uktavatīm etāṃ rāja-putro jagāda saḥ //

na jñātaṃ tan mayā kimcij jñātvā sarvaṃ ca tena me /
ākhyātaṃ mantriputreṇa divyaprajñānaśālinā // SoKs_12,8.136 [= Vet_1]

na jñātaṃ tan mayā kim-cij jñātvā sarvaṃ ca tena me / ākhyātaṃ mantri-putreṇa divya-prajñāna-śālinā //

etac chṛutvā vicintyaiva bhāminī sā jagāda tam /
tarhy ayuktaṃ kṛtaṃ yan me cirāt sa kathitas tvayā // SoKs_12,8.137 [= Vet_1]

etac chṛutvā vicintya eva bhāminī sā jagāda tam / tarhy a-yuktaṃ kṛtaṃ yan me cirāt sa kathitas tvayā //

sa me bhrātā sakhā yas te tasya ca prathamaṃ mayā /
tāmbūlādisamācāraḥ kartavyo hi sadā bhavet // SoKs_12,8.138 [= Vet_1]

sa me bhrātā sakhā yas te tasya ca prathamaṃ mayā / tāmbūla-ādi-samācāraḥ kartavyo hi sadā bhavet //

ity uktavatyānumatas tayā pūrvapathena saḥ /
rajāputro 'ntikaṃ tasya sakhyur āgāt tato niśi // SoKs_12,8.139 [= Vet_1]

ity uktavatya ānumatas tayā pūrva-pathena saḥ / rajā-putro 'ntikaṃ tasya sakhyur āgāt tato niśi //

śaśaṃsa ca kathāmadhye tat tasmai yat tadāśrayam /
saṃjñāvijñānakathanaṃ kṛtaṃ tena priyāntike // SoKs_12,8.140 [= Vet_1]

śaśaṃsa ca kathā-madhye tat tasmai yat tad-āśrayam / saṃjñā-vijñāna-kathanaṃ kṛtaṃ tena priyā-antike //

mantriputras tu so 'yuktam iti na śraddadhe 'sya tat /
tāvac ca sā tayos tatra vibhātābhūd vibhāvarī // SoKs_12,8.141 [= Vet_1]

mantri-putras tu so '-yuktam iti na śraddadhe 'sya tat / tāvac ca sā tayos tatra vibhāta ābhūd vibhāvarī //

athaitayor vidhau sāṃdhye nivṛtte kurvatoḥ kathāḥ // SoKs_12,8.142 [= Vet_1]

atha etayor vidhau sāṃdhye nivṛtte kurvatoḥ kathāḥ //

āgāt pakvānnatāmbūlahastā padmāvatīsakhī /
sā mantriputraṃ kuśalaṃ pṛṣṭvā dattopacārikā /
niṣeddhuṃ rajāputrasya bhojanaṃ tatra yuktitaḥ // SoKs_12,8.143 [= Vet_1]

āgāt pakva-anna-tāmbūla-hastā padmāvatī-sakhī / sā mantri-putraṃ kuśalaṃ pṛṣṭvā datta-upacārikā / niṣeddhuṃ rajā-putrasya bhojanaṃ tatra yuktitaḥ //

kathāntare svāminīṃ svāṃ bhojanādau tadāgamam /
pratīkṣamāṇām āvedya kṣaṇād guptaṃ tato yayau // SoKs_12,8.144 [= Vet_1]

kathā-antare svāminīṃ svāṃ bhojana-ādau tad-āgamam / pratīkṣamāṇām āvedya kṣaṇād guptaṃ tato yayau //

tatas taṃ mantriputraḥ sa rājaputram abhāṣata /
kautukaṃ paśya devaikaṃ darśayāmy adhunā tava // SoKs_12,8.145 [= Vet_1]

tatas taṃ mantri-putraḥ sa rāja-putram abhāṣata / kautukaṃ paśya deva ekaṃ darśayāmy adhunā tava //

ity uktvā bhakṣyam ekaṃ sa pakvānnaṃ dattavāṃs tataḥ /
sārameyāya sa ca tat khāditvaiva vyapadyata // SoKs_12,8.146 [= Vet_1]

ity uktvā bhakṣyam ekaṃ sa pakva-annaṃ dattavāṃs tataḥ / sārameyāya sa ca tat khāditva aiva vyapadyata //

tad dṛṣṭvā kim idaṃ citram iti rājasuto 'tra saḥ /
papraccha mantriputraṃ taṃ sa caitaṃ pratyabhāṣata // SoKs_12,8.147 [= Vet_1]

tad dṛṣṭvā kim idaṃ citram iti rāja-suto 'tra saḥ / papraccha mantri-putraṃ taṃ sa ca etaṃ pratyabhāṣata //

saṃjñājñānena dhūrtaṃ māṃ viditvā hantukāmayā /
tayā viṣānnaṃ prahitaṃ mama tvadanuraktayā // SoKs_12,8.148 [= Vet_1]

saṃjñā-jñānena dhūrtaṃ māṃ viditvā hantu-kāmayā / tayā viṣa-annaṃ prahitaṃ mama tvad-anuraktayā //

nāsmin sati madekāgro rājaputro bhaved ayam /
etadvaśaś ca muktvā māṃ nagarīṃ svāṃ vrajed iti // SoKs_12,8.149 [= Vet_1]

na asmin sati mad-eka-agro rāja-putro bhaved ayam / etad-vaśaś ca muktvā māṃ nagarīṃ svāṃ vrajed iti //

tan muñca manyum etasyāṃ bandhutyāgān mahātmanaḥ /
kuryās tvaṃ haraṇe yuktiṃ vakṣyāmy ālocya yām aham // SoKs_12,8.150 [= Vet_1]

tan muñca manyum etasyāṃ bandhu-tyāgān mahā-ātmanaḥ / kuryās tvaṃ haraṇe yuktiṃ vakṣyāmy ālocya yām aham //

ity uktavantaṃ taṃ mantrisuto rājasuto 'tra saḥ /
satyaṃ buddhiśarīras tvam iti yāvat praśaṃsati // SoKs_12,8.151 [= Vet_1]

ity uktavantaṃ taṃ mantri-suto rāja-suto 'tra saḥ / satyaṃ buddhiśarīras tvam iti yāvat praśaṃsati //

aśaṅkitaṃ bahis tāvad duḥkhākulajanāravaḥ /
hā dhig rājñaḥ suto bālo vipanna iti śuśruve // SoKs_12,8.152 [= Vet_1]

aśaṅkitaṃ bahis tāvad duḥkha-ākula-jana-āravaḥ / hā dhig rājñaḥ suto bālo vipanna iti śuśruve //

tadākarṇanahṛṣṭo 'tha mantriputro nṛpātmajam /
jagāda hanta gacchādya padmāvatyā gṛhaṃ niśi // SoKs_12,8.153 [= Vet_1]

tad-ākarṇana-hṛṣṭo 'tha mantri-putro nṛ-pa-ātmajam / jagāda hanta gaccha adya padmāvatyā gṛhaṃ niśi //

tatra tāṃ pāyayes tāvad yāvat pānamadena sā /
niḥsaṃjñā naṣṭaceṣṭā ca gatajīveva jāyate // SoKs_12,8.154 [= Vet_1]

tatra tāṃ pāyayes tāvad yāvat pāna-madena sā / niḥ-saṃjñā naṣṭa-ceṣṭā ca gata-jīva iva jāyate //

tatas tasyāḥ sanidrāyāḥ śūlenāṅkaṃ kaṭītaṭe /
dattvāgnitaptenādāya tadābharaṇasaṃcayam // SoKs_12,8.155 [= Vet_1]

tatas tasyāḥ sa-nidrāyāḥ śūlena aṅkaṃ kaṭī-taṭe / dattva āgni-taptenā adāya tad-ābharaṇa-saṃcayam //

āgacches tvaṃ gavākṣeṇa rajjulambavinirgataḥ /
tataḥ paraṃ yathā bhadraṃ bhavej jñāsyāmy ahaṃ tathā // SoKs_12,8.156 [= Vet_1]

āgacches tvaṃ gavākṣeṇa rajju-lamba-vinirgataḥ / tataḥ paraṃ yathā bhadraṃ bhavej jñāsyāmy ahaṃ tathā //

ity uktvā kārayitvā ca kroḍavālanibhāśrikam /
mantriputro dadau tasmai triśūlaṃ rājasūnave // SoKs_12,8.157 [= Vet_1]

ity uktvā kārayitvā ca kroḍa-vāla-nibha-āśrikam / mantri-putro dadau tasmai tri-śūlaṃ rāja-sūnave //

rājaputraḥ sa haste tat kṛtvā kuṭilakarkaśam /
kālāyasa dṛḍhaṃ cittam iva kāntāvayasyayoḥ // SoKs_12,8.158 [= Vet_1]

rāja-putraḥ sa haste tat kṛtvā kuṭila-karkaśam / kāla-ayasa dṛḍhaṃ cittam iva kāntā-vayasyayoḥ //

tatheti pūrvavad rātrāv agāt padmāvatīgṛham /
avicāryaṃ prabhūṇāṃ hi śucer vākyaṃ svamantriṇaḥ // SoKs_12,8.159 [= Vet_1]

tatha īti pūrvavad rātrāv agāt padmāvatī-gṛham / avicāryaṃ prabhūṇāṃ hi śucer vākyaṃ sva-mantriṇaḥ //

tatra tāṃ madyaniḥceṣṭāṃ śūlena jaghane 'ṅkitām /
hṛtālaṃkaraṇāṃ kṛtvā tasyāgāt sakhyur antikam // SoKs_12,8.160 [= Vet_1]

tatra tāṃ madya-niḥ-ceṣṭāṃ śūlena jaghane 'ṅkitām / hṛta-alaṃkaraṇāṃ kṛtvā tasya agāt sakhyur antikam //

darśitābharaṇas tasmai śaśaṃsa ca yathākṛtam /
tataḥ sa mantriputro 'pi siddhaṃ mene manīṣitam // SoKs_12,8.161 [= Vet_1]

darśita-ābharaṇas tasmai śaśaṃsa ca yathā-kṛtam / tataḥ sa mantri-putro 'pi siddhaṃ mene manīṣitam //

prātar gatvā śmaśānaṃ ca so 'bhūt tāpasaveṣabhṛt /
svairaṃ rājasutaṃ taṃ ca vidadhe śiṣyarūpiṇam // SoKs_12,8.162 [= Vet_1]

prātar gatvā śmaśānaṃ ca so 'bhūt tāpasa-veṣa-bhṛt / svairaṃ rāja-sutaṃ taṃ ca vidadhe śiṣya-rūpiṇam //

abravīt taṃ ca gacchaikam ito 'laṃkaraṇād imām /
muktāvalīṃ samādāya tvaṃ vikretum ivāpaṇe // SoKs_12,8.163 [= Vet_1]

abravīt taṃ ca gaccha ekam ito 'laṃkaraṇād imām / muktā-āvalīṃ samādāya tvaṃ vikretum ivā apaṇe //

bahumūlyaṃ vadeś cāsyā yenaitāṃ naiva kaś cane /
gṛhṇīyād bhrāmyamāṇāṃ ca sarvaḥ ko 'pi vilokayet // SoKs_12,8.164 [= Vet_1]

bahu-mūlyaṃ vadeś ca asyā yena etāṃ na eva kaś cane / gṛhṇīyād bhrāmyamāṇāṃ ca sarvaḥ ko 'pi vilokayet //

guruṇā mama vikretum iyaṃ dattety anākulaḥ /
brūyāś ca yadi gṛhṇīyur atra tvāṃ purarakṣiṇaḥ // SoKs_12,8.165 [= Vet_1]

guruṇā mama vikretum iyaṃ datta īty anākulaḥ / brūyāś ca yadi gṛhṇīyur atra tvāṃ pura-rakṣiṇaḥ //

iti sa preṣitas tena gatvā rājasutas tadā /
atiṣṭhad āpaṇe bhrāmyan vyaktaṃ muktāvalīṃ dadhat // SoKs_12,8.166 [= Vet_1]

iti sa preṣitas tena gatvā rāja-sutas tadā / atiṣṭhad āpaṇe bhrāmyan vyaktaṃ muktā-āvalīṃ dadhat //

tathābhūtaś ca jagṛhe sa dṛṣṭvā purarakṣibhiḥ /
dantaghāṭasutāmoṣajñapteś cauregaveṣibhiḥ // SoKs_12,8.167 [= Vet_1]

tatha ābhūtaś ca jagṛhe sa dṛṣṭvā pura-rakṣibhiḥ / danta-ghāṭa-sutā-moṣa-jñapteś caure-gaveṣibhiḥ //

ninye ca nagarādhyakṣanikaṭaṃ taiḥ sa tatkṣaṇāt /
sa ca taṃ tāpasākāraṃ dṛṣṭvā papraccha sāntvataḥ // SoKs_12,8.168 [= Vet_1]

ninye ca nagara-adhyakṣa-nikaṭaṃ taiḥ sa tat-kṣaṇāt / sa ca taṃ tāpasa-ākāraṃ dṛṣṭvā papraccha sāntvataḥ //

kuto muktāvalīyaṃ te bhagavann iha hāritā /
dantaghāṭakakanyāyā hṛtaṃ hy ābharaṇaṃ niśi // SoKs_12,8.169 [= Vet_1]

kuto muktā-āvali īyaṃ te bhagavann iha hāritā / danta-ghāṭaka-kanyāyā hṛtaṃ hy ābharaṇaṃ niśi //

tac chṛutvā rājaputras taṃ so 'vādīt tāpasākṛtiḥ /
guruṇā mama datteyam etyāsau pṛcchyatām iti // SoKs_12,8.170 [= Vet_1]

tac chṛutvā rāja-putras taṃ so 'vādīt tāpasa-ākṛtiḥ / guruṇā mama datta īyam etya asau pṛcchyatām iti //

tataś copetya taṃ natvā papraccha nagarādhipaḥ /
muktāvalīyaṃ bhagavan kutas te śiṣyahastagā // SoKs_12,8.171 [= Vet_1]

tataś ca upetya taṃ natvā papraccha nagara-adhipaḥ / muktā-āvali īyaṃ bhagavan kutas te śiṣya-hasta-gā //

śṛutvaitad vijanaṃ kṛtvā sa dhūrtas tam abhāṣata /
ahaṃ tapasvī bhrāmyāmi sadāraṇyeṣv itas tataḥ // SoKs_12,8.172 [= Vet_1]

śṛutva aitad vijanaṃ kṛtvā sa dhūrtas tam abhāṣata / ahaṃ tapasvī bhrāmyāmi sada āraṇyeṣv itas tataḥ //

so 'haṃ daivād iha prāptaḥ śmaśāne 'tra sthito niśi /
apaśyaṃ yoginīcakraṃ samāgatam itas tataḥ // SoKs_12,8.173 [= Vet_1]

so 'haṃ daivād iha prāptaḥ śmaśāne 'tra sthito niśi / apaśyaṃ yoginī-cakraṃ samāgatam itas tataḥ //

tanmadhye caikayānīya yoginyā rājaputrakaḥ /
udghāṭitahṛdambhojo bhairavāya niveditaḥ // SoKs_12,8.174 [= Vet_1]

tan-madhye ca ekayā ānīya yoginyā rāja-putrakaḥ / udghāṭita-hṛd-ambhojo bhairavāya niveditaḥ //

pānamattā ca sā hartuṃ japato me 'kṣamālikām /
prāvartata mahāmāyā vikārān kurvatī mukhe // SoKs_12,8.175 [= Vet_1]

pāna-mattā ca sā hartuṃ japato me 'kṣa-mālikām / prāvartata mahā-māyā vikārān kurvatī mukhe //

atipravṛttā ca mayā kruddhena jaghanasthale /
aṅkitā sā triśūlena mantraprajvālitāśriṇā // SoKs_12,8.176 [= Vet_1]

atipravṛttā ca mayā kruddhena jaghana-sthale / aṅkitā sā tri-śūlena mantra-prajvālita-aśriṇā //

hṛtā muktāvalī ceyaṃ tasyāḥ kaṇṭhān mayā tadā /
saiṣādya tāpasānarhā vikreyā mama vartate // SoKs_12,8.177 [= Vet_1]

hṛtā muktā-āvalī ca iyaṃ tasyāḥ kaṇṭhān mayā tadā / sa aiṣa ādya tāpasa-anarhā vikreyā mama vartate //

etac chṛutvā purādhyakṣo gatvā bhūpaṃ vyajijñapat /
bhūpo 'py ākarṇya tat tāṃ ca buddhvā tanmauktikāvalīm // SoKs_12,8.178 [= Vet_1]

etac chṛutvā pura-adhyakṣo gatvā bhū-paṃ vyajijñapat / bhū-po 'py ākarṇya tat tāṃ ca buddhvā tan-mauktika-āvalīm //

prekṣaṇapreṣitāyātavṛddhāptavanitāmukhāt /
śrutvā ca dṛśyaśūlāṅkāṃ jaghane satyam eva tām // SoKs_12,8.179 [= Vet_1]

prekṣaṇa-preṣita-āyāta-vṛddha-āpta-vanitā-mukhāt / śrutvā ca dṛśya-śūla-aṅkāṃ jaghane satyam eva tām //

grastaḥ suto me ḍakinyā tayety utpannaniścayaḥ /
svayaṃ tasyāntikaṃ gatvā mantriputratapasvinaḥ // SoKs_12,8.180 [= Vet_1]

grastaḥ suto me ḍakinyā taya īty utpanna-niścayaḥ / svayaṃ tasya antikaṃ gatvā mantri-putra-tapasvinaḥ //

pṛṣṭvā ca nigrahaṃ tasyāḥ padmāvatyāḥ sa tadgirā /
pitṛbhyāṃ śocyamānāyāḥ purān niḥvāsanaṃ vyadhāt // SoKs_12,8.181 [= Vet_1]

pṛṣṭvā ca nigrahaṃ tasyāḥ padmāvatyāḥ sa tad-girā / pitṛbhyāṃ śocyamānāyāḥ purān niḥ-vāsanaṃ vyadhāt //

nirvāsitāṭavīsthā sā vignāpi na jahau tanum /
upāyaṃ mantriputreṇa taṃ saṃbhāvya tathā kṛtam // SoKs_12,8.182 [= Vet_1]

nirvāsitā-aṭavī-sthā sā vigna āpi na jahau tanum / upāyaṃ mantri-putreṇa taṃ saṃbhāvya tathā kṛtam //

dinānte tāṃ ca śocantīm aśvārūḍhāv upeyatuḥ /
tyaktatāpasaveṣau tau mantriputranṛpātmajau // SoKs_12,8.183 [= Vet_1]

dina-ante tāṃ ca śocantīm aśva-ārūḍhāv upeyatuḥ / tyakta-tāpasa-veṣau tau mantri-putra-nṛ-pa-ātma-jau //

āśvāsyāropya turage svarāṣṭraṃ ninyatuś ca tām /
tatra tasthau tayā sākaṃ rājaputraḥ sa nirvṛtaḥ // SoKs_12,8.184 [= Vet_1]

āśvāsyā aropya turage sva-rāṣṭraṃ ninyatuś ca tām / tatra tasthau tayā sākaṃ rāja-putraḥ sa nirvṛtaḥ //

dantaghāṭas tv araṇye tāṃ kravyādair bhakṣitāṃ sutām /
matvā vyapādi śokena bhāryā cānujagāma tam // SoKs_12,8.185 [= Vet_1]

dantaghāṭas tv araṇye tāṃ kravyādair bhakṣitāṃ sutām / matvā vyapādi śokena bhāryā ca anujagāma tam //

ity ākhyāya sa bhūyas taṃ vetālo nṛpam abravīt /
tan me 'tra saṃśayaṃ chinddhi daṃpatyor etayor vadhāt // SoKs_12,8.186 [= Vet_1]

ity ākhyāya sa bhūyas taṃ vetālo nṛ-pam abravīt / tan me 'tra saṃśayaṃ chinddhi daṃpatyor etayor vadhāt //

mantriputrasya kiṃ pāpaṃ rājaputrasya kiṃ nu vā /
padmāvatyāḥ kim atha vā tvaṃ hi buddhimatāṃ varaḥ // SoKs_12,8.187 [= Vet_1]

mantri-putrasya kiṃ pāpaṃ rāja-putrasya kiṃ nu vā / padmāvatyāḥ kim atha vā tvaṃ hi buddhimatāṃ varaḥ //

jānānaś ca na ced rājan mama tattvaṃ vadiṣyasi /
tad eṣa śatadhā mūrdhā niḥcitaṃ te sphuṭiṣyati // SoKs_12,8.188 [= Vet_1]

jānānaś ca na ced rājan mama tattvaṃ vadiṣyasi / tad eṣa śatadhā mūrdhā niḥ-citaṃ te sphuṭiṣyati //

ity uktavantaṃ vetālaṃ vijānañ śāpabhītitaḥ /
sa trivikramasenas tam evaṃ pratyabravīn nṛpaḥ // SoKs_12,8.189 [= Vet_1]

ity uktavantaṃ vetālaṃ vijānañ śāpa-bhītitaḥ / sa trivikramasenas tam evaṃ pratyabravīn nṛ-paḥ //

yogeśvara kim ajñeyam etan naiṣāṃ hi pātakam /
trayāṇām api rājñas tu pāpaṃ karṇotpalasya tat // SoKs_12,8.190 [= Vet_1]

yoga-īśvara kim ajñeyam etan na eṣāṃ hi pātakam / trayāṇām api rājñas tu pāpaṃ karṇotpalasya tat //

vetālo 'py āha rājñaḥ kiṃ te hi tatkāriṇas trayaḥ /
kākāḥ kim aparādhyanti haṃsair jagdheṣu śāliṣu // SoKs_12,8.191 [= Vet_1]

vetālo 'py āha rājñaḥ kiṃ te hi tat-kāriṇas trayaḥ / kākāḥ kim aparādhyanti haṃsair jagdheṣu śāliṣu //

rājā tato 'bravīc cainaṃ na duṣyanti trayo 'pi te /
mantrisūnor hi tat tāvat prabhukāryam apātakam // SoKs_12,8.192 [= Vet_1]

rājā tato 'bravīc ca enaṃ na duṣyanti trayo 'pi te / mantri-sūnor hi tat tāvat prabhu-kāryam apātakam //

padmāvatīrājaputrau tau hi kāmaśarāgninā /
saṃtaptāv avicārārhāv adoṣau svārtham udyatau // SoKs_12,8.193 [= Vet_1]

padmāvatī-rāja-putrau tau hi kāma-śara-agninā / saṃtaptāv avicāra-arhāv adoṣau sva-artham udyatau //

karṇotpalas tu rājā sa nītiśāstreṣv aśikṣitaḥ /
caraiḥ prajāsv ananviṣyaṃs tattvaśuddhiṃ nijāsv api // SoKs_12,8.194 [= Vet_1]

karṇotpalas tu rājā sa nīti-śāstreṣv aśikṣitaḥ / caraiḥ prajāsv ananviṣyaṃs tattva-śuddhiṃ nijāsv api //

ajānan dhūrtacaritānīṅgitādyavicakṣaṇaḥ /
tathā tan niḥvicāraṃ yac cakre tena sa pāpabhāk // SoKs_12,8.195 [= Vet_1]

ajānan dhūrta-caritāni iṅgita-ādy-avicakṣaṇaḥ / tathā tan niḥ-vicāraṃ yac cakre tena sa pāpa-bhāk //

ity ākarṇya vimuktamaunam udite samyaṅ nṛpeṇottare
skandhāt tasya sa dārḍhyam ākalayituṃ māyābalāt tatkṣaṇam /
vetālo nṛkalevarāntaragataḥ kvāpy apratarkyo yayau
niḥkampaḥ sa ca bhūpatiḥ punar amuṃ prāptuṃ vyadhān niḥcayam // SoKs_12,8.196 [= Vet_1]

ity ākarṇya vimukta-maunam udite samyaṅ nṛ-peṇa uttare skandhāt tasya sa dārḍhyam ākalayituṃ māyā-balāt tat-kṣaṇam / vetālo nṛ-kalevara-antara-gataḥ kva apy apratarkyo yayau niḥ-kampaḥ sa ca bhū-patiḥ punar amuṃ prāptuṃ vyadhān niḥ-cayam //

tato 'tra puna ānetuṃ taṃ vetālam agān nṛpaḥ /
sa trivikramasenas tac chiṃśapāpādapāntikam // SoKs_12,9.1 [= Vet_2]

tato 'tra puna ānetuṃ taṃ vetālam agān nṛ-paḥ / sa trivikramasenas tac chiṃśapā-pāda-pa-antikam //

prāpto 'tra vīkṣate yāvac citālokavaśān niśi /
tāvad dadarśa taṃ bhūmau kūjantaṃ patitaṃ śavam // SoKs_12,9.2 [= Vet_2]

prāpto 'tra vīkṣate yāvac citā-āloka-vaśān niśi / tāvad dadarśa taṃ bhūmau kūjantaṃ patitaṃ śavam //

atha taṃ mṛtadehasthaṃ vetālaṃ sa mahīpatiḥ /
āropya skandham ānetuṃ tūṣṇīṃ pravavṛte javāt // SoKs_12,9.3 [= Vet_2]

atha taṃ mṛta-deha-sthaṃ vetālaṃ sa mahī-patiḥ / āropya skandham ānetuṃ tūṣṇīṃ pravavṛte javāt //

tataḥ skandhāt sa vetālo bhūyas taṃ nṛpam abravīt /
rājan mahaty anucite kleśe 'smin patito bhavān // SoKs_12,9.4 [= Vet_2]

tataḥ skandhāt sa vetālo bhūyas taṃ nṛ-pam abravīt / rājan mahaty anucite kleśe 'smin patito bhavān //

atas tava vinodāya khatayāmi khatāṃ śṛṇu /
asty agrahāraḥ kālindīkūle brahmasthalābhidhaḥ // SoKs_12,9.5 [= Vet_2]

atas tava vinodāya khatayāmi khatāṃ śṛṇu / asty agra-hāraḥ kālindī-kūle brahma-sthala-abhidhaḥ //

agnisvāmīti tatrāsīd brāhmaṇo vedapāragaḥ /
tasyātirūpā mandāravatīty ajani kanyakā // SoKs_12,9.6 [= Vet_2]

agnisvāmi īti tatrā asīd brāhmaṇo veda-pāragaḥ / tasya ati-rūpā mandāravati īty ajani kanyakā //

yāṃ niḥmāya navānarghalāvaṇyāṃ niyataṃ vidhiḥ /
svargastrīpūrvanirmāṇaṃ nijam evājugupsata // SoKs_12,9.7 [= Vet_2]

yāṃ niḥ-māya nava-anargha-lāvaṇyāṃ niyataṃ vidhiḥ / svarga-strī-pūrva-nir-māṇaṃ nijam eva ajugupsata //

tasyāṃ ca yauvanasthāyām āyayuḥ kānyakubjataḥ /
samasarvaguṇās tatra trayo brāhmaṇaputrakāḥ // SoKs_12,9.8 [= Vet_2]

tasyāṃ ca yauvana-sthāyām āyayuḥ kānyakubjataḥ / sama-sarva-guṇās tatra trayo brāhmaṇa-putrakāḥ //

teṣāṃ cātmārtham ekaikas tatpitus tām ayācata /
anicchan dānam anyasmai tasyāḥ prānavyayād api // SoKs_12,9.9 [= Vet_2]

teṣāṃ cā atma-artham ekaikas tat-pitus tām ayācata / anicchan dānam anyasmai tasyāḥ prāna-vyayād api //

tatpitā sa tu tanmadhyān naikasmā api tāṃ dadau /
bhīto 'nyayor vadhāt tena tasthau kanyaiva sā tataḥ // SoKs_12,9.10 [= Vet_2]

tat-pitā sa tu tan-madhyān na ekasmā api tāṃ dadau / bhīto 'nyayor vadhāt tena tasthau kanya aiva sā tataḥ //

te ca trayo 'pi tadvaktracandraikāsakta dṛṣṭhayaḥ /
cakoravratam ālambya tatraivāsan divāniśam // SoKs_12,9.11 [= Vet_2]

te ca trayo 'pi tad-vaktra-candra-eka-āsakta dṛṣṭhayaḥ / cakora-vratam ālambya tatra evā asan divā-niśam //

athākasmātsamutpanna dāhajvaravaśena sā /
jagāma mandāravatī kumārī kila pañcatām // SoKs_12,9.12 [= Vet_2]

atha akasmāt-samutpanna dāha-jvara-vaśena sā / jagāma mandāravatī kumārī kila pañcatām //

tatas tāṃ vipraputrās te parāsuṃ śokaviklavāḥ /
kṛtaprasādhanāṃ nītvā śmaśānaṃ cakrur agnisāt // SoKs_12,9.13 [= Vet_2]

tatas tāṃ vipra-putrās te para-asuṃ śoka-viklavāḥ / kṛta-prasādhanāṃ nītvā śmaśānaṃ cakrur agnisāt //

ekaś ca teṣāṃ tatraiva vidhāya maṭhikāṃ tataḥ /
kṛtatadbhasmaśayyaḥ sann āstāyācitabhaikṣabhuk // SoKs_12,9.14 [= Vet_2]

ekaś ca teṣāṃ tatra eva vidhāya maṭhikāṃ tataḥ / kṛta-tad-bhasma-śayyaḥ sann āstā ayācita-bhaikṣa-bhuk //

dvitīyo 'sthīny upādāya tasyā bhāgīrathīṃ yayau /
tṛtīyas tāpaso bhūtvā bhrāntuṃ deśāntarāṇy agāt // SoKs_12,9.15 [= Vet_2]

dvitīyo 'sthīny upādāya tasyā bhāgīrathīṃ yayau / tṛtīyas tāpaso bhūtvā bhrāntuṃ deśa-antarāṇy agāt //

sa bhrāmyaṃs tāpasaḥ prāpa grāmaṃ vakrolakābhidham /
tatrātithiḥ san kasyāpi viprasya prāviśad gṛham // SoKs_12,9.16 [= Vet_2]

sa bhrāmyaṃs tāpasaḥ prāpa grāmaṃ vakrolaka-abhidham / tatra atithiḥ san kasya api viprasya prāviśad gṛham //

tatpūjitaḥ sa yāvac ca bhoktuṃ tatra pracakrame /
tāvad ekaḥ śiśus tatra pravṛtto 'bhūt praroditum // SoKs_12,9.17 [= Vet_2]

tat-pūjitaḥ sa yāvac ca bhoktuṃ tatra pracakrame / tāvad ekaḥ śiśus tatra pravṛtto 'bhūt praroditum //

sa sāntvyamāno 'pi yadā na vyaramsīt tadā krudhā /
bāhav ādāya gṛhiṇī jvalaty agnau tam akṣipat // SoKs_12,9.18 [= Vet_2]

sa sāntvyamāno 'pi yadā na vyaramsīt tadā krudhā / bāhav ādāya gṛhiṇī jvalaty agnau tam akṣipat //

kṣipta mātraḥ sa mṛdvaṅgo bhasmībhāvam avāptavān /
tad dṛṣṭvā jātaromāñcaḥ so 'bravīt tāpaso 'tithiḥ // SoKs_12,9.19 [= Vet_2]

kṣipta mātraḥ sa mṛdv-aṅgo bhasmī-bhāvam avāptavān / tad dṛṣṭvā jāta-roma-añcaḥ so 'bravīt tāpaso 'tithiḥ //

hā dhikkaṣṭaṃ praviṣṭo 'smi brahmarākṣasaveśmani /
tanmūrtaṃ kilbiṣam idaṃ na bhokṣye 'nnam ihādhunā // SoKs_12,9.20 [= Vet_2]

hā dhikkaṣṭaṃ praviṣṭo 'smi brahma-rākṣasa-veśmani / tan-mūrtaṃ kilbiṣam idaṃ na bhokṣye 'nnam iha adhunā //

evaṃ vadantaṃ taṃ so 'tra gṛhasthaḥ prāha paśya me /
śaktiṃ paṭhitasiddhasya mantrasya mṛtajīvanīm // SoKs_12,9.21 [= Vet_2]

evaṃ vadantaṃ taṃ so 'tra gṛhasthaḥ prāha paśya me / śaktiṃ paṭhita-siddhasya mantrasya mṛta-jīvanīm //

ity uktvādāya tan mantrapustikām anuvācya ca /
tatra bhasmani cikṣepa sa dhūlim abhimantritām // SoKs_12,9.22 [= Vet_2]

ity uktva ādāya tan mantra-pustikām anuvācya ca / tatra bhasmani cikṣepa sa dhūlim abhimantritām //

tenodatiṣṭhat tadrūpa eva jīvan sa bālakaḥ /
tataḥ sa nirvṛtas tatra bhuktavān vipratāpasaḥ // SoKs_12,9.23 [= Vet_2]

tena udatiṣṭhat tad-rūpa eva jīvan sa bālakaḥ / tataḥ sa nirvṛtas tatra bhuktavān vipra-tāpasaḥ //

gṛhastho 'pi sa tāṃ nāgadante 'vasthāpya pustikām /
bhukvā ca śayanaṃ bheje rātrau tatraiva tadyutaḥ // SoKs_12,9.24 [= Vet_2]

gṛhastho 'pi sa tāṃ nāga-dante 'vasthāpya pustikām / bhukvā ca śayanaṃ bheje rātrau tatra eva tad-yutaḥ //

supte gṛhapatau tasmin svairam utthāya śaṅkitaḥ /
sa priyājīvitārthī tāṃ pustikāṃ tāpaso 'grahīt // SoKs_12,9.25 [= Vet_2]

supte gṛha-patau tasmin svairam utthāya śaṅkitaḥ / sa priyā-jīvita-arthī tāṃ pustikāṃ tāpaso 'grahīt //

gṛhītvaiva ca nirgatya tato rātridinaṃ vrajan /
kramāc chmaśānaṃ tat prāpa yatra dagdhāsya sā priyā // SoKs_12,9.26 [= Vet_2]

gṛhītva aiva ca nirgatya tato rātri-dinaṃ vrajan / kramāc chmaśānaṃ tat prāpa yatra dagdha āsya sā priyā //

dadarśa cātra tatkālaṃ taṃ dvitīyam upāgatam /
yaḥ sa gaṅgāmbhasi kṣeptuṃ tadasthīni gato 'bhavat // SoKs_12,9.27 [= Vet_2]

dadarśa ca atra tat-kālaṃ taṃ dvitīyam upāgatam / yaḥ sa gaṅgā-ambhasi kṣeptuṃ tad-asthīni gato 'bhavat //

tatas taṃ ca tam ādyaṃ ca tasyā bhasmani śāyinam /
nibaddhamaṭhikaṃ tatra dvāv apy etau jagāda saḥ // SoKs_12,9.28 [= Vet_2]

tatas taṃ ca tam ādyaṃ ca tasyā bhasmani śāyinam / nibaddha-maṭhikaṃ tatra dvāv apy etau jagāda saḥ //

maṭhikāpāsyatām eṣā yāvad utthāpayāmi tām /
jīvantīṃ bhasmataḥ kāntāṃ mantraśaktyā kayāpy aham // SoKs_12,9.29 [= Vet_2]

maṭhika āpāsyatām eṣā yāvad utthāpayāmi tām / jīvantīṃ bhasmataḥ kāntāṃ mantra-śaktyā kaya āpy aham //

iti tau prerya nirbandhān nirloṭhya maṭhikāṃ ca saḥ /
udghāṭya tāpaso vipraḥ pustikāṃ tām avācayat // SoKs_12,9.30 [= Vet_2]

iti tau prerya nirbandhān nirloṭhya maṭhikāṃ ca saḥ / udghāṭya tāpaso vipraḥ pustikāṃ tām avācayat //

abhimantrya ca mantreṇa dhūliṃ bhasmany avākṣipat /
udatiṣṭhac ca jīvantī sā mandāravatī tataḥ // SoKs_12,9.31 [= Vet_2]

abhimantrya ca mantreṇa dhūliṃ bhasmany avākṣipat / udatiṣṭhac ca jīvantī sā mandāravatī tataḥ //

vahniṃ praviśya niṣkrāntaṃ vapuḥ pūrvādhikadyuti /
tadā babhāra sā kanyā kañcaneneva niḥmitam // SoKs_12,9.32 [= Vet_2]

vahniṃ praviśya niṣkrāntaṃ vapuḥ pūrva-adhika-dyuti / tadā babhāra sā kanyā kañcanena iva niḥ-mitam //

tādṛśīṃ tāṃ punar jātāṃ te dṛṣṭvaiva smarāturāḥ /
prāptukāmās trayo 'py evam anyo'nyaṃ kalahaṃ vyadhuḥ // SoKs_12,9.33 [= Vet_2]

tādṛśīṃ tāṃ punar jātāṃ te dṛṣṭva aiva smara-āturāḥ / prāptu-kāmās trayo 'py evam anyo'nyaṃ kalahaṃ vyadhuḥ //

eko 'bravīd iyaṃ bhāryā mama mantrabalārjitā /
tīrthaprabhāvajā bhāryā mameyam iti cāparaḥ // SoKs_12,9.34 [= Vet_2]

eko 'bravīd iyaṃ bhāryā mama mantra-bala-arjitā / tīrtha-prabhāva-jā bhāryā mama iyam iti cāparaḥ //

rakṣitvā bhasma tapasā jīviteyaṃ mayeha yat /
tad eṣā mama bhāryeti tṛtīyo 'tra jagāda saḥ // SoKs_12,9.35 [= Vet_2]

rakṣitvā bhasma tapasā jīvita īyaṃ maya īha yat / tad eṣā mama bhārya īti tṛtīyo 'tra jagāda saḥ //

vivādanirṇaye teṣāṃ tvaṃ tāvan me mahīpate /
niścayaṃ brūhi kasyaiṣā kanyā bhāryopapadyate // SoKs_12,9.36 [= Vet_2]

vivāda-nirṇaye teṣāṃ tvaṃ tāvan me mahī-pate / niścayaṃ brūhi kasya eṣā kanyā bhārya ūpapadyate //

vidaliṣyati mūrdhā te yadi jānan na vakṣyasi /
iti vetālataḥ śrutvā taṃ sa rājaivam abhyadhāt // SoKs_12,9.37 [= Vet_2]

vidaliṣyati mūrdhā te yadi jānan na vakṣyasi / iti vetālataḥ śrutvā taṃ sa rāja aivam abhyadhāt //

yaḥ kleśam anubhūyāpi mantreṇaitām ajīvayat /
pitā sa tasyās tatkāryakaraṇān na punaḥ patīḥ // SoKs_12,9.38 [= Vet_2]

yaḥ kleśam anubhūya api mantreṇa etām ajīvayat / pitā sa tasyās tat-kārya-karaṇān na punaḥ patīḥ //

yaś cāstīni nināyāsya gaṅgāyāṃ sa suto mataḥ /
yas tu tad bhasmaśayyaṃ tām āśliṣyāsīt tapaś caran // SoKs_12,9.39 [= Vet_2]

yaś ca astīni nināya asya gaṅgāyāṃ sa suto mataḥ / yas tu tad bhasma-śayyaṃ tām āśliṣyā asīt tapaś caran //

śmaśāna eva tat prītyā bhartā tasyāḥ sa ucyate /
kṛtaṃ tad anurūpam iha tena gāḍḥānurāgiṇa // SoKs_12,9.40 [= Vet_2]

śmaśāna eva tat prītyā bhartā tasyāḥ sa ucyate / kṛtaṃ tad anurūpam iha tena gāḍḥa-anurāgiṇa //

evaṃ nṛpāt trivikramasenāc chṛutvaiva muktamaunāt saḥ /
tasya skandhād agamad vetālo 'tarkitaḥ svapadam // SoKs_12,9.41 [= Vet_2]

evaṃ nṛ-pāt trivikramasenāc chṛutva aiva mukta-maunāt saḥ / tasya skandhād agamad vetālo 'tarkitaḥ sva-padam //

rājātha bhikṣvarthasamudyatas taṃ prāptuṃ sa bhūyo 'pi mano babandha /
prāṇātyaye 'pi pratipannam arthaṃ tiṣṭhanty anirvāhya na dhīrasattvāḥ // SoKs_12,9.42 [= Vet_2]

rāja ātha bhikṣv-artha-samudyatas taṃ prāptuṃ sa bhūyo 'pi mano babandha / prāṇa atyaye 'pi pratipannam arthaṃ tiṣṭhanty anirvāhya na dhīra-sattvāḥ //

atha bhūyo 'pi vetālam ānetuṃ nṛpasattamaḥ /
sa trivikramasenas tam upāgāc chiṃśampātarum // SoKs_12,10.1 [= Vet_3]

atha bhūyo 'pi vetālam ānetuṃ nṛ-pa-sattamaḥ / sa trivikramasenas tam upāgāc chiṃśampā-tarum //

tatrastham etaṃ saṃprāpya mṛtadehagataṃ punaḥ /
skandhe gṛhītvaivāgantuṃ tūṣṇīṃ pravavṛte tataḥ // SoKs_12,10.2 [= Vet_3]

tatra-stham etaṃ saṃprāpya mṛta-deha-gataṃ punaḥ / skandhe gṛhītva aivā agantuṃ tūṣṇīṃ pravavṛte tataḥ //

prayāntaṃ ca tam āha sma sa vetālo 'sya pṛṣṭhagaḥ /
citraṃ nodvijase rājan niśi kurvan gamāgamam // SoKs_12,10.3 [= Vet_3]

prayāntaṃ ca tam āha sma sa vetālo 'sya pṛṣṭha-gaḥ / citraṃ na udvijase rājan niśi kurvan gama-āgamam //

tad akhedāya bhūyas te varṇayāmi kathāṃ śṛṇu /
asti pāṭaliputrākhyaṃ khyātaṃ bhūmaṇḍale puram // SoKs_12,10.4 [= Vet_3]

tad akhedāya bhūyas te varṇayāmi kathāṃ śṛṇu / asti pāṭaliputra-ākhyaṃ khyātaṃ bhū-maṇḍale puram //

tatrāsīn nṛpatiḥ pūrvaṃ nāmnā vikramakesarī /
guṇānām iva ratnānām āśrayaṃ yaṃ vyadhād vidhiḥ // SoKs_12,10.5 [= Vet_3]

tatrā asīn nṛ-patiḥ pūrvaṃ nāmnā vikramakesarī / guṇānām iva ratnānām āśrayaṃ yaṃ vyadhād vidhiḥ //

tatra śāpāvatīrṇo 'bhūd divyavijñānavāñ śukaḥ /
vidagdhacūdamaṇir ity ākhyayā sarvaśāstravit // SoKs_12,10.6 [= Vet_3]

tatra śāpa-avatīrṇo 'bhūd divya-vijñānavāñ śukaḥ / vidagdhacūdamaṇir ity ākhyayā sarva-śāstra-vit //

tenopadiṣṭāṃ sadṛśīṃ rājaputrīṃ nṛpātmajaḥ /
māgadhīm upayeme sa bhāryāṃ candraprabhābhidhām // SoKs_12,10.7 [= Vet_3]

tena upadiṣṭāṃ sadṛśīṃ rāja-putrīṃ nṛ-pa-ātmajaḥ / māgadhīm upayeme sa bhāryāṃ candraprabhā-abhidhām //

tasyā api tathābhūtā sarvavijñānaśālinī /
śārikā somikā nāma rājaputryāḥ kilābhavat // SoKs_12,10.8 [= Vet_3]

tasyā api tathā-bhūtā sarva-vijñāna-śālinī / śārikā somikā nāma rāja-putryāḥ kila abhavat //

te caikapañjarasthe dve tatrāstāṃ śukaśārīke /
sevamāne svaviñjānair daṃpatī tau nijaprabhū // SoKs_12,10.9 [= Vet_3]

te ca eka-pañjara-sthe dve tatrā astāṃ śuka-śārīke / sevamāne sva-viñjānair daṃpatī tau nija-prabhū //

ekadā sābhilāṣas tāṃ śārikāṃ so 'bravīc chukaḥ /
ekaśayyāsanāhāraṃ subhage bhaja mām iti // SoKs_12,10.10 [= Vet_3]

ekadā sa-abhilāṣas tāṃ śārikāṃ so 'bravīc chukaḥ / eka-śayyā-asana-āhāraṃ su-bhage bhaja mām iti //

nāhaṃ puruṣasaṃsargam icchāmi puruṣā yataḥ /
duṣṭāḥ kṛtaghnā iti sā sārikā pratyuvāca tam // SoKs_12,10.11 [= Vet_3]

na ahaṃ puruṣa-saṃsargam icchāmi puruṣā yataḥ / duṣṭāḥ kṛta-ghnā iti sā sārikā pratyuvāca tam //

na duṣṭāḥ puruṣā duṣṭā nṛśaṃsahṛdayāḥ striyaḥ /
iti bhūyaḥ śukenokte vivādo 'trālagat tayoḥ // SoKs_12,10.12 [= Vet_3]

na duṣṭāḥ puruṣā duṣṭā nṛ-śaṃsa-hṛdayāḥ striyaḥ / iti bhūyaḥ śukena ukte vivādo 'trā alagat tayoḥ //

kṛtadāsatvabhāryātvapaṇau tau śakunī mithaḥ /
niścayāyāthe sabhyaṃ taṃ rājaputram upeyatuḥ // SoKs_12,10.13 [= Vet_3]

kṛta-dāsatva-bhāryātva-paṇau tau śakunī mithaḥ / niścayāya athe sabhyaṃ taṃ rāja-putram upeyatuḥ //

sa vivādapadaṃ śrutvā tayor āsthānagaḥ pituḥ /
kathaṃ kṛtaghnāḥ puruṣā brūhīty āha sma śārikām // SoKs_12,10.14 [= Vet_3]

sa vivāda-padaṃ śrutvā tayor āsthāna-gaḥ pituḥ / kathaṃ kṛta-ghnāḥ puruṣā brūhi ity āha sma śārikām //

tataḥ sā śṛṇutety uktvā nijapakṣaprasiddhaye /
puṃdoṣākhyāyinīm etāṃ śārikākathayat kathām // SoKs_12,10.15 [= Vet_3]

tataḥ sā śṛṇuta ity uktvā nija-pakṣa-prasiddhaye / puṃ-doṣa-ākhyāyinīm etāṃ śārika ākathayat kathām //

asti kāmandikā nāma yā mahānagarī bhuvi /
arthadattābhidhāno 'sti vaṇik tasyāṃ mahādhanaḥ // SoKs_12,10.16 [= Vet_3]

asti kāmandikā nāma yā mahā-nagarī bhuvi / arthadatta-abhidhāno 'sti vaṇik tasyāṃ mahā-dhanaḥ //

dhanadattābhidhānaś ca putras tasyodapadyata /
pitary uparate so 'pi babhūvocchṛṅkhalo yuvā // SoKs_12,10.17 [= Vet_3]

dhanadatta-abhidhānaś ca putras tasya udapadyata / pitary uparate so 'pi babhūva ucchṛṅkhalo yuvā //

dyūtādisaṅge dūrtāś ca militvā tam apātayan /
kāmaṃ vyasanavṛkṣasya mūlaṃ duḥjanasaṃgatiḥ // SoKs_12,10.18 [= Vet_3]

dyūta-ādi-saṅge dūrtāś ca militvā tam apātayan / kāmaṃ vyasana-vṛkṣasya mūlaṃ duḥ-jana-saṃgatiḥ //

acirād vyasanakṣīṇadhano daurgatyalajjayā /
so 'tha tyaktvā svadeśaṃ taṃ bhrāntuṃ deśāntarāṇy agāt // SoKs_12,10.19 [= Vet_3]

acirād vyasana-kṣīṇa-dhano daurgatya-lajjayā / so 'tha tyaktvā sva-deśaṃ taṃ bhrāntuṃ deśa-antara-aṇy agāt //

gacchaṃś ca candanapuraṃ nāma sthānam avāpya saḥ /
viveśa bhojanārthī sann ekasya vaṇijo gṛham // SoKs_12,10.20 [= Vet_3]

gacchaṃś ca candanapuraṃ nāma sthānam avāpya saḥ / viveśa bhojana-arthī sann ekasya vaṇijo gṛham //

sa vaṇik sukumāraṃ taṃ dṛṣṭvā pṛṣṭvānvayādikam /
jñātvā kulīnaṃ satkṛtya svīcakre daivayogataḥ // SoKs_12,10.21 [= Vet_3]

sa vaṇik su-kumāraṃ taṃ dṛṣṭvā pṛṣṭva ānvaya-ādikam / jñātvā kulīnaṃ sat-kṛtya svī-cakre daiva-yogataḥ //

dadau ca sadhanāṃ tasmai nāmnā ratnāvalīṃ sutām /
tataḥ sa dhanadatto 'tra tasthau śvaśuraveśmani // SoKs_12,10.22 [= Vet_3]

dadau ca sa-dhanāṃ tasmai nāmnā ratnāvalīṃ sutām / tataḥ sa dhanadatto 'tra tasthau śvaśura-veśmani //

dineṣv eva ca yāteṣu sukhavismṛtaduḥgatiḥ /
svadeśaṃ gantukāmo 'bhūt prāptārtho vyasanonmukhaḥ // SoKs_12,10.23 [= Vet_3]

dineṣv eva ca yāteṣu sukha-vismṛta-duḥ-gatiḥ / sva-deśaṃ gantu-kāmo 'bhūt prāpta-artho vyasana-unmukhaḥ //

tato 'numānya katham apy avaśaṃ śvaśuraṃ śaṭhaḥ /
taṃ duhitṛekasaṃtānaṃ gṛhītvā tām alaṃkṛtām // SoKs_12,10.24 [= Vet_3]

tato 'numānya katham apy avaśaṃ śvaśuraṃ śaṭhaḥ / taṃ duhitṛ-eka-saṃtānaṃ gṛhītvā tām alaṃkṛtām //

bhāryāṃ ratnāvalīṃ yuktām ekayā vṛddhayā striyā /
sa ātmanā tṛtīyaḥ sandeśāt prasthitavāṃs tataḥ // SoKs_12,10.25 [= Vet_3]

bhāryāṃ ratnāvalīṃ yuktām ekayā vṛddhayā striyā / sa ātmanā tṛtīyaḥ sandeśāt prasthitavāṃs tataḥ //

kramāt prāpyāṭavīṃ dūrām uktvā taskarajāṃ bhiyam /
gṛhītvābharaṇaṃ tasyā bhāryāyāḥ svīcakāra saḥ // SoKs_12,10.26 [= Vet_3]

kramāt prāpya aṭavīṃ dūrām uktvā taskara-jāṃ bhiyam / gṛhītvā ābharaṇaṃ tasyā bhāryāyāḥ svī-cakāra saḥ //

dṛśyatāṃ dyūtaveśyādikaṣṭavyasanasaṅginām /
hṛdayaṃ hā kṛtaghnānāṃ puṃsāṃ nistriṃśakarkaśam // SoKs_12,10.27 [= Vet_3]

dṛśyatāṃ dyūta-veśya-ādi-kaṣṭa-vyasana-saṅginām / hṛdayaṃ hā kṛta-ghnānāṃ puṃsāṃ nistriṃśa-karkaśam //

so 'tha pāpo 'rthahetos tāṃ bhāryāṃ guṇavatīm api /
hantuṃ śvabhre nicikṣepa tayā vṛddhastriyā yutām // SoKs_12,10.28 [= Vet_3]

so 'tha pāpo 'rtha-hetos tāṃ bhāryāṃ guṇavatīm api / hantuṃ śvabhre nicikṣepa tayā vṛddha-striyā yutām //

kṣiptvaiva ca gate tasmin sātha vṛddhā vyapadyata /
tad bhāryā tu latāgulmavignayā na vyapādi sā // SoKs_12,10.29 [= Vet_3]

kṣiptva aiva ca gate tasmin sa ātha vṛddhā vyapadyata / tad bhāryā tu latā-gulma-vignayā na vyapādi sā //

uttasthau ca tataḥ śvabhrāt krośantī karuṇaṃ śaṇaiḥ /
ālambya tṛṇagulmādi saśeṣatvāt kilāyuṣaḥ // SoKs_12,10.30 [= Vet_3]

uttasthau ca tataḥ śvabhrāt krośantī karuṇaṃ śaṇaiḥ / ālambya tṛṇa-gulma-ādi sa-śeṣatvāt kila-āyuṣaḥ //

āyayau vikṣatāṅgī ca pṛṣṭvā mārgaṃ pade pade /
yathāgatenaiva pathā kṛcchrāt tat sadanaṃ pituḥ // SoKs_12,10.31 [= Vet_3]

āyayau vikṣata-aṅgī ca pṛṣṭvā mārgaṃ pade pade / yathā āgatena eva pathā kṛcchrāt tat sadanaṃ pituḥ //

tatrākasmāt tathābhūtā prāptā pṛṣṭā sasaṃbhramam /
mātrā pitrā ca rudatī sādhvī saivam abhāṣata // SoKs_12,10.32 [= Vet_3]

tatra akasmāt tathā-bhūtā prāptā pṛṣṭā sa-saṃbhramam / mātrā pitrā ca rudatī sādhvī sa aivam abhāṣata //

muṣitāḥ sma pathi stenair nīto baddhvā ca matpatiḥ /
vṛddhā mṛtā nipatyāpi śvabhre nāhaṃ mṛtā punaḥ // SoKs_12,10.33 [= Vet_3]

muṣitāḥ sma pathi stenair nīto baddhvā ca mat-patiḥ / vṛddhā mṛtā nipatya api śvabhre na ahaṃ mṛtā punaḥ //

athāgatena kenāpi pathikena kṛpālunā /
uddhṛtāhaṃ tataḥ śvabhrāt prāptāsmīha ca daivataḥ // SoKs_12,10.34 [= Vet_3]

athā agatena kena api pathikena kṛpālunā / uddhṛta āhaṃ tataḥ śvabhrāt prāpta āsmi iha ca daivataḥ //

evam uktavatī mātrā pitrā cāśvāsitā tataḥ /
bhartṛcittaiva sā tasthau tatra ratnāvalī satī // SoKs_12,10.35 [= Vet_3]

evam uktavatī mātrā pitrā cā aśvāsitā tataḥ / bhartṛ-citta aiva sā tasthau tatra ratnāvalī satī //

yāti kāle ca tadbhartā sa svadeśagataḥ punaḥ /
dyūtakṣapitatadvitto danadatto vyacintayat // SoKs_12,10.36 [= Vet_3]

yāti kāle ca tad-bhartā sa sva-deśa-gataḥ punaḥ / dyūta-kṣapita-tad-vitto danadatto vyacintayat //

ānayāmi punar gatvā mārgitvā śvaśurād dhanam /
gṛhe sthitā me tvat putrīty abhidhāsye ca tatra tam // SoKs_12,10.37 [= Vet_3]

ānayāmi punar gatvā mārgitvā śvaśurād dhanam / gṛhe sthitā me tvat putri īty abhidhāsye ca tatra tam //

evaṃ sa hṛdaye dhyātvā prāyāc chvaśuraveśma tat /
prāptaṃ ca tatra taṃ dūrāt svabhāryā paśyati sma sā // SoKs_12,10.38 [= Vet_3]

evaṃ sa hṛdaye dhyātvā prāyāc chvaśura-veśma tat / prāptaṃ ca tatra taṃ dūrāt sva-bhāryā paśyati sma sā //

dhāvitvā cāpatat tasya sā pāpasyāpi pādayoḥ /
duṣṭe 'pi patyau sādhvīnāṃ nānyathāvṛttimānasam // SoKs_12,10.39 [= Vet_3]

dhāvitvā ca apatat tasya sā pāpasya api pādayoḥ / duṣṭe 'pi patyau sādhvīnāṃ nānyathā-vṛtti-mānasam //

bhītāya ca tatas tasmai tad aśeṣaṃ nyavedayat /
yan mṛṣā caurapātādi pitroḥ prāg varṇitaṃ tayā // SoKs_12,10.40 [= Vet_3]

bhītāya ca tatas tasmai tad aśeṣaṃ nyavedayat / yan mṛṣā caura-pāta-ādi pitroḥ prāg varṇitaṃ tayā //

tatas tayā samaṃ tatra nirbhayaḥ śvāśure gṛhe /
praviṣṭaḥ śvaśurābhyāṃ sa harṣād dṛṣṭvābhyanandyata // SoKs_12,10.41 [= Vet_3]

tatas tayā samaṃ tatra nir-bhayaḥ śvāśure gṛhe / praviṣṭaḥ śvaśurābhyāṃ sa harṣād dṛṣṭva ābhyanandyata //

diṣṭyā jīvann ayaṃ muktaś caurair iti mahotsavaḥ /
tena tacchvaśureṇātha cakre militabandhunā // SoKs_12,10.42 [= Vet_3]

diṣṭyā jīvann ayaṃ muktaś caurair iti mahā-utsavaḥ / tena tac-chvaśureṇa atha cakre milita-bandhunā //

tataḥ sa dhanadatto 'tra bhuñjānaḥ śvaśuraśriyam /
ratnāvalyā tayā sākam āsīt patnyā yathāsukham // SoKs_12,10.43 [= Vet_3]

tataḥ sa dhanadatto 'tra bhuñjānaḥ śvaśura-śriyam / ratnāvalyā tayā sākam āsīt patnyā yathā-sukham //

ekadā tatra rātrau ca sa nṛśaṃsaś cākara yat /
kathoparodhataḥ śāntam avācyam api kathyate // SoKs_12,10.44 [= Vet_3]

ekadā tatra rātrau ca sa nṛ-śaṃsaś cākara yat / kathā-uparodhataḥ śāntam avācyam api kathyate //

hatvāṅkasuptāṃ bhāryāṃ tāṃ tadābharaṇasaṃcayam /
apahṛtya tataḥ prāyāt sa svadeśam alakṣitaḥ // SoKs_12,10.45 [= Vet_3]

hatva āṅka-suptāṃ bhāryāṃ tāṃ tadā ābharaṇa-saṃcayam / apahṛtya tataḥ prāyāt sa sva-deśam alakṣitaḥ //

īdṛśāḥ puruṣāḥ pāpā iti śārikayodite /
tvam idānīṃ vadety āha rājaputras tadā śukam // SoKs_12,10.46 [= Vet_3]

īdṛśāḥ puruṣāḥ pāpā iti śārikaya ūdite / tvam idānīṃ vada ity āha rāja-putras tadā śukam //

tato jagāda sa śuko deva duḥsahasāhasāḥ /
striyo duḥcaritāḥ pāpās tathā ca śrūyatāṃ kathā // SoKs_12,10.47 [= Vet_3]

tato jagāda sa śuko deva duḥsaha-sāhasāḥ / striyo duḥ-caritāḥ pāpās tathā ca śrūyatāṃ kathā //

asti harṣavatī nāma nagarī tatra cābhavat /
agraṇīr dharmadattākhyo bahukoṭīśvaro vaṇik // SoKs_12,10.48 [= Vet_3]

asti harṣavatī nāma nagarī tatra ca abhavat / agraṇīr dharmadatta-ākhyo bahu-koṭi-īśvaro vaṇik //

vasudattābhidhānā ca rūpe 'nanyasamā sutā /
babhūva tasya vaṇijaḥ prāṇebhyo 'py adhikapriyā // SoKs_12,10.49 [= Vet_3]

vasudattā-abhidhānā ca rūpe 'n-anya-samā sutā / babhūva tasya vaṇijaḥ prāṇebhyo 'py adhika-priyā //

sā ca tena samānāya rūpayauvanaśāline /
dattā varāṅganānetracakorāmṛtaraśmaye // SoKs_12,10.50 [= Vet_3]

sā ca tena samānāya rūpa-yauvana-śāline / dattā vara-aṅganā-netra-cakora-amṛta-raśmaye //

nāmnā samudradattāya vaṇikputrāya sādhave /
nagaryām āryajuṣṭāyāṃ tāmraliptyāṃ nivāsine // SoKs_12,10.51 [= Vet_3]

nāmnā samudradattāya vaṇik-putrāya sādhave / nagaryām ārya-juṣṭāyāṃ tāmraliptyāṃ nivāsine //

kadācit sā svadeśasthe patyau svasya pitur gṛhe /
sthitā vaṇiksutā dūrāt kamcit purūṣam aikṣata // SoKs_12,10.52 [= Vet_3]

kadācit sā sva-deśa-sthe patyau svasya pitur gṛhe / sthitā vaṇik-sutā dūrāt kamcit purūṣam aikṣata //

taṃ yuvānaṃ sukāntaṃ sā capalā māramohitā /
guptaṃ sakhīmukhānītaṃ bheje pracchannakāmukam // SoKs_12,10.53 [= Vet_3]

taṃ yuvānaṃ su-kāntaṃ sā capalā māra-mohitā / guptaṃ sakhī-mukha-ānītaṃ bheje pracchanna-kāmukam //

tataḥprabhṛti tenaiva saha tatra sadā rahaḥ /
rātrau rātrāv araṃstāsau tadekāsaktamānasā // SoKs_12,10.54 [= Vet_3]

tataḥ-prabhṛti tena eva saha tatra sadā rahaḥ / rātrau rātrāv araṃsta asau tad-eka-āsakta-mānasā //

ekadā ca sa kaumāraḥ patis tasyāḥ svadeśataḥ /
ājagāmātra tatpitroḥ pramoda iva mūrtimān // SoKs_12,10.55 [= Vet_3]

ekadā ca sa kaumāraḥ patis tasyāḥ sva-deśataḥ / ājagāma atra tat-pitroḥ pramoda iva mūrtimān //

sotsave ca dine tasmin sā naktaṃ kṛtamaṇḍanā /
mātrānupreṣitā bheje śayyāsthāpi na taṃ patim // SoKs_12,10.56 [= Vet_3]

sotsave ca dine tasmin sā naktaṃ kṛta-maṇḍanā / mātra ānupreṣitā bheje śayyā-stha āpi na taṃ patim //

prārthitā tena cālīkasuptaṃ cakre 'nyamānasā /
pānamatto 'dhvakhinnaś ca so 'pi jahre 'tha nidrayā // SoKs_12,10.57 [= Vet_3]

prārthitā tena ca alīka-suptaṃ cakre 'nya-mānasā / pāna-matto 'dhva-khinnaś ca so 'pi jahre 'tha nidrayā //

tataś ca supte sarvasmin bhuktapīte jane śanaiḥ /
saṃdhiṃ bhittvā viveśātra cauro vāsagṛhāntare // SoKs_12,10.58 [= Vet_3]

tataś ca supte sarvasmin bhukta-pīte jane śanaiḥ / saṃdhiṃ bhittvā viveśa atra cauro vāsa-gṛha-antare //

tatkālaṃ tam apaśyantī sāpy utthāya vaṇiksutā /
svajārakṛtasaṃketā niragān nibhṛtaṃ tataḥ // SoKs_12,10.59 [= Vet_3]

tat-kālaṃ tam apaśyantī sa āpy utthāya vaṇik-sutā / sva-jāra-kṛta-saṃketā niragān nibhṛtaṃ tataḥ //

tadālokya sa cauro 'tra vighniteccho vyacintayat /
yeṣām arthe praviṣṭo 'haṃ tair evābharaṇair vṛtā // SoKs_12,10.60 [= Vet_3]

tadā ālokya sa cauro 'tra vighnita-iccho vyacintayat / yeṣām arthe praviṣṭo 'haṃ tair evā abharaṇair vṛtā //

niśīthe nirgataiṣā tad vīkṣe 'haṃ sā kva gacchati /
ity ākalayya nirgatya sa cauras tāṃ vaṇiksutām // SoKs_12,10.61 [= Vet_3]

niśīthe nirgata aiṣā tad vīkṣe 'haṃ sā kva gacchati / ity ākalayya nirgatya sa cauras tāṃ vaṇik-sutām //

vasudattām anu yayau dattadṛṣṭir alakṣitaḥ /
sāpi puṣpādihastaikasasaṃketasakhīyutā // SoKs_12,10.62 [= Vet_3]

vasudattām anu yayau datta-dṛṣṭir alakṣitaḥ / sa āpi puṣpa-ādi-hasta aika-sa-saṃketa-sakhī-yutā //

gatvā bāhyaṃ praviṣṭābhūd udyānaṃ nātidūragam /
tatrāpaśyac ca taṃ vṛkṣe lambamānaṃ svakāmukam // SoKs_12,10.63 [= Vet_3]

gatvā bāhyaṃ praviṣṭa ābhūd udyānaṃ na atidūragam / tatra apaśyac ca taṃ vṛkṣe lambamānaṃ sva-kāmukam //

saṃketakāgataṃ rātrau labdhvā nagararakṣibhiḥ /
ullambitaṃ caurabuddhyā pāśakaṇṭhaṃ mṛtaṃ sthitam // SoKs_12,10.64 [= Vet_3]

saṃketaka-āgataṃ rātrau labdhvā nagara-rakṣibhiḥ / ullambitaṃ caura-buddhyā pāśa-kaṇṭhaṃ mṛtaṃ sthitam //

tataḥ sā vihvalodbhrāntā hā hatāsmīti vādinī /
papāta bhūmau kṛpaṇaṃ vilapantī ruroda ca // SoKs_12,10.65 [= Vet_3]

tataḥ sā vihvala ūdbhrāntā hā hata āsmi iti vādinī / papāta bhūmau kṛpaṇaṃ vilapantī ruroda ca //

avatāryātha vṛkṣāt taṃ gatāsuṃ nijakāmukam /
upaveśyāṅgarāgeṇa puṣpaiś cālamcakāra sā // SoKs_12,10.66 [= Vet_3]

avatārya atha vṛkṣāt taṃ gata-asuṃ nija-kāmukam / upaveśyā aṅga-rāgeṇa puṣpaiś ca alam-cakāra sā //

samāliṅgya ca niḥsaṃjñaṃ rāgaśokāndhamānasā /
unnamayya mukhaṃ yāvat tasyārtā paricumbati // SoKs_12,10.67 [= Vet_3]

samāliṅgya ca niḥsaṃjñaṃ rāga-śoka-andha-mānasā / unnamayya mukhaṃ yāvat tasyā artā paricumbati //

tāvat sa tasyāḥ sahasā niḥjīvaḥ parapūruṣaḥ /
vetālānupraviṣṭaḥ sad dantaiś ciccheda nāsikām // SoKs_12,10.68 [= Vet_3]

tāvat sa tasyāḥ sahasā niḥ-jīvaḥ parapūruṣaḥ / vetāla-anupraviṣṭaḥ sad dantaiś ciccheda nāsikām //

tena sā vihvalā tasmāt savyathāpasṛtāpy aho /
kiṃ svij jīved iti hatā puna etya tam aikṣata // SoKs_12,10.69 [= Vet_3]

tena sā vihvalā tasmāt sa-vyatha āpasṛta āpy aho / kiṃ svij jīved iti hatā puna etya tam aikṣata //

dṛṣṭvā ca vītavetālaṃ niḥceṣṭaṃ mṛtam eva tam /
sā bhītā paribhūta ca cacāla rudatī śanaiḥ // SoKs_12,10.70 [= Vet_3]

dṛṣṭvā ca vīta-vetālaṃ niḥ-ceṣṭaṃ mṛtam eva tam / sā bhītā paribhūta ca cacāla rudatī śanaiḥ //

tāvac channaḥ sthitaḥ so 'tha cauraḥ sarvaṃ vyalokayat /
acintayac ca kim idaṃ pāpayā kṛtam etayā // SoKs_12,10.71 [= Vet_3]

tāvac channaḥ sthitaḥ so 'tha cauraḥ sarvaṃ vyalokayat / acintayac ca kim idaṃ pāpayā kṛtam etayā //

aho batāśayaḥ strīṇāṃ bhīṣaṇo ghanatāmasaḥ /
andhakūpa ivāgādhaḥ pātāya gahanaḥ param // SoKs_12,10.72 [= Vet_3]

aho batā aśayaḥ strīṇāṃ bhīṣaṇo ghana-tāmasaḥ / andha-kūpa iva agādhaḥ pātāya gahanaḥ param //

tad idānīm iyaṃ kiṃ nu kuryād iti vicintya saḥ /
kautukād dūrataś cauro bhūyo 'py anusasāra tām // SoKs_12,10.73 [= Vet_3]

tad idānīm iyaṃ kiṃ nu kuryād iti vicintya saḥ / kautukād dūrataś cauro bhūyo 'py anusasāra tām //

sāpi gatvā praviśyaiva tat suptasthitabhartṛkam /
gṛhaṃ tadā svakaṃ prauccaiḥ prarudaty evam abravīt // SoKs_12,10.74 [= Vet_3]

sa āpi gatvā praviśya eva tat supta-sthita-bhartṛkam / gṛhaṃ tadā svakaṃ prauccaiḥ prarudaty evam abravīt //

paritrāyadhvam etena duṣṭena mama nāsikā /
chinnā niraparādhāyā bhartṛrūpeṇa śatruṇā // SoKs_12,10.75 [= Vet_3]

paritrāyadhvam etena duṣṭena mama nāsikā / chinnā niraparādhāyā bhartṛ-rūpeṇa śatruṇā //

śrutvaitaṃ muhur ākrandaṃ tasyāḥ sarve sasaṃbhramam /
udatiṣṭhan prabudhyātra patiḥ parijanaḥ pitā // SoKs_12,10.76 [= Vet_3]

śrutva aitaṃ muhur ākrandaṃ tasyāḥ sarve sa-saṃbhramam / udatiṣṭhan prabudhya atra patiḥ parijanaḥ pitā //

etyātha tatpitā dṛṣṭvā tām ārdrachinnanāsikām /
kruddhas taṃ bandhayāmāsa bhāryādrohīti tat patim // SoKs_12,10.77 [= Vet_3]

etya atha tat-pitā dṛṣṭvā tām ārdra-chinna-nāsikām / kruddhas taṃ bandhayāmāsa bhāryā-drohi īti tat patim //

sa tu naivābravīt kimcid badhyamāno 'pi mūkavat /
viparyasteṣu sarveṣu śṛṇvatsu śvaśurādiṣu // SoKs_12,10.78 [= Vet_3]

sa tu na eva abravīt kimcid badhyamāno 'pi mūkavat / viparyasteṣu sarveṣu śṛṇvatsu śvaśura-ādiṣu //

tato jñatvaiva tac caure tasminn apasṛte laghu /
kolāhalena tasyāṃ ca vyatītāyāṃ kramān niśi // SoKs_12,10.79 [= Vet_3]

tato jñatva aiva tac caure tasminn apasṛte laghu / kolāhalena tasyāṃ ca vyatītāyāṃ kramān niśi //

sa ninye vaṇijā tena śvaśureṇa vaṇiksutaḥ /
rājāntikaṃ tayā sārdhaṃ bhāryayā chinnanāsayā // SoKs_12,10.80 [= Vet_3]

sa ninye vaṇijā tena śvaśureṇa vaṇik-sutaḥ / rāja-antikaṃ tayā sārdhaṃ bhāryayā chinna-nāsayā //

rājā ca kṛtavijñaptiḥ svadāradrohy asāv iti /
tasyādiśad vaṇiksūnor vadhaṃ nyakkṛtatadvacāḥ // SoKs_12,10.81 [= Vet_3]

rājā ca kṛta-vijñaptiḥ sva-dāra-drohy asāv iti / tasya adiśad vaṇik-sūnor vadhaṃ nyak-kṛta-tad-vacāḥ //

tato vadhyabhuvaṃ tasmin nīyamāne saḍiṇḍimam /
upāgamya sa cauro 'tra babhāṣe rājapūruṣān // SoKs_12,10.82 [= Vet_3]

tato vadhya-bhuvaṃ tasmin nīyamāne sa-ḍiṇḍimam / upāgamya sa cauro 'tra babhāṣe rāja-pūruṣān //

niḥkāraṇaṃ na vadhyo 'yaṃ yathāvṛttaṃ tu vedmy aham /
māṃ prāpayata rājāgraṃ yāvat sarvaṃ vadāmy ataḥ // SoKs_12,10.83 [= Vet_3]

niḥ-kāraṇaṃ na vadhyo 'yaṃ yathā-vṛttaṃ tu vedmy aham / māṃ prāpayata rāja-agraṃ yāvat sarvaṃ vadāmy ataḥ //

ity ūcivān sa nītas tair nṛpasyāgraṃ vṛtābhayaḥ /
ā mūlād rātrivṛttāntaṃ cauraḥ sarvaṃ nyavedayat // SoKs_12,10.84 [= Vet_3]

ity ūcivān sa nītas tair nṛ-pasya agraṃ vṛta abhayaḥ / ā mūlād rātri-vṛttāntaṃ cauraḥ sarvaṃ nyavedayat //

abravīc ca na ced deva madvāci pratyayas tava /
tat sā nāsā mukhe tasya śavasyādyāpi vīkṣyatām // SoKs_12,10.85 [= Vet_3]

abravīc ca na ced deva mad-vāci pratyayas tava / tat sā nāsā mukhe tasya śavasya adya api vīkṣyatām //

tac chrutvā vīkṣituṃ bhṛtyān preṣya satyam avetya tat /
sa rājā taṃ vaṇikputraṃ muktavān vadhanigrahāt // SoKs_12,10.86 [= Vet_3]

tac chrutvā vīkṣituṃ bhṛtyān preṣya satyam avetya tat / sa rājā taṃ vaṇik-putraṃ muktavān vadha-nigrahāt //

tāṃ ca karṇāv api chitvā duṣṭāṃ deśān nirastavān /
tad bhāryāṃ śvaśuraṃ cāsya taṃ sarvasvam adaṇḍayat // SoKs_12,10.87 [= Vet_3]

tāṃ ca karṇāv api chitvā duṣṭāṃ deśān nirastavān / tad bhāryāṃ śvaśuraṃ ca asya taṃ sarvasvam adaṇḍayat //

cauraṃ ca taṃ pūrādhyakṣaṃ tuṣṭaś cakre sa bhūpatiḥ /
evaṃ striyo bhavantīha nisargaviṣamāḥ śaṭhāḥ // SoKs_12,10.88 [= Vet_3]

cauraṃ ca taṃ pūra-adhyakṣaṃ tuṣṭaś cakre sa bhū-patiḥ / evaṃ striyo bhavanti iha nisarga-viṣamāḥ śaṭhāḥ //

ity uktavān eva śuko bhūtvā citrarathābhidhaḥ /
kṣīṇendraśāpo gandharvo divyarūpo divaṃ yayau // SoKs_12,10.89 [= Vet_3]

ity uktavān eva śuko bhūtvā citraratha-abhidhaḥ / kṣīṇa-indra-śāpo gandharvo divya-rūpo divaṃ yayau //

śārikā sāpi tatkālaṃ bhūtvā svaḥstrī tilottamā /
tathaiva kṣīṇatacchāpā jagāma sahasā divam // SoKs_12,10.90 [= Vet_3]

śārikā sa āpi tat-kālaṃ bhūtvā svaḥ-strī tilottamā / tatha aiva kṣīṇa-tac-chāpā jagāma sahasā divam //

vivādaś cāpy anirṇitaḥ sabhāyāṃ so 'bhavat tayoḥ /
ity ākhyāya kathāṃ bhūyas taṃ vetālo 'bravīn nṛpam // SoKs_12,10.91 [= Vet_3]

vivādaś ca apy anirṇitaḥ sabhāyāṃ so 'bhavat tayoḥ / ity ākhyāya kathāṃ bhūyas taṃ vetālo 'bravīn nṛ-pam //

tad bhavān vaktu kiṃ pāpāḥ puruṣāḥ kimuta striyaḥ /
ajalpato jāna tas te śiro yasyati khaṇḍaśaḥ // SoKs_12,10.92 [= Vet_3]

tad bhavān vaktu kiṃ pāpāḥ puruṣāḥ kim-uta striyaḥ / ajalpato jāna tas te śiro yasyati khaṇḍaśaḥ //

etan niśamya vacanaṃ vetālasyāṃsavartinas tasya /
sa jagāda bhūpatis taṃ yogeśvara yoṣitaḥ pāpāḥ // SoKs_12,10.93 [= Vet_3]

etan niśamya vacanaṃ vetālasya aṃsa-vartinas tasya / sa jagāda bhū-patis taṃ yoga-īśvara yoṣitaḥ pāpāḥ //

puruṣaḥ ko 'pīha tādṛk kvāpi kadācid bhaved duḥācāraḥ /
prāyaḥ sarvatra sadā striyas tu tādṛgvidhā eva // SoKs_12,10.94 [= Vet_3]

puruṣaḥ ko 'pi iha tādṛk kva api kadācid bhaved duḥ-ācāraḥ / prāyaḥ sarvatra sadā striyas tu tādṛg-vidhā eva //

ity uktavato nṛpateḥ prāgvat skandhāt sa tasya vetālaḥ /
naṣṭo 'bhūt sa ca rājā jagrāha punas tadānayanayatram // SoKs_12,10.95 [= Vet_3]

ity uktavato nṛ-pateḥ prāgvat skandhāt sa tasya vetālaḥ / naṣṭo 'bhūt sa ca rājā jagrāha punas tadā ānayana-yatram //

tato gatvā punas tasya nikaṭaṃ śiṃśapātaroḥ /
sa trivikramaseno 'tra śmaśānaṃ niśi bhūpatiḥ // SoKs_12,11.1 [= Vet_4]

tato gatvā punas tasya nikaṭaṃ śiṃśapā-taroḥ / sa trivikramaseno 'tra śmaśānaṃ niśi bhū-patiḥ //

labdhvā muktāttahāsaṃ taṃ vetālaṃ nṛśarīragam /
niḥkampaḥ skandham āropya tūṣṇīm udacalat tataḥ // SoKs_12,11.2 [= Vet_4]

labdhvā mukta-āttahāsaṃ taṃ vetālaṃ nṛ-śarīra-gam / niḥ-kampaḥ skandham āropya tūṣṇīm udacalat tataḥ //

calantaṃ ca tam aṃsastho vetālaḥ so 'bravīt punaḥ /
rājan kubhikṣor etasya kṛte ko 'yaṃ tava śramaḥ // SoKs_12,11.3 [= Vet_4]

calantaṃ ca tam aṃsa-stho vetālaḥ so 'bravīt punaḥ / rājan kubhikṣor etasya kṛte ko 'yaṃ tava śramaḥ //

āyāse niṣphale 'muṣmin viveko bata nāsti te /
tad imāṃ śṛṇu mattas tvaṃ kathāṃ pathi vinodinīm // SoKs_12,11.4 [= Vet_4]

āyāse niṣphale 'muṣmin viveko bata na asti te / tad imāṃ śṛṇu mattas tvaṃ kathāṃ pathi vinodinīm //

asti śobhāvatī nāma satyākhyā nagarī bhuvi /
tasyāṃ ca śūdrakākhyo 'bhūd bhūpatiḥ prājyavikramaḥ // SoKs_12,11.5 [= Vet_4]

asti śobhāvatī nāma satya-ākhyā nagarī bhuvi / tasyāṃ ca śūdraka-ākhyo 'bhūd bhū-patiḥ prājya-vikramaḥ //

yasya jajvāla jayinaḥ pratāpajvalano niśam /
bandīkṛtārilalanādhūtacāmaramārutaiḥ // SoKs_12,11.6 [= Vet_4]

yasya jajvāla jayinaḥ pratāpa-jvalano niśam / bandī-kṛta-ari-lalanā-dhūta-cāmara-mārutaiḥ //

aluptadharmacaraṇasphītā manthe vasuṃdharā /
rājñi yasmin visasmāra rāmādīn api bhūpatīn // SoKs_12,11.7 [= Vet_4]

a-lupta-dharma-caraṇa-sphītā manthe vasuṃ-dharā / rājñi yasmin visasmāra rāma-ādīn api bhū-patīn //

taṃ kadācin mahīpālaṃ priyaśūram upāyayau /
sevārthaṃ mālavād eko namnā vīravaro dvijaḥ // SoKs_12,11.8 [= Vet_4]

taṃ kadācin mahī-pālaṃ priya-śūram upāyayau / sevā-arthaṃ mālavād eko namnā vīravaro dvi-jaḥ //

yasya dharmavatī nāma bhāryā satvavaraḥ sutaḥ /
kanyā vīravatī ceti trayaṃ gṛhaparicchadaḥ // SoKs_12,11.9 [= Vet_4]

yasya dharmavatī nāma bhāryā satvavaraḥ sutaḥ / kanyā vīravatī ca iti trayaṃ gṛha-paricchadaḥ //

sevāparicchadaś cānyat trayaṃ kaṭyāṃ kṛpāṇikā /
kare karatalaikatra cāru carma paratra ca // SoKs_12,11.10 [= Vet_4]

sevā-paricchadaś ca anyat trayaṃ kaṭyāṃ kṛpāṇikā / kare kara-tala aikatra cāru carma paratra ca //

tāvanmātraparīvāro dīnāraśatapañcakam /
pratyahaṃ prārthayāmāsa rājñas tasmāt sa vṛttaye // SoKs_12,11.11 [= Vet_4]

tāvan-mātra-parīvāro dīnāra-śatapañcakam / praty-ahaṃ prārthayāmāsa rājñas tasmāt sa vṛttaye //

rājāpi sa tam ākārasūcitodārapauruṣam /
vīkṣya tasmai dadau vṛttiṃ sūdrakas tāṃ yathepsitām // SoKs_12,11.12 [= Vet_4]

rāja āpi sa tam ākāra-sūcita ud-āra-pauruṣam / vīkṣya tasmai dadau vṛttiṃ sūdrakas tāṃ yathā-īpsitām //

alpe parikare 'py ebhir iyadbhiḥ svarṇarūpakaiḥ /
kim eṣa vyasanaṃ puṣṇāty atha kaṃcana sadvyayam // SoKs_12,11.13 [= Vet_4]

alpe parikare 'py ebhir iyadbhiḥ svarṇa-rūpakaiḥ / kim eṣa vyasanaṃ puṣṇāty atha kaṃ-cana sad-vyayam //

ity anveṣṭuṃ samācāraṃ kautukāt sa mahīpatiḥ /
pracchannān sthāpayāmāsa cārānasyātra pṛṣṭhataḥ // SoKs_12,11.14 [= Vet_4]

ity anveṣṭuṃ samācāraṃ kautukāt sa mahī-patiḥ / pracchannān sthāpayāmāsa cārānasya atra pṛṣṭhataḥ //

sa ca vīravaraḥ prātaḥ kṛtvā bhūpasya darśanam /
sthitvā ca tasyā madhyāhnaṃ siṃhadvāre dhṛtāyudhaḥ // SoKs_12,11.15 [= Vet_4]

sa ca vīravaraḥ prātaḥ kṛtvā bhū-pasya darśanam / sthitvā ca tasyā a madhya-ahnaṃ siṃha-dvāre dhṛta-āyudhaḥ //

gatvā svavṛttilabdhānāṃ dīnārāṇāṃ śataṃ gṛhe /
bhojanārthaṃ svabhāryāyā haste prādāt kilānvaham // SoKs_12,11.16 [= Vet_4]

gatvā sva-vṛtti-labdhānāṃ dīnārāṇāṃ śataṃ gṛhe / bhojana-arthaṃ sva-bhāryāyā haste prādāt kila anv-aham //

vastrāṅgarāgatāmbūlaṃ krīṇāti sma śatena ca /
śataṃ snātvā ca pūjārthaṃ vyadhād viṣṇoḥ śivasya ca // SoKs_12,11.17 [= Vet_4]

vastra-aṅga-rāga-tāmbūlaṃ krīṇāti sma śatena ca / śataṃ snātvā ca pūjā-arthaṃ vyadhād viṣṇoḥ śivasya ca //

viprebhyaḥ kṛpaṇebhyaś ca dadau dānaṃ śatadvayam /
evaṃ vibheje pañcāpi tāni nityaṃ śatāny asau // SoKs_12,11.18 [= Vet_4]

viprebhyaḥ kṛpaṇebhyaś ca dadau dānaṃ śata-dvayam / evaṃ vibheje pañca api tāni nityaṃ śatāny asau //

tataḥ kṛtvāgnikāryādi bhūktvā gatvaikako niśi /
siṃhadvāre punas tasthau pāṇau karatalāṃ dadhat // SoKs_12,11.19 [= Vet_4]

tataḥ kṛtva āgni-kārya-ādi bhūktvā gatva aikako niśi / siṃha-dvāre punas tasthau pāṇau kara-talāṃ dadhat //

etāṃ satatacaryāṃ ca tasya vīravarasya saḥ /
rājā cāramukhāc chrutvā tutoṣa hṛdi śudrakaḥ // SoKs_12,11.20 [= Vet_4]

etāṃ satata-caryāṃ ca tasya vīravarasya saḥ / rājā cāra-mukhāc chrutvā tutoṣa hṛdi śudrakaḥ //

nivārayāmāsa ca tāṃś cārāṃs tasyānumārgagān /
mene viśeṣapūjārhaṃ puruṣātiśayaṃ ca tam // SoKs_12,11.21 [= Vet_4]

nivārayāmāsa ca tāṃś cārāṃs tasyā anumārga-gān / mene viśeṣa-pūjā-arhaṃ puruṣa-atiśayaṃ ca tam //

atha yāteṣu divaseṣv avahelāvalaṅghite /
grīṣme vīravareṇātra supracaṇḍārkatejasi // SoKs_12,11.22 [= Vet_4]

atha yāteṣu divaseṣv avahela-avalaṅghite / grīṣme vīravareṇa atra supracaṇḍa-arka-tejasi //

tadīrṣyāta ivodbhūtavidyutkaratalāṃ dadhat /
dhārāprahārī ninadann ājagāma ghanāgamaḥ // SoKs_12,11.23 [= Vet_4]

tad-īrṣyāta iva udbhūta-vidyut-kara-talāṃ dadhat / dhārā-prahārī ninadann ājagāma ghana-āgamaḥ //

tadā ca ghora meghaughe pravarṣati divāniśam /
siṃhadvāre tathaivāsīt so 'tra vīravaro 'calaḥ // SoKs_12,1.24 [= Vet_4]

tadā ca ghora megha-oghe pravarṣati divā-niśam / siṃha-dvāre tatha aivā asīt so 'tra vīravaro 'calaḥ //

taṃ ca dṛṣṭvā divā rājā prāsādāgrāt sa śūdrakaḥ /
niśi bhūyas tadārohaj jijñāsus tasya tāṃ sthitim // SoKs_12,11.25 [= Vet_4]

taṃ ca dṛṣṭvā divā rājā prāsāda-agrāt sa śūdrakaḥ / niśi bhūyas tad-ārohaj jijñāsus tasya tāṃ sthitim //

jagāda ca tataḥ ko nu siṃhadvāre sthito 'tra bhoḥ /
tac chrutvāhaṃ sthito 'treti so 'pi vīravaro 'bravīt // SoKs_12,11.26 [= Vet_4]

jagāda ca tataḥ ko nu siṃha-dvāre sthito 'tra bhoḥ / tac chrutva āhaṃ sthito 'tra iti so 'pi vīravaro 'bravīt //

aho sudṛḍhasattvo 'yaṃ bhakto vīravaro mayi /
tad eṣa prāpaṇīyo me 'vaśyam eva mahat padam // SoKs_12,11.27 [= Vet_4]

aho su-dṛḍha-sattvo 'yaṃ bhakto vīravaro mayi / tad eṣa prāpaṇīyo me 'vaśyam eva mahat padam //

iti saṃcintya nṛpatiḥ prāsādād avatīrya saḥ /
śūdrakaḥ śayanaṃ bheje praviśyāntaḥpuraṃ tataḥ // SoKs_12,11.28 [= Vet_4]

iti saṃcintya nṛ-patiḥ prāsādād avatīrya saḥ / śūdrakaḥ śayanaṃ bheje praviśya antaḥ-puraṃ tataḥ //

anyedyuś ca bhṛśaṃ meghe dhārāsāreṇa varṣati /
pradoṣe guptabhavane kāle tamasi jṛmbhite // SoKs_12,11.29 [= Vet_4]

anye-dyuś ca bhṛśaṃ meghe dhārā-āsāreṇa varṣati / pradoṣe gupta-bhavane kāle tamasi jṛmbhite //

punaḥ sa rājā jijñāsuḥ prāsādam adhiruhya tam /
siṃhadvāre sthitaḥ ko 'trety ekākī prāha taṃ sphuṭam // SoKs_12,11.30 [= Vet_4]

punaḥ sa rājā jijñāsuḥ prāsādam adhiruhya tam / siṃha-dvāre sthitaḥ ko 'tra ity ekākī prāha taṃ sphuṭam //

ahaṃ sthita iti prokte punar vīravareṇa ca /
yāvad vismayate so 'tra rājā taddhairyadarśanāt // SoKs_12,11.31 [= Vet_4]

ahaṃ sthita iti prokte punar vīravareṇa ca / yāvad vismayate so 'tra rājā tad-dhairya-darśanāt //

tāvad vidūre śuśrāva sahasā rudatīṃ striyam /
viṣādavikalām ekāṃ pralāpakaruṇasvanam // SoKs_12,11.32 [= Vet_4]

tāvad vidūre śuśrāva sahasā rudatīṃ striyam / viṣāda-vikalām ekāṃ pralāpa-karuṇa-svanam //

na me rāṣṭre parābhūto na daridro na duḥkhitaḥ /
kaś cid asti tad eṣā kā rodity ekākinī niśi // SoKs_12,11.33 [= Vet_4]

na me rāṣṭre parābhūto na daridro na duḥkhitaḥ / kaś cid asti tad eṣā kā rodity ekākinī niśi //

iti cācintayac chrutvā sa jātakaruṇo nṛpaḥ /
ādideśa ca taṃ vīravaram ekam adhaḥ sthitam // SoKs_12,11.34 [= Vet_4]

iti ca acintayac chrutvā sa jāta-karuṇo nṛ-paḥ / ādideśa ca taṃ vīravaram ekam adhaḥ sthitam //

bho vīravara śṛṇv eṣā dūre strī kāpi roditi /
kāsau roditi kiṃ ceti tvayā gatvā nirūpyatām // SoKs_12,11.35 [= Vet_4]

bho vīravara śṛṇv eṣā dūre strī ka āpi roditi / ka āsau roditi kiṃ ca iti tvayā gatvā nirūpyatām //

tac chṛutvā sa tathety uktvā gantuṃ vīravaras tataḥ /
prāvartata nibaddhāsidhenuḥ karatalākaraḥ // SoKs_12,11.36 [= Vet_4]

tac chṛutvā sa tatha īty uktvā gantuṃ vīravaras tataḥ / prāvartata nibaddha-asi-dhenuḥ kara-tala-ākaraḥ //

na ca meghāndhakāraṃ taj jvaladvidyudvilocanam /
sthūladhārāśilāvārṣi raKṣaḥrūpam ajīgaṇat // SoKs_12,11.37 [= Vet_4]

na ca megha-andha-kāraṃ taj jvalad-vidyud-vilocanam / sthūla-dhārā-śilā-vārṣi raKṣaḥ-rūpam ajīgaṇat //

prasthitaṃ vīkṣya tādṛśyāṃ tasyāṃ rātrau tam ekakam /
karuṇākautukāviṣṭo rājā prāsādapṛṣṭhataḥ // SoKs_12,11.38 [= Vet_4]

prasthitaṃ vīkṣya tādṛśyāṃ tasyāṃ rātrau tam ekakam / karuṇā-kautuka-āviṣṭo rājā prāsāda-pṛṣṭhataḥ //

āvatīrya gṛhītāsir ekākī tasya pṛṣṭhataḥ /
so 'pi pratasthe tatraiva śudrako 'nupalakṣitaḥ // SoKs_12,11.39 [= Vet_4]

āvatīrya gṛhīta-asir ekākī tasya pṛṣṭhataḥ / so 'pi pratasthe tatra eva śudrako 'nupalakṣitaḥ //

sa ca vīravaro gatvā ruditānusṛtikriyaḥ /
bahiḥnagaryāḥ prāpaikaṃ saras tatra dadarśa ca // SoKs_12,11.40 [= Vet_4]

sa ca vīravaro gatvā rudita anusṛti-kriyaḥ / bahiḥ-nagaryāḥ prāpa ekaṃ saras tatra dadarśa ca //

hā śūra hā kṛpālo hā tyāgiñ śūnyā tvayā katham /
vatsiāmītyādi rudatīṃ tāṃ striyaṃ vārimadhyagām // SoKs_12,11.41 [= Vet_4]

hā śūra hā kṛpālo hā tyāgiñ śūnyā tvayā katham / vatsiāmi ity-ādi rudatīṃ tāṃ striyaṃ vāri-madhya-gām //

kā tvaṃ rodiṣi kiṃ caivam ity anvakprāptabhūpatiḥ /
papraccha tāṃ ca sāścaryas tataḥ sāpy evam abhyadhāt // SoKs_12,11.42 [= Vet_4]

kā tvaṃ rodiṣi kiṃ ca evam ity anvak-prāpta-bhū-patiḥ / papraccha tāṃ ca sa-āścaryas tataḥ sa āpy evam abhyadhāt //

bho vīravara jānīhi vatsa māṃ pṛthivīm imām /
tasyā mamādhunā rājā śūdrako dhārmikaḥ patiḥ // SoKs_12,11.43 [= Vet_4]

bho vīravara jānīhi vatsa māṃ pṛthivīm imām / tasyā mama adhunā rājā śūdrako dhārmikaḥ patiḥ //

tṛtīye ca dine tasya rājño mṛtyur bhaviṣyati /
tādṛśaṃ ca patiṃ prāpsyāmy aham anyaṃ nṛpaṃ kutaḥ // SoKs_12,11.44 [= Vet_4]

tṛtīye ca dine tasya rājño mṛtyur bhaviṣyati / tādṛśaṃ ca patiṃ prāpsyāmy aham anyaṃ nṛ-paṃ kutaḥ //

atas tam anuśocāmi duḥkhitātmānam eva ca /
etac chṛutvā sa tāṃ trasta iva vīravaro 'bravīt // SoKs_12,11.45 [= Vet_4]

atas tam anu-śocāmi duḥkhitā ātmānam eva ca / etac chṛutvā sa tāṃ trasta iva vīravaro 'bravīt //

he devi kac cid apy asti ko 'py upāyaḥ sa tādṛśaḥ /
yenāsya na bhavenmṛtyur jagadrakṣāmaṇeḥ prabhoḥ // SoKs_12,11.46 [= Vet_4]

he devi kac cid apy asti ko 'py upāyaḥ sa tādṛśaḥ / yena asya na bhaven-mṛtyur jagad-rakṣā-maṇeḥ prabhoḥ //

iti tad vacanaṃ śrutvā sā jagāda vasumdharā /
eko 'sty upāyas taṃ caikaḥ kartuṃ śakto bhavān iti // SoKs_12,11.47 [= Vet_4]

iti tad vacanaṃ śrutvā sā jagāda vasum-dharā / eko 'sty upāyas taṃ ca ekaḥ kartuṃ śakto bhavān iti //

tato vīravaro 'vādīt tarhi devi vada drutam /
yāvat tat sādhayāmy āśu ko 'rthaḥ prāṇair mamānyathā // SoKs_12,11.48 [= Vet_4]

tato vīravaro 'vādīt tarhi devi vada drutam / yāvat tat sādhayāmy āśu ko 'rthaḥ prāṇair mama anyathā //

tac chrutvovāca vasudhā viraḥ ko 'nyas tvayā samaḥ /
svāmibhaktas tad etasya śarmopāyam imaṃ śṛṇu // SoKs_12,11.49 [= Vet_4]

tac chrutva ūvāca vasu-dhā viraḥ ko 'nyas tvayā samaḥ / svāmi-bhaktas tad etasya śarma-upāyam imaṃ śṛṇu //

rājñā kṛtapratiṣṭā asti yaiṣā rājakulāntike /
uttamā caṇḍikā devī sāṃnidhyotkarṣaśālinī // SoKs_12,11.50 [= Vet_4]

rājñā kṛta-pratiṣṭā asti ya aiṣā rāja-kula-antike / uttamā caṇḍikā devī sāṃnidhya-utkarṣa-śālinī //

tasyai sattvavaraṃ putram upahārīkaroṣi cet /
tan naiṣo rājā mriyate jīvaty anyat samāśatam // SoKs_12,11.51 [= Vet_4]

tasyai sattvavaraṃ putram upahārī-karoṣi cet / tan na eṣo rājā mriyate jīvaty anyat samā-śatam //

adyaiva caitad bhavatā kṛtaṃ ced asti tac chivam /
anyathāsya tṛtīye 'hni prāpte nāsty eva jīvitam // SoKs_12,11.52 [= Vet_4]

adya eva ca etad bhavatā kṛtaṃ ced asti tac chivam / anyatha āsya tṛtīye 'hni prāpte na asty eva jīvitam //

ity uktaḥ sa tayā pṛthvyā vīro vīravaras tadā /
yāmi devi karomy etad adhunaivety abhāṣata // SoKs_12,11.53 [= Vet_4]

ity uktaḥ sa tayā pṛthvyā vīro vīravaras tadā / yāmi devi karomy etad adhuna aiva ity abhāṣata //

tato bhadraṃ tavety uktvā vasudhā sā tiraḥdadhe /
tac ca sarvaṃ sa śuśrāva guptam anvaksthito nṛpaḥ // SoKs_12,11.54 [= Vet_4]

tato bhadraṃ tava ity uktvā vasu-dhā sā tiraḥ-dadhe / tac ca sarvaṃ sa śuśrāva guptam anvak-sthito nṛ-paḥ //

tataś ca gūḍhe jijñāsau tasmin rājñy anugacchati /
śūdrake tvaritaṃ gehaṃ niśi vīravaro yayau // SoKs_12,11.55 [= Vet_4]

tataś ca gūḍhe jijñāsau tasmin rājñy anugacchati / śūdrake tvaritaṃ gehaṃ niśi vīravaro yayau //

tatra putropahāro 'sya rājārthe dharayā yathā /
uktas tathābravīt patnyai dharmavatyai vibodhya saḥ // SoKs_12,11.56 [= Vet_4]

tatra putra-upahāro 'sya rāja-arthe dharayā yathā / uktas tatha ābravīt patnyai dharmavatyai vibodhya saḥ //

tac chrutvā sā tam āha sma nātha kāryaṃ śivaṃ prabhoḥ /
tatprabodhya sutasyāsya śiśor vaktu bhavān iti // SoKs_12,11.57 [= Vet_4]

tac chrutvā sā tam āha sma nātha kāryaṃ śivaṃ prabhoḥ / tat-prabodhya sutasya asya śiśor vaktu bhavān iti //

tataḥ prabodhya suptaṃ taṃ bālaṃ sattvavaraṃ sutam /
ākhyāya taṃ ca vṛttāntam evaṃ vīravaro 'bravīt // SoKs_12,11.58 [= Vet_4]

tataḥ prabodhya suptaṃ taṃ bālaṃ sattvavaraṃ sutam / ākhyāya taṃ ca vṛtta-antam evaṃ vīravaro 'bravīt //

tat putra caṇḍikādevyā upahārīkṛte tvayi /
rājā jīvaty asau no cet tṛtīye 'hni vipadyate // SoKs_12,11.59 [= Vet_4]

tat putra caṇḍikā-devyā upahārī-kṛte tvayi / rājā jīvaty asau no cet tṛtīye 'hni vipadyate //

etac chrutvaiva bālo 'pi yathārthaṃ nāma darśayan /
aklībacittaḥ pitaraṃ taṃ sa sattvavaro 'bravīt // SoKs_12,11.60 [= Vet_4]

etac chrutva aiva bālo 'pi yatha ārthaṃ nāma darśayan / aklība-cittaḥ pitaraṃ taṃ sa sattvavaro 'bravīt //

kṛtārtho 'haṃ mama prāṇaī rājā cet tāta jīvati /
bhuktasya hi tadannasya dattā syān niṣkṛtir mayā // SoKs_12,11.61 [= Vet_4]

kṛta-artho 'haṃ mama prāṇaī rājā cet tāta jīvati / bhuktasya hi tad-annasya dattā syān niṣkṛtir mayā //

tatkiṃ vilambyate nītvā bhagavatyāḥ puro 'dhunā /
upahārīkurudhvaṃ mām astu śāntir mayā prabhoḥ // SoKs_12,11.62 [= Vet_4]

tat-kiṃ vilambyate nītvā bhagavatyāḥ puro 'dhunā / upahārī-kurudhvaṃ mām astu śāntir mayā prabhoḥ //

iti sattvavareṇokte tena vīravaro 'tra saḥ /
sādhu satyaṃ prasūto 'si mattaḥ putrety abhāṣata // SoKs_12,11.63 [= Vet_4]

iti sattvavareṇa ukte tena vīravaro 'tra saḥ / sādhu satyaṃ prasūto 'si mattaḥ putra ity abhāṣata //

etat so 'nvāgato rājā sarvaṃ śrutvā bahiḥ sthitaḥ /
aha eṣāṃ samaṃ sattvaṃ sarveṣām ity acintayat // SoKs_12,11.64 [= Vet_4]

etat so 'nvāgato rājā sarvaṃ śrutvā bahiḥ sthitaḥ / aha eṣāṃ samaṃ sattvaṃ sarveṣām ity acintayat //

tato vīravaraḥ skandhe kṛtvā sattvavaraṃ sutam /
bharyā dharmavatī cāsya kanyāṃ vīravatīm api // SoKs_12,11.65 [= Vet_4]

tato vīravaraḥ skandhe kṛtvā sattvavaraṃ sutam / bharyā dharmavatī ca asya kanyāṃ vīravatīm api //

ubhau tau yayatus tasyāṃ rātrau tac caṇḍikāgṛham /
rājāpi śūdrakaś channaḥ pṛṣṭataḥ sa tayor yayau // SoKs_12,11.66 [= Vet_4]

ubhau tau yayatus tasyāṃ rātrau tac caṇḍikā-gṛham / rāja āpi śūdrakaś channaḥ pṛṣṭataḥ sa tayor yayau //

tatra devyāḥ puraḥ skandhāt so 'tha pitrāvatāritaḥ /
devīṃ sattvavaro natvā dhairyarāśir vyajijñapat // SoKs_12,11.67 [= Vet_4]

tatra devyāḥ puraḥ skandhāt so 'tha pitra āvatāritaḥ / devīṃ sattvavaro natvā dhairya-rāśir vyajijñapat //

mama mūrdhopahāreṇa rājā jīvatu śudrakaḥ /
anyad varṣaśataṃ devi kuryād rājyam akaṇṭakam // SoKs_12,11.68 [= Vet_4]

mama mūrdha-upahāreṇa rājā jīvatu śudrakaḥ / anyad varṣa-śataṃ devi kuryād rājyam a-kaṇṭakam //

evam uktavatas tasya sādhu sādhv ity udīrya saḥ /
sūnoḥ sattvavarasyātha kṛṣṭvā karatalāṃ śiśoḥ // SoKs_12,11.69 [= Vet_4]

evam uktavatas tasya sādhu sādhv ity udīrya saḥ / sūnoḥ sattvavarasya atha kṛṣṭvā kara-talāṃ śiśoḥ //

chittvā śiraś caṇḍikāyai devyai vīravaro dadau /
matputreṇopahāreṇa rājā jīvatv iti bruvan // SoKs_12,11.70 [= Vet_4]

chittvā śiraś caṇḍikāyai devyai vīravaro dadau / mat-putreṇa upahāreṇa rājā jīvatv iti bruvan //

sādhu kaḥ svāmibhakto 'nyaḥ samo vīravara tvayā /
yenaivam ekasatputraprāṇavyayavidhāyinā // SoKs_12,11.71 [= Vet_4]

sādhu kaḥ svāmi-bhakto 'nyaḥ samo vīravara tvayā / yena evam eka-sat-putra-prāṇa-vyaya-vidhāyinā //

datto jīvaś ca rājyaṃ ca śudrakasyāsya bhūpateḥ /
ity antarikṣād udagāt tatkṣaṇaṃ tatra bhāratī // SoKs_12,11.72 [= Vet_4]

datto jīvaś ca rājyaṃ ca śudrakasya asya bhū-pateḥ / ity antarikṣād udagāt tat-kṣaṇaṃ tatra bhāratī //

tac ca sarvaṃ nṛpe tasmiṃś channe śṛṇvati pasyati /
kanyā vīravatī sā tu bālā vīravarātmajā // SoKs_12,11.73 [= Vet_4]

tac ca sarvaṃ nṛ-pe tasmiṃś channe śṛṇvati pasyati / kanyā vīravatī sā tu bālā vīravara-ātma-jā //

upetyāśliṣya mūrdhāṇaṃ tasya bhrātur hatasya tam /
vilapanty uruśokāndhā hṛtsphoṭena vyapadyata // SoKs_12,11.74 [= Vet_4]

upetyā aśliṣya mūrdhāṇaṃ tasya bhrātur hatasya tam / vilapanty uru-śoka-andhā hṛt-sphoṭena vyapadyata //

tato vīravaraṃ bhāryā dharmavaty evam abravīt /
rājñas tāvat kṛtaṃ śreyas tad idānīṃ vadāmi te // SoKs_12,11.75 [= Vet_4]

tato vīravaraṃ bhāryā dharmavaty evam abravīt / rājñas tāvat kṛtaṃ śreyas tad idānīṃ vadāmi te //

niḥjñānā yatra bālāpi bhrātṛśokād iyaṃ mṛtā /
naṣṭe 'patyadvaye 'py asmiṃs tatra kiṃ jīvitena me // SoKs_12,11.76 [= Vet_4]

niḥ-jñānā yatra bāla āpi bhrātṛ-śokād iyaṃ mṛtā / naṣṭe 'patya-dvaye 'py asmiṃs tatra kiṃ jīvitena me //

prāg eva rājñaḥ śreyo'rthaṃ mūḍhayā svaśiro mayā /
devyai nopahṛtaṃ tasmād dehy anujñāṃ mamādhunā // SoKs_12,11.77 [= Vet_4]

prāg eva rājñaḥ śreyo'rthaṃ mūḍhayā sva-śiro mayā / devyai na upahṛtaṃ tasmād dehy anujñāṃ mama adhunā //

praviṣamy analaṃ tāvad āttāpatyakalevarā /
ityāgrahād vadantīṃ tāṃ so 'tha vīravaro 'bravīt // SoKs_12,11.78 [= Vet_4]

praviṣamy analaṃ tāvad ātta-apatya-kalevarā / ity-āgrahād vadantīṃ tāṃ so 'tha vīravaro 'bravīt //

evaṃ kuruṣva bhadraṃ te kā hi saṃprati te ratiḥ /
apatyaduḥkhaikamaye jīvitavye manasvini // SoKs_12,11.79 [= Vet_4]

evaṃ kuruṣva bhadraṃ te kā hi saṃ-prati te ratiḥ / apatya-duḥkha-eka-maye jīvitavye manasvini //

kiṃ na datto mayaivātmety eṣā mā bhūc ca te vyathā /
dadyāṃ kiṃ nāham ātmānam anyasādhyaṃ bhaved yadi // SoKs_12,11.80 [= Vet_4]

kiṃ na datto maya aivā atma ity eṣā mā bhūc ca te vyathā / dadyāṃ kiṃ na aham ātmānam anya-sādhyaṃ bhaved yadi //

tat pratīkṣasva yāvat te citām atra karomy aham /
amībhir dārubhir devīkṣetranirmāṇasaṃbhṛtaih // SoKs_12,11.81 [= Vet_4]

tat pratīkṣasva yāvat te citām atra karomy aham / amībhir dārubhir devī-kṣetra-nirmāṇa-saṃbhṛtaih //

ity uktvā dārubhis taiḥ sa kṛtvā vīravaraś citām /
dīpāgre jvālayāmāsa nyastāpatyaśavadvayām // SoKs_12,11.82 [= Vet_4]

ity uktvā dārubhis taiḥ sa kṛtvā vīravaraś citām / dīpa-agre jvālayāmāsa nyasta-apatya-śava-dvayām //

tato dharmavatī patnī patitvā sāsya pādayoḥ /
praṇamya devīṃ caṇḍīṃ tāṃ vyajijñapad apāṃsulā // SoKs_12,11.83 [= Vet_4]

tato dharmavatī patnī patitvā sa āsya pādayoḥ / praṇamya devīṃ caṇḍīṃ tāṃ vyajijñapad apāṃsulā //

janmāntare 'py ayaṃ bhūyād āryaputraḥ patir mama /
etat prabhos tu rājño 'stu maddehenāmunā śivam // SoKs_12,11.84 [= Vet_4]

janma-antare 'py ayaṃ bhūyād ārya-putraḥ patir mama / etat prabhos tu rājño 'stu mad-dehena amunā śivam //

ity udīryaiva sā sādhvī tasminn ambho'vahelayā /
jvālākalāpajaṭile nipapāta citānale // SoKs_12,11.85 [= Vet_4]

ity udīrya eva sā sādhvī tasminn ambho'vahelayā / jvālā-kalāpa-jaṭile nipapāta citā-anale //

tataś ca cintayāmāsa vīro vīravaro 'tra saḥ /
niṣpannaṃ rājakāryaṃ me vāg divyā hy udgatā yathā // SoKs_12,11.86 [= Vet_4]

tataś ca cintayāmāsa vīro vīravaro 'tra saḥ / niṣpannaṃ rāja-kāryaṃ me vāg divyā hy udgatā yathā //

bhuktasya cānnapiṇḍasya jāto 'ham anṛṇaḥ prabhoḥ /
tad idānīṃ mamaikasya keyaṃ jīvitagṛdhnutā // SoKs_12,11.87 [= Vet_4]

bhuktasya ca anna-piṇḍasya jāto 'ham an-ṛṇaḥ prabhoḥ / tad idānīṃ mama ekasya ka īyaṃ jīvita-gṛdhnutā //

bharaṇīyaṃ priyaṃ kṛtsnaṃ vyayīkṛtya kuṭumbakam /
jīvayann ekam ātmānaṃ mādṛśaḥ ko hi śobhate // SoKs_12,11.88 [= Vet_4]

bharaṇīyaṃ priyaṃ kṛtsnaṃ vyayī-kṛtya kuṭumbakam / jīvayann ekam ātmānaṃ mādṛśaḥ ko hi śobhate //

tat kim ātmopahāreṇāpy etāṃ prīṇāmi nāmbikām /
ity ālocya sa devīṃ tāṃ stutyā prāg upatasthivān // SoKs_12,11.89 [= Vet_4]

tat kim ātma-upahāreṇa apy etāṃ prīṇāmi na ambikām / ity ālocya sa devīṃ tāṃ stutyā prāg upatasthivān //

jaya mahiṣāsuramāriṇi dāriṇi rurudānavasya śūlakare /
jaya vibudhotsavakāriṇi ḍhariṇi bhūvana trayasya mātṛvare // SoKs_12,11.90 [= Vet_4]

jaya mahiṣa-asura-māriṇi dāriṇi ruru-dānavasya śūla-kare / jaya vibudha-utsava-kāriṇi ḍhariṇi bhūvana trayasya mātṛ-vare //

jaya jagad arcitacaraṇe śaraṇe niḥśreyasasya bhaktānām /
jaya dhṛtabhāskarakiraṇe haraṇe duritāndhakāravṛndānām // SoKs_12,11.91 [= Vet_4]

jaya jagad arcita-caraṇe śaraṇe niḥ-śreyasasya bhaktānām / jaya dhṛta-bhāskara-kiraṇe haraṇe durita-andha-kāra-vṛndānām //

jaya kāli jaya kapālini jaya kaṅkālini śive namas te 'stu /
śūdrakanṛpater adhunā prasīda manmastakopahāreṇa // SoKs_12,11.92 [= Vet_4]

jaya kāli jaya kapālini jaya kaṅkālini śive namas te 'stu / śūdraka-nṛ-pater adhunā prasīda man-mastaka-upahāreṇa //

ity upasthāya devyāṃ sa tasyāṃ vīravaraḥ punaḥ /
sadyaḥ karatalāghātenottamāṅgaṃ svamacchinat // SoKs_12,11.93 [= Vet_4]

ity upasthāya devyāṃ sa tasyāṃ vīravaraḥ punaḥ / sadyaḥ kara-talā-āghātena uttama-aṅgaṃ svam-acchinat //

tad ālokyākhilaṃ tatra channasthaḥ śudrako nṛpaḥ /
sākulaś ca saduḥkhaś ca sāścaryaś ca vyacintayat // SoKs_12,11.94 [= Vet_4]

tad ālokya akhilaṃ tatra channa-sthaḥ śudrako nṛ-paḥ / sākulaś ca sa-duḥkhaś ca sa-āścaryaś ca vyacintayat //

aho kim apy anenaitad anyatrā-dṛṣṭam aśrutam /
sādhunā sakuṭumbena duḥkaraṃ matkṛte kṛtam // SoKs_12,11.95 [= Vet_4]

aho kim apy anena etad anyatra a-dṛṣṭam aśrutam / sa-adhunā sa-kuṭumbena duḥ-karaṃ mat-kṛte kṛtam //

vicitre 'py atra saṃsāre dhīraḥ syādīdṛśaḥ kutaḥ /
akhyāpayan prabho arthe parokṣaṃ yo dadāty asūn // SoKs_12,11.96 [= Vet_4]

vicitre 'py atra saṃsāre dhīraḥ syād-īdṛśaḥ kutaḥ / akhyāpayan prabho arthe parokṣaṃ yo dadāty asūn //

etasya copakārosya na kuryāṃ sadṛśaṃ yadi /
tan me kā prabhutā kiṃ ca jīvitavyaṃ paśor iva // SoKs_12,11.97 [= Vet_4]

etasya ca upakārosya na kuryāṃ sadṛśaṃ yadi / tan me kā prabhutā kiṃ ca jīvitavyaṃ paśor iva //

iti saṃcintya nṛpatiḥ khaḍgam ākṛṣya kopataḥ /
upetya śūdrako devīṃ tāṃ pravīro vyajijñapat // SoKs_12,11.98 [= Vet_4]

iti saṃcintya nṛ-patiḥ khaḍgam ākṛṣya kopataḥ / upetya śūdrako devīṃ tāṃ pravīro vyajijñapat //

satatānuprapannasya bhagavaty adhunāmunā /
mama mūrdhopahāreṇa suprītā kurv anugraham // SoKs_12,11.99 [= Vet_4]

sa-tata-anuprapannasya bhagavaty adhuna āmunā / mama mūrdha-upahāreṇa su-prītā kurv anugraham //

ayaṃ vīravaro vipro nāmānuguṇaceṣṭitaḥ /
madartham ujjhitaprāṇaḥ sakuṭumbo 'pi jīvatu // SoKs_12,11.100 [= Vet_4]

ayaṃ vīravaro vipro nāma-anuguṇa-ceṣṭitaḥ / mad-artham ujjhita-prāṇaḥ sa-kuṭumbo 'pi jīvatu //

ity udīryāsinā rājā śiraś chettuṃ sa śūdrakaḥ /
yāvat pravartate tāvad udabhūd bhāratī divaḥ // SoKs_12,11.101 [= Vet_4]

ity udīrya asinā rājā śiraś chettuṃ sa śūdrakaḥ / yāvat pravartate tāvad udabhūd bhāratī divaḥ //

mā sāhasaṃ kṛthās tuṣṭā sattvenānena te hy aham /
pratyujjīvatu sāpatyadāro vīravaro dvijaḥ // SoKs_12,11.102 [= Vet_4]

mā sāhasaṃ kṛthās tuṣṭā sattvena anena te hy aham / pratyujjīvatu sa-apatya-dāro vīravaro dvijaḥ //

ity uktvā vyaramad vāk sā sa cottasthau saputrakaḥ /
sākaṃ duhitrā patnyā ca jīvan vīravaro 'kṣataḥ // SoKs_12,11.103 [= Vet_4]

ity uktvā vyaramad vāk sā sa ca uttasthau sa-putrakaḥ / sākaṃ duhitrā patnyā ca jīvan vīravaro 'kṣataḥ //

tad vilokyādbhutaṃ rājā channo bhūtvā punaś ca saḥ /
paśyann atṛptas tām āsīd dṛṣṭyā harṣāśrupūrṇayā // SoKs_12,11.104 [= Vet_4]

tad vilokya adbhutaṃ rājā channo bhūtvā punaś ca saḥ / paśyann a-tṛptas tām āsīd dṛṣṭyā harṣa-aśru-pūrṇayā //

so 'pi vīravaro dṛṣṭvā suptotthita ivāśu tam /
putradāraṃ tathātmānam abhūd vibhrāntamānasaḥ // SoKs_12,11.105 [= Vet_4]

so 'pi vīravaro dṛṣṭvā supta utthita ivā aśu tam / putra-dāraṃ tathā ātmānam abhūd vibhrānta-mānasaḥ //

papraccha ca pṛthaṅ nāmagrāhaṃ dārasutān sa tān /
bhasmībhūtāḥ kathaṃ yūyaṃ jīvantaḥ puna utthitāḥ // SoKs_12,11.106 [= Vet_4]

papraccha ca pṛthaṅ nāma-grāhaṃ dāra-sutān sa tān / bhasmī-bhūtāḥ kathaṃ yūyaṃ jīvantaḥ puna utthitāḥ //

mayāpi svaśiraś chinnaṃ jīvāmy eṣaś ca kiṃ nv idam /
kiṃ vibhramo 'yam āho svid suspaṣṭo devyanugrahaḥ // SoKs_12,11.107 [= Vet_4]

maya āpi sva-śiraś chinnaṃ jīvāmy eṣaś ca kiṃ nv idam / kiṃ vibhramo 'yam āho svid su-spaṣṭo devy-anugrahaḥ //

evaṃ vadan sa tair ūce dārāpatyair alakṣitaḥ /
devyanugraha evāyaṃ jīvāmo yad amī iti // SoKs_12,11.108 [= Vet_4]

evaṃ vadan sa tair ūce dāra-apatyair alakṣitaḥ / devy-anugraha eva ayaṃ jīvāmo yad amī iti //

tataḥ sa tat tathā matvā natvā vīravaro 'mbakām /
ādāya putradārāṃs tānsiddhakāryo gṛhaṃ yayau // SoKs_12,11.109 [= Vet_4]

tataḥ sa tat tathā matvā natvā vīravaro 'mbakām / ādāya putra-dārāṃs tān-siddha-kāryo gṛhaṃ yayau //

tatra praveśya putraṃ taṃ bhāryāṃ duhitaraṃ ca tām /
siṃhadvāram agād rājño rātrau tasyāṃ sa pūrvavat // SoKs_12,11.110 [= Vet_4]

tatra praveśya putraṃ taṃ bhāryāṃ duhitaraṃ ca tām / siṃha-dvāram agād rājño rātrau tasyāṃ sa pūrvavat //

rājā sa śūdrako 'py etad dṛṣṭvā sarvam alakṣitaḥ /
gatvāruroha svāvāsaprāsādaṃ taṃ punas tadā // SoKs_12,11.111 [= Vet_4]

rājā sa śūdrako 'py etad dṛṣṭvā sarvam alakṣitaḥ / gatvā āruroha sva-āvāsa-prāsādaṃ taṃ punas tadā //

vyāharac ca sthitaḥ ko 'tra siṃhadvārīti pṛṣṭhataḥ /
tato vīravaro 'vādīt saiṣa tiṣṭhāmy ahaṃ prabho // SoKs_12,11.112 [= Vet_4]

vyāharac ca sthitaḥ ko 'tra siṃha-dvāri iti pṛṣṭhataḥ / tato vīravaro 'vādīt saiṣa tiṣṭhāmy ahaṃ prabho //

devādeśād gataś cāham abhūvaṃ tāṃ striyaṃ prati /
rākṣasīva ca sā kvāpi dṛṣṭanaṣṭaiva me gatā // SoKs_12,11.113 [= Vet_4]

deva-ādeśād gataś ca aham abhūvaṃ tāṃ striyaṃ prati / rākṣasi īva ca sā kva api dṛṣṭa-naṣṭa aiva me gatā //

etac chrutvā vacas tasya rājā vīravarasya saḥ /
sutarāṃ vismayāviṣṭo dṛṣṭodanto vyacintayat // SoKs_12,11.114 [= Vet_4]

etac chrutvā vacas tasya rājā vīravarasya saḥ / sutarāṃ vismayā aviṣṭo dṛṣṭa-udanto vyacintayat //

aho samudragambhīradhīracittā manasvinaḥ /
kṛtvāpy ananyasāmānyam ullekhaṃ nodgiranti ye // SoKs_12,11.115 [= Vet_4]

aho samudra-gambhīra-dhīra-cittā manasvinaḥ / kṛtva āpy an-anya-sāmānyam ullekhaṃ na udgiranti ye //

ity ādy ākalayaṃs tūṣṇīṃ prāsādād avaruhya saḥ /
praviśyāntaḥpuraṃ rājā rātriśeṣaṃ nināya tam // SoKs_12,11.116 [= Vet_4]

ity ādy ākalayaṃs tūṣṇīṃ prāsādād avaruhya saḥ / praviśya antaḥ-puraṃ rājā rātri-śeṣaṃ nināya tam //

prātaś cāsthānasamaye darśanopagatasthite /
tasmin vīravare prītas tathā kṛtsnaṃ sa bhūpatiḥ // SoKs_12,11.117 [= Vet_4]

prātaś cā asthāna-samaye darśana-upagata-sthite / tasmin vīravare prītas tathā kṛtsnaṃ sa bhū-patiḥ //

tadīyaṃ rātrivṛttāntaṃ mantribhyas tam avarṇayat /
yathā babhūvur āścaryamohitā iva te 'khilāḥ // SoKs_12,11.118 [= Vet_4]

tadīyaṃ rātri-vṛtta-antaṃ mantribhyas tam avarṇayat / yathā babhūvur āścarya-mohitā iva te 'khilāḥ //

dadau tasmai saputrāya prītyā vīravarāya ca /
lāṭadeśe tato rājyaṃ sa karṇāṭayute nṛpaḥ // SoKs_12,11.119 [= Vet_4]

dadau tasmai sa-putrāya prītyā vīravarāya ca / lāṭa-deśe tato rājyaṃ sa karṇāṭa-yute nṛ-paḥ //

tato 'tra tulyavibhavāv anyonyasyopakāriṇau /
āsātāṃ tau sukhaṃ vīravaraśūdrakabhūpatī // SoKs_12,11.120 [= Vet_4]

tato 'tra tulya-vibhavāv anyonyasya upakāriṇau / āsātāṃ tau sukhaṃ vīravara-śūdraka-bhū-patī //

ity ākhyāya kathām etāṃ vetālo 'tyadbhutāṃ tadā /
taṃ trivikramasenaṃ sa rājānam avadat punaḥ // SoKs_12,11.121 [= Vet_4]

ity ākhyāya kathām etāṃ vetālo 'tyadbhutāṃ tadā / taṃ trivikramasenaṃ sa rājānam avadat punaḥ //

tad brūhi rājann eteṣu vīraḥ sarveṣu ko 'dhikaḥ /
pūrva eva sa śāpas te yadi jānan na vakṣyasi // SoKs_12,11.122 [= Vet_4]

tad brūhi rājann eteṣu vīraḥ sarveṣu ko 'dhikaḥ / pūrva eva sa śāpas te yadi jānan na vakṣyasi //

etac chrutvā sa bhūpālo vetālaṃ pratiuvaca tam /
eteṣu śudrako rājā pravīraḥ so 'khileṣv iti // SoKs_12,11.123 [= Vet_4]

etac chrutvā sa bhū-pālo vetālaṃ pratiuvaca tam / eteṣu śudrako rājā pravīraḥ so 'khileṣv iti //

tato 'bravīt sa vetālo rājan vīravaro na kim /
so 'dhiko yasya tulyo 'syāṃ pṛthvyām eva na jāyate // SoKs_12,11.124 [= Vet_4]

tato 'bravīt sa vetālo rājan vīravaro na kim / so 'dhiko yasya tulyo 'syāṃ pṛthvyām eva na jāyate //

tatpatnī nādhikā kiṃ vā strībhutā yānvamanyata /
tathopahārapaśutāṃ sūnoḥ pratyakṣadarśinī // SoKs_12,11.125 [= Vet_4]

tat-patnī na adhikā kiṃ vā strī-bhutā ya ānvamanyata / tatha ūpahāra-paśutāṃ sūnoḥ pratyakṣa-darśinī //

sa vā sattvavaro nātra tatputro 'bhyadhikaḥ katham /
bālasyāpi sato yasya sattvotkarṣaḥ sa tādṛśaḥ // SoKs_12,11.126 [= Vet_4]

sa vā sattvavaro na atra tat-putro 'bhyadhikaḥ katham / bālasya api sato yasya sattva-utkarṣaḥ sa tādṛśaḥ //

tat kasmāc chudrakaṃ bhūpam ebhyas tvaṃ bhāṣase 'dhikam /
ity uktavantaṃ vetālaṃ sa jagāda punar nṛpaḥ // SoKs_12,11.127 [= Vet_4]

tat kasmāc chudrakaṃ bhū-pam ebhyas tvaṃ bhāṣase 'dhikam / ity uktavantaṃ vetālaṃ sa jagāda punar nṛ-paḥ //

maivaṃ vīravaras tāvat sa tādṛkkulaputrakaḥ /
tasya prāṇaiḥ sutair dāraiḥ svāmisaṃrakṣaṇaṃ vratam // SoKs_12,11.128 [= Vet_4]

ma aivaṃ vīravaras tāvat sa tādṛk-kula-putrakaḥ / tasya prāṇaiḥ sutair dāraiḥ svāmi-saṃrakṣaṇaṃ vratam //

tatpatnī sāpi kulajā sādvī patyekadevatā /
bhartṛvartmānusāreṇa tasyā dharmo 'stu ko 'paraḥ // SoKs_12,11.129 [= Vet_4]

tat-patnī sa āpi kula-jā sādvī paty-eka-devatā / bhartṛ-vartma-anusāreṇa tasyā dharmo 'stu ko 'paraḥ //

tābhyāṃ jātas tu tadrūpa eva sattvavaro 'pi saḥ /
yādṛśās tantavaḥ kāmaṃ tādṛśo jāyate paṭaḥ // SoKs_12,11.130 [= Vet_4]

tābhyāṃ jātas tu tad-rūpa eva sattvavaro 'pi saḥ / yādṛśās tantavaḥ kāmaṃ tādṛśo jāyate paṭaḥ //

yeṣāṃ prāṇais tu bhṛtyānāṃ nṛpair ātmābhirakṣyate /
teṣām arthe tyajandehaṃ śudrako 'tra viśiṣyate // SoKs_12,11.131 [= Vet_4]

yeṣāṃ prāṇais tu bhṛtyānāṃ nṛ-pair ātma ābhirakṣyate / teṣām arthe tyajan-dehaṃ śudrako 'tra viśiṣyate //

ity ākarṇya vacaḥ sa tasya nṛpater aṃsād asaṃlakṣitaḥ
vetālaḥ sahasā yayau nijapadaṃ bhūyo 'pi tanmāyayā /
rājāpy uccalito babhūva punar apy ānetum etaṃ pathā
pūrveṇaiva suniścitaḥ pitṛvane tasmin sa tasyāṃ niśi // SoKs_12,11.132 [= Vet_4]

ity ākarṇya vacaḥ sa tasya nṛ-pater aṃsād asaṃlakṣitaḥ vetālaḥ sahasā yayau nija-padaṃ bhūyo 'pi tan-māyayā / rāja āpy uccalito babhūva punar apy ānetum etaṃ pathā pūrveṇa eva su-niścitaḥ pitṛ-vane tasmin sa tasyāṃ niśi //

tatas tasya punar gatvā śiṃśapāśākhino 'ntikam /
tathaivollambamānaṃ taṃ dṛṣṭvā naraśarīragam // SoKs_12,12.1 [= Vet_5]

tatas tasya punar gatvā śiṃśapā-śākhino 'ntikam / tatha aiva ullambamānaṃ taṃ dṛṣṭvā nara-śarīra-gam //

vetālam avatāryaiva kṛtvāsmai bahu vaikṛtam /
sa trivikramaseno drāg gantuṃ pravavṛte tataḥ // SoKs_12,12.2 [= Vet_5]

vetālam avatārya eva kṛtva āsmai bahu vaikṛtam / sa trivikramaseno drāg gantuṃ pravavṛte tataḥ //

āgacchantaṃ ca taṃ tūṣṇīṃ vetālaḥ pūrvavatpathi /
rātrau mahāśmaśāne 'tra skandhastho vyājahāra saḥ // SoKs_12,12.3 [= Vet_5]

āgacchantaṃ ca taṃ tūṣṇīṃ vetālaḥ pūrvavat-pathi / rātrau mahā-śmaśāne 'tra skandha-stho vyājahāra saḥ //

rājann abhiniviṣṭo 'si kaṣṭe 'tyantapriyo 'si ca /
tat te cetovinodāya varṇayāmi kathāṃ śṛṇu // SoKs_12,12.4 [= Vet_5]

rājann abhiniviṣṭo 'si kaṣṭe 'tyanta-priyo 'si ca / tat te ceto-vinodāya varṇayāmi kathāṃ śṛṇu //

ujjayinyām abhūd vipraḥ puṇyasenasya bhūpateḥ /
anujīvī priyo 'mātyo harisvāmīti sadguṇaḥ // SoKs_12,12.5 [= Vet_5]

ujjayinyām abhūd vipraḥ puṇyasenasya bhū-pateḥ / anujīvī priyo 'mātyo harisvāmi īti sad-guṇaḥ //

tasyātmano 'nurūpāyāṃ bhāryāyāṃ gṛhamedhinaḥ /
guṇavān sadṛśaḥ putro devasvāmīty ajāyata // SoKs_12,12.6 [= Vet_5]

tasyā atmano 'nurūpāyāṃ bhāryāyāṃ gṛha-medhinaḥ / guṇavān sadṛśaḥ putro devasvāmi īty ajāyata //

tadvac cānanya sāmānya rūpalāvaṇya viśrutā /
kanyā somaprabhā nāma tasyānvarthodapadyata // SoKs_12,12.7 [= Vet_5]

tadvac ca an-anya sāmānya rūpa-lāvaṇya viśrutā / kanyā somaprabhā nāma tasya anvarthā-udapadyata //

sā pradeyā satī kanyā rūpotkarṣābhimāninī /
mātur mukhena pitaraṃ bhrātaraṃ ca jagāda tam // SoKs_12,12.8 [= Vet_5]

sā pradeyā satī kanyā rūpa-utkarṣa-abhimāninī / mātur mukhena pitaraṃ bhrātaraṃ ca jagāda tam //

śūrasya jñānino vāhaṃ deyā vijñānino 'pi vā /
anyasmai nāsmi dātavyā kāryaṃ majjīvitena cet // SoKs_12,12.9 [= Vet_5]

śūrasya jñānino va āhaṃ deyā vijñānino 'pi vā / anyasmai na asmi dātavyā kāryaṃ maj-jīvitena cet //

tac chrutvā tādṛśaṃ tasyāś cinvann ekatamaṃ varam /
tatpitā sa harisvāmī yāvac cintāṃ vahaty alam // SoKs_12,12.10 [= Vet_5]

tac chrutvā tādṛśaṃ tasyāś cinvann eka-tamaṃ varam / tat-pitā sa harisvāmī yāvac cintāṃ vahaty alam //

tāvad vyasarjī rajñā sa puṇyasenena dūtyayā /
saṃdhyarthaṃ vigrahāyāta dākṣiṇātyanṛpāntikam // SoKs_12,12.11 [= Vet_5]

tāvad vyasarjī rajñā sa puṇyasenena dūtyayā / saṃdhy-arthaṃ vigraha-āyāta dākṣiṇātya-nṛ-pa-antikam //

kṛtakāryaś ca tatrāsāv ekenābhyetya tāṃ sutām /
yācito 'bhūd dvijāgryeṇa śrutatadrūpasaṃpadā // SoKs_12,12.12 [= Vet_5]

kṛta-kāryaś ca tatra asāv ekena abhyetya tāṃ sutām / yācito 'bhūd dvija-agryeṇa śruta-tad-rūpa-saṃpadā //

vijñānino jñānino vā śūrād vā nāparaṃ patim /
matputrīcchati tat teṣāṃ madhyāt kathaya ko bhavān // SoKs_12,12.13 [= Vet_5]

vijñānino jñānino vā śūrād vā na aparaṃ patim / mat-putri īcchati tat teṣāṃ madhyāt kathaya ko bhavān //

ity uktas tena bhāryārthaḥ sa harisvāminā dvijaḥ /
ahaṃ jānāmi vijñānam iti taṃ pratyabhāṣata // SoKs_12,12.14 [= Vet_5]

ity uktas tena bhāryā-arthaḥ sa harisvāminā dvijaḥ / ahaṃ jānāmi vijñānam iti taṃ pratyabhāṣata //

tarhi tad darśayasveti puna uktaś ca tena saḥ /
vijñānī kalpayāmāsa svaśaktyā dyucaraṃ ratham // SoKs_12,12.15 [= Vet_5]

tarhi tad darśayasva iti puna uktaś ca tena saḥ / vijñānī kalpayāmāsa sva-śaktyā dyu-caraṃ ratham //

māyāyantrarathe tatra taṃ harisvāminaṃ kṣaṇāt /
āropya nītvā svargādīṃ lokāṃs tasmā adarśayat // SoKs_12,12.16 [= Vet_5]

māyā-yantra-rathe tatra taṃ harisvāminaṃ kṣaṇāt / āropya nītvā svarga-ādīṃ lokāṃs tasmā adarśayat //

ānināya ca tuṣṭaṃ taṃ tatraiva kaṭakaṃ punaḥ /
dākṣiṇātyasya nṛpater yatrāyātaḥ sa kāryataḥ // SoKs_12,12.17 [= Vet_5]

ānināya ca tuṣṭaṃ taṃ tatra eva kaṭakaṃ punaḥ / dākṣiṇātyasya nṛ-pater yatrā ayātaḥ sa kāryataḥ //

tataḥ so 'smai harisvāmī pratiśuśrāva tāṃ sutām /
vijñānine vivāhaṃ ca niścikāyāhni saptame // SoKs_12,12.18 [= Vet_5]

tataḥ so 'smai harisvāmī pratiśuśrāva tāṃ sutām / vijñānine vivāhaṃ ca niścikāya ahni saptame //

tatkālam ujjayinyām apy anyenaitya dvijanmanā /
devasvāmī sa tatputraḥ svasāraṃ tām ayācyata // SoKs_12,12.19 [= Vet_5]

tat-kālam ujjayinyām apy anyena etya dvijanmanā / devasvāmī sa tat-putraḥ svasāraṃ tām ayācyata //

jñānivijñnāniśūrebhyo nānyam icchati sā patim /
iti tenāpi so 'py uktaḥ śūram ātmānam abhyadhāt // SoKs_12,12.20 [= Vet_5]

jñāni-vijñnāni-śūrebhyo na anyam icchati sā patim / iti tena api so 'py uktaḥ śūram ātmānam abhyadhāt //

tato darśitaśastrāstraśriye tasmai dvijo 'nujām /
devasvāmī sa śūrāya dātuṃ tāṃ pratyapadyata // SoKs_12,12.21 [= Vet_5]

tato darśita-śastra-astra-śriye tasmai dvijo 'nujām / devasvāmī sa śūrāya dātuṃ tāṃ pratyapadyata //

saptame 'hni ca tatraiva vivāhaṃ gaṇakoktitaḥ /
tasyāpi so 'bhyadhān mātuḥ parokṣaṃ kṛtaniścayaḥ // SoKs_12,12.22 [= Vet_5]

saptame 'hni ca tatra eva vivāhaṃ gaṇaka-uktitaḥ / tasya api so 'bhyadhān mātuḥ parokṣaṃ kṛta-niścayaḥ //

tanmātāpi ḥarisvāmibhāryā tatkalam eva sā /
kenāpy etya tṛtīyena sutāṃ tāṃ yācitā pṛthak // SoKs_12,12.23 [= Vet_5]

tan-māta āpi ḥarisvāmi-bhāryā tat-kalam eva sā / kena apy etya tṛtīyena sutāṃ tāṃ yācitā pṛthak //

jñānī śūro 'tha vijñanī bhartāsmad duhitur mataḥ /
ity uktaś ca tayā mātar ahaṃ jñanīti so 'bhyadhāt // SoKs_12,12.24 [= Vet_5]

jñānī śūro 'tha vijñanī bharta āsmad duhitur mataḥ / ity uktaś ca tayā mātar ahaṃ jñani īti so 'bhyadhāt //

pṛṣṭvā bhūtaṃ bhaviṣyac ca tasmai tāṃ jñānine sutām /
pratijajñe pradātuṃ sāpy ahni tatraiva saptame // SoKs_12,12.25 [= Vet_5]

pṛṣṭvā bhūtaṃ bhaviṣyac ca tasmai tāṃ jñānine sutām / pratijajñe pradātuṃ sa āpy ahni tatra eva saptame //

anyedyuś cāgataḥ so 'tra harisvāmī yathā kṛtam /
patnyaiḥ putrāya cācakhyau taṃ kanyādānaniścayam // SoKs_12,12.26 [= Vet_5]

anye-dyuś cā agataḥ so 'tra harisvāmī yathā kṛtam / patnyaiḥ putrāya cā acakhyau taṃ kanyā-dāna-niścayam //

tau ca taṃ svakṛtaṃ tasmai bhinnaṃ bhinnam evocatām /
so 'pi tenākulo jajñe varatrayanimantraṇāt // SoKs_12,12.27 [= Vet_5]

tau ca taṃ sva-kṛtaṃ tasmai bhinnaṃ bhinnam eva ucatām / so 'pi tenā akulo jajñe vara-traya-nimantraṇāt //

athodvāhadine tasmin harisvāmigṛhe varāḥ /
āyayur jñānivijñāniśūrās tatra trayo 'pi te // SoKs_12,12.28 [= Vet_5]

atha udvāha-dine tasmin harisvāmi-gṛhe varāḥ / āyayur jñāni-vijñāni-śūrās tatra trayo 'pi te //

tatkālaṃ cātra sā citraṃ kanyā somaprabhā vadhuḥ /
aśaṅkitaṃ gatā kvāpi na vicityāpy alabhyata // SoKs_12,12.29 [= Vet_5]

tat-kālaṃ ca atra sā citraṃ kanyā somaprabhā vadhuḥ / aśaṅkitaṃ gatā kva api na vicitya apy alabhyata //

tato 'bravīd dharisvāmī jñāninaṃ taṃ sasaṃbhramaḥ /
jñāninn idānīṃ brūhy āśu duhitā me kva sā gatā // SoKs_12,12.30 [= Vet_5]

tato 'bravīd dharisvāmī jñāninaṃ taṃ sa-saṃbhramaḥ / jñāninn idānīṃ brūhy āśu duhitā me kva sā gatā //

tac chrutvā so 'vadaj jñānī rākṣasenāpahṛtya sā /
nītā vindhyāṭavīṃ dhūmaśikhena vasatiṃ nijām // SoKs_12,12.31 [= Vet_5]

tac chrutvā so 'vadaj jñānī rākṣasena apahṛtya sā / nītā vindhya-aṭavīṃ dhūmaśikhena vasatiṃ nijām //

ity ukto jñāninā bhīto harisvāmī jagāda saḥ /
hā dhik kathaṃ sā prapyeta vivāhaś cāpi hā katham // SoKs_12,12.32 [= Vet_5]

ity ukto jñāninā bhīto harisvāmī jagāda saḥ / hā dhik kathaṃ sā prapyeta vivāhaś ca api hā katham //

śrutvaitat prāha vijñānī dhīro bhava nayāmi vaḥ /
tatrādhunaiva yatraiṣo jñānī vadati tāṃ sthitām // SoKs_12,12.33 [= Vet_5]

śrutva aitat prāha vijñānī dhīro bhava nayāmi vaḥ / tatra adhuna aiva yatra eṣo jñānī vadati tāṃ sthitām //

ity uktvā tatkṣaṇaṃ kṛtvā rathaṃ sarvāstrasaṃyutam /
tatrāropya harisvāmijñāniśūrān khagāmini // SoKs_12,12.34 [= Vet_5]

ity uktvā tat-kṣaṇaṃ kṛtvā rathaṃ sarva-astra-saṃyutam / tatrā aropya harisvāmi-jñāni-śūrān kha-gāmini //

tān sa saṃprāpayāmāsa kṣaṇād vindhyāṭavībhuvi /
jñāninā tāṃ samākhyātāṃ vasatiṃ tatra rakṣasaḥ // SoKs_12,12.35 [= Vet_5]

tān sa saṃprāpayāmāsa kṣaṇād vindhya-aṭavī-bhuvi / jñāninā tāṃ samākhyātāṃ vasatiṃ tatra rakṣasaḥ //

tatra taṃ rākṣasaṃ kruddhaṃ jñātavṛttāntanirgatam /
śūro 'tha yodhayāmāsa harisvāmipuraskṛtaḥ // SoKs_12,12.36 [= Vet_5]

tatra taṃ rākṣasaṃ kruddhaṃ jñāta-vṛttānta-nirgatam / śūro 'tha yodhayāmāsa harisvāmi-puraskṛtaḥ //

tadāścaryam abhūd yuddhaṃ tayor mānuṣarakṣasoḥ /
citrāstrayodhinoḥ stryarthaṃ rāmarāvaṇayor iva // SoKs_12,12.37 [= Vet_5]

tadā āścaryam abhūd yuddhaṃ tayor mānuṣa-rakṣasoḥ / citra-astra-yodhinoḥ stry-arthaṃ rāma-rāvaṇayor iva //

kṣaṇena ca sa saṅgrāmaduḥmadasyāpi rakṣasaḥ /
ardhacandreṇa bāṇena śūras tasyācchinac chiraḥ // SoKs_12,12.38 [= Vet_5]

kṣaṇena ca sa saṅgrāma-duḥ-madasya api rakṣasaḥ / ardha-candreṇa bāṇena śūras tasya acchinac chiraḥ //

hate rakṣasi tāṃ somaprabhām āptāṃ tadāspadāt /
ādāya vijñānirathenājagmus te tato 'khilāḥ // SoKs_12,12.39 [= Vet_5]

hate rakṣasi tāṃ somaprabhām āptāṃ tad-āspadāt / ādāya vijñāni-rathenā ajagmus te tato 'khilāḥ //

harisvāmigṛhaṃ prāpya teṣāṃ lagne 'py upasthite /
jñānivijñāniśūrāṇāṃ vivāda udabhūn mahān // SoKs_12,12.40 [= Vet_5]

harisvāmi-gṛhaṃ prāpya teṣāṃ lagne 'py upasthite / jñāni-vijñāni-śūrāṇāṃ vivāda udabhūn mahān //

jñānī jagāda nāhaṃ cej jānīyāṃ tad iyaṃ katham /
prāpyeta kanyā gūḍhasthā deyā mahyam asāv itaḥ // SoKs_12,12.41 [= Vet_5]

jñānī jagāda na ahaṃ cej jānīyāṃ tad iyaṃ katham / prāpyeta kanyā gūḍha-sthā deyā mahyam asāv itaḥ //

vijñānī tv avadan nāhaṃ kuryāṃ ced vyomagaṃ ratham /
gamāgamau kathaṃ syātāṃ devānām iva vaḥ kṣaṇāt // SoKs_12,12.42 [= Vet_5]

vijñānī tv avadan na ahaṃ kuryāṃ ced vyoma-gaṃ ratham / gama-āgamau kathaṃ syātāṃ devānām iva vaḥ kṣaṇāt //

kathaṃ syāc cārathaṃ yuddhaṃ rathinā rakṣasā saha /
tasmān mahyam iyaṃ deyā lagno hy eṣa mayājitaḥ // SoKs_12,12.43 [= Vet_5]

kathaṃ syāc ca arathaṃ yuddhaṃ rathinā rakṣasā saha / tasmān mahyam iyaṃ deyā lagno hy eṣa maya ājitaḥ //

śūro 'py uvāca hanyāṃ cen nāhaṃ taṃ rākṣasaṃ raṇe /
tad yuvābhyāṃ kṛte yatne 'py etāṃ kanyāṃ ka ānayet // SoKs_12,12.44 [= Vet_5]

śūro 'py uvāca hanyāṃ cen na ahaṃ taṃ rākṣasaṃ raṇe / tad yuvābhyāṃ kṛte yatne 'py etāṃ kanyāṃ ka ānayet //

tan mahyam eṣā dātavyety evaṃ teṣu vivādiṣu /
harisvāmī kṣaṇaṃ tūṣṇīm āsīd udbhrāntamānasaḥ // SoKs_12,12.45 [= Vet_5]

tan mahyam eṣā dātavya īty evaṃ teṣu vivādiṣu / harisvāmī kṣaṇaṃ tūṣṇīm āsīd udbhrānta-mānasaḥ //

tat kasmai sātra deyeti rājan vadatu me bhavān /
na vadiṣyasi jānaṃś cet tat te mūrdhā sphuṭiṣyati // SoKs_12,12.46 [= Vet_5]

tat kasmai sa ātra deya īti rājan vadatu me bhavān / na vadiṣyasi jānaṃś cet tat te mūrdhā sphuṭiṣyati //

iti vetālatas tasmāc chrutvā maunaṃ vihāya ca /
sa trivikramasenas tam uvācaivaṃ mahīpatiḥ // SoKs_12,12.47 [= Vet_5]

iti vetālatas tasmāc chrutvā maunaṃ vihāya ca / sa trivikramasenas tam uvāca evaṃ mahī-patiḥ //

śūrāya sā pradātavyā yena prāṇapaṇodyamāt /
arjitā bahuvīryeṇa hatvā taṃ yudhi rākṣasam // SoKs_12,12.48 [= Vet_5]

śūrāya sā pradātavyā yena prāṇa-paṇa-udyamāt / arjitā bahu-vīryeṇa hatvā taṃ yudhi rākṣasam //

jñānivijñāninau tv asya dhātrā karmakarau kṛtau /
sadā gaṇakatakṣaṇau paropakaraṇe na kim // SoKs_12,12.49 [= Vet_5]

jñāni-vijñāninau tv asya dhātrā karma-karau kṛtau / sadā gaṇaka-takṣaṇau para-upakaraṇe na kim //

ity uktaṃ manujapater niśamya tasya skandhāgrāt sapadi sa pūrvavaj jagāma /
vetālo nijapadam eva so 'pi rājānudvegas taṃ prati pratasthe // SoKs_12,12.50 [= Vet_5]

ity uktaṃ manuja-pater niśamya tasya skandha-agrāt sa-padi sa pūrvavaj jagāma / vetālo nijapadam eva so 'pi rāja ānudvegas taṃ prati pratasthe //

tato gatvā punas tasmāt prāpya taṃ śiṃśapātaroḥ /
vetālaṃ prāgvad ādāya skandhe maunena bhūpatiḥ // SoKs_12,13.1 [= Vet_6]

tato gatvā punas tasmāt prāpya taṃ śiṃśapā-taroḥ / vetālaṃ prāgvad ādāya skandhe maunena bhū-patiḥ //

sa trivikramaseno 'tra yāvad āgacchati drutam /
tāvat pathi sa vetālo bhūyo 'py evam uvāca tam // SoKs_12,13.2 [= Vet_6]

sa trivikramaseno 'tra yāvad āgacchati drutam / tāvat pathi sa vetālo bhūyo 'py evam uvāca tam //

rājan sudhīḥ susattvaś ca bhavāṃs tena priyo 'si me /
ato vinodinīṃ vacmi kathāṃ praśnaṃ ca me śṛṇu // SoKs_12,13.3 [= Vet_6]

rājan su-dhīḥ su-sattvaś ca bhavāṃs tena priyo 'si me / ato vinodinīṃ vacmi kathāṃ praśnaṃ ca me śṛṇu //

āsīd rājā yaśaḥketur iti khyāto mahītale /
tasya śobhāvatī nāma rājadhāny abhavat purī // SoKs_12,13.4 [= Vet_6]

āsīd rājā yaśaḥketur iti khyāto mahī-tale / tasya śobhāvatī nāma rāja-dhāny abhavat purī //

tasyām abhūn nagaryāṃ ca gauryāyatanam uttamam /
tasya dakṣiṇataś cāsīd gaurītīrthābhidhaṃ saraḥ // SoKs_12,13.5 [= Vet_6]

tasyām abhūn nagaryāṃ ca gaury-āyatanam uttamam / tasya dakṣiṇataś cā asīd gaurī-tīrtha-abhidhaṃ saraḥ //

tasyāṣāḍhacaturdaśyāṃ śuklāyāṃ prativatsaram /
yātrāyāṃ snātum eti sma nānādigbhyo mahājanaḥ // SoKs_12,13.6 [= Vet_6]

tasyā aṣāḍha-caturdaśyāṃ śuklāyāṃ prativatsaram / yātrāyāṃ snātum eti sma nānā-digbhyo mahā-janaḥ //

ekadā ca tithau tasyāṃ snātum atrāyayau yuvā /
rajako dhavalo nāma grāmād brahmasthalābhidhāt // SoKs_12,13.7 [= Vet_6]

ekadā ca tithau tasyāṃ snātum atrā ayayau yuvā / rajako dhavalo nāma grāmād brahmasthala-abhidhāt //

so 'paśyad rajakasyātra tīrthe snānāgatāṃ sutām /
kanyāṃ śuddhapaṭākhyasya nāmnā madanasundarīm // SoKs_12,13.8 [= Vet_6]

so 'paśyad rajakasya atra tīrthe snāna-āgatāṃ sutām / kanyāṃ śuddhapaṭa-ākhyasya nāmnā madanasundarīm //

indor lāvaṇyahāriṇyā tayā sa hṛtamānasaḥ /
anviṣya tannāmakule kāmārto 'tha gṛhaṃ yayau // SoKs_12,13.9 [= Vet_6]

indor lāvaṇya-hāriṇyā tayā sa hṛta-mānasaḥ / anviṣya tan-nāma-kule kāma-ārto 'tha gṛhaṃ yayau //

tatrānavasthitas tiṣṭhan nirāhāras tayā vinā /
pṛṣṭho mātrārtayā tasyai tac chaśaṃsa manaḥgatam // SoKs_12,13.10 [= Vet_6]

tatra anavasthitas tiṣṭhan nir-āhāras tayā vinā / pṛṣṭho mātrā ārtayā tasyai tac chaśaṃsa manaḥ-gatam //

sā gatvā vimalākhyāya tat svabhartre nyavedayat /
so 'py āgatya tathāvasthaṃ dṛṣṭvā taṃ sutam abhyadhāt // SoKs_12,13.11 [= Vet_6]

sā gatvā vimala-ākhyāya tat sva-bhartre nyavedayat / so 'py āgatya tatha āvasthaṃ dṛṣṭvā taṃ sutam abhyadhāt //

kiṃ viṣīdasi putraivam aduṣprāpye 'pi vāñchite /
sa hi madyācitaḥ śuddhapaṭo dāsyati te sutām // SoKs_12,13.12 [= Vet_6]

kiṃ viṣīdasi putra evam aduṣprāpye 'pi vāñchite / sa hi mad-yācitaḥ śuddhapaṭo dāsyati te sutām //

anyūnā hi vayaṃ tasmāt kulenārthena karmaṇā /
taṃ vedmy ahaṃ sa māṃ vetti tenaitan me na duḥkaram // SoKs_12,13.13 [= Vet_6]

anyūnā hi vayaṃ tasmāt kulena arthena karmaṇā / taṃ vedmy ahaṃ sa māṃ vetti tena etan me na duḥ-karam //

ity āśvāsya sa taṃ putram āhārādau pravartya ca /
tad yukto vimalo 'nyedyur yayau sa śuddhapaṭāspadam // SoKs_12,13.14 [= Vet_6]

ity āśvāsya sa taṃ putram āhāra-ādau pravartya ca / tad yukto vimalo 'nye-dyur yayau sa śuddhapaṭa-āspadam //

yayāce cātra putrasya tasyārthe dhavalasya saḥ /
kanyāṃ tasmāt sa cāsmai tāṃ pratiśuśrāva sādaram // SoKs_12,13.15 [= Vet_6]

yayāce ca atra putrasya tasya arthe dhavalasya saḥ / kanyāṃ tasmāt sa ca asmai tāṃ pratiśuśrāva sa-ādaram //

lagnaṃ niścitya cānyedyus tāṃ sa śuddhapaṭaḥ sutām /
dhavalāya dadau tasmai tulyāṃ madanasundarīm // SoKs_12,13.16 [= Vet_6]

lagnaṃ niścitya ca anye-dyus tāṃ sa śuddhapaṭaḥ sutām / dhavalāya dadau tasmai tulyāṃ madanasundarīm //

kṛtodvāhaś ca sa tayā sākaṃ darśanasaktayā /
bhāryayā svapitur gehaṃ jagāma dhavalaḥ kṛtī // SoKs_12,13.17 [= Vet_6]

kṛta-udvāhaś ca sa tayā sākaṃ darśana-saktayā / bhāryayā sva-pitur gehaṃ jagāma dhavalaḥ kṛtī //

sukhasthitasya tasyātha kadācic chvaśurātmajaḥ /
tasyā madanasundaryā bhrātā tatrāgato 'bhavat // SoKs_12,13.18 [= Vet_6]

sukha-sthitasya tasya atha kadācic chvaśura-ātma-jaḥ / tasyā madanasundaryā bhrātā tatrā agato 'bhavat //

sa kṛtapraśrayaḥ sarvaiḥ svasrāśliṣyābhinanditaḥ /
saṃbandhipṛṣṭakuśalo viśrāntaś ca jagāda tān // SoKs_12,13.19 [= Vet_6]

sa kṛta-praśrayaḥ sarvaiḥ svasrā āśliṣya abhinanditaḥ / saṃbandhi-pṛṣṭa-kuśalo viśrāntaś ca jagāda tān //

ahaṃ madanasundaryā jāmātuś ca nimantraṇe /
tātena preṣito yasmād devīpūjotsavo 'sti naḥ // SoKs_12,13.20 [= Vet_6]

ahaṃ madanasundaryā jāmātuś ca ni-mantraṇe / tātena preṣito yasmād devī-pūjā-utsavo 'sti naḥ //

śraddhāya caitat tadvākyaṃ yathārhaiḥ pānabhojanaiḥ /
te saṃbandhyādayaḥ sarve tad ahas tam upācaran // SoKs_12,13.21 [= Vet_6]

śraddhāya ca etat tad-vākyaṃ yathā-arhaiḥ pāna-bhojanaiḥ / te saṃbandhy-ādayaḥ sarve tad ahas tam upācaran //

prātar madanasundaryā svaśuryeṇa ca tena saḥ /
sahito dhavalaḥ prāyād gṛhaṃ tac chvāśuraṃ prati // SoKs_12,13.22 [= Vet_6]

prātar madanasundaryā svaśuryeṇa ca tena saḥ / sahito dhavalaḥ prāyād gṛhaṃ tac chvāśuraṃ prati //

prāpya śobhāvatīṃ tāṃ ca purīm ātmatṛtīyakaḥ /
dadarśa nikaṭaṃ prāpya sa gauryāyatanaṃ mahat // SoKs_12,13.23 [= Vet_6]

prāpya śobhāvatīṃ tāṃ ca purīm ātma-tṛtīyakaḥ / dadarśa nikaṭaṃ prāpya sa gaury-āyatanaṃ mahat //

nijagāda ca tau bhāryāśvaśuryau śraddhayā tataḥ /
etam etāṃ bhagavatīṃ paśyāmo devatām iha // SoKs_12,13.24 [= Vet_6]

nijagāda ca tau bhāryā-śvaśuryau śraddhayā tataḥ / etam etāṃ bhagavatīṃ paśyāmo devatām iha //

tac chrutvā sa śvaśuryas taṃ niṣedhaṃ pratyabhāṣata /
iyanto riktahastāḥ kiṃ paśyāmo devatām iti // SoKs_12,13.25 [= Vet_6]

tac chrutvā sa śvaśuryas taṃ ni-ṣedhaṃ pratyabhāṣata / iyanto rikta-hastāḥ kiṃ paśyāmo devatām iti //

ahaṃ tāvad vrajāmy eko yuvām atraiva tiṣṭhatam /
ity uktvā dhavalo draṣṭuṃ devīṃ tāṃ sa tato yayau // SoKs_12,13.26 [= Vet_6]

ahaṃ tāvad vrajāmy eko yuvām atra eva tiṣṭhatam / ity uktvā dhavalo draṣṭuṃ devīṃ tāṃ sa tato yayau //

praviśyāyatanaṃ tasyāḥ praṇamya ca vibhāvya ca /
tām aṣṭādaśadoḥdaṇḍakhaṇḍitoccaṇḍadānavām // SoKs_12,13.27 [= Vet_6]

praviśyā ayatanaṃ tasyāḥ praṇamya ca vibhāvya ca / tām aṣṭādaśa-doḥ-daṇḍa-khaṇḍita-uccaṇḍa-dānavām //

pādapadmatalākṣiptamahiṣāsuramardinīm /
sa vidhipreraṇotpannabuddhir evam acintayat // SoKs_12,13.28 [= Vet_6]

pāda-padma-tala-ākṣipta-mahiṣa-asura-mardinīm / sa vidhi-preraṇa-utpanna-buddhir evam acintayat //

jīvopahārair vividhair imāṃ devīṃ jano 'rcati /
ahaṃ tu siddhyai kiṃ naitāṃ prīṇāmy ātmopahārataḥ // SoKs_12,13.29 [= Vet_6]

jīva-upahārair vividhair imāṃ devīṃ jano 'rcati / ahaṃ tu siddhyai kiṃ na etāṃ prīṇāmy ātma-upahārataḥ //

iti dhyātvaiva tadgarbhagṛhād ādāya niḥjanāt /
khaḍgaṃ sāṃyātrikaiḥ kaiḥcid devyāḥ prāk prābhṛtīkṛtam // SoKs_12,13.30 [= Vet_6]

iti dhyātva aiva tad-garbha-gṛhād ādāya niḥ-janāt / khaḍgaṃ sāṃyātrikaiḥ kaiḥ-cid devyāḥ prāk prābhṛtī-kṛtam //

baddhvā śiraḥruhair ghaṇṭāśṛṅkhalāyāṃ nijaṃ śiram /
cicchedaitena khaḍgena tac chinnaṃ cāpatad bhuvi // SoKs_12,13.31 [= Vet_6]

baddhvā śiraḥ-ruhair ghaṇṭā-śṛṅkhalāyāṃ nijaṃ śiram / ciccheda etena khaḍgena tac chinnaṃ ca apatad bhuvi //

ciraṃ yāvat sa nāyāti tāvad gatvā tam īkṣitum /
tatraiva devībhavane tacchvaśuryo viveśa saḥ // SoKs_12,13.32 [= Vet_6]

ciraṃ yāvat sa nā ayāti tāvad gatvā tam īkṣitum / tatra eva devī-bhavane tac-chvaśuryo viveśa saḥ //

so 'pi dṛṣṭvā tam utkṛttamūrdhānaṃ bhaginīpatim /
vyāmohitas tathaiva svaṃ śiras tenāsinācchinat // SoKs_12,13.33 [= Vet_6]

so 'pi dṛṣṭvā tam utkṛtta-mūrdhānaṃ bhaginī-patim / vyāmohitas tatha aiva svaṃ śiras tena asina ācchinat //

so 'pi yāvac ca nāyāti tāvad udbhrāntamānasā /
taddevībhavanaṃ sāpi yayau madanasundarī // SoKs_12,13.34 [= Vet_6]

so 'pi yāvac ca nā ayāti tāvad udbhrānta-mānasā / tad-devī-bhavanaṃ sa āpi yayau madanasundarī //

praviśya dṛṣṭvaiva patiṃ bhrātaraṃ ca tathāgatau /
hā kim etad dhatāsmīti vilapanty apatad bhuvi // SoKs_12,13.35 [= Vet_6]

praviśya dṛṣṭva aiva patiṃ bhrātaraṃ ca tathā-gatau / hā kim etad dhata-āsmi iti vilapanty apatad bhuvi //

kṣaṇāc cotthāya śocantī tāv akāṇḍahatāv ubhau /
kiṃ mamāpy adhunānena jīvitenety acintayat // SoKs_12,13.36 [= Vet_6]

kṣaṇāc ca utthāya śocantī tāv a-kāṇḍa-hatāv ubhau / kiṃ mama apy adhuna ānena jīvitena ity acintayat //

vyajijñapac ca devīṃ tāṃ dehatyāgonmukhī satī /
devi saubhāgyacāritravidhānaikādhidevate // SoKs_12,13.37 [= Vet_6]

vyajijñapac ca devīṃ tāṃ deha-tyāga-unmukhī satī / devi saubhāgya-cāritra-vidhāna-eka-adhidevate //

adhyāsitaśarīrārdhe bhartur māraripor api /
aśeṣalalanālokaśaraṇye duḥkhahāriṇi // SoKs_12,13.38 [= Vet_6]

adhyāsita-śarīra-ardhe bhartur māra-ripor api / aśeṣa-lalanā-loka-śaraṇye duḥkha-hāriṇi //

hṛtāv ekapade kasmād bhartā bhrātā ca me tvayā /
na yuktam etan mayi te nityabhaktā hy ahaṃ tvayi // SoKs_12,13.39 [= Vet_6]

hṛtāv eka-pade kasmād bhartā bhrātā ca me tvayā / na yuktam etan mayi te nitya-bhaktā hy ahaṃ tvayi //

tan me śritāyāḥ śaraṇaṃ śṛṇv ekaṃ kṛpaṇaṃ vacaḥ /
etāṃ tāvat tyajāmy atra daurbhāgyopahatāṃ tanum // SoKs_12,13.40 [= Vet_6]

tan me śritāyāḥ śaraṇaṃ śṛṇv ekaṃ kṛpaṇaṃ vacaḥ / etāṃ tāvat tyajāmy atra daurbhāgya-upahatāṃ tanum //

janiṣye devi bhūyas tu yatra kutrāpi janmani /
tatraitāv eva bhūyāstāṃ dvau bhartṛbhrātarau mama // SoKs_12,13.41 [= Vet_6]

janiṣye devi bhūyas tu yatra kutra api janmani / tatra etāv eva bhūyāstāṃ dvau bhartṛ-bhrātarau mama //

iti saṃstutya vijñapya devīṃ natvā ca tāṃ punaḥ /
pāśaṃ viracayāmāsa latayāśokapādape // SoKs_12,13.42 [= Vet_6]

iti saṃstutya vijñapya devīṃ natvā ca tāṃ punaḥ / pāśaṃ viracayāmāsa lataya āśoka-pāda-pe //

tatrārpayati yāvac ca pāśe kaṇṭhaṃ vitatya sā /
tāvat tatroccacāraivaṃ bhāratī gaganāṅgaṇāt // SoKs_12,13.43 [= Vet_6]

tatra arpayati yāvac ca pāśe kaṇṭhaṃ vitatya sā / tāvat tatra uccacāra evaṃ bhāratī gagana-aṅgaṇāt //

mā kṛthāḥ sāhasaṃ putri bālāyā api te 'munā /
sattvotkarṣeṇa tuṣṭāsmi pāśam etaṃ parityaja // SoKs_12,13.44 [= Vet_6]

mā kṛthāḥ sāhasaṃ putri bālāyā api te 'munā / sattva-utkarṣeṇa tuṣṭa āsmi pāśam etaṃ parityaja //

saṃśleṣaya śiraḥ svaṃ svaṃ bhartṛbhrātṛkabandhayoḥ /
uttiṣṭhatāṃ te jīvantāv etau dvāv api madvarāt // SoKs_12,13.45 [= Vet_6]

saṃśleṣaya śiraḥ svaṃ svaṃ bhartṛ-bhrātṛ-kabandhayoḥ / uttiṣṭhatāṃ te jīvantāv etau dvāv api mad-varāt //

etac chrutvaiva saṃtyajya pāśaṃ harṣād upetya sā /
avibhāvyātirabhasād bhrāntā madanasundarī // SoKs_12,13.46 [= Vet_6]

etac chrutva aiva saṃtyajya pāśaṃ harṣād upetya sā / avibhāvya atirabhasād bhrāntā madanasundarī //

bālā bhartṛśiro bhrātṛdehena samayojayat /
bhartṛdehena ca bhrātṛśiro vidhiniyogataḥ // SoKs_12,13.47 [= Vet_6]

bālā bhartṛ-śiro bhrātṛ-dehena samayojayat / bhartṛ-dehena ca bhrātṛ-śiro vidhi-niyogataḥ //

tato 'kṣatāṅgau jīvantāv ubhāv uttasthatuś ca tau /
śiraḥvinimayāj jātasaṃkarau kāyayor mithaḥ // SoKs_12,13.48 [= Vet_6]

tato 'kṣata-aṅgau jīvantāv ubhāv uttasthatuś ca tau / śiraḥ-vinimayāj jāta-saṃkarau kāyayor mithaḥ //

athānyonyoditasvasvayathāvṛttāntatoṣiṇaḥ /
praṇamya devīṃ śarvanīṃ yatheṣṭaṃ te yayus trayaḥ // SoKs_12,13.49 [= Vet_6]

atha anyonya-udita-sva-sva-yathā-vṛttānta-toṣiṇaḥ / praṇamya devīṃ śarvanīṃ yathā-iṣṭaṃ te yayus trayaḥ //

yāntī ca dṛṣṭvā svakṛtaṃ śiraḥvinimayaṃ tayoḥ /
vignā kimkāryatāmūḍhā sābhūn madanasundarī // SoKs_12,13.50 [= Vet_6]

yāntī ca dṛṣṭvā sva-kṛtaṃ śiraḥ-vinimayaṃ tayoḥ / vignā kim-kāryatā-mūḍhā sa ābhūn madanasundarī //

tad brūhi rājan ko bhartā tasyāḥ saṃkīrṇayos tayoḥ /
purvoktaḥ syāt sa śāpas te jānāno na bravīṣi cet // SoKs_12,13.51 [= Vet_6]

tad brūhi rājan ko bhartā tasyāḥ saṃkīrṇayos tayoḥ / purva-uktaḥ syāt sa śāpas te jānāno na bravīṣi cet //

ity ākarṇya kathāpraśnaṃ rājā vetālatas tataḥ /
sa trivikramaseno 'tra tam evaṃ pratyabhāṣata // SoKs_12,13.52 [= Vet_6]

ity ākarṇya kathā-praśnaṃ rājā vetālatas tataḥ / sa trivikramaseno 'tra tam evaṃ pratyabhāṣata //

yat saṃsthaṃ tatpatiśiraḥ saiṣa tasyāḥ patis tayoḥ /
pradhānaṃ ca śiro 'ṅgeṣu pratyabhijñā ca tadgatā // SoKs_12,13.53 [= Vet_6]

yat saṃsthaṃ tat-pati-śiraḥ saiṣa tasyāḥ patis tayoḥ / pradhānaṃ ca śiro 'ṅgeṣu pratyabhijñā ca tad-gatā //

ity uktavato nṛpates tasyāṃsāt punar atarkitaḥ sa yayau /
vetālaḥ sa ca rājā jagāma bhuyas tam ānetum // SoKs_12,13.54 [= Vet_6]

ity uktavato nṛ-pates tasyā aṃsāt punar atarkitaḥ sa yayau / vetālaḥ sa ca rājā jagāma bhuyas tam ānetum //

tato gatvā punaḥ prāpya vetālaṃ śiṃśapātaroḥ /
sa trivikramasenas taṃ skandhe jagrāha bhūpatiḥ // SoKs_12,14.1 [= Vet_7]

tato gatvā punaḥ prāpya vetālaṃ śiṃśapā-taroḥ / sa trivikramasenas taṃ skandhe jagrāha bhū-patiḥ //

gṛhītvā prasthitaṃ taṃ ca vetālaḥ so 'bravīt pathi /
rājañ śramavinodārthaṃ kathām ākhyāmi te śṛṇu // SoKs_12,14.2 [= Vet_7]

gṛhītvā prasthitaṃ taṃ ca vetālaḥ so 'bravīt pathi / rājañ śrama-vinoda-arthaṃ kathām ākhyāmi te śṛṇu //

astīha tāmraliptīti purī pūrvāmbudhes taṭe /
caṇḍasenābhidhānaś ca rājā tasyām abhūt puri // SoKs_12,14.3 [= Vet_7]

asti iha tāmralipti īti purī pūrva-ambudhes taṭe / caṇḍasena-abhidhānaś ca rājā tasyām abhūt puri //

parāṅmukhaḥ parastrīṣu yo na saṅgrāmabhūmiṣu /
hartā ca śatrulakṣmīṇāṃ na paradravyasaṃpadām // SoKs_12,14.4 [= Vet_7]

parāṅ-mukhaḥ para-strīṣu yo na saṅgrāma-bhūmiṣu / hartā ca śatru-lakṣmīṇāṃ na para-dravya-saṃpadām //

tasyaikadā dākṣiṇātyo rājaputro janapriyaḥ /
āyayau sattvaśīlākhyaḥ siṃhadvāre 'tra bhūpateḥ // SoKs_12,14.5 [= Vet_7]

tasya ekadā dākṣiṇātyo rāja-putro jana-priyaḥ / āyayau sattvaśīla-ākhyaḥ siṃha-dvāre 'tra bhū-pateḥ //

tatra cātmānam āvedya nairdhanyāttaṃ nṛpaṃ prati /
kapaṭaṃ pāṭayāmāsa rājaputraiḥ sahāparaiḥ // SoKs_12,14.6 [= Vet_7]

tatra cā atmānam āvedya nairdhanya-āttaṃ nṛ-paṃ prati / kapaṭaṃ pāṭayāmāsa rāja-putraiḥ saha-aparaiḥ //

tataḥ kārpaṭiko bhūtvā bahūny abdāni tatra saḥ /
tasthau kurvan sadā sevān naiva prāpa phalaṃ nṛpāt // SoKs_12,14.7 [= Vet_7]

tataḥ kārpaṭiko bhūtvā bahūny abdāni tatra saḥ / tasthau kurvan sadā sevān na eva prāpa phalaṃ nṛ-pāt //

yadi rājānvaye janma niḥdhanatvaṃ kim īdṛśam /
niḥdhanatve 'pi kiṃ dhātrā kṛteyaṃ me mahecchatā // SoKs_12,14.8 [= Vet_7]

yadi rāja-anvaye janma niḥ-dhanatvaṃ kim īdṛśam / niḥ-dhanatve 'pi kiṃ dhātrā kṛta īyaṃ me mahā-icchatā //

ayaṃ hi sevamānaṃ mām evaṃ kliṣṭaparicchadam /
ciraṃ kṣudhāvasīdantaṃ rājā nādyāpi vīkṣate // SoKs_12,14.9 [= Vet_7]

ayaṃ hi sevamānaṃ mām evaṃ kliṣṭa-paricchadam / ciraṃ kṣudhā-avasīdantaṃ rājā na adya api vīkṣate //

iti yāvac ca sa dhyāyaty atra kārpaṭikas tataḥ /
tāvad ākheṭakārthaṃ sa niragād ekadā nṛpaḥ // SoKs_12,14.10 [= Vet_7]

iti yāvac ca sa dhyāyaty atra kārpaṭikas tataḥ / tāvad ākheṭaka-arthaṃ sa niragād ekadā nṛ-paḥ //

tasmin kārpaṭike dhāvaty agre laguḍavāhini /
jagāma cāśvapādātayutaḥ so 'tha mṛgāṭavīm // SoKs_12,14.11 [= Vet_7]

tasmin kārpaṭike dhāvaty agre laguḍa-vāhini / jagāma ca aśva-pādāta-yutaḥ so 'tha mṛga-aṭavīm //

kṛtākheṭaś ca tatrārān mahāntaṃ mattasūkaram /
anudhāvan kṣaṇāt prāpad atidūraṃ vanāntaram // SoKs_12,14.12 [= Vet_7]

kṛta-ākheṭaś ca tatrā arān mahāntaṃ matta-sūkaram / anudhāvan kṣaṇāt prāpad atidūraṃ vana-antaram //

tatra parṇatṛṇachannamārge hāritasūkaraḥ /
śrānto mahāvane so 'tha rājā diṅmoham āyayau // SoKs_12,14.13 [= Vet_7]

tatra parṇa-tṛṇa-channa-mārge hārita-sūkaraḥ / śrānto mahā-vane so 'tha rājā diṅ-moham āyayau //

ekaḥ kārpaṭikaś cātha sa taṃ vātāśvapṛṣṭhagam /
prānānapekṣo 'nuyayau padātiḥ kṣuttṛṣārditaḥ // SoKs_12,14.14 [= Vet_7]

ekaḥ kārpaṭikaś ca atha sa taṃ vāta-aśva-pṛṣṭhagam / prāna-anapekṣo 'nuyayau padātiḥ kṣut-tṛṣā-arditaḥ //

taṃ ca dṛṣṭvā tathābhūtam anvāyātaṃ sa bhūpatiḥ /
sasneham avadat kaccid vetsi mārgaṃ yathāgatam // SoKs_12,14.15 [= Vet_7]

taṃ ca dṛṣṭvā tathā-bhūtam anvāyātaṃ sa bhū-patiḥ / sa-sneham avadat kaccid vetsi mārgaṃ yathā-āgatam //

tadākarṇyāñjaliṃ baddhvā sa taṃ kārpaṭiko 'bhyadhāt /
vedmi kiṃ ca kṣaṇaṃ tāvad iha viśrāmyatu prabhuḥ // SoKs_12,14.16 [= Vet_7]

tadā ākarṇya añjaliṃ baddhvā sa taṃ kārpaṭiko 'bhyadhāt / vedmi kiṃ ca kṣaṇaṃ tāvad iha viśrāmyatu prabhuḥ //

dyuvadhūmekhalāmadhyamaṇir eṣa hi saṃprati /
dedīpyate sphuradraśmiśikhājālo 'bjinīpatiḥ // SoKs_12,14.17 [= Vet_7]

dyu-vadhū-mekhalā-madhya-maṇir eṣa hi saṃprati / dedīpyate sphurad-raśmi-śikhā-jālo 'bjinī-patiḥ //

etac chrutvā sa rājā taṃ soparodham abhāṣata /
tarhi kvāpīha pānīyaṃ bhavatā prekṣyatām iti // SoKs_12,14.18 [= Vet_7]

etac chrutvā sa rājā taṃ sa-uparodham abhāṣata / tarhi kva api iha pānīyaṃ bhavatā prekṣyatām iti //

tathety āruhya sa tatas tuṅgaṃ kārpaṭikas tarum /
nadīṃ dṛṣṭvāvaruhyātha nṛpaṃ tatra nināya tam // SoKs_12,14.19 [= Vet_7]

tatha īty āruhya sa tatas tuṅgaṃ kārpaṭikas tarum / nadīṃ dṛṣṭva āvaruhya atha nṛ-paṃ tatra nināya tam //

tad vāhaṃ ca viparyānīkṛtaṃ kṛtavivartanam /
dattāmbuśaṣpakavalaṃ vidadhe vigataśramam // SoKs_12,14.20 [= Vet_7]

tad vāhaṃ ca viparyānī-kṛtaṃ kṛta-vivartanam / datta-ambu-śaṣpa-kavalaṃ vidadhe vigata-śramam //

kṛtasnānāya rājñe ca pronmucya vasanāñcalāt /
prakṣālyopānayat tasmai hṛdyāny āmalakāni saḥ // SoKs_12,14.21 [= Vet_7]

kṛta-snānāya rājñe ca pronmucya vasana-añcalāt / prakṣālya upānayat tasmai hṛdyāny āmalakāni saḥ //

etāni kuta ity etaṃ pṛcchantaṃ sa ca bhūpatim /
evaṃ vyajijñapaj jānusthitaḥ sāmalakāñjaliḥ // SoKs_12,14.22 [= Vet_7]

etāni kuta ity etaṃ pṛcchantaṃ sa ca bhū-patim / evaṃ vyajijñapaj jānu-sthitaḥ sa-āmalaka-añjaliḥ //

etadvṛttir ahaṃ nityaṃ vyatītadaśavatsaraḥ /
carāmy ārādhayan devam anekāntamunivratam // SoKs_12,14.23 [= Vet_7]

etad-vṛttir ahaṃ nityaṃ vyatīta-daśa-vatsaraḥ / carāmy ārādhayan devam anekānta-muni-vratam //

tac chrutvā satyanāmā tvaṃ sattvaśīlaḥ kim ucyate /
ity uktvā sa kṛpākrānto hrītaś cācintayan nṛpaḥ // SoKs_12,14.24 [= Vet_7]

tac chrutvā satya-nāmā tvaṃ sattvaśīlaḥ kim ucyate / ity uktvā sa kṛpā-ākrānto hrītaś ca acintayan nṛ-paḥ //

dhiṅ nṛpān kliṣṭam akliṣṭaṃ ye bhṛtyeṣa na jānate /
dhik ca taṃ parivāraṃ yo na jñāpayati tāṃs tathā // SoKs_12,14.25 [= Vet_7]

dhiṅ nṛ-pān kliṣṭam akliṣṭaṃ ye bhṛtyeṣa na jānate / dhik ca taṃ parivāraṃ yo na jñāpayati tāṃs tathā //

iti saṃcintya jagrāha sa rājāmalakadvayam /
hastāt kārpaṭikasyātha kathamcid anubadhnataḥ // SoKs_12,14.26 [= Vet_7]

iti saṃcintya jagrāha sa rājā āmalaka-dvayam / hastāt kārpaṭikasya atha katham-cid anubadhnataḥ //

bhuktvā ca tan nipīyāmbu viśaśrāmātra sa kṣaṇam /
jagdhāmalakasaṃpītajalakārpaṭikānvitaḥ // SoKs_12,14.27 [= Vet_7]

bhuktvā ca tan nipīya ambu viśaśrāma atra sa kṣaṇam / jagdha-āmalaka-saṃpīta-jala-kārpaṭika-anvitaḥ //

tataḥ sajjīkṛtaṃ tena vāhaṃ kārpaṭikena saḥ /
āruhyāgresare tasminn eva mārgapradarśini // SoKs_12,14.28 [= Vet_7]

tataḥ sajjī-kṛtaṃ tena vāhaṃ kārpaṭikena saḥ / āruhya agre-sare tasminn eva mārga-pradarśini //

paścādbhāgam anārūḍhe hayasyābhyarthite 'py alam /
yayau sa rājā svapūriṃ pathi prāptātmasainikaḥ // SoKs_12,14.29 [= Vet_7]

paścād-bhāgam anārūḍhe hayasya abhyarthite 'py alam / yayau sa rājā sva-pūriṃ pathi prāpta-ātma-sainikaḥ //

tatra prakhyāpya tadbhaktiṃ vasubhir viṣayaiś ca tam /
apūrayat kārpaṭikaṃ na cāmanyata niṣkṛtim // SoKs_12,14.30 [= Vet_7]

tatra prakhyāpya tad-bhaktiṃ vasubhir viṣayaiś ca tam / apūrayat kārpaṭikaṃ na ca amanyata niṣkṛtim //

tataḥ kṛtārthaḥ pārśve 'sya caṇḍasiṃhasya bhūpateḥ /
muktakārpaṭikācāraḥ sattvaśīlaḥ sa tasthivān // SoKs_12,14.31 [= Vet_7]

tataḥ kṛta-arthaḥ pārśve 'sya caṇḍasiṃhasya bhū-pateḥ / mukta-kārpaṭika-ācāraḥ sattvaśīlaḥ sa tasthivān //

ekadā tena rājñā ca sa siṃhalapateḥ sutām /
yācituṃ siṃhaladvīpam ātmārthaṃ preṣito 'bhavat // SoKs_12,14.32 [= Vet_7]

ekadā tena rājñā ca sa siṃhala-pateḥ sutām / yācituṃ siṃhala-dvīpam ātma-arthaṃ preṣito 'bhavat //

tatrābdhivartmanā gacchann arcitābhīṣṭadevataḥ /
āruroha pravahaṇaṃ rājādiṣṭaiḥ saha dvijaiḥ // SoKs_12,14.33 [= Vet_7]

tatra ab-dhi-vartmanā gacchann arcita-abhīṣṭa-devataḥ / āruroha pravahaṇaṃ rāja-ādiṣṭaiḥ saha dvijaiḥ //

gate tasmin pravahaṇe madhyabhāgam aśaṅkitam /
uttasthau jaladhes tasmād dhvajo janitavismayaḥ // SoKs_12,14.34 [= Vet_7]

gate tasmin pravahaṇe madhya-bhāgam aśaṅkitam / uttasthau jala-dhes tasmād dhvajo janita-vismayaḥ //

abhramlihāgraḥ sumahāñ jāmbūnadavinirmitaḥ /
vicitravarṇavicaladvaijayantīvirājitaḥ // SoKs_12,14.35 [= Vet_7]

abhram-liha-agraḥ su-mahāñ jāmbūnada-vinirmitaḥ / vicitra-varṇa-vicalad-vaijayantī-virājitaḥ //

tatkālaṃ cātra sahasā samunnamya ghanāvalī /
bhṛśaṃ varṣitum ārebhe vavau tīvraś ca mārutaḥ // SoKs_12,14.36 [= Vet_7]

tat-kālaṃ ca atra sahasā samunnamya ghana-āvalī / bhṛśaṃ varṣitum ārebhe vavau tīvraś ca mārutaḥ //

tair varṣavātaiḥ sa balād ākṛṣyādhoranair iva /
āsajyata dhvajastambhe tasmin pravahaṇadvipaḥ // SoKs_12,14.37 [= Vet_7]

tair varṣa-vātaiḥ sa balād ākṛṣyā adhoranair iva / āsajyata dhvaja-stambhe tasmin pravahaṇa-dvipaḥ //

tāvac ca sa dhvajas tasmin vāridhau vīciviplute /
vahanena samaṃ tena prāvartata nimajjitum // SoKs_12,14.38 [= Vet_7]

tāvac ca sa dhvajas tasmin vāri-dhau vīci-viplute / vahanena samaṃ tena prāvartata nimajjitum //

tato dvijās te tatrasthāś caṇḍasiṃhaṃ svabhūpatim /
uddiśyodghoṣayāmāsur abhrahmaṇyaṃ bhayākulāḥ // SoKs_12,14.39 [= Vet_7]

tato dvijās te tatra-sthāś caṇḍasiṃhaṃ sva-bhū-patim / uddiśya udghoṣayāmāsur a-bhrahmaṇyaṃ bhaya-ākulāḥ //

tad ākarṇyāsahiṣṇuś ca svāmibhakter anudhvajam /
sa sattvaśīlo niḥtriṃśahasto baddhottarīyakaḥ // SoKs_12,14.40 [= Vet_7]

tad ākarṇya asahiṣṇuś ca svāmi-bhakter anudhvajam / sa sattvaśīlo niḥ-triṃśa-hasto baddha-uttarīyakaḥ //

ātmānam akṣipat tatra niḥapekṣo mahodadhau /
udadheḥ kāraṇāśaṅkī vīraḥ pratividhitsayā // SoKs_12,14.41 [= Vet_7]

ātmānam akṣipat tatra niḥ-apekṣo mahā-uda-dhau / udadheḥ kāraṇa-āśaṅkī vīraḥ pratividhitsayā //

magne ca tasmin vātormidūrotkṣiptam abhajyata /
vahanaṃ tac ca tatstāś ca nipetur yādasāṃ mukhe // SoKs_12,14.42 [= Vet_7]

magne ca tasmin vāta-ūrmi-dūra-utkṣiptam abhajyata / vahanaṃ tac ca tat-stāś ca nipetur yādasāṃ mukhe //

sa ca magno 'mbudhau tatra sattvaśīlo nirīkṣate /
yāvat tāvad dadarśātra purīṃ divyāṃ na vāridhim // SoKs_12,14.43 [= Vet_7]

sa ca magno 'mbu-dhau tatra sattvaśīlo nirīkṣate / yāvat tāvad dadarśa atra purīṃ divyāṃ na vāri-dhim //

tasmin maṇimayasthambhair bhāsvare hemamandire /
sadratnabaddhasopānavāpīkodyānaśobhini // SoKs_12,14.44 [= Vet_7]

tasmin maṇi-maya-sthambhair bhāsvare hema-mandire / sad-ratna-baddha-sopāna-vāpīka-udyāna-śobhini //

nānāmaṇiśilābhittiratnacitrocchritadhvajam /
kātyāyanīdevagṛhaṃ merupronnatam aikṣata // SoKs_12,14.45 [= Vet_7]

nānā-maṇi-śilā-bhitti-ratna-citra-ucchrita-dhvajam / kātyāyanī-deva-gṛhaṃ meru-pronnatam aikṣata //

tatra praṇamya devīṃ tāṃ stutyābhyarcya tadagrataḥ /
indrajālaṃ kim etat syād ity āścaryād upāviśat // SoKs_12,14.46 [= Vet_7]

tatra praṇamya devīṃ tāṃ stutya ābhyarcya tad-agrataḥ / indra-jālaṃ kim etat syād ity āścaryād upāviśat //

tāvac ca devyagragataprabhāmaṇḍalakāntarāt /
akasmān niragāt kanyā divyodghāṭya kavāṭakam // SoKs_12,14.47 [= Vet_7]

tāvac ca devy-agra-gata-prabhā-maṇḍalaka-antarāt / akasmān niragāt kanyā divya ūdghāṭya kavāṭakam //

indī varākṣī phullābjavadanā kusumasmitā /
mṛṇālanālamṛdvaṅgī jaṅgameva sarojinī // SoKs_12,14.48 [= Vet_7]

indī vara-akṣī phulla-ab-ja-vadanā kusuma-smitā / mṛṇāla-nāla-mṛdv-aṅgī jaṅgama īva sarojinī //

strīsahasraparīvārā devīgarbhagṛhaṃ ca sā /
viveśa sattvaśīlasya hṛdayaṃ ca tataḥ samam // SoKs_12,14.49 [= Vet_7]

strī-sahasra-parīvārā devī-garbha-gṛhaṃ ca sā / viveśa sattvaśīlasya hṛdayaṃ ca tataḥ samam //

niragāt kṛtapūjā ca devīgarbhagṛhāt tataḥ /
na punaḥ sattvaśīlasya hṛdayāt sā kathaṃ cana // SoKs_12,14.50 [= Vet_7]

niragāt kṛta-pūjā ca devī-garbha-gṛhāt tataḥ / na punaḥ sattvaśīlasya hṛdayāt sā kathaṃ cana //

prāviśat sā ca tatraiva prabhāmaṇḍalakāntare /
sattvaśīlo 'py asau tasyāḥ paścāt tatra praviṣṭavān // SoKs_12,14.51 [= Vet_7]

prāviśat sā ca tatra eva prabhā-maṇḍalaka-antare / sattvaśīlo 'py asau tasyāḥ paścāt tatra praviṣṭavān //

praviśya ca dadarśāntar anyad evottamaṃ puram /
saṃketodyānam iva yat sarvāsāṃ bhogasaṃpadām // SoKs_12,14.52 [= Vet_7]

praviśya ca dadarśa antar anyad eva uttamaṃ puram / saṃketa-udyānam iva yat sarvāsāṃ bhoga-saṃpadām //

tatrāntaḥmaṇiparyaṅkaniṣaṇṇāṃ tāṃ vilokya saḥ /
kanyām upetya tatpārśve sattvaśīla upāviśat // SoKs_12,14.53 [= Vet_7]

tatra antaḥ-maṇi-paryaṅka-niṣaṇṇāṃ tāṃ vilokya saḥ / kanyām upetya tat-pārśve sattvaśīla upāviśat //

āsīc ca tanmukhāsaktalocano likhito yathā /
aṅgaiḥ sotkampapulakair vadann āliṅganotkatām // SoKs_12,14.54 [= Vet_7]

āsīc ca tan-mukha-āsakta-locano likhito yathā / aṅgaiḥ sa-utkampa-pulakair vadann āliṅgana-utkatām //

dṛṣṭvā ca taṃ smarāviṣṭaṃ ceṭīnām atra sā mukham /
adrākṣīt tāś ca tatkālam iṅgitajñās tam abruvan // SoKs_12,14.55 [= Vet_7]

dṛṣṭvā ca taṃ smara-āviṣṭaṃ ceṭīnām atra sā mukham / adrākṣīt tāś ca tat-kālam iṅgita-jñās tam abruvan //

atithis tvam iha prāptas tad asmatsvāminīkṛtam /
bhajasvātithyam uttiṣṭha snāhi bhuṅksva tataḥ param // SoKs_12,14.56 [= Vet_7]

atithis tvam iha prāptas tad asmat-svāminī-kṛtam / bhajasvā atithyam uttiṣṭha snāhi bhuṅksva tataḥ param //

tac chrutvā so 'valambyāśāṃ khatam apy utthitas tataḥ /
yayau pradarśitāṃ tābhir ekām udyānavāpikām // SoKs_12,14.57 [= Vet_7]

tac chrutvā so 'valambyā aśāṃ khatam apy utthitas tataḥ / yayau pradarśitāṃ tābhir ekām udyāna-vāpikām //

tasyāṃ nimagnaś cottasthau tāmraliptyāṃ sa tatkṣaṇāt /
caṇḍasiṃhanṛpodyānavāpīmadhyāt sasaṃbhramaḥ // SoKs_12,14.58 [= Vet_7]

tasyāṃ nimagnaś ca uttasthau tāmraliptyāṃ sa tat-kṣaṇāt / caṇḍasiṃha-nṛ-pa-udyāna-vāpī-madhyāt sa-saṃbhramaḥ //

tatra prāptam akasmāc ca vikṣyātmānam acintayat /
aho kim etat kvodyānam idaṃ divyaṃ kva tat puram // SoKs_12,14.59 [= Vet_7]

tatra prāptam akasmāc ca vikṣyā atmānam acintayat / aho kim etat kva udyānam idaṃ divyaṃ kva tat puram //

tatrāmṛtāsārasamaṃ kva tat tasyāś ca darśanam /
kva cānantaram evedaṃ tadviśleṣamahāviṣam // SoKs_12,14.60 [= Vet_7]

tatra amṛta-āsāra-samaṃ kva tat tasyāś ca darśanam / kva ca anantaram eva idaṃ tad-viśleṣa-mahā-viṣam //

svapnaś ca nāyaṃ suspaṣṭo vinidro 'nubhavo hi me /
dhruvaṃ pātālakanyābhis tābhir mūḍho 'smi vañcitaḥ // SoKs_12,14.61 [= Vet_7]

svapnaś ca na ayaṃ su-spaṣṭo vinidro 'nubhavo hi me / dhruvaṃ pātāla-kanyābhis tābhir mūḍho 'smi vañcitaḥ //

iti dhyāyan vinā tāṃ sa kanyām unmādavān iva /
udyāne tatra babhrāma kāmārto vilalāpa ca // SoKs_12,14.62 [= Vet_7]

iti dhyāyan vinā tāṃ sa kanyām unmādavān iva / udyāne tatra babhrāma kāma-ārto vilalāpa ca //

tadavasthaṃ ca taṃ dṛṣṭvā piśaṅgaiḥ puṣpareṇubhiḥ /
vātoddhūtaiḥ parītāṅgaṃ viprayogānalair iva // SoKs_12,14.63 [= Vet_7]

tad-avasthaṃ ca taṃ dṛṣṭvā piśaṅgaiḥ puṣpa-reṇubhiḥ / vāta-uddhūtaiḥ parīta-aṅgaṃ viprayoga-analair iva //

udyānapālā gatvaiva caṇḍasiṃhamahībhṛtam /
vyajijñapan sa codbhrāntaḥ svayam etya dadarśa tam // SoKs_12,14.64 [= Vet_7]

udyāna-pālā gatva aiva caṇḍasiṃha-mahī-bhṛtam / vyajijñapan sa ca udbhrāntaḥ svayam etya dadarśa tam //

sāntvayitvā ca papraccha kim idaṃ brūhi naḥ sakhe /
kva prasthitas tvaṃ kva prāptaḥ kvāstaḥ kva patitaḥ śaraḥ // SoKs_12,14.65 [= Vet_7]

sāntvayitvā ca papraccha kim idaṃ brūhi naḥ sakhe / kva prasthitas tvaṃ kva prāptaḥ kva astaḥ kva patitaḥ śaraḥ //

tac chrutvā sa svavṛttāntaṃ tasmai sarva śaśaṃsa tam /
sattvaśīlo nṛpataye so 'py athaivam acintayat // SoKs_12,14.66 [= Vet_7]

tac chrutvā sa sva-vṛtta-antaṃ tasmai sarva śaśaṃsa tam / sattvaśīlo nṛ-pataye so 'py atha evam acintayat //

hanta vīro 'pi matpuṇyaiḥ kāmenaiṣo viḍambitaḥ /
ānṛṇyaṃ gantum etasya labdho hy avasaro mayā // SoKs_12,14.67 [= Vet_7]

hanta vīro 'pi mat-puṇyaiḥ kāmena eṣo viḍambitaḥ / ānṛṇyaṃ gantum etasya labdho hy avasaro mayā //

ity antaś cintayitvā sa vīro rājā jagāda tam /
tahri muñca mudhā śokam ahaṃ tvāṃ prāpayāmi tām // SoKs_12,14.68 [= Vet_7]

ity antaś cintayitvā sa vīro rājā jagāda tam / tahri muñca mudhā śokam ahaṃ tvāṃ prāpayāmi tām //

nītvā tenaiva mārgeṇa priyām asurakanyakām /
iti cāśvāsayāmāsa taṃ sa snānādinā nṛpaḥ // SoKs_12,14.69 [= Vet_7]

nītvā tena eva mārgeṇa priyām asura-kanyakām / iti ca aśvāsayāmāsa taṃ sa snāna-ādinā nṛ-paḥ //

anyedyur mantrivinyastarājyas tena samaṃ ca saḥ /
prāyāt pravahaṇārūḍhas taddarśitapatho 'mbudhim // SoKs_12,14.70 [= Vet_7]

anye-dyur mantri-vinyasta-rājyas tena samaṃ ca saḥ / prāyāt pravahaṇa-ārūḍhas tad-darśita-patho 'mbu-dhim //

prāpya tanmadhyabhāgaṃ ca dṛṣṭvā taṃ prāgvad utthitam /
sapatākaṃ dhvajaṃ sattvaśīlas taṃ nṛpam abhyadhāt // SoKs_12,14.71 [= Vet_7]

prāpya tan-madhya-bhāgaṃ ca dṛṣṭvā taṃ prāgvad utthitam / sa-patākaṃ dhvajaṃ sattvaśīlas taṃ nṛ-pam abhyadhāt //

so 'yam abhyutthito divyaprabhāvo 'tra mahādhvajaḥ /
mayi magne 'tra maṅktavyaṃ devenaitam anu dhvajam // SoKs_12,14.72 [= Vet_7]

so 'yam abhyutthito divya-prabhāvo 'tra mahā-dhvajaḥ / mayi magne 'tra maṅktavyaṃ devena etam anu dhvajam //

ity uktvā nikaṭaṃ prāpya dhvajasyāsya nimajjataḥ /
mārge sa sattvaśīlo 'sau pūrvam ātmānam akṣipat // SoKs_12,14.73 [= Vet_7]

ity uktvā nikaṭaṃ prāpya dhvajasya asya nimajjataḥ / mārge sa sattvaśīlo 'sau pūrvam ātmānam akṣipat //

tato rājāpi cikṣepa tatrātmānaṃ tathaiva saḥ /
anto magnau ca tau kṣipraṃ tad divyaṃ prāpatuḥ puram // SoKs_12,14.74 [= Vet_7]

tato rāja āpi cikṣepa tatrā atmānaṃ tatha aiva saḥ / anto magnau ca tau kṣipraṃ tad divyaṃ prāpatuḥ puram //

tatra dṛṣṭvā sa sāścaryo rājā devīṃ praṇamya tām /
pārvatīṃ sattvaśīlena sahitaḥ samupāviśat // SoKs_12,14.75 [= Vet_7]

tatra dṛṣṭvā sa sa-āścaryo rājā devīṃ praṇamya tām / pārvatīṃ sattvaśīlena sahitaḥ samupāviśat //

tāvac ca niragāt tatra sā sakhījanasaṃgatā /
rūpinīva prabhā kanyā prabhāmaṇḍalakāt tataḥ // SoKs_12,14.76 [= Vet_7]

tāvac ca niragāt tatra sā sakhī-jana-saṃgatā / rūpini īva prabhā kanyā prabhā-maṇḍalakāt tataḥ //

iyaṃ sā sumukhīty ukte sattvaśīlena tāṃ nṛpaḥ /
dṛṣṭvā yuktam abhiṣvaṅgaṃ tasya tasyām amanyata // SoKs_12,14.77 [= Vet_7]

iyaṃ sā su-mukhi īty ukte sattvaśīlena tāṃ nṛ-paḥ / dṛṣṭvā yuktam abhiṣvaṅgaṃ tasya tasyām amanyata //

sāpi taṃ vīkṣya rājānaṃ śubhaśārīralakṣaṇam /
puruṣātiśayo 'pūrvaḥ ko 'yaṃ syād ity acintayat // SoKs_12,14.78 [= Vet_7]

sa āpi taṃ vīkṣya rājānaṃ śubha-śārīra-lakṣaṇam / puruṣa-atiśayo '-pūrvaḥ ko 'yaṃ syād ity acintayat //

viveśa cāmbikādhāma pūjāyai sā nṛpo 'pi saḥ /
jagāmodyānam ādāya sattvaśīlam avajñayā // SoKs_12,14.79 [= Vet_7]

viveśa ca ambikā-dhāma pūjāyai sā nṛ-po 'pi saḥ / jagāma udyānam ādāya sattvaśīlam avajñayā //

kṣaṇāc ca kṛtapūjā sā niragād daityakanyakā /
yācitvā satpatiprāptiṃ devyā garbhagṛhāntarāt // SoKs_12,14.80 [= Vet_7]

kṣaṇāc ca kṛta-pūjā sā niragād daitya-kanyakā / yācitvā sat-pati-prāptiṃ devyā garbha-gṛha-antarāt //

nirgatya sā jagādaikāṃ sakhīṃ sakhi gaveṣyatām /
yo 'sāv iha mayā dṛṣṭo mahātmā kva sa tiṣṭhati // SoKs_12,14.81 [= Vet_7]

nirgatya sā jagāda ekāṃ sakhīṃ sakhi gaveṣyatām / yo 'sāv iha mayā dṛṣṭo mahā-ātmā kva sa tiṣṭhati //

ātithyaṃ gṛhyatām etya prasādaḥ kriyatāṃ tvayā /
iti caiṣo 'rthyatāṃ pūjyaḥ pumān ko 'py uttamo hy asau // SoKs_12,14.82 [= Vet_7]

ātithyaṃ gṛhyatām etya prasādaḥ kriyatāṃ tvayā / iti ca eṣo 'rthyatāṃ pūjyaḥ pumān ko 'py uttamo hy asau //

evaṃ sakhī tayoktā sā vicityodyānavartine /
svasvāminīnideśaṃ taṃ prahvā tasmai nyavedayat // SoKs_12,14.83 [= Vet_7]

evaṃ sakhī taya ūktā sā vicitya udyāna-vartine / sva-svāminī-nideśaṃ taṃ prahvā tasmai nyavedayat //

tac chrutvā sa nṛpo vīraḥ sāvahelam uvāca tām /
eṣaivātithyam asmākam anyat kim upayujyate // SoKs_12,14.84 [= Vet_7]

tac chrutvā sa nṛ-po vīraḥ sa-avahelam uvāca tām / eṣaivā atithyam asmākam anyat kim upayujyate //

etac chrutvā tayā gatvā sakhyā sā śrāvitā tadā /
mene mānyam udāraṃ taṃ sarvathā daityakanyakā // SoKs_12,14.85 [= Vet_7]

etac chrutvā tayā gatvā sakhyā sā śrāvitā tadā / mene mānyam udāraṃ taṃ sarvathā daitya-kanyakā //

tataś cākṛṣyamāneva dhairyapāśena tena sā /
nṛpeṇa mānuṣāyogye 'py ātithye niḥspṛhātmanā // SoKs_12,14.86 [= Vet_7]

tataś cā akṛṣyamāna īva dhairya-pāśena tena sā / nṛ-peṇa mānuṣa-ayogye 'py ātithye niḥ-spṛhā-ātmanā //

patyarthaṃ pārvatīsevāparipākasamarpitam /
matvā tat svayam udyānaṃ viveśāsuraputrikā // SoKs_12,14.87 [= Vet_7]

paty-arthaṃ pārvatī-sevā-paripāka-samarpitam / matvā tat svayam udyānaṃ viveśa asura-putrikā //

vicitraśakunālāpair vātāñcitalatābhujaiḥ /
vikīrṇakusumair ārān nandyamāneva pādapaiḥ // SoKs_12,14.88 [= Vet_7]

vicitra-śakuna-ālāpair vāta-añcita-latā-bhujaiḥ / vikīrṇa-kusumair ārān nandyamāna īva pāda-paiḥ //

upagamya ca sā tatra yathāvat praśrayānatā /
ātithyagrahaṇārthaṃ taṃ prārthayāmāsa pārthivam // SoKs_12,14.89 [= Vet_7]

upagamya ca sā tatra yathāvat praśraya-ānatā / ātithya-grahaṇa-arthaṃ taṃ prārthayāmāsa pārthivam //

tataḥ sa sattvaśīlaṃ tam uddiśyovāca tāṃ nṛpaḥ /
anena kathitāṃ devīm ihāhaṃ draṣṭum āgataḥ // SoKs_12,14.90 [= Vet_7]

tataḥ sa sattvaśīlaṃ tam uddiśya uvāca tāṃ nṛ-paḥ / anena kathitāṃ devīm iha ahaṃ draṣṭum āgataḥ //

gaurīṃ dhvajapathaprāpyaparamādbhutaketanām /
sā dṛṣṭā tadanu tvaṃ ca kānyātithyārthitātra naḥ // SoKs_12,14.91 [= Vet_7]

gaurīṃ dhvaja-patha-prāpya-parama-adbhuta-ketanām / sā dṛṣṭā tad-anu tvaṃ ca ka ānyā ātithya-arthita ātra naḥ //

tac chrutvā sābravīt kanyā kautukāt tarhi vīkṣitum /
āgamyatāṃ dvitīyaṃ me puraṃ trijagadadbhutām // SoKs_12,14.92 [= Vet_7]

tac chrutvā sa ābravīt kanyā kautukāt tarhi vīkṣitum / āgamyatāṃ dvitīyaṃ me puraṃ tri-jagad-adbhutām //

evam uktavatīṃ tāṃ ca sa vihasya nṛpo 'bravīt /
tad apy anenaivoktaṃ me yatra sā snānavāpikā // SoKs_12,14.93 [= Vet_7]

evam uktavatīṃ tāṃ ca sa vihasya nṛ-po 'bravīt / tad apy anena eva uktaṃ me yatra sā snāna-vāpikā //

tataḥ sā kanyakāvādīd deva mā smaivam ādiśa /
na viḍambanaśīlāhaṃ kā vā pūjye viḍambanā // SoKs_12,14.94 [= Vet_7]

tataḥ sā kanyaka āvādīd deva mā sma evam ādiśa / na viḍambana-śīla āhaṃ kā vā pūjye viḍambanā //

ahaṃ hi sattvotkarṣeṇa yuṣmākaṃ kimkarīkṛtā /
tanmama prārthanābhaṅgaṃ naivaivaṃ kartum arhatha // SoKs_12,14.95 [= Vet_7]

ahaṃ hi sattva-utkarṣeṇa yuṣmākaṃ kim-karī-kṛtā / tanmama prārthanā-bhaṅgaṃ na eva evaṃ kartum arhatha //

etac chrutvā tathety uktvā sattvaśīlasakhaḥ sa tat /
prabhāmaṇḍalakopāntaṃ yayau rājā tayā saha // SoKs_12,14.96 [= Vet_7]

etac chrutvā tatha īty uktvā sattvaśīla-sakhaḥ sa tat / prabhā-maṇḍalaka-upāntaṃ yayau rājā tayā saha //

apāvṛtakavāṭe ca tasminn antas tathaiva saḥ /
praveśito dadarśāsyās tad divyam aparaṃ puram // SoKs_12,14.97 [= Vet_7]

apāvṛta-kavāṭe ca tasminn antas tatha aiva saḥ / praveśito dadarśa asyās tad divyam aparaṃ puram //

nitya saṃnaddhasarvaṛtu sadāpuṣpaphaladrumam /
merupṛṣṭham ivāśeṣaṃ nirmitaṃ ratnakāñcanaiḥ // SoKs_12,14.98 [= Vet_7]

nitya saṃnaddha-sarva-ṛtu sadā-puṣpa-phala-drumam / meru-pṛṣṭham iva aśeṣaṃ nirmitaṃ ratna-kāñcanaiḥ //

ratnāsane mahārhe taṃ rājānam upaveśya sā /
yathocitopanītārghyā daityarājasutābravīt // SoKs_12,14.99 [= Vet_7]

ratna-āsane mahā-arhe taṃ rājānam upaveśya sā / yathā-ucita upanīta-arghyā daitya-rāja-suta ābravīt //

kanyāham asurendrasya kālanemer mahātmanaḥ /
cakrāyudhena ca sa me svaḥgatiṃ prāpitaḥ pitā // SoKs_12,14.100 [= Vet_7]

kanya āham asura-indrasya kālanemer mahā-ātmanaḥ / cakrāyudhena ca sa me svaḥ-gatiṃ prāpitaḥ pitā //

viśvakarmakṛtaṃ cedaṃ paitṛkaṃ me puradvayam /
na jarātra na mṛtyuś ca bādhate sarvakāmade // SoKs_12,14.101 [= Vet_7]

viśvakarma-kṛtaṃ ca idaṃ paitṛkaṃ me pura-dvayam / na jara ātra na mṛtyuś ca bādhate sarva-kāma-de //

idānīṃ ca pitā tvaṃ me sapurāhaṃ vaśe tava /
ity arpitātmasarvasvāṃ tām uvāca sa bhūpatiḥ // SoKs_12,14.102 [= Vet_7]

idānīṃ ca pitā tvaṃ me sa-pura āhaṃ vaśe tava / ity arpita-ātma-sarva-svāṃ tām uvāca sa bhū-patiḥ //

yady evaṃ tat sute hy asmai mayā dattāsy anindite /
sattvaśīlāya vīrāya suhṛde bāndhavāya ca // SoKs_12,14.103 [= Vet_7]

yady evaṃ tat sute hy asmai mayā datta āsy anindite / sattvaśīlāya vīrāya su-hṛde bāndhavāya ca //

evaṃ devīprasādena mūrteneva nṛpeṇa sā /
uktā guṇajñā vinatā tat tathety anvamanyata // SoKs_12,14.104 [= Vet_7]

evaṃ devī-prasādena mūrtena iva nṛ-peṇa sā / uktā guṇa-jñā vinatā tat tatha īty anvamanyata //

tataḥ kṛtārthaṃ taṃ tasyāḥ kṛtapāṇigrahaṃ nṛpaḥ /
dattāsurapuraiśvaryaṃ sattvaśīlam uvāca saḥ // SoKs_12,14.105 [= Vet_7]

tataḥ kṛta-arthaṃ taṃ tasyāḥ kṛta-pāṇi-grahaṃ nṛ-paḥ / datta-asura-pura-aiśvaryaṃ sattvaśīlam uvāca saḥ //

buktayor āmalakayos tayor ekaṃ mayā tava /
saṃśodhitam asaṃśuddhād ṛṇī te 'haṃ dvitīyataḥ // SoKs_12,14.106 [= Vet_7]

buktayor āmalakayos tayor ekaṃ mayā tava / saṃśodhitam asaṃśuddhād ṛṇī te 'haṃ dvitīyataḥ //

iti praṇatam uktvā taṃ daityaputrīṃ jagāda tām /
mārgo me darśyatāṃ yena svapurīṃ prāpnuyām iti // SoKs_12,14.107 [= Vet_7]

iti praṇatam uktvā taṃ daitya-putrīṃ jagāda tām / mārgo me darśyatāṃ yena sva-purīṃ prāpnuyām iti //

tato 'parājitaṃ nāma khaḍgaṃ bhakṣyaṃ phalaṃ ca sā /
ekaṃ jarāmṛtyuharaṃ tasmai daityasutā dadau // SoKs_12,14.108 [= Vet_7]

tato 'parājitaṃ nāma khaḍgaṃ bhakṣyaṃ phalaṃ ca sā / ekaṃ jarā-mṛtyu-haraṃ tasmai daitya-sutā dadau //

tābhyāṃ yuktas tayoktāyāṃ vāpyaṃ magnaḥ svadeśataḥ /
utthāya sarvasaṃsiddhakāmo 'bhūt sa kramān nṛpaḥ // SoKs_12,14.109 [= Vet_7]

tābhyāṃ yuktas taya ūktāyāṃ vāpyaṃ magnaḥ sva-deśataḥ / utthāya sarva-saṃsiddha-kāmo 'bhūt sa kramān nṛ-paḥ //

sattvaśīlo 'pi daityastrīpurarājyaṃ śaśāsa saḥ /
tad brūhi ko 'bdhipatane dvayoḥ sattvādhiko 'nayoḥ // SoKs_12,14.110 [= Vet_7]

sattvaśīlo 'pi daitya-strī-pura-rājyaṃ śaśāsa saḥ / tad brūhi ko 'b-dhi-patane dvayoḥ sattva-adhiko 'nayoḥ //

iti śrutvā tathā praśnaṃ vetālāc chapabhītitaḥ /
sa trivikramasenas taṃ bhūpatiḥ pratyabhāṣata // SoKs_12,14.111 [= Vet_7]

iti śrutvā tathā praśnaṃ vetālāc chapa-bhītitaḥ / sa trivikramasenas taṃ bhū-patiḥ pratyabhāṣata //

etayoḥ sattvaśīlo 'tra sa me sattvādhiko mataḥ /
sa hy avijñātatattvārtho nirāsthaḥ patito 'mbudhau // SoKs_12,14.112 [= Vet_7]

etayoḥ sattvaśīlo 'tra sa me sattva-adhiko mataḥ / sa hy avijñāta-tattva-artho nir-āsthaḥ patito 'mbu-dhau //

rājā tu tattvaṃ vijñāya viveśāmbhaḥdhim āsthayā /
daityakanyāṃ ca nāvañchad asādhyā spṛhayeti saḥ // SoKs_12,14.113 [= Vet_7]

rājā tu tattvaṃ vijñāya viveśa ambhaḥ-dhim āsthayā / daitya-kanyāṃ ca na avañchad asādhyā spṛhaya īti saḥ //

iti tasyākarṇya vaco nirastamaunasya bhūpateḥ skandhāt /
sa jagāma pūrvavat taṃ vetālaḥ śiṃśapātaruṃ svapadam // SoKs_12,14.114 [= Vet_7]

iti tasyā akarṇya vaco nirasta-maunasya bhū-pateḥ skandhāt / sa jagāma pūrvavat taṃ vetālaḥ śiṃśapā-taruṃ sva-padam //

rājāpi tathaiva sa taṃ punar apy ānetum anujagāma javāt /
prārabdhe hy asamāpte kārye śithilībhavanti kiṃ sudhiyaḥ // SoKs_12,14.115 [= Vet_7]

rāja āpi tatha aiva sa taṃ punar apy ānetum anujagāma javāt / prārabdhe hy asamāpte kārye śithilī-bhavanti kiṃ su-dhiyaḥ //

gatvā tāṃ śiṃśapāṃ bhūyo vetālaṃ prāpya bhūmipaḥ /
taṃ trivikramaseno 'tra skandhe kṛtvoccacāla saḥ // SoKs_12,15.1 [= Vet_8]

gatvā tāṃ śiṃśapāṃ bhūyo vetālaṃ prāpya bhūmi-paḥ / taṃ trivikramaseno 'tra skandhe kṛtva ūccacāla saḥ //

prayāntaṃ sa punas taṃ ca vetālaḥ skandhato 'bravīt /
śramavismṛtaye rājan mattaḥ praśnam imaṃ śṛṇu // SoKs_12,15.2 [= Vet_8]

prayāntaṃ sa punas taṃ ca vetālaḥ skandhato 'bravīt / śrama-vismṛtaye rājan mattaḥ praśnam imaṃ śṛṇu //

aṅgadeśe 'grahāro 'sti mahān vṛkṣaghaṭābhidhaḥ /
viṣṇusvāmīti tatrāsīd dvijo yajvā mahādhanaḥ // SoKs_12,15.3 [= Vet_8]

aṅga-deśe 'gra-hāro 'sti mahān vṛkṣaghaṭa-abhidhaḥ / viṣṇusvāmi īti tatrā asīd dvi-jo yajvā mahā-dhanaḥ //

tasya ca svānurūpāyāṃ patnyāṃ jātāḥ kramāt trayaḥ /
babhūvus taruṇāḥ putrā divyavaidagdhyaśālinaḥ // SoKs_12,15.4 [= Vet_8]

tasya ca sva-anurūpāyāṃ patnyāṃ jātāḥ kramāt trayaḥ / babhūvus taruṇāḥ putrā divya-vaidagdhya-śālinaḥ //

te pitrā preṣitās tena kūrmahetoḥ kadācana /
prārabdhayajñena yayus te trayo bhrātaro 'mbudhim // SoKs_12,15.5 [= Vet_8]

te pitrā preṣitās tena kūrma-hetoḥ kadā-cana / prārabdha-yajñena yayus te trayo bhrātaro 'mbu-dhim //

prāpya kūrmaṃ tato jyāyān kaniṣṭhau tāv abhāṣata /
gṛhṇātu yuvayor ekaḥ kūrmaṃ kratukṛte pituḥ // SoKs_12,15.6 [= Vet_8]

prāpya kūrmaṃ tato jyāyān kaniṣṭhau tāv abhāṣata / gṛhṇātu yuvayor ekaḥ kūrmaṃ kratu-kṛte pituḥ //

aham etaṃ na śaknomi grahītuṃ visrapicchalam /
ity uktavantaṃ taṃ jyeṣṭhaṃ kaniṣṭhau tāv avocatām // SoKs_12,15.7 [= Vet_8]

aham etaṃ na śaknomi grahītuṃ visra-picchalam / ity uktavantaṃ taṃ jyeṣṭhaṃ kaniṣṭhau tāv avocatām //

tavātra vicikitsā cen nāvayor api sā katham /
tac chrutvā so 'bravīj jyeṣṭho gṛhṇītaṃ gacchataṃ yuvām // SoKs_12,15.8 [= Vet_8]

tava atra vicikitsā cen nā avayor api sā katham / tac chrutvā so 'bravīj jyeṣṭho gṛhṇītaṃ gacchataṃ yuvām //

pitur yajñakriyālopo bhaved yuṣmatkṛto 'nyathā /
tato narakapātaḥ syād yuvayos tasya ca dhruvam // SoKs_12,15.9 [= Vet_8]

pitur yajña-kriyā-lopo bhaved yuṣmat-kṛto 'nyathā / tato naraka-pātaḥ syād yuvayos tasya ca dhruvam //

ity uktāv anujau tena tau vihasya tam ūcatuḥ /
dharmaṃ vetsy āvayor eva samānam api nātmanaḥ // SoKs_12,15.10 [= Vet_8]

ity uktāv anujau tena tau vihasya tam ūcatuḥ / dharmaṃ vetsy āvayor eva samānam api nā atmanaḥ //

tato jyeṣṭho 'bravīt kiṃ me jānītho naiva caṅgatām /
ahaṃ bhojanacaṅgo 'smi nārhaḥ spraṣṭuṃ jugupsitam // SoKs_12,15.11 [= Vet_8]

tato jyeṣṭho 'bravīt kiṃ me jānītho na eva caṅgatām / ahaṃ bhojana-caṅgo 'smi na arhaḥ spraṣṭuṃ jugupsitam //

etat tasya vacaḥ śrutvā bhrātaraṃ madhyamo 'bravīt /
ahaṃ tarhy adhikaś caṅgo nārīcaṅgo vicakṣaṇaḥ // SoKs_12,15.12 [= Vet_8]

etat tasya vacaḥ śrutvā bhrātaraṃ madhyamo 'bravīt / ahaṃ tarhy adhikaś caṅgo nārī-caṅgo vicakṣaṇaḥ //

madhyamenaivam ukte tu jyāyān puna uvāca saḥ /
kūrmaṃ gṛhṇātu tarhy eṣa kanīyān āvayor iti // SoKs_12,15.13 [= Vet_8]

madhyamena evam ukte tu jyāyān puna uvāca saḥ / kūrmaṃ gṛhṇātu tarhy eṣa kanīyān āvayor iti //

tataḥ sa bhrukuṭiṃ kṛtvā kanīyān apy uvāca tau /
he mūrkhau tūlikācaṅgaś caṅgo 'haṃ hi viśeṣataḥ // SoKs_12,15.14 [= Vet_8]

tataḥ sa bhru-kuṭiṃ kṛtvā kanīyān apy uvāca tau / he mūrkhau tūlikā-caṅgaś caṅgo 'haṃ hi viśeṣataḥ //

evaṃ te kalahāsaktās trayo 'pi bhrātaro mithaḥ /
nirṇayāyābhimānaikagrastāḥ kūrmaṃ vihāya tam // SoKs_12,15.15 [= Vet_8]

evaṃ te kalaha-āsaktās trayo 'pi bhrātaro mithaḥ / nirṇayāya abhimāna eka-grastāḥ kūrmaṃ vihāya tam //

rājñaḥ prasenajinnāmnas tatpradeśabhuvo 'ntikam /
nagaraṃ sahasā jagmur viṭaṅkapuranāmakam // SoKs_12,15.16 [= Vet_8]

rājñaḥ prasenajin-nāmnas tat-pradeśa-bhuvo 'ntikam / nagaraṃ sahasā jagmur viṭaṅkapura-nāmakam //

tatra pratīhāramukhenāvedyāntaḥ praviśya ca /
nṛpaṃ vijñāpayāmāsuḥ svavṛttāntaṃ tathaiva te // SoKs_12,15.17 [= Vet_8]

tatra pratīhāra-mukhenā avedya antaḥ praviśya ca / nṛ-paṃ vijñāpayāmāsuḥ sva-vṛtta-antaṃ tatha aiva te //

tiṣṭhatehaiva yāvad vaḥ parīkṣiṣye kramād aham /
ity uktas tena rājñā ca tasthus tatra tatheti te // SoKs_12,15.18 [= Vet_8]

tiṣṭhata iha eva yāvad vaḥ parīkṣiṣye kramād aham / ity uktas tena rājñā ca tasthus tatra tatha īti te //

svāhārakāle cānāyya tebhyaḥ so 'grāsanaṃ nṛpaḥ /
rājārhaṃ dāpayāmāsa ṣaḍrasaṃ svādubhojanam // SoKs_12,15.19 [= Vet_8]

sva-āhāra-kāle cā anāyya tebhyaḥ so 'gra-āsanaṃ nṛ-paḥ / rāja-arhaṃ dāpayāmāsa ṣaḍ-rasaṃ svādu-bhojanam //

bhuñjāneṣu ca sarveṣu tadaiko bubhuje na saḥ /
vipro bhojanacaṅgo 'tra jugupsākūṇitānanaḥ // SoKs_12,15.20 [= Vet_8]

bhuñjāneṣu ca sarveṣu tada aiko bubhuje na saḥ / vipro bhojana-caṅgo 'tra jugupsā-kūṇita-ānanaḥ //

kathaṃ na bhojanaṃ bhuṅkte brahman svādu sugandhy api /
iti rajñā svayaṃ pṛṣṭaḥ śanair vipro jagāda saḥ // SoKs_12,15.21 [= Vet_8]

kathaṃ na bhojanaṃ bhuṅkte brahman svādu su-gandhy api / iti rajñā svayaṃ pṛṣṭaḥ śanair vipro jagāda saḥ //

śavadhūmaduḥāmodaḥ śālibhakte 'tra vidyate /
tena nāham idaṃ bhoktum utsahe svādv api prabho // SoKs_12,15.22 [= Vet_8]

śava-dhūma-duḥ-āmodaḥ śāli-bhakte 'tra vidyate / tena na aham idaṃ bhoktum utsahe svādv api prabho //

ity ukte tena sarve 'pi tatrāghrāya nṛpājñayā /
ūcuḥ kalamaśālyannam adoṣaṃ tat sugandhi ca // SoKs_12,15.23 [= Vet_8]

ity ukte tena sarve 'pi tatrā aghrāya nṛ-pa-ājñayā / ūcuḥ kalama-śāly-annam adoṣaṃ tat su-gandhi ca //

sa tu bhojanacaṅgas tan nāśnāt pihitanāsikaḥ /
tataḥ sa rājā saṃcintya yāvad anviṣyati kramāt // SoKs_12,15.24 [= Vet_8]

sa tu bhojana-caṅgas tan nā aśnāt pihita-nāsikaḥ / tataḥ sa rājā saṃcintya yāvad anviṣyati kramāt //

tāvan niyogijanatas tad annaṃ bubudhe tathā /
grāmaśmaśānanikaṭakṣetrasaṃbhavaśālijam // SoKs_12,15.25 [= Vet_8]

tāvan niyogi-janatas tad annaṃ bubudhe tathā / grāma-śmaśāna-nikaṭa-kṣetra-saṃbhava-śāli-jam //

tato 'tivismitas tuṣṭaḥ sa rājā tam abhāṣata /
satyaṃ bhojanacaṅgas tvaṃ tadanyadbhujyatām iti // SoKs_12,15.26 [= Vet_8]

tato 'tivismitas tuṣṭaḥ sa rājā tam abhāṣata / satyaṃ bhojana-caṅgas tvaṃ tad-anyadbhujyatām iti //

kṛtāhāraś ca sa nṛpo viprān vāsagṛheṣu tān /
visṛjyānāyayāmāsa svam ekāṃ gaṇikottamām // SoKs_12,15.27 [= Vet_8]

kṛta-āhāraś ca sa nṛ-po viprān vāsa-gṛheṣu tān / visṛjya-ānāyayāmāsa svam ekāṃ gaṇikā-uttamām //

tāṃ ca tasmai dvitīyasmai prāhiṇot kṛtamaṇḍanām /
viprāya nāricaṅgāya sāyaṃ sarvāṅgasundarīm // SoKs_12,15.28 [= Vet_8]

tāṃ ca tasmai dvitīyasmai prāhiṇot kṛta-maṇḍanām / viprāya nāri-caṅgāya sāyaṃ sarva-aṅga-sundarīm //

sā ca vāsagṛhaṃ tasya rājabhṛtyānvitā yayau /
rākāniśeva purṇendumukhī kamdarpadīpinī // SoKs_12,15.29 [= Vet_8]

sā ca vāsa-gṛhaṃ tasya rāja-bhṛtya-anvitā yayau / rākā-niśa īva purṇa-indu-mukhī kamdarpa-dīpinī //

praviṣṭāyāṃ ca tasyāṃ sa prabhābhāsitaveśmani /
utpannamūrcchaḥ saṃruddhanāsāgro vāmapāṇinā // SoKs_12,15.30 [= Vet_8]

praviṣṭāyāṃ ca tasyāṃ sa prabhā-bhāsita-veśmani / utpanna-mūrcchaḥ saṃruddha-nāsā-agro vāma-pāṇinā //

nārīcaṅgo 'bravīd rājabhṛtyān niṣkāsyatām iti /
na cen mṛto 'haṃ niryāti gandho 'syāś chāgalo yataḥ // SoKs_12,15.31 [= Vet_8]

nārī-caṅgo 'bravīd rāja-bhṛtyān niṣkāsyatām iti / na cen mṛto 'haṃ niryāti gandho 'syāś chāgalo yataḥ //

ity uktās tena ninyus te vignāṃ tāṃ rājapūruṣāḥ /
rājño 'ntikaṃ vāravadhūṃ vṛttāntaṃ jagaduś ca tam // SoKs_12,15.32 [= Vet_8]

ity uktās tena ninyus te vignāṃ tāṃ rāja-pūruṣāḥ / rājño 'ntikaṃ vāra-vadhūṃ vṛtta-antaṃ jagaduś ca tam //

rājāpy ānāyya tatkālaṃ nārīcaṅgam uvāca tam /
yeyaṃ śrīkhaṇḍakarpūrakālā-gurumadottamaiḥ // SoKs_12,15.33 [= Vet_8]

rāja āpy ānāyya tat-kālaṃ nārī-caṅgam uvāca tam / ya īyaṃ śrī-khaṇḍa-karpūra-kāla-a-guru-mada-uttamaiḥ //

kṛtaprasādhanā dikṣu prasaraccārusaurabhā /
tasyā vāravilāsinyā gandhaḥ syāc chāgalaḥ kutaḥ // SoKs_12,15.34 [= Vet_8]

kṛta-prasādhanā dikṣu prasarac-cāru-saurabhā / tasyā vāra-vilāsinyā gandhaḥ syāc chāgalaḥ kutaḥ //

ity ukto 'pi sa rājñā tan nārīcaṅgas tadā na yat /
pratipede tadā rājā vicārapatito 'bhavat // SoKs_12,15.35 [= Vet_8]

ity ukto 'pi sa rājñā tan nārī-caṅgas tadā na yat / pratipede tadā rājā vicāra-patito 'bhavat //

pṛcchaṃś ca yuktyā bubudhe tām ajakṣīravardhitām /
tanmukhād eva bālatve mātṛdhātrīviyogataḥ // SoKs_12,15.36 [= Vet_8]

pṛcchaṃś ca yuktyā bubudhe tām aja-kṣīra-vardhitām / tan-mukhād eva bālatve mātṛ-dhātrī-viyogataḥ //

tato 'tivismitas tasya nārīcaṅgasya caṅgatām /
praśaṃsan nṛpatis tasmai tṛtīyāya dvijanmane // SoKs_12,15.37 [= Vet_8]

tato 'tivismitas tasya nārī-caṅgasya caṅgatām / praśaṃsan nṛ-patis tasmai tṛtīyāya dvi-janmane //

tadrasāt tūlikācaṅgāyāśu śayyām adāpayat /
paryaṅkopari vinyastasaptasaṃkhyākatūlikām // SoKs_12,15.38 [= Vet_8]

tad-rasāt tūlikā-caṅgāyā aśu śayyām adāpayat / paryaṅka-upari vinyasta-sapta-saṃkhyāka-tūlikām //

tasyāṃ ca tūlikācaṅgo mahārhe vāsavesmani /
suṣvāpa dhautasuślakṣṇapaṭapracchadavāsasi // SoKs_12,15.39 [= Vet_8]

tasyāṃ ca tūlikā-caṅgo mahā-arhe vāsa-vesmani / suṣvāpa dhauta-su-ślakṣṇa-paṭa-pracchada-vāsasi //

yāmārdha eva ca gate sa rātrau śayanāt tataḥ /
uttasthau pāṇyavaṣṭabdhapārśvaḥ krandan vyathārditaḥ // SoKs_12,15.40 [= Vet_8]

yāma-ardha eva ca gate sa rātrau śayanāt tataḥ / uttasthau pāṇy-avaṣṭabdha-pārśvaḥ krandan vyathā-arditaḥ //

dadṛśe tasya pārśve ca tatra tyaī rājapūruṣaiḥ /
gāḍhalagnasya bālasya mudreva kuṭilāruṇā // SoKs_12,15.41 [= Vet_8]

dadṛśe tasya pārśve ca tatra tyaī rāja-pūruṣaiḥ / gāḍha-lagnasya bālasya mudra īva kuṭila-aruṇā //

gatvā ca tais tadākhyātaṃ rājñe rājāpy uvāca tān /
tūlikānāṃ tale kimcin mā syāt tad vīkṣyatām iti // SoKs_12,15.42 [= Vet_8]

gatvā ca tais tadā ākhyātaṃ rājñe rāja āpy uvāca tān / tūlikānāṃ tale kim-cin mā syāt tad vīkṣyatām iti //

gatveKṣante ca te yāvad ekaikaṃ tūlikātalam /
tāvat sarvatalād āpur vālaṃ paryaṅkapṛṣṭataḥ // SoKs_12,15.43 [= Vet_8]

gatvā īKṣante ca te yāvad eka-ekaṃ tūlikā-talam / tāvat sarva-talād āpur vālaṃ paryaṅka-pṛṣṭataḥ //

nītvā cādarśayan rājñe so 'py ānītasya vīkṣya tat /
tadrūpaṃ tūlikācaṅgasyāṅgaṃ rājā visismiye // SoKs_12,15.44 [= Vet_8]

nītvā ca adarśayan rājñe so 'py ānītasya vīkṣya tat / tad-rūpaṃ tūlikā-caṅgasya aṅgaṃ rājā visismiye //

saptabhyas tūlikābhyo 'sya vālo lagnas tanau khatam /
iti citrīyamāṇas tāṃ rājā rātriṃ nināya saḥ // SoKs_12,15.45 [= Vet_8]

saptabhyas tūlikābhyo 'sya vālo lagnas tanau khatam / iti citrīyamāṇas tāṃ rājā rātriṃ nināya saḥ //

prātaś cādbhutavaidagdhyasaukumāryā amī iti /
tebhyas tribhyo 'pi caṅgebhyo hemalakṣatrayaṃ dadau // SoKs_12,15.46 [= Vet_8]

prātaś ca adbhuta-vaidagdhya-saukumāryā amī iti / tebhyas tribhyo 'pi caṅgebhyo hema-lakṣa-trayaṃ dadau //

tatas te sukhitās tatra tasthur vismṛtakacchapāḥ /
pitur vighnitayajñārthaphalopārjitapātakāḥ // SoKs_12,15.47 [= Vet_8]

tatas te sukhitās tatra tasthur vismṛta-kacchapāḥ / pitur vighnita-yajña-artha-phala-upārjita-pātakāḥ //

ity ākhyāya kathādbhutam aṃsaniṣaṇṇaḥ punaḥ sa vetālaḥ /
papraccha taṃ trivikramasenaṃ pṛthvīpatiṃ praśnam // SoKs_12,15.48 [= Vet_8]

ity ākhyāya kathā-adbhutam aṃsa-niṣaṇṇaḥ punaḥ sa vetālaḥ / papraccha taṃ trivikramasenaṃ pṛthvī-patiṃ praśnam //

rājan vicintya śāpaṃ pūrvoktaṃ brūhi me tvam eteṣām /
bhojananārīśayyācaṅgānāṃ ko 'dhikaś caṅgaḥ // SoKs_12,15.49 [= Vet_8]

rājan vicintya śāpaṃ pūrva uktaṃ brūhi me tvam eteṣām / bhojana-nārī-śayyā-caṅgānāṃ ko 'dhikaś caṅgaḥ //

tac chrutvaiva sa dhīmān vetālaṃ pratyuvāca taṃ nṛpatiḥ /
aham eṣāṃ niḥkaitavam adhikaṃ jānāmi tūlikācaṅgam // SoKs_12,15.50 [= Vet_8]

tac chrutva aiva sa dhīmān vetālaṃ pratyuvāca taṃ nṛ-patiḥ / aham eṣāṃ niḥ-kaitavam adhikaṃ jānāmi tūlikā-caṅgam //

yasyāṅge pratyakṣaṃ vālapratibimbam udgataṃ dṛṣṭam /
itarābhyāṃ hi bhavet tat pūrvaṃ jātv anyato 'vagatam // SoKs_12,15.51 [= Vet_8]

yasya aṅge pratyakṣaṃ vāla-pratibimbam udgataṃ dṛṣṭam / itarābhyāṃ hi bhavet tat pūrvaṃ jātv anyato 'vagatam //

iti tasyoktavato 'ṃsād vetālo bhūpater yayau prāgvat /
so 'pi tathaiva ca rājā tam anvayāsīd anirviṇṇaḥ // SoKs_12,15.52 [= Vet_8]

iti tasya uktavato 'ṃsād vetālo bhū-pater yayau prāgvat / so 'pi tatha aiva ca rājā tam anvayā asīd anirviṇṇaḥ //

tato gatvā punas tasmāc chiṃśapāpādapān nṛpaḥ /
sa trivikramasenas taṃ skandhe vetālam agrahīt // SoKs_12,16.1 [= Vet_9]

tato gatvā punas tasmāc chiṃśapā-pāda-pān nṛ-paḥ / sa trivikramasenas taṃ skandhe vetālam agrahīt //

prasthitaś ca tatas tena vetālenābhyadhāyi saḥ /
rājan kva rājyaṃ kvaitasmiñ śmaśāne bhramaṇaṃ niśi // SoKs_12,16.2 [= Vet_9]

prasthitaś ca tatas tena vetālena abhyadhāyi saḥ / rājan kva rājyaṃ kva etasmiñ śmaśāne bhramaṇaṃ niśi //

kim etan nekṣase bhūtasaṃkulaṃ rātribhīṣaṇam /
citādhūmair iva dhvāntair niruddhaṃ pitṛkānanam // SoKs_12,16.3 [= Vet_9]

kim etan nā ikṣase bhūta-saṃkulaṃ rātri-bhīṣaṇam / citā-dhūmair iva dhvāntair niruddhaṃ pitṛ-kānanam //

kaṣṭaṃ kīdṛg graho 'yaṃ te bhikṣos tasyānurodhataḥ /
tad idaṃ śṛṇu tāvan me praśnaṃ mārgavinodanam // SoKs_12,16.4 [= Vet_9]

kaṣṭaṃ kīdṛg graho 'yaṃ te bhikṣos tasya anurodhataḥ / tad idaṃ śṛṇu tāvan me praśnaṃ mārga-vinodanam //

avantiṣv asti nagarī yugādau devanirmitā /
śaivī tanur ivoddāmabhogibhūtivibhūṣitā // SoKs_12,16.5 [= Vet_9]

avantiṣv asti nagarī yuga-ādau deva-nirmitā / śaivī tanur iva uddāma-bhogi-bhūti-vibhūṣitā //

padmāvatī bhogavatī yā hiraṇyavatīti ca /
kṛtādiṣu triṣu khyātā kalāv ujjayinīti ca // SoKs_12,16.6 [= Vet_9]

padmāvatī bhogavatī yā hiraṇyavati īti ca / kṛta-ādiṣu triṣu khyātā kalāv ujjayini īti ca //

tasyāṃ ca vīradevākhyo rājābhūd bhūbhṛtāṃ varaḥ /
tasya padmaratir nāma mahādevī babhūva ca // SoKs_12,16.7 [= Vet_9]

tasyāṃ ca vīradeva-ākhyo rāja ābhūd bhū-bhṛtāṃ varaḥ / tasya padmaratir nāma mahā-devī babhūva ca //

so 'tha rājā tayā sākaṃ gatvā mandākinītaṭe /
haram ārādhayāmāsa tapasā putrakāmyayā // SoKs_12,16.8 [= Vet_9]

so 'tha rājā tayā sākaṃ gatvā mandākinī-taṭe / haram ārādhayāmāsa tapasā putra-kāmyayā //

ciraṃ tapaḥsthitaś cātra parituṣṭeśvaroditām /
kṛtasnānārcanavidhiḥ śuśrāvemāṃ giraṃ divaḥ // SoKs_12,16.9 [= Vet_9]

ciraṃ tapaḥ-sthitaś ca atra parituṣṭa-īśvara-uditām / kṛta-snāna-arcana-vidhiḥ śuśrāva imāṃ giraṃ divaḥ //

rājann utpatsyate putraḥ śūras tava kulodbhavaḥ /
Kanyā cānanyasāmānyalāvaṇyanyakkṛtāpsarāḥ // SoKs_12,16.10 [= Vet_9]

rājann utpatsyate putraḥ śūras tava kula-udbhavaḥ / Kanyā ca an-anya-sāmānya-lāvaṇya-nyak-kṛta-apsarāḥ //

śrutvaitāṃ nābhasīṃ vāṇīṃ siddhābhīṣṭaḥ sa bhūpatiḥ /
vīradevaḥ svanagarīm āyayau mahiṣīsakhaḥ // SoKs_12,16.11 [= Vet_9]

śrutva aitāṃ nābhasīṃ vāṇīṃ siddha-abhīṣṭaḥ sa bhū-patiḥ / vīradevaḥ sva-nagarīm āyayau mahiṣī-sakhaḥ //

tatrāsya śūradevākhye jāte prathamam ātmaje /
tasyāṃ padmaratau devyāṃ kramād ajani kanyakā // SoKs_12,16.12 [= Vet_9]

tatra asya śūradeva-ākhye jāte prathamam ātma-je / tasyāṃ padmaratau devyāṃ kramād ajani kanyakā //

anaṅgasyāpi rūpeṇa ratim utpādayed iyam /
ity anaṅgaratir nāmnā pitrā tena vyadhāyi sā // SoKs_12,16.13 [= Vet_9]

anaṅgasya api rūpeṇa ratim utpādayed iyam / ity anaṅgaratir nāmnā pitrā tena vyadhāyi sā //

vṛddhiṃ gatāyās tasyāś ca sa pitā sadṛśaṃ varam /
prepsur ānāyayat pṛthvyāṃ paṭeṣu likhithān nṛpān // SoKs_12,16.14 [= Vet_9]

vṛddhiṃ gatāyās tasyāś ca sa pitā sadṛśaṃ varam / prepsur ānāyayat pṛthvyāṃ paṭeṣu likhithān nṛ-pān //

teṣv eko 'pi na yat tasya tattulyaḥ pratyabhāsata /
tena rājā sa vātsalyāt tāṃ sutāṃ pratyabhāṣata // SoKs_12,16.15 [= Vet_9]

teṣv eko 'pi na yat tasya tat-tulyaḥ pratyabhāsata / tena rājā sa vātsalyāt tāṃ sutāṃ pratyabhāṣata //

ahaṃ tāvan na paśyāmi sadṛśaṃ putri te varam /
tat kuruṣva nṛpān sarvān melayitvā svayamvaram // SoKs_12,16.16 [= Vet_9]

ahaṃ tāvan na paśyāmi sadṛśaṃ putri te varam / tat kuruṣva nṛ-pān sarvān melayitvā svayam-varam //

etat pitṛvacaḥ śrutvā rājaputrī jagāda sā /
tāta svayamvaraṃ kartuṃ hrepaṇān nāham utsahe // SoKs_12,16.17 [= Vet_9]

etat pitṛ-vacaḥ śrutvā rāja-putrī jagāda sā / tāta svayam-varaṃ kartuṃ hrepaṇān na aham utsahe //

kiṃ tv ekaṃ vetti yo 'pūrvaṃ vijñānaṃ svākṛtir yuvā /
tasmai tvayāhaṃ dātavyā nārtho 'nyenādhikena me // SoKs_12,16.18 [= Vet_9]

kiṃ tv ekaṃ vetti yo '-pūrvaṃ vijñānaṃ svākṛtir yuvā / tasmai tvaya āhaṃ dātavyā na artho 'nyena adhikena me //

ity anaṅgarates tasyāḥ śrutvā svaduhitur vacaḥ /
tādṛśaṃ tadvaraṃ yāvad anviṣyati sa bhūpatiḥ // SoKs_12,16.19 [= Vet_9]

ity anaṅgarates tasyāḥ śrutvā sva-duhitur vacaḥ / tādṛśaṃ tad-varaṃ yāvad anviṣyati sa bhū-patiḥ //

tāvat tallokato buddhvā catvāras tam upāyayuḥ /
vīrā vijñānino bhavyāḥ puruṣā dakṣiṇāpathāt // SoKs_12,16.20 [= Vet_9]

tāvat tal-lokato buddhvā catvāras tam upāyayuḥ / vīrā vijñānino bhavyāḥ puruṣā dakṣiṇā-pathāt //

te rājñā pūjitās tasmai svaṃ svaṃ vijñānam ekaśaḥ /
śaśaṃsuḥ saṃnidhau tasyā rājaputryās tadarthinaḥ // SoKs_12,16.21 [= Vet_9]

te rājñā pūjitās tasmai svaṃ svaṃ vijñānam ekaśaḥ / śaśaṃsuḥ saṃnidhau tasyā rāja-putryās tad-arthinaḥ //

eko jagāda śūdro 'ham ākhyayā pañcapaṭṭikaḥ /
pañcāgryavastrayugmāni karomy eko 'ham anvaham // SoKs_12,16.22 [= Vet_9]

eko jagāda śūdro 'ham ākhyayā pañcapaṭṭikaḥ / pañca-agrya-vastra-yugmāni karomy eko 'ham anvaham //

tebhya ekaṃ prayacchāmi devāyaikaṃ dvijanmane /
ekaṃ ca parigṛhṇāmi vāsasor ātmanaḥ kṛte // SoKs_12,16.23 [= Vet_9]

tebhya ekaṃ prayacchāmi devāya ekaṃ dvijanmane / ekaṃ ca parigṛhṇāmi vāsasor ātmanaḥ kṛte //

ekaṃ dadāmi bhāryāyai yadi sā bhavatīha me /
ekaṃ vikrīya cāhārapānādi vidadhāmy aham // SoKs_12,16.24 [= Vet_9]

ekaṃ dadāmi bhāryāyai yadi sā bhavati iha me / ekaṃ vikrīya cā ahāra-pāna-ādi vidadhāmy aham //

evaṃ vijñānine 'naṅgaratir me dīyatām iti /
ity ekenodite tena dvitīyaḥ puruṣo 'bravīt // SoKs_12,16.25 [= Vet_9]

evaṃ vijñānine 'naṅgaratir me dīyatām iti / ity ekena udite tena dvitīyaḥ puruṣo 'bravīt //

bhāṣājño nāma vaiśyo 'haṃ sarveṣāṃ mṛgapakṣiṇām /
rutaṃ vedmi tad eṣā me rājaputrī pradīyatām // SoKs_12,16.26 [= Vet_9]

bhāṣājño nāma vaiśyo 'haṃ sarveṣāṃ mṛga-pakṣiṇām / rutaṃ vedmi tad eṣā me rāja-putrī pradīyatām //

evam ukte dvitīyena tṛtīyaḥ proktavāṃs tataḥ /
ahaṃ khaḍgadharo nāma doḥśālī kṣatriyo nṛpa // SoKs_12,16.27 [= Vet_9]

evam ukte dvitīyena tṛtīyaḥ proktavāṃs tataḥ / ahaṃ khaḍgadharo nāma doḥ-śālī kṣatriyo nṛ-pa //

na khaḍgavidyāvijñāne pratimallo 'sti me kṣitau /
tad eṣā tanayā rājaṃs tvayā mahyaṃ vitīryatām // SoKs_12,16.28 [= Vet_9]

na khaḍga-vidyā-vijñāne pratimallo 'sti me kṣitau / tad eṣā tanayā rājaṃs tvayā mahyaṃ vitīryatām //

ity ukte tu tṛtīyena caturtha idam abhyadhāt /
vipro 'haṃ jīvadattākhyo vijñānaṃ ca mamedṛśam // SoKs_12,16.29 [= Vet_9]

ity ukte tu tṛtīyena caturtha idam abhyadhāt / vipro 'haṃ jīvadatta-ākhyo vijñānaṃ ca mamā idṛśam //

jantūṃ mṛtān apy ānīya darśayāmy āśu jīvataḥ /
tadvīracaryāsiddhaṃ māṃ patim eṣā prapadyatām // SoKs_12,16.30 [= Vet_9]

jantūṃ mṛtān apy ānīya darśayāmy āśu jīvataḥ / tad-vīra-caryā-siddhaṃ māṃ patim eṣā prapadyatām //

evaṃ vaktṝn sa tān paśyan divyaveṣākṛtīn nṛpaḥ /
vīradevaḥ sutāyukto dolārūḍha ivābhavat // SoKs_12,16.31 [= Vet_9]

evaṃ vaktṝn sa tān paśyan divya-veṣa-ākṛtīn nṛ-paḥ / vīradevaḥ sutā-yukto dolā-ārūḍha iva abhavat //

ity ākhyāya kathām etāṃ vetālaḥ pṛṣṭavān nṛpam /
sa trivikramasenaṃ taṃ dattapūrvoktaśāpabhīḥ // SoKs_12,16.32 [= Vet_9]

ity ākhyāya kathām etāṃ vetālaḥ pṛṣṭavān nṛ-pam / sa trivikramasenaṃ taṃ datta-pūrva-ukta-śāpa-bhīḥ //

tad bhavān vaktu tāvan me kasmai deyā viśāmpate /
teṣāṃ caturṇāṃ madhyāt sā kanyānaṅgaratir bhavet // SoKs_12,16.33 [= Vet_9]

tad bhavān vaktu tāvan me kasmai deyā viśām-pate / teṣāṃ caturṇāṃ madhyāt sā kanya ānaṅgaratir bhavet //

etac chrutvā sa rājā taṃ vetālaṃ pratyabhāṣata /
maunaṃ tyājayati prāyaḥ kālakṣepāya māṃ bhavān // SoKs_12,16.34 [= Vet_9]

etac chrutvā sa rājā taṃ vetālaṃ pratyabhāṣata / maunaṃ tyājayati prāyaḥ kāla-kṣepāya māṃ bhavān //

anyathā gahanaḥ ko 'yaṃ praśno yogeśvarocyatām /
śūdrāya hi kuvindāya kṣatriyā dīyate katham // SoKs_12,16.35 [= Vet_9]

anyathā gahanaḥ ko 'yaṃ praśno yoga-īśvara ucyatām / śūdrāya hi kuvindāya kṣatriyā dīyate katham //

vaiśyāyāpi kathaṃ deyā kṣatriyā yac ca tad gatam /
mṛgādibhāṣāvijñānaṃ kārye tat kvopayujyate // SoKs_12,16.36 [= Vet_9]

vaiśyāya api kathaṃ deyā kṣatriyā yac ca tad gatam / mṛga-ādi-bhāṣā-vijñānaṃ kārye tat kva upayujyate //

yo 'pi vipras tṛtīyo 'tra tenāpi patitena kim /
svakarmapracyutenendrajālinā vīramāninā // SoKs_12,16.37 [= Vet_9]

yo 'pi vipras tṛtīyo 'tra tena api patitena kim / sva-karma-pracyutena indra-jālinā vīra-māninā //

tasmāt tasmai kṣatriyāya caturthāya samāya sā /
deyā khaḍgadharāyaiva svavidyāvīryaśāline // SoKs_12,16.38 [= Vet_9]

tasmāt tasmai kṣatriyāya caturthāya samāya sā / deyā khaḍgadharāya eva sva-vidyā-vīrya-śāline //

etat tasya vaco niśamya nṛpater aṃsasthalāt pūrvavat
vetālaḥ sa jagāma yogabalataḥ svasthānam evāśu tat /
bhūpālo 'pi sa taṃ tathaiva punar apy ānetum anvag yayau
utsāhaikaghane hi vīrahṛdaye nāpnoti khedo 'ntaram // SoKs_12,16.39 [= Vet_9]

etat tasya vaco niśamya nṛ-pater aṃsa-sthalāt pūrvavat vetālaḥ sa jagāma yoga-balataḥ sva-sthānam evā aśu tat / bhū-pālo 'pi sa taṃ tatha aiva punar apy ānetum anvag yayau utsāha-eka-ghane hi vīra-hṛdaye nā apnoti khedo 'ntaram //

sa trivikramaseno 'tha gatvā taṃ śiṃśapātaroḥ /
rājā jagrāha vetālaṃ punar aṃse cacāla ca // SoKs_12,17.1 [= Vet_10]

sa trivikramaseno 'tha gatvā taṃ śiṃśapā-taroḥ / rājā jagrāha vetālaṃ punar aṃse cacāla ca //

prayāntaṃ ca tam āha sma vetālaḥ so 'ṃsapṛṣṭhagaḥ /
śrānto 'si rājaṃs tad imāṃ śṛṇu śramaharāṃ kathām // SoKs_12,17.2 [= Vet_10]

prayāntaṃ ca tam āha sma vetālaḥ so 'ṃsa-pṛṣṭha-gaḥ / śrānto 'si rājaṃs tad imāṃ śṛṇu śrama-harāṃ kathām //

abhūt sakalabhūpālamastakanyastaśāsanaḥ /
vīrabāhur iti khyāto nāmnā pārthivasattamaḥ // SoKs_12,17.3 [= Vet_10]

abhūt sakala-bhū-pāla-mastaka-nyasta-śāsanaḥ / vīrabāhur iti khyāto nāmnā pārthiva-sattamaḥ //

tasyānaṅgapuraṃ nāma babhūva nagarottamam /
tatrāsīd arthadattākhyaḥ sārthavāho mahādhanaḥ // SoKs_12,17.4 [= Vet_10]

tasya anaṅgapuraṃ nāma babhūva nagara-uttamam / tatrā asīd arthadatta-ākhyaḥ sārtha-vāho mahā-dhanaḥ //

tasyāsīd dhanadattākhyajyeṣṭhaputrakanīyasī /
sutā madanaseneti kanyāratnaṃ vaṇikpateḥ // SoKs_12,17.5 [= Vet_10]

tasyā asīd dhanadatta-ākhya-jyeṣṭha-putra-kanīyasī / sutā madanasena īti kanyā-ratnaṃ vaṇik-pateḥ //

tām ekadā nijodyāne krīḍantīṃ sasakhījanām /
dadarśa dharmadattākhyo bhrātṛmitraṃ vaṇiksutaḥ // SoKs_12,17.6 [= Vet_10]

tām ekadā nija-udyāne krīḍantīṃ sa-sakhī-janām / dadarśa dharmadatta-ākhyo bhrātṛ-mitraṃ vaṇik-sutaḥ //

sa tām ālokya lāvaṇyarasaniḥbharaniḥjharām /
ālakṣya kucakumbhāgrāṃ valitrayataraṅgitām // SoKs_12,17.7 [= Vet_10]

sa tām ālokya lāvaṇya-rasa-niḥ-bhara-niḥ-jharām / ālakṣya kuca-kumbha-agrāṃ vali-traya-taraṅgitām //

yauvanadviradasyeva krīḍāmajjanavāpikām /
sadyo 'bhūt smarabāṇaughasaṃtāpahṛtacetanaḥ // SoKs_12,17.8 [= Vet_10]

yauvana-dviradasya iva krīḍā-majjana-vāpikām / sadyo 'bhūt smara-bāṇa-ogha-saṃtāpa-hṛta-cetanaḥ //

aho dhārādhirūḍhena rūpeṇa dyotitāmunā /
iyaṃ me mānasaṃ bhettuṃ bhallī māreṇa nirmitā // SoKs_12,17.9 [= Vet_10]

aho dhārā-adhirūḍhena rūpeṇa dyotita āmunā / iyaṃ me mānasaṃ bhettuṃ bhallī māreṇa nirmitā //

ity ādi yāvad dhyāyan sa nirvarṇayati tāṃ ciram /
tāvat tasyāticakrāma cakrāhvasyeva vāsaraḥ // SoKs_12,17.10 [= Vet_10]

ity ādi yāvad dhyāyan sa nirvarṇayati tāṃ ciram / tāvat tasya aticakrāma cakrāhvasya iva vāsaraḥ //

tato madanasenā sā viveśa svagṛhāntaram /
cittaṃ ca dharmadattasya tadanālokanavyathā // SoKs_12,17.11 [= Vet_10]

tato madanasenā sā viveśa sva-gṛha-antaram / cittaṃ ca dharmadattasya tad-anālokana-vyathā //

tada-darśanaduḥkhāgnisaṃtāpeneva ca jvalan /
lohito nipapātāśu bhāsvān apy aparāmbudhau // SoKs_12,17.12 [= Vet_10]

tad-a-darśana-duḥkha-agni-saṃtāpena iva ca jvalan / lohito nipapātā aśu bhāsvān apy apara-ambudhau //

tāṃ vijñāyaiva sumukhīṃ naktam abhyantare gatām /
udiyāya śanaiś candras tanmukhābjavinirjitaḥ // SoKs_12,17.13 [= Vet_10]

tāṃ vijñāya eva su-mukhīṃ naktam abhyantare gatām / udiyāya śanaiś candras tan-mukha-abja-vinirjitaḥ //

tāvad gatvā gṛhaṃ tāṃ sa dharmadatto 'nucintayan /
tasthau nipatya śayane candrapādāhato luṭhan // SoKs_12,17.14 [= Vet_10]

tāvad gatvā gṛhaṃ tāṃ sa dharmadatto 'nucintayan / tasthau nipatya śayane candra-pāda-āhato luṭhan //

yatnena pṛcchyamāno 'pi sakhibhir bandhubhis tathā /
na kimcit kathayāmāsa smaragrahavimohitaḥ // SoKs_12,17.15 [= Vet_10]

yatnena pṛcchyamāno 'pi sakhibhir bandhubhis tathā / na kimcit kathayāmāsa smara-graha-vimohitaḥ //

niśi kṛcchrāc ca saṃprāptanidraḥ svapne tathaiva tām /
paśyann anunayan kāntāṃ kiṃ kiṃ cakre na sotsukaḥ // SoKs_12,17.16 [= Vet_10]

niśi kṛcchrāc ca saṃprāpta-nidraḥ svapne tatha aiva tām / paśyann anunayan kāntāṃ kiṃ kiṃ cakre na sotsukaḥ //

prātaḥ prabuddho gatvā ca dadarśaikākinīṃ rahaḥ /
sakhīṃ pratīkṣamānāṃ tāṃ tatrodyānasthitāṃ punaḥ // SoKs_12,17.17 [= Vet_10]

prātaḥ prabuddho gatvā ca dadarśa ekākinīṃ rahaḥ / sakhīṃ pratīkṣamānāṃ tāṃ tatra udyāna-sthitāṃ punaḥ //

upetya ca pariṣvaṅgalālasaḥ premapeśalaiḥ /
tām upacchandayāmāsa vacobhiś caraṇānataḥ // SoKs_12,17.18 [= Vet_10]

upetya ca pariṣvaṅga-lālasaḥ prema-peśalaiḥ / tām upacchandayāmāsa vacobhiś caraṇa-ānataḥ //

kanyāhaṃ paradārāś ca na tavāsmīha saṃpratam /
pitrā samudradattāya dattāhaṃ vaṇije yataḥ // SoKs_12,17.19 [= Vet_10]

kanya āhaṃ paradārāś ca na tava asmi iha saṃpratam / pitrā samudradattāya datta āhaṃ vaṇije yataḥ //

dinaiḥ katipayair eva vivāho bhavitā ca me /
tad gaccha tūṣṇīṃ mā kaścit paśyed doṣo bhavet tataḥ // SoKs_12,17.20 [= Vet_10]

dinaiḥ katipayair eva vivāho bhavitā ca me / tad gaccha tūṣṇīṃ mā kaścit paśyed doṣo bhavet tataḥ //

ity uktaḥ sa tayāty arthaṃ dharmadatto jagāda tām /
yad astu me na jīveyaṃ vinā hi bhavatīm aham // SoKs_12,17.21 [= Vet_10]

ity uktaḥ sa taya āty arthaṃ dharmadatto jagāda tām / yad astu me na jīveyaṃ vinā hi bhavatīm aham //

tac chrutvā sā vāṇikkanyā balātkārabhayākulā /
tam uvāca vivāho me tāvat saṃpadyatām iha // SoKs_12,17.22 [= Vet_10]

tac chrutvā sā vāṇik-kanyā balāt-kāra-bhaya-ākulā / tam uvāca vivāho me tāvat saṃpadyatām iha //

kanyādānaphalaṃ tātaḥ prāpnotu cirakāṅkṣitam /
tato 'haṃ tvām upaiṣyāmi niḥcitaṃ praṇayārjitā // SoKs_12,17.23 [= Vet_10]

kanyā-dāna-phalaṃ tātaḥ prāpnotu cira-kāṅkṣitam / tato 'haṃ tvām upaiṣyāmi niḥ-citaṃ praṇaya-arjitā //

śrutvaitat so 'bravīn neṣṭā hy anyapūrvā mama priyā /
parabhukte hi kamale kim aler jāyate ratiḥ // SoKs_12,17.24 [= Vet_10]

śrutva aitat so 'bravīn na iṣṭā hy anya-pūrvā mama priyā / para-bhukte hi kamale kim aler jāyate ratiḥ //

ity uktā tena sāvādīt kṛtodvāhaiva tarhy aham /
pūrvaṃ tvām upayāsyāmi tato 'bhyeṣyāmi taṃ patim // SoKs_12,17.25 [= Vet_10]

ity uktā tena sa āvādīt kṛta-udvāha aiva tarhy aham / pūrvaṃ tvām upayāsyāmi tato 'bhyeṣyāmi taṃ patim //

evam uktavatīṃ tasmin nojjhati pratyayaṃ vinā /
vaṇikputre saśapathaṃ satyavācaṃ babandha sā // SoKs_12,17.26 [= Vet_10]

evam uktavatīṃ tasmin na ujjhati pratyayaṃ vinā / vaṇik-putre sa-śapathaṃ satya-vācaṃ babandha sā //

tatas tenojjhatā vignā sā viveśa svamandiram /
prāpte ca lagnadivase niḥvṛttodvāhamaṅgalā // SoKs_12,17.27 [= Vet_10]

tatas tena ujjhatā vignā sā viveśa sva-mandiram / prāpte ca lagna-divase niḥ-vṛtta-udvāha-maṅgalā //

gatvā patigṛhaṃ nītvā sotsavena ca taddinam /
sā patyā samam adhyāsta śayanīyagṛhaṃ niśi // SoKs_12,17.28 [= Vet_10]

gatvā pati-gṛhaṃ nītvā sotsavena ca tad-dinam / sā patyā samam adhyāsta śayanīya-gṛhaṃ niśi //

tatra śayyāniṣaṇṇāpi na tasya pratyapadyata /
patyuḥ samudradattasya pariṣvaṅgam asaṃmukhī // SoKs_12,17.29 [= Vet_10]

tatra śayyā-niṣaṇṇa āpi na tasya pratyapadyata / patyuḥ samudradattasya pariṣvaṅgam asaṃmukhī //

tenānunīyamānāpi yad udaśrur babhūva sā /
tat sa nābhimato 'smy asyā nūnam ity akarod dhṛdi // SoKs_12,17.30 [= Vet_10]

tena anunīyamāna āpi yad udaśrur babhūva sā / tat sa na abhimato 'smy asyā nūnam ity akarod dhṛdi //

jagāda cānabhimato yady ahaṃ tava sundari /
tan me nārthas tvayā gaccha yaḥ priyas tava taṃ prati // SoKs_12,17.31 [= Vet_10]

jagāda ca anabhimato yady ahaṃ tava sundari / tan me na arthas tvayā gaccha yaḥ priyas tava taṃ prati //

tac chrutvā sā natamukhī śanair evam uvāca tam /
tvaṃ me prāṇādhikaḥ preyān vijñaptiṃ kiṃ tu me śṛṇu // SoKs_12,17.32 [= Vet_10]

tac chrutvā sā nata-mukhī śanair evam uvāca tam / tvaṃ me prāṇa-adhikaḥ preyān vijñaptiṃ kiṃ tu me śṛṇu //

anutiṣṭha saharṣaṃ ca prayaccha ca mamābhayam /
kuruṣva śapathaṃ yāvad āryaputra vadāmi te // SoKs_12,17.33 [= Vet_10]

anutiṣṭha saharṣaṃ ca prayaccha ca mama abhayam / kuruṣva śapathaṃ yāvad ārya-putra vadāmi te //

evam uktavatī kṛcchrāt tathā tena kṛte punaḥ /
salajjaṃ saviṣādaṃ ca sabhayaṃ ca jagāda sā // SoKs_12,17.34 [= Vet_10]

evam uktavatī kṛcchrāt tathā tena kṛte punaḥ / sa-lajjaṃ sa-viṣādaṃ ca sabhayaṃ ca jagāda sā //

ekākinīṃ gṛhodyāne dṛṣṭvā mām ekadā yuvā /
aruṇad dharmadattākhyaḥ sakhā bhrātuḥ smarāturaḥ // SoKs_12,17.35 [= Vet_10]

ekākinīṃ gṛha-udyāne dṛṣṭvā mām ekadā yuvā / aruṇad dharmadatta-ākhyaḥ sakhā bhrātuḥ smara-āturaḥ //

rakṣantyā saparīvādaṃ kanyādānaphalaṃ pituḥ /
mayā haṭhapravṛttasya tasya vāksaṃyamaḥ kṛtaḥ // SoKs_12,17.36 [= Vet_10]

rakṣantyā sa-parīvādaṃ kanyā-dāna-phalaṃ pituḥ / mayā haṭha-pravṛttasya tasya vāk-saṃyamaḥ kṛtaḥ //

pūrvaṃ kṛtavivāhā tvām upaiṣyāmi tataḥ priyam /
tan me satyavacaḥ pālyam anumanyasva tat prabho // SoKs_12,17.37 [= Vet_10]

pūrvaṃ kṛta-vivāhā tvām upaiṣyāmi tataḥ priyam / tan me satya-vacaḥ pālyam anumanyasva tat prabho //

yāvat tan nikaṭaṃ gatvā kṣaṇenopaimi te 'ntikam /
na hi śaknomy atikrāntuṃ satyam ābālya sevitam // SoKs_12,17.38 [= Vet_10]

yāvat tan nikaṭaṃ gatvā kṣaṇena upaimi te 'ntikam / na hi śaknomy atikrāntuṃ satyam ā-bālya sevitam //

iti tasyā vacaḥvajrapātena sahasā hataḥ /
samudradattaḥ satyena baddhaḥ kṣaṇam acintayat // SoKs_12,17.39 [= Vet_10]

iti tasyā vacaḥ-vajra-pātena sahasā hataḥ / samudradattaḥ satyena baddhaḥ kṣaṇam acintayat //

aho dhig anyarakteyaṃ gantavyaṃ dhruvam etayā /
tatsatyaṃ hanmi kiṃ yātu ko 'syāḥ pariṇayagrahaḥ // SoKs_12,17.40 [= Vet_10]

aho dhig anya-rakta īyaṃ gantavyaṃ dhruvam etayā / tat-satyaṃ hanmi kiṃ yātu ko 'syāḥ pariṇaya-grahaḥ //

ity ālocyānumene tāṃ yatheṣṭagamanāya saḥ /
sāpy utthāya tatas tasmān niryayau pativeśmanaḥ // SoKs_12,17.41 [= Vet_10]

ity ālocya anumene tāṃ yathā-iṣṭa-gamanāya saḥ / sa āpy utthāya tatas tasmān niryayau pati-veśmanaḥ //

tāvad atrodayādrīndraharmyāgraṃ himadīdhitiḥ /
āruroha karākrāntahasatpūrvadigaṅganaḥ // SoKs_12,17.42 [= Vet_10]

tāvad atra udaya-adri-indra-harmya-agraṃ hima-dīdhitiḥ / āruroha kara-ākrānta-hasat-pūrva-dig-aṅganaḥ //

tatas tamaḥsv apy āśliṣya sthiteṣv adridarī priyāḥ /
sevamāneṣu bhṛṅgeṣv apy aparaṃ kumudākaram // SoKs_12,17.43 [= Vet_10]

tatas tamaḥsv apy āśliṣya sthiteṣv adridarī priyāḥ / sevamāneṣu bhṛṅgeṣv apy aparaṃ kumuda-ākaram //

yāntī madanasenā sā mārge dṛṣṭvaikakā niśi /
caureṇādhāvya kenāpi rurudhe vasanāñcale // SoKs_12,17.44 [= Vet_10]

yāntī madanasenā sā mārge dṛṣṭva aikakā niśi / caureṇā adhāvya kena api rurudhe vasana-añcale //

kā tvaṃ brūhi kva yāsīti tenoktā bibhyatī ca sā /
uvāca kiṃ tavānena muñca kāryam ihāsti me // SoKs_12,17.45 [= Vet_10]

kā tvaṃ brūhi kva yāsi iti tena uktā bibhyatī ca sā / uvāca kiṃ tava anena muñca kāryam iha asti me //

tataś cauro 'bravīn mattaś caurāt tvaṃ mucyase katham /
tac chrutvā sāvadat taṃ ca gṛhāṇābharaṇāni me // SoKs_12,17.46 [= Vet_10]

tataś cauro 'bravīn mattaś caurāt tvaṃ mucyase katham / tac chrutvā sa āvadat taṃ ca gṛhāṇā abharaṇāni me //

atha cauro 'bhyadhān mugdhe kim ebhir upalair mama /
candrakāntānanāṃ tārkṣyaratnāsitaśiraḥruhām // SoKs_12,17.47 [= Vet_10]

atha cauro 'bhyadhān mugdhe kim ebhir upalair mama / candra-kānta-ānanāṃ tārkṣya-ratna-asita-śiraḥ-ruhām //

vajramadhyāṃ suvarṇāṅgīṃ padmarāgāṅghrihāriṇīm /
jagadābharaṇaṃ naiva mokṣyāmi bhavatīm aham // SoKs_12,17.48 [= Vet_10]

vajra-madhyāṃ su-varṇa-aṅgīṃ padma-rāga-aṅghri-hāriṇīm / jagad-ābharaṇaṃ na eva mokṣyāmi bhavatīm aham //

ity uktā tena caureṇa vivaśā sā vaṇiksutā /
ākhyāya nijavṛttāntam evaṃ prārthayate sma tam // SoKs_12,17.49 [= Vet_10]

ity uktā tena caureṇa vivaśā sā vaṇik-sutā / ākhyāya nija-vṛttāntam evaṃ prārthayate sma tam //

kṣamasva me kṣaṇaṃ yāvat kṛtvā satyānupālanam /
ihasthasyaiva te pārśvam āgamiṣyāmi satvaram // SoKs_12,17.50 [= Vet_10]

kṣamasva me kṣaṇaṃ yāvat kṛtvā satya-anupālanam / iha-sthasya eva te pārśvam āgamiṣyāmi satvaram //

nāham ullaṅghayiṣyāmi bhadra satyām imāṃ giram /
śrutvaitat satyasaṃdhāṃ tāṃ matvā cauro mumoca saḥ // SoKs_12,17.51 [= Vet_10]

na aham ullaṅghayiṣyāmi bhadra satyām imāṃ giram / śrutva aitat satya-saṃdhāṃ tāṃ matvā cauro mumoca saḥ //

tasthau pratīkṣamānaś ca tatraiva sa tadāgamam /
sāpi tasyāntikaṃ dharmadattasya vaṇijo yayau // SoKs_12,17.52 [= Vet_10]

tasthau pratīkṣamānaś ca tatra eva sa tad-āgamam / sa āpi tasya antikaṃ dharmadattasya vaṇijo yayau //

sa cābhīṣṭām api prāptāṃ tathā tāṃ vijane sthitām /
dṛṣṭvā pṛṣṭvā yathāvṛttaṃ vicintya kṣaṇam abravīt // SoKs_12,17.53 [= Vet_10]

sa ca abhīṣṭām api prāptāṃ tathā tāṃ vijane sthitām / dṛṣṭvā pṛṣṭvā yathā-vṛttaṃ vicintya kṣaṇam abravīt //

satyena tava tuṣṭo 'smi kiṃ tvayā me parastriyā /
yāvat tvāṃ nekṣate kaścit tāvad gaccha yathāgatam // SoKs_12,17.54 [= Vet_10]

satyena tava tuṣṭo 'smi kiṃ tvayā me parastriyā / yāvat tvāṃ nā ikṣate kaś-cit tāvad gaccha yathā-āgatam //

iti tena parityaktā sā tathety āyayau tataḥ /
caurasya nikaṭaṃ tasya pratipālayataḥ pathi // SoKs_12,17.55 [= Vet_10]

iti tena parityaktā sā tatha īty āyayau tataḥ / caurasya nikaṭaṃ tasya pratipālayataḥ pathi //

brūhi kas te 'tra vṛttānto gatāyā iti pṛcchate /
tasmai sā tena vaṇijā yathā muktā tathābravīt // SoKs_12,17.56 [= Vet_10]

brūhi kas te 'tra vṛttānto gatāyā iti pṛcchate / tasmai sā tena vaṇijā yathā muktā tatha ābravīt //

tataḥ sa cauro 'vādīt tāṃ yady evaṃ tan mayāpy asi /
vimuktā satyatuṣṭena gṛhaṃ sābharaṇā vraja // SoKs_12,17.57 [= Vet_10]

tataḥ sa cauro 'vādīt tāṃ yady evaṃ tan maya āpy asi / vimuktā satya-tuṣṭena gṛhaṃ sābharaṇā vraja //

evaṃ tenāpi sā tyaktā rakṣitā cānuyāyinā /
aluptaśīlā muditā patyur evāyayau gṛham // SoKs_12,17.58 [= Vet_10]

evaṃ tena api sā tyaktā rakṣitā ca anuyāyinā / a-lupta-śīlā muditā patyur evā ayayau gṛham //

tatra guptaṃ praviṣṭā sā prahṛṣṭopāgatā satī /
dṛṣṭvā pṛṣṭavate tasmai patye sarvam avarṇayat // SoKs_12,17.59 [= Vet_10]

tatra guptaṃ praviṣṭā sā prahṛṣṭa ūpāgatā satī / dṛṣṭvā pṛṣṭavate tasmai patye sarvam avarṇayat //

so 'py aluptamukhachāyāṃ tām asaṃbhogalakṣaṇām /
saṃbhāvyābhagnacāritrāṃ satyalābharatāṃ satīm // SoKs_12,17.60 [= Vet_10]

so 'py a-lupta-mukha-chāyāṃ tām asaṃbhoga-lakṣaṇām / saṃbhāvya abhagna-cāritrāṃ satya-lābha-ratāṃ satīm //

adṛṣṭamanasaṃ bhāryām abhinandya kulocitam /
tasthau samudradatto 'tha tayā saha yathāsukham // SoKs_12,17.61 [= Vet_10]

a-dṛṣṭa-manasaṃ bhāryām abhinandya kula-ucitam / tasthau samudradatto 'tha tayā saha yathā-sukham //

iti tatra kathām uktvā pitṛvanabhūmau tadā sa vetālaḥ /
vadati sma taṃ trivikramasenaṃ vasudhādhipaṃ bhūyaḥ // SoKs_12,17.62 [= Vet_10]

iti tatra kathām uktvā pitṛ-vana-bhūmau tadā sa vetālaḥ / vadati sma taṃ trivikramasenaṃ vasu-dhā-adhipaṃ bhūyaḥ //

tad brūhi cauravaṇijām eṣāṃ madhyān narendra kas tyāgī /
jānan yadi na vadiṣyasi vidaliṣyati te śiraḥ śatadhā // SoKs_12,17.63 [= Vet_10]

tad brūhi caura-vaṇijām eṣāṃ madhyān nara-indra kas tyāgī / jānan yadi na vadiṣyasi vidaliṣyati te śiraḥ śatadhā //

tac chrutvā sa mahīpatir ujjhitamaunas tam āha vetālam /
eṣāṃ cauras tyāgī na punar vaṇijāv ubhāv api tau // SoKs_12,17.64 [= Vet_10]

tac chrutvā sa mahī-patir ujjhita-maunas tam āha vetālam / eṣāṃ cauras tyāgī na punar vaṇijāv ubhāv api tau //

yo hi patis tām ajahād atyājyāṃ tādṛśīṃ vivāhy api /
kulajaḥ so 'nyāsaktāṃ bhāryāṃ jānan kathaṃ vahatu // SoKs_12,17.65 [= Vet_10]

yo hi patis tām ajahād atyājyāṃ tādṛśīṃ vivāhy api / kulajaḥ so 'nya-āsaktāṃ bhāryāṃ jānan kathaṃ vahatu //

yo 'py aparaḥ sa bhayāt tām atyākṣīt kālajīrṇasaṃvegaḥ /
viditārtho bhartāsyāḥ prātar brūyān nṛpāyeti // SoKs_12,17.66 [= Vet_10]

yo 'py aparaḥ sa bhayāt tām atyākṣīt kāla-jīrṇa-saṃvegaḥ / vidita-artho bharta āsyāḥ prātar brūyān nṛ-pāya iti //

cauras tu guptacārī nirapekṣaḥ pāpakarmakṛt prāptam /
strīratnaṃ yad amuñcat sābharaṇaṃ tena sa tyāgī // SoKs_12,17.67 [= Vet_10]

cauras tu gupta-cārī nirapekṣaḥ pāpa-karma-kṛt prāptam / strī-ratnaṃ yad amuñcat sābharaṇaṃ tena sa tyāgī //

etac chrutvaivāṃsatas tasya rājño vetālo 'gāt pūrvavat svaṃ padaṃ saḥ /
rājā bhūyo 'py atra saṃprāptum etat prāyād evā-khanḍitoddāmadhairyaḥ // SoKs_12,17.68 [= Vet_10]

etac chrutva aiva aṃsatas tasya rājño vetālo 'gāt pūrvavat svaṃ padaṃ saḥ / rājā bhūyo 'py atra saṃprāptum etat prāyād eva a-khanḍita-uddāma-dhairyaḥ //

tato gatvā punaḥ prāpya śiṃśapāto 'grahīn nṛpaḥ /
sa trivikramaseno 'ṃse vetālaṃ taṃ cacāla ca // SoKs_12,18.1 [= Vet_11]

tato gatvā punaḥ prāpya śiṃśapāto 'grahīn nṛ-paḥ / sa trivikramaseno 'ṃse vetālaṃ taṃ cacāla ca //

āyāntaṃ ca tam aṃsastho vetālaḥ so 'bravīn nṛpam /
rājan vicitrām ekāṃ te varṇayāmi kathāṃ śṛṇu // SoKs_12,18.2 [= Vet_11]

āyāntaṃ ca tam aṃsa-stho vetālaḥ so 'bravīn nṛ-pam / rājan vicitrām ekāṃ te varṇayāmi kathāṃ śṛṇu //

ujjayinyām abhūt pūrvaṃ nāmnā dharmadhvajo nṛpaḥ /
tisras tasyābhavan bhāryā rājaputryo 'tivallabhāḥ // SoKs_12,18.3 [= Vet_11]

ujjayinyām abhūt pūrvaṃ nāmnā dharmadhvajo nṛ-paḥ / tisras tasyā abhavan bhāryā rāja-putryo 'tivallabhāḥ //

ekā tāsv indulekheti tārāvaly aparā tathā /
nāmnā mṛgāṅkavaty anyā niḥsāmānyavapuḥguṇāḥ // SoKs_12,18.4 [= Vet_11]

ekā tāsv indulekha īti tārāvaly aparā tathā / nāmnā mṛgāṅkavaty anyā niḥ-sāmānya-vapuḥ-guṇāḥ //

tābhiḥ sa viharan rājā rājñībhis tisṛbhiḥ saha /
āsāṃcakre kṛtī tatra jitāśeṣaripuḥ sukham // SoKs_12,18.5 [= Vet_11]

tābhiḥ sa viharan rājā rājñībhis tisṛbhiḥ saha / āsāṃcakre kṛtī tatra jita-aśeṣa-ripuḥ sukham //

ekadā tatra saṃprāpte vasantasamayotsave /
priyābhiḥ sahitas tābhir udyānaṃ krīḍituṃ yayau // SoKs_12,18.6 [= Vet_11]

ekadā tatra saṃprāpte vasanta-samaya-utsave / priyābhiḥ sahitas tābhir udyānaṃ krīḍituṃ yayau //

tatrālimālāmaurvīkāḥ paśyan puṣpānatā latāḥ /
cāpayaṣṭīr anaṅgasya madhunā sajjitā iva // SoKs_12,18.7 [= Vet_11]

tatra ali-mālā-maurvīkāḥ paśyan puṣpa-ānatā latāḥ / cāpa-yaṣṭīr anaṅgasya madhunā sajjitā iva //

śṛṇvaṃś ca taddrumāgrasthakokilodīritāṃ giram /
sambhogaikarasasyājñām iva mānasajanmanaḥ // SoKs_12,18.8 [= Vet_11]

śṛṇvaṃś ca tad-druma-agra-stha-kokila-udīritāṃ giram / sam-bhoga-eka-rasasyā ajñām iva mānasa-janmanaḥ //

siṣeve 'ntaḥpuraiḥ sākaṃ sa rājā vāsavopamaḥ /
pānaṃ madasya kaṃdarpajīvitasyāpi jīvitam // SoKs_12,18.9 [= Vet_11]

siṣeve 'ntaḥ-puraiḥ sākaṃ sa rājā vāsava-upamaḥ / pānaṃ madasya kaṃdarpa-jīvitasya api jīvitam //

tanniḥśvāsasugandhīni tadbimbauṣṭharucīni ca /
priyāpītāvaśeṣāṇi piban reme madhūni saḥ // SoKs_12,18.10 [= Vet_11]

tan-niḥ-śvāsa-su-gandhīni tad-bimba-oṣṭha-rucīni ca / priyā-pīta-avaśeṣāṇi piban reme madhūni saḥ //

tatra tasyendulekhāyā rājñaḥ kelikacagrahāt /
tasyāḥ papāta karṇāgrād utsaṅge tvaṅgad utpalam // SoKs_12,18.11 [= Vet_11]

tatra tasya indulekhāyā rājñaḥ keli-kaca-grahāt / tasyāḥ papāta karṇa-agrād utsaṅge tvaṅgad utpalam //

tenorupṛṣṭhe sahasā kṣate jāte 'bhighātaje /
abhijātā mahādevī hā hety uktvā mumūrccha sā // SoKs_12,18.12 [= Vet_11]

tenā uru-pṛṣṭhe sahasā kṣate jāte 'bhighāta-je / abhijātā mahā-devī hā ha īty uktvā mumūrccha sā //

tad dṛṣṭvā vihvalenārtyā rājñā parijanena ca /
samāśvāsyata rājñī sā śanaiḥ śītāmbumārutaiḥ // SoKs_12,18.13 [= Vet_11]

tad dṛṣṭvā vihvalenā artyā rājñā parijanena ca / samāśvāsyata rājñī sā śanaiḥ śīta-ambu-mārutaiḥ //

tato nītvā sa rājā tāṃ rājadhānīṃ bhiṣakkṛtaiḥ /
priyām upācarad divyair āmuktavraṇapaṭṭikām // SoKs_12,18.14 [= Vet_11]

tato nītvā sa rājā tāṃ rāja-dhānīṃ bhiṣak-kṛtaiḥ / priyām upācarad divyair āmukta-vraṇa-paṭṭikām //

rātrau ca susthitāṃ dṛṣṭvā tāṃ sa rājā dvitīyayā /
tārāvalyā sahārohac candraprāsādam īśvaraḥ // SoKs_12,18.15 [= Vet_11]

rātrau ca susthitāṃ dṛṣṭvā tāṃ sa rājā dvitīyayā / tārāvalyā sahā arohac candra-prāsādam īśvaraḥ //

tatra tasyāṅkasuptāyā rājñas tasyā himatviṣaḥ /
karā jālapathaiḥ petur aṅge calitavāsasi // SoKs_12,18.16 [= Vet_11]

tatra tasya aṅka-suptāyā rājñas tasyā hima-tviṣaḥ / karā jāla-pathaiḥ petur aṅge calita-vāsasi //

tataḥ kṣaṇāt prabuddhā sā hā dagdhāsmīti vādinī /
śayanāt sahasottasthau tadaṅgaparimarśinī // SoKs_12,18.17 [= Vet_11]

tataḥ kṣaṇāt prabuddhā sā hā dagdhā-asmi iti vādinī / śayanāt sahasa ūttasthau tad-aṅga-parimarśinī //

kim etad iti saṃbhrāntaḥ prabuddho 'tha dadarśa saḥ /
utthāya rājā visphoṭān aṅge tasyā vinirgatān // SoKs_12,18.18 [= Vet_11]

kim etad iti saṃbhrāntaḥ prabuddho 'tha dadarśa saḥ / utthāya rājā visphoṭān aṅge tasyā vinirgatān //

pṛcchantaṃ sā ca taṃ prāha rājñī tārāvalī tadā /
nagnāṅge patitair indoḥ karair etat kṛtaṃ mama // SoKs_12,18.19 [= Vet_11]

pṛcchantaṃ sā ca taṃ prāha rājñī tārāvalī tadā / nagna-aṅge patitair indoḥ karair etat kṛtaṃ mama //

ity uktavatyāḥ krandantyāḥ sārtir āhvayati sma saḥ /
tasyāḥ parijanaṃ rājā vihvalākuladhāvitam // SoKs_12,18.20 [= Vet_11]

ity uktavatyāḥ krandantyāḥ sa-ārtir āhvayati sma saḥ / tasyāḥ parijanaṃ rājā vihvala-ākula-dhāvitam //

tenāsyāḥ kārayāmāsa sajalair nalinīdalaiḥ /
śayyām adāpayac cāṅge śrīkhaṇḍārdravilepanam // SoKs_12,18.21 [= Vet_11]

tena asyāḥ kārayāmāsa sa-jalair nalinī-dalaiḥ / śayyām adāpayac ca aṅge śrī-khaṇḍa-ārdra-vilepanam //

tāvad buddhvā tṛtīyāsya sā mṛgāṅkavatī priyā /
tatpārśvam āgantumanā niryayau nijamandirāt // SoKs_12,18.22 [= Vet_11]

tāvad buddhvā tṛtīya āsya sā mṛgāṅkavatī priyā / tat-pārśvam āgantu-manā niryayau nija-mandirāt //

nirgatā sāśṛṇot kvāpi gṛhe dhānyāvaghātajam /
niḥśabdāyāṃ niśi vyaktaṃ vidūre musaladhvanim // SoKs_12,18.23 [= Vet_11]

nirgatā sā āśṛṇot kva api gṛhe dhānya-avaghātajam / niḥ-śabdāyāṃ niśi vyaktaṃ vidūre musala-dhvanim //

śrutvaiva hā mṛtāsmīti bruvāṇā dhunvatī karau /
upāviśad vyathākrāntā mārge sā mṛgalocanā // SoKs_12,18.24 [= Vet_11]

śrutva aiva hā mṛtā-asmi iti bruvāṇā dhunvatī karau / upāviśad vyathā-ākrāntā mārge sā mṛga-locanā //

tataḥ pratinivṛtyaiva nītvā parijanena sā /
svam evāntaḥpuraṃ bālā rudatī śayane 'patat // SoKs_12,18.25 [= Vet_11]

tataḥ pratinivṛtya eva nītvā parijanena sā / svam eva antaḥ-puraṃ bālā rudatī śayane 'patat //

dadarśa tatra tasyāś ca cinvan sāśruḥ paricchadaḥ /
ālīnabhramarau padmāv iva hastau kiṇāṅkitau // SoKs_12,18.26 [= Vet_11]

dadarśa tatra tasyāś ca cinvan sa-aśruḥ paricchadaḥ / ālīna-bhramarau padmāv iva hastau kiṇa-aṅkitau //

gatvā ca so 'bravīd rājñe rājāpy āgatya vihvalaḥ /
kim etad iti papraccha so 'tha dharmadhvajaḥ priyām // SoKs_12,18.27 [= Vet_11]

gatvā ca so 'bravīd rājñe rāja āpy āgatya vihvalaḥ / kim etad iti papraccha so 'tha dharmadhvajaḥ priyām //

sāpi pradarśya hastau tam ity uvāca rujānvitā /
śrute musalaśabde me jatāv etau kiṇāṅkitau // SoKs_12,18.28 [= Vet_11]

sa āpi pradarśya hastau tam ity uvāca rujā-anvitā / śrute musala-śabde me jatāv etau kiṇa-aṅkitau //

tataḥ sa dāhaśamanaṃ dāpayāmāsa hastayoḥ /
tasyāś candanalepādi rājādbhutaviṣādavān // SoKs_12,18.29 [= Vet_11]

tataḥ sa dāha-śamanaṃ dāpayāmāsa hastayoḥ / tasyāś candana-lepa-ādi rāja ādbhuta-viṣādavān //

ekasyā utpalenāpi patatā kṣatam āhitam /
dvitīyasyāḥ punar dagdham aṅgaṃ śaśikarair api // SoKs_12,18.30 [= Vet_11]

ekasyā utpalena api patatā kṣatam āhitam / dvitīyasyāḥ punar dagdham aṅgaṃ śaśi-karair api //

ekasyās tu tṛtīyasyāḥ śrutenāpi vinirgatāḥ /
kaṣṭaṃ musalaśabdena hastayor īdṛśāḥ kiṇāḥ // SoKs_12,18.31 [= Vet_11]

ekasyās tu tṛtīyasyāḥ śrutena api vinirgatāḥ / kaṣṭaṃ musala-śabdena hastayor īdṛśāḥ kiṇāḥ //

aho yugapad etāsāṃ preyasīnāṃ mamādhunā /
guṇo 'py atyabhijātatvaṃ jāto doṣāya daivataḥ // SoKs_12,18.32 [= Vet_11]

aho yugapad etāsāṃ preyasīnāṃ mama adhunā / guṇo 'py atyabhijātatvaṃ jāto doṣāya daivataḥ //

iti cintayatas tasya bhramato 'ntaḥpureṣu ca /
triyāmā śatayāmeva kṛcchrāt sā nṛpater yayau // SoKs_12,18.33 [= Vet_11]

iti cintayatas tasya bhramato 'ntaḥ-pureṣu ca / tri-yāmā śata-yāma iva kṛcchrāt sā nṛ-pater yayau //

prātaś ca sa bhiṣakśalyahartṛbhiḥ saha saṃvyadhāt /
tathā yathābhūd acirāt svasthāntaḥpuranirvṛttaḥ // SoKs_12,18.34 [= Vet_11]

prātaś ca sa bhiṣak-śalya-hartṛbhiḥ saha saṃvyadhāt / tathā yatha ābhūd acirāt sva-stha-antaḥ-pura-nirvṛttaḥ //

evam etāṃ kathām uktvā vetālo 'tyadbhutāṃ tadā /
sa trivikramasenaṃ taṃ papracchāṃsasthito nṛpam // SoKs_12,18.35 [= Vet_11]

evam etāṃ kathām uktvā vetālo 'tyadbhutāṃ tadā / sa trivikramasenaṃ taṃ papraccha aṃsa-sthito nṛ-pam //

abhijātataraitāsu rājan rājñīṣu kā vada /
pūrvoktaḥ so 'stu śāpas te jānan yadi na jalpasi // SoKs_12,18.36 [= Vet_11]

abhijātatara aitāsu rājan rājñīṣu kā vada / pūrva-uktaḥ so 'stu śāpas te jānan yadi na jalpasi //

tac chrutvā so 'bravīd rājā sukumāratarātra sā /
aspṛṣṭe musale yasyāḥ śabdenaivodgatāḥ kiṇāḥ // SoKs_12,18.37 [= Vet_11]

tac chrutvā so 'bravīd rājā su-kumāratara ātra sā / aspṛṣṭe musale yasyāḥ śabdena eva udgatāḥ kiṇāḥ //

utpalendukaraiḥ sparśe vṛtte tv itarayor dvayoḥ /
saṃjātā vraṇavisphoṭās tena tasyā na te same // SoKs_12,18.38 [= Vet_11]

utpala-indu-karaiḥ sparśe vṛtte tv itarayor dvayoḥ / saṃjātā vraṇa-visphoṭās tena tasyā na te same //

iti tasyoktavato 'ṃsād rājño bhūyo jagāma sa svapadam /
vetālaḥ sa ca rājā tathaiva taṃ sudṛḍhaniścayo 'nuyayau // SoKs_12,18.39 [= Vet_11]

iti tasya uktavato 'ṃsād rājño bhūyo jagāma sa sva-padam / vetālaḥ sa ca rājā tatha aiva taṃ su-dṛḍha-niścayo 'nuyayau //

sa trivikramaseno 'tha punas taṃ śiṃśapātarum /
gatvā prāpya ca vetālaṃ rājā skandhe cakāra tam // SoKs_12,19.1 [= Vet_12]

sa trivikramaseno 'tha punas taṃ śiṃśapā-tarum / gatvā prāpya ca vetālaṃ rājā skandhe cakāra tam //

pratasthe ca tam ādāya tūṣṇīm eva sa pūrvavat /
tato bhūyas tam āha sma vetālaḥ so 'ṃsapṛṣṭhataḥ // SoKs_12,19.2 [= Vet_12]

pratasthe ca tam ādāya tūṣṇīm eva sa pūrvavat / tato bhūyas tam āha sma vetālaḥ so 'ṃsa-pṛṣṭhataḥ //

rājann evam anudvignaḥ paryāptam asi me priyaḥ /
tad etāṃ śṛṇv akhedāya hṛdyām ākhyāmi te kathām // SoKs_12,19.3 [= Vet_12]

rājann evam anudvignaḥ paryāptam asi me priyaḥ / tad etāṃ śṛṇv akhedāya hṛdyām ākhyāmi te kathām //

aṅgadeśe yaśaḥketur iti rājābhavat purā /
kṣmām āśrito 'ṅgaguptyartham adagdho 'nya iva smaraḥ // SoKs_12,19.4 [= Vet_12]

aṅga-deśe yaśaḥketur iti rāja ābhavat purā / kṣmām āśrito 'ṅga-gupty-artham a-dagdho 'nya iva smaraḥ //

bāhuvīryajitāśeṣavairivargasya tasya ca /
dīrghadarśīty abhūn mantrī śakrasyeva bṛhaspatiḥ // SoKs_12,19.5 [= Vet_12]

bāhu-vīrya-jita-aśeṣa-vairi-vargasya tasya ca / dīrghadarśi īty abhūn mantrī śakrasya iva bṛhaspatiḥ //

tasmin mantriṇi vinyasya rājyaṃ sa hatakaṇṭakam /
śanaiḥ sukhaikasakto 'bhūd vayaḥrūpamadān nṛpaḥ // SoKs_12,19.6 [= Vet_12]

tasmin mantriṇi vinyasya rājyaṃ sa hata-kaṇṭakam / śanaiḥ sukha-eka-sakto 'bhūd vayaḥ-rūpa-madān nṛ-paḥ //

tasthāv antaḥpure śaśvan nāsthāne pramadāspade /
śuśrāva raktimad gītaṃ vacanaṃ na hitaiṣiṇām // SoKs_12,19.7 [= Vet_12]

tasthāv antaḥ-pure śaśvan nā asthāne pramadā-āspade / śuśrāva raktimad gītaṃ vacanaṃ na hita-eṣiṇām //

rajyati sma ca niḥcinto jālavātāyaneṣu saḥ /
na punā rājakāryeṣu bahuchidreṣu jātv api // SoKs_12,19.8 [= Vet_12]

rajyati sma ca niḥ-cinto jāla-vāta-ayaneṣu saḥ / na punā rāja-kāryeṣu bahu-chidreṣu jātv api //

dīrghadarśī tu tad rājyacintābhāraṃ samudvahan /
atiṣṭhat sa mahāmantrī divāniśam atandritaḥ // SoKs_12,19.9 [= Vet_12]

dīrghadarśī tu tad rājya-cintā-bhāraṃ samudvahan / atiṣṭhat sa mahā-mantrī divā-niśam atandritaḥ //

nāmamātre kṛtadhṛtiṃ prakṣipya vyasane nṛpam /
mantrī rājñaḥ śriyaṃ bhuṇkte dīrghadarśīha sāmpratam // SoKs_12,19.10 [= Vet_12]

nāma-mātre kṛta-dhṛtiṃ prakṣipya vyasane nṛ-pam / mantrī rājñaḥ śriyaṃ bhuṇkte dīrghadarśi īha sāmpratam //

ity utpanne mahaty atra janavāde 'tha gehinīm /
svairaṃ medhāvinīṃ nāma dīrghadarśī jagāda saḥ // SoKs_12,19.11 [= Vet_12]

ity utpanne mahaty atra jana-vāde 'tha gehinīm / svairaṃ medhāvinīṃ nāma dīrghadarśī jagāda saḥ //

priye rājñi sukhāsakte tadbhāraṃ vahato 'pi me /
rājyaṃ bhakṣitam etenety utpannam ayaśo jane // SoKs_12,19.12 [= Vet_12]

priye rājñi sukha-āsakte tad-bhāraṃ vahato 'pi me / rājyaṃ bhakṣitam etena ity utpannam a-yaśo jane //

lokavādaś ca mithyāpi mahatām iha doṣakṛt /
tatyāja kiṃ na rāmo 'pi janavādena jānakīm // SoKs_12,19.13 [= Vet_12]

loka-vādaś ca mithya āpi mahatām iha doṣa-kṛt / tatyāja kiṃ na rāmo 'pi jana-vādena jānakīm //

tad atra kiṃ mayā kāryam ity ukte tena mantriṇā /
bhāryā medhāvinī dhīrā sānvarthā tam abhāṣata // SoKs_12,19.14 [= Vet_12]

tad atra kiṃ mayā kāryam ity ukte tena mantriṇā / bhāryā medhāvinī dhīrā sa ānvarthā tam abhāṣata //

tīrthayātrāpadeśena yuktyāpṛcchya mahīpatim /
kamcit kālaṃ videśaṃ te gantuṃ yuktaṃ mahāmate // SoKs_12,19.15 [= Vet_12]

tīrtha-yātrā-apadeśena yuktyā āpṛcchya mahī-patim / kam-cit kālaṃ videśaṃ te gantuṃ yuktaṃ mahā-mate //

evaṃ te niḥspṛhasyaiṣa janavādo nivartsyati /
tvayy asthite tato rājyam udvakṣyati nṛpaḥ svayam // SoKs_12,19.16 [= Vet_12]

evaṃ te niḥ-spṛhasya eṣa jana-vādo nivartsyati / tvayy a-sthite tato rājyam udvakṣyati nṛ-paḥ svayam //

tataś cāsya śanair etad vyasanaṃ hānimeṣyati /
āgatasyātra niḥgarhā bhavitrī mantritā ca te // SoKs_12,19.17 [= Vet_12]

tataś ca asya śanair etad vyasanaṃ hānimeṣyati / āgatasya atra niḥ-garhā bhavitrī mantritā ca te //

ity ukto bhāryayā gatvā dīrghadarśī tatheti saḥ /
kathāprasaṅge taṃ bhūpaṃ yaśaḥketuṃ vyajijñapat // SoKs_12,19.18 [= Vet_12]

ity ukto bhāryayā gatvā dīrghadarśī tatha īti saḥ / kathā-prasaṅge taṃ bhū-paṃ yaśaḥketuṃ vyajijñapat //

anujānīhi māṃ rājan divasān kāncid apy aham /
vrajāmi tīrthayātrāyai dharmo hi prepsitaḥ sa me // SoKs_12,19.19 [= Vet_12]

anujānīhi māṃ rājan divasān kān-cid apy aham / vrajāmi tīrtha-yātrāyai dharmo hi prepsitaḥ sa me //

tac chrutvā so 'bravīd rājā maivaṃ tīrthair vinā paraḥ /
dānādiḥ kiṃ na dharmo 'sti svargyas te svagṛheṣv api // SoKs_12,19.20 [= Vet_12]

tac chrutvā so 'bravīd rājā ma aivaṃ tīrthair vinā paraḥ / dāna-ādiḥ kiṃ na dharmo 'sti svargyas te sva-gṛheṣv api //

athāvocat sa mantrī tam arthaśuddhyādi mṛgyate /
dānādau nityaśuddhāni tīrthāni nṛpate punaḥ // SoKs_12,19.21 [= Vet_12]

atha avocat sa mantrī tam artha-śuddhy-ādi mṛgyate / dāna-ādau nitya-śuddhāni tīrthāni nṛ-pate punaḥ //

yāvac ca yauvanaṃ rājaṃs tāvad gamyāni dhīmatā /
aviśvāsye śarīre hi saṃgamas taiḥ kuto 'nyadā // SoKs_12,19.22 [= Vet_12]

yāvac ca yauvanaṃ rājaṃs tāvad gamyāni dhīmatā / a-viśvāsye śarīre hi saṃgamas taiḥ kuto 'nyadā //

iti tasmin vadaty eva rājñi caivaṃ niṣedhati /
praviśyātra pratīhāro rājānaṃ taṃ vyajijñapat // SoKs_12,19.23 [= Vet_12]

iti tasmin vadaty eva rājñi ca evaṃ niṣedhati / praviśya atra pratīhāro rājānaṃ taṃ vyajijñapat //

deva vyomasaraḥmadhyam aṃśumālī vigāhate /
tad uttiṣṭhata saiṣā vaḥ snānavelātivartate // SoKs_12,19.24 [= Vet_12]

deva vyoma-saraḥ-madhyam aṃśu-mālī vigāhate / tad uttiṣṭhata sa aiṣā vaḥ snāna-vela ātivartate //

śrutvaitat sahasā snātum udatiṣṭhan mahīpatiḥ /
yātronmukhaḥ sa mantrī ca taṃ praṇamya gṛhaṃ yayau // SoKs_12,19.25 [= Vet_12]

śrutva aitat sahasā snātum udatiṣṭhan mahī-patiḥ / yātra ūnmukhaḥ sa mantrī ca taṃ praṇamya gṛhaṃ yayau //

tatrāvasthāpya bhāryāṃ tām anuyātrānivāritām /
sa pratasthe tato yuktyā svabhṛtyair apy atarkitaḥ // SoKs_12,19.26 [= Vet_12]

tatra avasthāpya bhāryāṃ tām anuyātrā-nivāritām / sa pratasthe tato yuktyā sva-bhṛtyair apy atarkitaḥ //

ekākī ca bhramaṃs tāṃs tān deśāṃs tīrthāni ca vrajan /
sa prāpa puṇḍraviṣayaṃ dīrghadarśī suniḥcayaḥ // SoKs_12,19.27 [= Vet_12]

ekākī ca bhramaṃs tāṃs tān deśāṃs tīrthāni ca vrajan / sa prāpa puṇḍra-viṣayaṃ dīrghadarśī su-niḥ-cayaḥ //

tatra pattana ekasminn adūre 'bdheḥ praviśya saḥ /
ekaṃ devakulaṃ śaivaṃ tatprāṅgaṇa upāviśat // SoKs_12,19.28 [= Vet_12]

tatra pattana ekasminn a-dūre 'b-dheḥ praviśya saḥ / ekaṃ deva-kulaṃ śaivaṃ tat-prāṅgaṇa upāviśat //

tatrārkakarasaṃtāpaklāntaṃ dūrādhvadhūsaram /
dadarśa nidhidattākhyo vaṇig devārcanāgataḥ // SoKs_12,19.29 [= Vet_12]

tatra arka-kara-saṃtāpa-klāntaṃ dūra-adhva-dhūsaram / dadarśa nidhidatta-ākhyo vaṇig deva-arcana-āgataḥ //

sa taṃ tathāvidhaṃ dṛṣṭvā sopavītaṃ sulakṣaṇam /
saṃbhāvya cottamaṃ vipram ātitheyo 'nayad gṛham // SoKs_12,19.30 [= Vet_12]

sa taṃ tathā-vidhaṃ dṛṣṭvā sa-upavītaṃ su-lakṣaṇam / saṃbhāvya ca uttamaṃ vipram ātitheyo 'nayad gṛham //

tatra cāpūjayat snānabhojanādyais tam uttamaiḥ /
kaḥ kutas tvaṃ kva yāsīti viśrāntaṃ ca sa pṛṣṭavān // SoKs_12,19.31 [= Vet_12]

tatra ca apūjayat snāna-bhojana-ādyais tam uttamaiḥ / kaḥ kutas tvaṃ kva yāsi iti viśrāntaṃ ca sa pṛṣṭavān //

dīrghadarśīti vipro 'ham aṅgadeśād ihāgataḥ /
tīrthayātrārtham ity eva gāmbhīryāt so 'py uvāca tam // SoKs_12,19.32 [= Vet_12]

dīrghadarśi īti vipro 'ham aṅga-deśād ihā agataḥ / tīrtha-yātrā-artham ity eva gāmbhīryāt so 'py uvāca tam //

tataḥ sa nidhidatto 'pi taṃ jagāda mahāvaṇik /
suvarṇadvīpagamanāyodyato 'haṃ vaṇijyayā // SoKs_12,19.33 [= Vet_12]

tataḥ sa nidhidatto 'pi taṃ jagāda mahā-vaṇik / su-varṇa-dvīpa-gamanāya udyato 'haṃ vaṇijyayā //

tat tvaṃ tiṣṭheha madgehe yāvad eṣyāmy ahaṃ tataḥ /
tīrthayātrāpariśrānto viśrānto hy atha yāsyasi // SoKs_12,19.34 [= Vet_12]

tat tvaṃ tiṣṭha iha mad-gehe yāvad eṣyāmy ahaṃ tataḥ / tīrtha-yātrā-pariśrānto viśrānto hy atha yāsyasi //

tac chrutvā so 'bravīd dīrghadarśī tarhi mameha kim /
tvayaiva saha yāsyāmi sārthavāha yathāsukham // SoKs_12,19.35 [= Vet_12]

tac chrutvā so 'bravīd dīrgha-darśī tarhi mama iha kim / tvaya aiva saha yāsyāmi sārtha-vāha yathā-sukham //

evam astv iti tenokte sādhunā so 'tha tadgṛhe /
cirād avāptaśayano niśāṃ mantrī nināya tām // SoKs_12,19.36 [= Vet_12]

evam astv iti tena ukte sādhunā so 'tha tad-gṛhe / cirād avāpta-śayano niśāṃ mantrī nināya tām //

anyedyur atha tenaiva vaṇijā saha vāridhim /
gatvāruroha tadbhāṇḍapūrṇaṃ pravahaṇaṃ ca saḥ // SoKs_12,19.37 [= Vet_12]

anye-dyur atha tena eva vaṇijā saha vāri-dhim / gatvā āruroha tad-bhāṇḍa-pūrṇaṃ pravahaṇaṃ ca saḥ //

tena gacchan pravahaṇenābdhim adbhutabhīṣaṇam /
vilokayan sa saṃprāpa svarṇadvīpaṃ krameṇa tat // SoKs_12,19.38 [= Vet_12]

tena gacchan pravahaṇena ab-dhim adbhuta-bhīṣaṇam / vilokayan sa saṃprāpa svarṇa-dvīpaṃ krameṇa tat //

kva mantrimukhyatā cāsya kva vādhvollaṅghitāmbudhiḥ /
ayaśaḥbhīravaḥ kiṃ na kurvate bata sādhavaḥ // SoKs_12,19.39 [= Vet_12]

kva mantri-mukhyatā ca asya kva va ādhva-ullaṅghita-ambu-dhiḥ / a-yaśaḥ-bhīravaḥ kiṃ na kurvate bata sādhavaḥ //

tatra dvīpe samaṃ tena kamcit kālam uvāsa saḥ /
vaṇijā nidhidattena kurvatā krayavikrayau // SoKs_12,19.40 [= Vet_12]

tatra dvīpe samaṃ tena kam-cit kālam uvāsa saḥ / vaṇijā nidhidattena kurvatā kraya-vikrayau //

āgacchaṃś ca tato 'kasmāt tadyukto vahanasthitaḥ /
kalpavṛkṣaṃ dadarśābdhaūrmeḥ paścāt samutthitam // SoKs_12,19.41 [= Vet_12]

āgacchaṃś ca tato 'kasmāt tad-yukto vahana-sthitaḥ / kalpa-vṛkṣaṃ dadarśa ab-dhaū urmeḥ paścāt samutthitam //

pravālaśākhāsubhagaiḥ skandhair jāmbūnadojjvalaiḥ /
phalair maṇimayaiḥ kāntaiḥ kusumaiś copaśobhitam // SoKs_12,19.42 [= Vet_12]

pravāla-śākhā-su-bhagaiḥ skandhair jāmbūnada-ujjvalaiḥ / phalair maṇi-mayaiḥ kāntaiḥ kusumaiś ca upaśobhitam //

tasya skandhe ca sadratnaparyaṅkotsaṅgavartinīm /
kanyām atyadbhutākārakamanīyām avaikṣata // SoKs_12,19.43 [= Vet_12]

tasya skandhe ca sad-ratna-paryaṅka-utsaṅga-vartinīm / kanyām atyadbhuta-ākāra-kamanīyām avaikṣata //

aho kim etad ity evaṃ yāvad dhyāyati sa kṣaṇam /
tāvat sā vīṇinī kanyā gātum evaṃ pracakrame // SoKs_12,19.44 [= Vet_12]

aho kim etad ity evaṃ yāvad dhyāyati sa kṣaṇam / tāvat sā vīṇinī kanyā gātum evaṃ pracakrame //

yat karmabījam uptaṃ yena purā niḥcitaṃ sa tad bhuṅkte /
pūrvakṛtasya hi śakyo vidhināpi na kartum anyathābhāvaḥ // SoKs_12,19.45 [= Vet_12]

yat karma-bījam uptaṃ yena purā niḥ-citaṃ sa tad bhuṅkte / pūrva-kṛtasya hi śakyo vidhina āpi na kartum anyathā-bhāvaḥ //

ity udgāya kṣaṇāt tasminn ambhaḥdhau divyakanyakā /
sakalpadrumaparyaṅkaśayyātraiva mamajja sā // SoKs_12,19.46 [= Vet_12]

ity udgāya kṣaṇāt tasminn ambhaḥ-dhau divya-kanyakā / sa-kalpa-druma-paryaṅka-śayya ātra eva mamajja sā //

kimapy apūrvam adyedaṃ mayā dṛṣṭam ihādbhutam /
kvābdhiḥ kva dṛṣṭanaṣṭo 'tra gāyaddivyāṅganas taruḥ // SoKs_12,19.47 [= Vet_12]

kim-apy a-pūrvam adya idaṃ mayā dṛṣṭam iha adbhutam / kva ab-dhiḥ kva dṛṣṭa-naṣṭo 'tra gāyad-divya-aṅganas taruḥ //

yadi vā vandya eṣo 'bdhir ākaraḥ śaśvad īdṛśām /
lakṣmīndupārijātādyā nāsmāt te te kim udgatāḥ // SoKs_12,19.48 [= Vet_12]

yadi vā vandya eṣo 'bdhir ākaraḥ śaśvad īdṛśām / lakṣmī-indu-pārijāta-ādyā na asmāt te te kim udgatāḥ //

iti taṃ cintayantaṃ ca tatkṣaṇaṃ dīrghadarśinam /
vilokya vismayāviṣṭaṃ karṇadhārādayo 'bruvan // SoKs_12,19.49 [= Vet_12]

iti taṃ cintayantaṃ ca tat-kṣaṇaṃ dīrghadarśinam / vilokya vismaya-āviṣṭaṃ karṇa-dhāra-ādayo 'bruvan //

evam eṣā sadaiveha dṛśyate varakanyakā /
nimajjati ca tatkālaṃ tavaitad darśanaṃ navam // SoKs_12,19.50 [= Vet_12]

evam eṣā sada aiva iha dṛśyate vara-kanyakā / nimajjati ca tat-kālaṃ tava etad darśanaṃ navam //

ity uktas taiḥ samaṃ tena nidhidattena sa kramāt /
mantrī citrīyamāṇo 'bdhes tīraṃ potagato 'bhyagāt // SoKs_12,19.51 [= Vet_12]

ity uktas taiḥ samaṃ tena nidhidattena sa kramāt / mantrī citrīyamāṇo 'b-dhes tīraṃ pota-gato 'bhyagāt //

tatrottāritabhāṇḍena tenaiva vaṇijā saha /
jagāma hṛṣṭabhṛtyena sotsavaṃ so 'tha tadgṛham // SoKs_12,19.52 [= Vet_12]

tatra uttārita-bhāṇḍena tena eva vaṇijā saha / jagāma hṛṣṭa-bhṛtyena sa-utsavaṃ so 'tha tad-gṛham //

sthitvā nāticiraṃ tatra nidhidattam uvāca tam /
sārthavāha bhavadgehe viśrānto 'haṃ ciraṃ sukham // SoKs_12,19.53 [= Vet_12]

sthitvā na aticiraṃ tatra nidhidattam uvāca tam / sa-artha-vāha bhavad-gehe viśrānto 'haṃ ciraṃ sukham //

idānīṃ gantum icchāmi svadeśaṃ bhadram astu te /
ity uktvā tam anicchantam apy āmantrya vaṇikpatim // SoKs_12,19.54 [= Vet_12]

idānīṃ gantum icchāmi sva-deśaṃ bhadram astu te / ity uktvā tam anicchantam apy āmantrya vaṇik-patim //

dīrghadarśī sa sattvaikasahāyaḥ prasthitas tataḥ /
kramollaṅghitadūrādhvā prāpāṅgaviṣayaṃ nijam // SoKs_12,19.55 [= Vet_12]

dīrghadarśī sa sattva-eka-sahāyaḥ prasthitas tataḥ / krama-ullaṅghita-dūra-adhvā prāpa aṅga-viṣayaṃ nijam //

tatra taṃ dadṛśuś cārā bahir nagaram āgatam /
ye yaśaḥketunā rājñā prāṅnyastās tadgaveṣaṇe // SoKs_12,19.56 [= Vet_12]

tatra taṃ dadṛśuś cārā bahir nagaram āgatam / ye yaśaḥketunā rājñā prāṅnyastās tad-gaveṣaṇe //

taiś ca gatvā sa vijñaptaś cāraī rājā tam abhyagāt /
svayaṃ niḥgatya nagarāt tadviśleṣasuduḥkhitaḥ // SoKs_12,19.57 [= Vet_12]

taiś ca gatvā sa vijñaptaś cāraī rājā tam abhyagāt / svayaṃ niḥ-gatya nagarāt tad-viśleṣa-su-duḥkhitaḥ //

upetya ca pariṣvaṅgapūrvaṃ tam abhinandya saḥ /
nināyābhyantaraṃ bhūpaś cirādhvakṣāmadhūsaram // SoKs_12,19.58 [= Vet_12]

upetya ca pariṣvaṅga-pūrvaṃ tam abhinandya saḥ / nināya abhyantaraṃ bhū-paś cira-adhva-kṣāma-dhūsaram //

tyaktvāsmān kiṃ tvayā nītaṃ na paraṃ bata mānasam /
yāvac charīram apy etan niḥsnehaparuṣāṃ daśām // SoKs_12,19.59 [= Vet_12]

tyaktva āsmān kiṃ tvayā nītaṃ na paraṃ bata mānasam / yāvac charīram apy etan niḥ-sneha-paruṣāṃ daśām //

kiṃ vā bhagavato vetti bhavitavyasya ko gatim /
yad akasmāt tavaiṣābhūt tīrthādigamane matiḥ // SoKs_12,19.60 [= Vet_12]

kiṃ vā bhagavato vetti bhavitavyasya ko gatim / yad akasmāt tava eṣa ābhūt tīrtha-ādi-gamane matiḥ //

tad brūhi ke tvayā bhrāntā deśā dṛṣṭaṃ ca kiṃ navam /
iti tatra ca taṃ rājā sa jagāda svamantriṇam // SoKs_12,19.61 [= Vet_12]

tad brūhi ke tvayā bhrāntā deśā dṛṣṭaṃ ca kiṃ navam / iti tatra ca taṃ rājā sa jagāda sva-mantriṇam //

tataḥ suvarṇadvīpāntaṃ so 'dhvānaṃ varṇayan kramāt /
abdhāv udgaminīṃ tasmai tāṃ dṛṣṭāṃ divyakanyakām // SoKs_12,19.62 [= Vet_12]

tataḥ su-varṇa-dvīpa-antaṃ so 'dhvānaṃ varṇayan kramāt / ab-dhāv udgaminīṃ tasmai tāṃ dṛṣṭāṃ divya-kanyakām //

gāyantīṃ trijagatsārabhūtāṃ kalpatarusthitām /
yathāvat kathayāmāsa dīrghadarśī mahībhṛte // SoKs_12,19.63 [= Vet_12]

gāyantīṃ tri-jagat-sāra-bhūtāṃ kalpa-taru-sthitām / yathāvat kathayāmāsa dīrghadarśī mahī-bhṛte //

sa tāṃ śrutvaiva ca nṛpas tathā smaravaśo 'bhavat /
yathā tayā vinā mene niṣphale rājyajīvite // SoKs_12,19.64 [= Vet_12]

sa tāṃ śrutva aiva ca nṛ-pas tathā smara-vaśo 'bhavat / yathā tayā vinā mene niṣphale rājya-jīvite //

jagāda ca tam ekānte nītvā svasacivaṃ tadā /
draṣṭavyāsau mayā-vaśyaṃ jīvitaṃ nāsti me 'nyathā // SoKs_12,19.65 [= Vet_12]

jagāda ca tam eka-ante nītvā sva-sacivaṃ tadā / draṣṭavya āsau maya ā-vaśyaṃ jīvitaṃ na asti me 'nyathā //

yāmi tvaduktena pathā praṇamya bhavitavyatām /
nivāraṇīyo nāhaṃ te nānugamyaś ca sarvathā // SoKs_12,19.66 [= Vet_12]

yāmi tvad-uktena pathā praṇamya bhavitavyatām / nivāraṇīyo na ahaṃ te na anugamyaś ca sarvathā //

guptam eko hi yāsyāmi rājyaṃ rakṣyaṃ tu me tvayā /
madvaco mānyathā kārṣīḥ śāpito 'si mamāsubhiḥ // SoKs_12,19.67 [= Vet_12]

guptam eko hi yāsyāmi rājyaṃ rakṣyaṃ tu me tvayā / mad-vaco ma ānyathā kārṣīḥ śāpito 'si mama asubhiḥ //

ity uktvā tatprativaco nirasya visasarja tam /
mantriṇaṃ svagṛhaṃ rājā cirotkaṃ svajanaṃ prati // SoKs_12,19.68 [= Vet_12]

ity uktvā tat-prativaco nirasya visasarja tam / mantriṇaṃ sva-gṛhaṃ rājā cira-utkaṃ sva-janaṃ prati //

tatrānalpotsave 'py āsīd dīrghadarśī suduḥmanāḥ /
svāminy asādhyavyasane sukhaṃ sanmantriṇāṃ kutaḥ // SoKs_12,19.69 [= Vet_12]

tatra an-alpa-utsave 'py āsīd dīrghadarśī su-duḥ-manāḥ / svāminy a-sādhya-vyasane sukhaṃ san-mantriṇāṃ kutaḥ //

anyedyuś ca sa taddhastanyastarājyabharo nṛpaḥ /
yaśaḥketus tataḥ prāyān niśi tāpasaveṣabhṛt // SoKs_12,19.70 [= Vet_12]

anye-dyuś ca sa tad-dhasta-nyasta-rājya-bharo nṛ-paḥ / yaśaḥketus tataḥ prāyān niśi tāpasa-veṣa-bhṛt //

gacchaṃś ca kuśanābhākhyaṃ muniṃ mārge dadarśa saḥ /
so 'tra taṃ tāpasākalpaṃ praṇataṃ munir ādiśat // SoKs_12,19.71 [= Vet_12]

gacchaṃś ca kuśanābha-ākhyaṃ muniṃ mārge dadarśa saḥ / so 'tra taṃ tāpasa-ākalpaṃ praṇataṃ munir ādiśat //

lakṣmīdattena vaṇijā saha potena vāridhau /
gatvā prapsyasi tām iṣṭāṃ kanyāṃ vraja niḥākulaḥ // SoKs_12,19.72 [= Vet_12]

lakṣmīdattena vaṇijā saha potena vāri-dhau / gatvā prapsyasi tām iṣṭāṃ kanyāṃ vraja niḥ-ākulaḥ //

iti tadvacasā prītās taṃ praṇamya sa pārthivaḥ /
gacchan deśān nadīr adrīn krāntvā taṃ prāpad ambudhim // SoKs_12,19.73 [= Vet_12]

iti tad-vacasā prītās taṃ praṇamya sa pārthivaḥ / gacchan deśān nadīr adrīn krāntvā taṃ prāpad ambu-dhim //

sutāraśaṅkhadhavalair vīcibhrūbhir vikasvaraiḥ /
vīkṣamāṇam ivāvartanetrair ātithyasaṃbhramāt // SoKs_12,19.74 [= Vet_12]

sutāra-śaṅkha-dhavalair vīci-bhrūbhir vikasvaraiḥ / vīkṣamāṇam ivā avarta-netrair ātithya-saṃbhramāt //

tattīre vaṇijā tena muniproktena saṃgatiḥ /
lakṣmīdattena jajñe 'sya svarṇadvīpaṃ yiyāsunā // SoKs_12,19.75 [= Vet_12]

tat-tīre vaṇijā tena muni-proktena saṃgatiḥ / lakṣmīdattena jajñe 'sya svarṇa-dvīpaṃ yiyāsunā //

tenaiva saha cakrāṅkapādamudrādi darśanāt /
prahveṇāruhya vahanaṃ pratasthe so 'mbudhau nṛpaḥ // SoKs_12,19.76 [= Vet_12]

tena eva saha cakra-aṅka-pāda-mudrā-ādi darśanāt / prahveṇā aruhya vahanaṃ pratasthe so 'mbu-dhau nṛ-paḥ //

madhyam abdheś ca saṃprāpte vahane vārimadhyataḥ /
udagāt kalpaviṭapiskandhasthā sātra kanyakā // SoKs_12,19.77 [= Vet_12]

madhyam ab-dheś ca saṃprāpte vahane vāri-madhyataḥ / udagāt kalpa-viṭapi-skandha-sthā sa ātra kanyakā //

yāvat paśyati tāṃ rājā cakora iva candrikām /
tāvat sā gāyati smaivaṃ vallakīvādyasundaram // SoKs_12,19.78 [= Vet_12]

yāvat paśyati tāṃ rājā cakora iva candrikām / tāvat sā gāyati sma evaṃ vallakī-vādya-sundaram //

yat karmabījam uptaṃ yena purā niḥcitaṃ sa tad bhuṅkte /
pūrvakṛtasya hi śakyo vidhināpi na kartum anyathābhāvaḥ // SoKs_12,19.79 [= Vet_12]

yat karma-bījam uptaṃ yena purā niḥ-citaṃ sa tad bhuṅkte / pūrva-kṛtasya hi śakyo vidhina āpi na kartum anyathā-bhāvaḥ //

tasmād yatra yathā yad bhavitavyaṃ yasya daivayogena /
tatra tathā tatprāptyai vivaśo 'sau nīyate 'tra na bhrāntiḥ // SoKs_12,19.80 [= Vet_12]

tasmād yatra yathā yad bhavitavyaṃ yasya daiva-yogena / tatra tathā tat-prāptyai vivaśo 'sau nīyate 'tra na bhrāntiḥ //

iti sūcitabhavyārthāṃ gāyantīṃ tāṃ vibhāvayan /
niḥspandaḥ sa kṣaṇaṃ tasthau rājā smaraśarāhataḥ // SoKs_12,19.81 [= Vet_12]

iti sūcita-bhavya-arthāṃ gāyantīṃ tāṃ vibhāvayan / niḥ-spandaḥ sa kṣaṇaṃ tasthau rājā smara-śara-āhataḥ //

ratnākara namaḥ satyam agādhahṛdayāya te /
yena tvayaitāṃ pracchādya vipralabdho hariḥ śriyā // SoKs_12,19.82 [= Vet_12]

ratna-ākara namaḥ satyam a-gādha-hṛdayāya te / yena tvaya aitāṃ pracchādya vipralabdho hariḥ śriyā //

tat surair apy alabhyāntaṃ sapakṣakṣmābhṛdāśrayam /
śaraṇaṃ tvāṃ prapanno 'ham iṣṭasiddhiṃ vidhatsva me // SoKs_12,19.83 [= Vet_12]

tat surair apy a-labhya-antaṃ sa-pakṣa-kṣmā-bhṛd-āśrayam / śaraṇaṃ tvāṃ prapanno 'ham iṣṭa-siddhiṃ vidhatsva me //

evaṃ yāvat samudraṃ taṃ sa nataḥ stauti bhūmipaḥ /
tāvat sā kanyakā tatra nimamajja sapādapā // SoKs_12,19.84 [= Vet_12]

evaṃ yāvat samudraṃ taṃ sa nataḥ stauti bhūmi-paḥ / tāvat sā kanyakā tatra nimamajja sa-pāda-pā //

tad dṛṣṭvaivānumārge 'syāḥ sa rājātmānam akṣipat /
vāridhāv atra kāmāgnisaṃtāpasyeva śāntaye // SoKs_12,19.85 [= Vet_12]

tad dṛṣṭva aiva anumārge 'syāḥ sa rājā ātmānam akṣipat / vāri-dhāv atra kāma-agni-saṃtāpasya iva śāntaye //

tad vīkṣyā-śaṅkitaṃ matvā vinaṣṭaṃ taṃ sa sajjanaḥ /
lakṣmīdatto vaṇig duḥkhād dehatyāgodyato 'bhavat // SoKs_12,19.86 [= Vet_12]

tad vīkṣya a-śaṅkitaṃ matvā vinaṣṭaṃ taṃ sa saj-janaḥ / lakṣmīdatto vaṇig duḥkhād deha-tyāga-udyato 'bhavat //

mā kārṣīḥ sāhasaṃ nāsti magnasyāsyāmbhudhau bhayam /
eṣo rājā yaśaḥketur nāmnā tāpasaveṣabhṛt // SoKs_12,19.87 [= Vet_12]

mā kārṣīḥ sāhasaṃ na asti magnasya asya ambhu-dhau bhayam / eṣo rājā yaśaḥketur nāmnā tāpasa-veṣa-bhṛt //

etat kanyārtham āyātaḥ pūrvabhāryeyam asya ca /
etāṃ prāpya punaś cāsāv aṅgarājyaṃ sameṣyati // SoKs_12,19.88 [= Vet_12]

etat kanyā-artham āyātaḥ pūrva-bhārya īyam asya ca / etāṃ prāpya punaś ca asāv aṅga-rājyaṃ sameṣyati //

ity athāśvāsito vācā tatkālaṃ gaganotthayā /
sārthavāho yathākāmaṃ sa jagāmeṣṭasiddhaye // SoKs_12,19.89 [= Vet_12]

ity athā aśvāsito vācā tat-kālaṃ gagana-utthayā / sa-artha-vāho yathā-kāmaṃ sa jagāma iṣṭa-siddhaye //

sa rājāpi yaśaḥketur nimagno 'nto mahodadhau /
akasmān nagaraṃ divyam apaśyaj jātavismayaḥ // SoKs_12,19.90 [= Vet_12]

sa rāja āpi yaśaḥketur nimagno 'nto mahā-uda-dhau / akasmān nagaraṃ divyam apaśyaj jāta-vismayaḥ //

bhāsvanmaṇimayastambhaiḥ kāñcanojjvalabhittibhiḥ /
virājamānaṃ prāsādair muktājālagavākṣakaiḥ // SoKs_12,19.91 [= Vet_12]

bhāsvan-maṇimaya-stambhaiḥ kāñcana-ujjvala-bhittibhiḥ / virājamānaṃ prāsādair muktā-jāla-gava-akṣakaiḥ //

nānāratnaśilāpaṭṭabaddhasopānavāpikaiḥ /
kāmadaiḥ kalpavṛkṣāḍhyair udyānair upaśobhitam // SoKs_12,19.92 [= Vet_12]

nānā-ratna-śilā-paṭṭa-baddha-sopāna-vāpikaiḥ / kāma-daiḥ kalpa-vṛkṣa-āḍhyair udyānair upaśobhitam //

samṛddhe 'pi pure tatra niḥjane 'tha gṛhaṃ gṛham /
anupraviśya na yadā tāṃ dadarśa priyāṃ kvacit // SoKs_12,19.93 [= Vet_12]

samṛddhe 'pi pure tatra niḥ-jane 'tha gṛhaṃ gṛham / anupraviśya na yadā tāṃ dadarśa priyāṃ kva-cit //

tadā vicinvan dṛṣṭvaikam uttuṅgaṃ maṇimandiram /
āruhya dvāram udghāṭya praviveśa sa bhūpatiḥ // SoKs_12,19.94 [= Vet_12]

tadā vicinvan dṛṣṭva aikam uttuṅgaṃ maṇi-mandiram / āruhya dvāram udghāṭya praviveśa sa bhū-patiḥ //

praviśya cāntaḥ sadratnaparyaṅkasthitam ekakam /
vastrācchāditasarvāṅgaṃ śayānaṃ kamcid aikṣata // SoKs_12,19.95 [= Vet_12]

praviśya ca antaḥ sad-ratna-paryaṅka-sthitam ekakam / vastra-ācchādita-sarva-aṅgaṃ śayānaṃ kam-cid aikṣata //

kiṃ syāt saiveti sotkaṇṭham udghāṭayati tanmukham /
yāvat tāvad apaśyat tāṃ svepsitām eva so 'ṅganām // SoKs_12,19.96 [= Vet_12]

kiṃ syāt sa aiva iti sa-utkaṇṭham udghāṭayati tan-mukham / yāvat tāvad apaśyat tāṃ sva-īpsitām eva so 'ṅganām //

srastanīlāṃśukadhvāntahasanmukhaśaśiśriyam /
jyotsnāvadātāṃ pātālagatām iva divā niśām // SoKs_12,19.97 [= Vet_12]

srasta-nīla-aṃśuka-dhvānta-hasan-mukha-śaśi-śriyam / jyotsnā-avadātāṃ pātāla-gatām iva divā niśām //

taddarśanena cāsyābhūd avasthā kāpi sā tadā /
grīṣmaṛtau marupānthasya saritsaṃdarśanena yā // SoKs_12,19.98 [= Vet_12]

tad-darśanena ca asya abhūd avasthā kā-api sā tadā / grīṣma-ṛtau maru-pānthasya sarit-saṃdarśanena yā //

sāpy unmīlitacakṣus taṃ kalyāṇākṛtilakṣaṇam /
vīkṣyākasmāt tathāprāptaṃ saṃbhramāc chayanaṃ jahau // SoKs_12,19.99 [= Vet_12]

sa āpy unmīlita-cakṣus taṃ kalyāṇa-ākṛti-lakṣaṇam / vīkṣya akasmāt tathā-prāptaṃ saṃbhramāc chayanaṃ jahau //

kṛtātithyā natamukhī pūjayantīva pādayoḥ /
phullekṣaṇotpalanyāsaiḥ śanair etam uvāca ca // SoKs_12,19.100 [= Vet_12]

kṛta-ātithyā nata-mukhī pūjayanti īva pādayoḥ / phulla-īkṣaṇa-utpala-nyāsaiḥ śanair etam uvāca ca //

ko bhavān kim agamyaṃ ca praviṣṭho 'si rasātalam /
rājacihnāṅkitatanoḥ kiṃ ca te tāpasavratam // SoKs_12,19.101 [= Vet_12]

ko bhavān kim agamyaṃ ca praviṣṭho 'si rasā-talam / rāja-cihna-aṅkita-tanoḥ kiṃ ca te tāpasa-vratam //

ity ādiśa mahābhāga prasādo yadi te mayi /
evaṃ tasyā vacaḥ śrutvā sa rājā pratyuvāca tām // SoKs_12,19.102 [= Vet_12]

ity ādiśa mahā-bhāga prasādo yadi te mayi / evaṃ tasyā vacaḥ śrutvā sa rājā pratyuvāca tām //

aṅgarājo yaśaḥketur iti nāmnāsmi sundari /
āptād anvahadṛśyāṃ ca tvām aśrauṣam ihāmbudhau // SoKs_12,19.103 [= Vet_12]

aṅga-rājo yaśaḥketur iti nāmna āsmi sundari / āptād anvaha-dṛśyāṃ ca tvām aśrauṣam iha ambu-dhau //

tatas tvadarthaṃ kṛtvemaṃ veṣaṃ rājyaṃ vimucya ca /
āgatyaiṣa praviṣṭo 'ham anumārgeṇa te 'mbudhim // SoKs_12,19.104 [= Vet_12]

tatas tvad-arthaṃ kṛtva īmaṃ veṣaṃ rājyaṃ vimucya ca / āgatya eṣa praviṣṭo 'ham anumārgeṇa te 'mbu-dhim //

tan me kathaya kāsi tvam ity ukte tena cātha sā /
salajjā sānurāgā ca sānandā caivam abhyadhāt // SoKs_12,19.105 [= Vet_12]

tan me kathaya ka āsi tvam ity ukte tena ca atha sā / sa-lajjā sa-anurāgā ca sa-ānandā ca evam abhyadhāt //

mṛgāṅkasena ity asti śrīmān vidyādharādhipaḥ /
māṃ mṛgāṅkavatīṃ nāmnā viddhi tasya sutām imām // SoKs_12,19.106 [= Vet_12]

mṛgāṅkasena ity asti śrīmān vidyādhara-adhipaḥ / māṃ mṛgāṅkavatīṃ nāmnā viddhi tasya sutām imām //

sa mām asmin svanagare vimucyaikākinīṃ pitā /
na jāne hetunā kena gataḥ kvāpi sapaurakaḥ // SoKs_12,19.107 [= Vet_12]

sa mām asmin sva-nagare vimucya ekākinīṃ pitā / na jāne hetunā kena gataḥ kva api sa-paurakaḥ //

tenāhaṃ śūnyavasater nirviṇṇonmajjya vāridheḥ /
yantrakalpadrumārūḍhā gāyāmi bhavitavyatām // SoKs_12,19.108 [= Vet_12]

tena ahaṃ śūnya-vasater nirviṇṇa ūnmajjya vāri-dheḥ / yantra-kalpa-druma-ārūḍhā gāyāmi bhavitavyatām //

evam uktavatī tena smaratā tan muner vacaḥ /
tathārajyata sā rājñā vacobhiḥ premapeśalaiḥ // SoKs_12,19.109 [= Vet_12]

evam uktavatī tena smaratā tan muner vacaḥ / tatha ārajyata sā rājñā vacobhiḥ prema-peśalaiḥ //

yathānurāgavivaśā bhāryātvaṃ tasya tatkṣaṇam /
aṅgīcakāra vīrasya samayaṃ tv ekam abhyadhāt // SoKs_12,19.110 [= Vet_12]

yatha ānurāga-vivaśā bhāryātvaṃ tasya tat-kṣaṇam / aṅgī-cakāra vīrasya samayaṃ tv ekam abhyadhāt //

śuklakṛṣṇacaturdaśyām aṣṭamyāṃ cāryaputra te /
pratimāsam anāyattā caturo divasān aham // SoKs_12,19.111 [= Vet_12]

śukla-kṛṣṇa-caturdaśyām aṣṭamyāṃ cā arya-putra te / prati-māsam anāyattā caturo divasān aham //

yatra kvāpi dineṣv eṣu gacchantī cāsmi na tvayā /
praṣṭavyā na niṣeddhavyā kāraṇaṃ hy atra vidyate // SoKs_12,19.112 [= Vet_12]

yatra kva-api dineṣv eṣu gacchantī ca asmi na tvayā / praṣṭavyā na niṣeddhavyā kāraṇaṃ hy atra vidyate //

evaṃ tām uktasamayāṃ sa rājā divyakanyakām /
tathety uktvaiva gāndharvavidhinā pariṇītavān // SoKs_12,19.113 [= Vet_12]

evaṃ tām ukta-samayāṃ sa rājā divya-kanyakām / tatha īty uktva aiva gāndharva-vidhinā pariṇītavān //

bheje tataś ca saṃbhogasukhaṃ tatra tayā saha /
yathābhūd anya evāsyā mānmatho maṇḍanakramaḥ // SoKs_12,19.114 [= Vet_12]

bheje tataś ca saṃbhoga-sukhaṃ tatra tayā saha / yatha ābhūd anya eva asyā mānmatho maṇḍana-kramaḥ //

keśeṣu srastamālyeṣu kacagrahanakhāvalī /
bimbādhare 'tha niṣpītanīrāge daśanakṣatiḥ // SoKs_12,19.115 [= Vet_12]

keśeṣu srasta-mālyeṣu kaca-graha-nakha-āvalī / bimba-adhare 'tha niṣpīta-nīrāge daśana-kṣatiḥ //

kucayoḥ karajaśreṇir bhinnamāṇikyamālayoḥ /
luptāṅgarāgeṣv aṅgeṣu gāḍhāliṅganarāgitā // SoKs_12,19.116 [= Vet_12]

kucayoḥ kara-ja-śreṇir bhinna-māṇikya-mālayoḥ / lupta-aṅga-rāgeṣv aṅgeṣu gāḍha-āliṅgana-rāgitā //

iti taddivyasaṃbhogasukhāvasthitam atra tam /
sā mṛgāṅkavatī bhāryā bhūpaṃ prāhedam ekadā // SoKs_12,19.117 [= Vet_12]

iti tad-divya-saṃbhoga-sukha-avasthitam atra tam / sā mṛgāṅkavatī bhāryā bhū-paṃ prāha idam ekadā //

tvam ihaiva pratīkṣethāḥ kāryārthaṃ kvāpi yāmy aham /
adya saiṣā hi saṃprāptā mama kṛṣṇacaturdaśī // SoKs_12,19.118 [= Vet_12]

tvam iha eva pratīkṣethāḥ kārya-arthaṃ kva-api yāmy aham / adya sa aiṣā hi saṃprāptā mama kṛṣṇa-caturdaśī //

iha sthas tv āryaputrāmuṃ mā sma gāḥ sphāṭikaṃ gṛham /
mātra vāpyāṃ nipatito bhūlokaṃ tvaṃ gamiṣyasi // SoKs_12,19.119 [= Vet_12]

iha sthas tv ārya-putra amuṃ mā sma gāḥ sphāṭikaṃ gṛham / ma ātra vāpyāṃ nipatito bhū-lokaṃ tvaṃ gamiṣyasi //

ity uktvā sā tam āmantrya yayau tasmāt purād bahiḥ /
rājāpi prāptakhaḍgas tāṃ channo jijñāsur anvagāt // SoKs_12,19.120 [= Vet_12]

ity uktvā sā tam āmantrya yayau tasmāt purād bahiḥ / rāja āpi prāpta-khaḍgas tāṃ channo jijñāsur anvagāt //

tatrāpaśyat tamaḥśyāmaṃ vyāttavakrabilaṃ ca saḥ /
sākāram iva pātālam āyāntaṃ rākṣasaṃ nṛpaḥ // SoKs_12,19.121 [= Vet_12]

tatra apaśyat tamaḥ-śyāmaṃ vyātta-vakra-bilaṃ ca saḥ / sa-ākāram iva pātālam āyāntaṃ rākṣasaṃ nṛ-paḥ //

sa rākṣaso nipatyaiva muktaghoraravas tadā /
tāṃ mṛgāṅkavatīṃ vaktre nikṣipyaiva nigīrṇavān // SoKs_12,19.122 [= Vet_12]

sa rākṣaso nipatya eva mukta-ghora-ravas tadā / tāṃ mṛgāṅkavatīṃ vaktre nikṣipya eva nigīrṇavān //

tad dṛṣṭvaivātikopena sahasā sa jvalann iva /
niḥmokamuktabhujagaśyāmalena mahāsinā // SoKs_12,19.123 [= Vet_12]

tad dṛṣṭva aiva ati-kopena sahasā sa jvalann iva / niḥ-moka-mukta-bhujaga-śyāmalena mahā-asinā //

koṣākṛṣṭena dhāvitvā rājasiṃho 'bhidhāvataḥ /
ciccheda rakṣasas tasya saṃdaṣṭauṣṭhapuṭaṃ śiraḥ // SoKs_12,19.124 [= Vet_12]

koṣa-ākṛṣṭena dhāvitvā rāja-siṃho 'bhidhāvataḥ / ciccheda rakṣasas tasya saṃdaṣṭa-oṣṭha-puṭaṃ śiraḥ //

rakṣaḥkabandhavāntena rājñas tasyāsravāriṇā /
krodhajo 'tha śaśāmāgnir na tu kāntāviyogajaḥ // SoKs_12,19.125 [= Vet_12]

rakṣaḥ-kabandha-vāntena rājñas tasya asra-vāriṇā / krodha-jo 'tha śaśāma agnir na tu kāntā-viyoga-jaḥ //

tato mohaniśāndhe 'smin vinaṣṭagatike nṛpe /
akasmān meghamalinasyāṅgaṃ bhittveva rakṣasaḥ // SoKs_12,19.126 [= Vet_12]

tato moha-niśā-andhe 'smin vinaṣṭa-gatike nṛ-pe / akasmān megha-malinasya aṅgaṃ bhittva īva rakṣasaḥ //

tasyoddyotitadikcakrā candramūrtir ivā-malā /
sā mṛgāṅkavatī jīvanty akṣatāṅgī viniryayau // SoKs_12,19.127 [= Vet_12]

tasya uddyotita-dik-cakrā candra-mūrtir iva a-malā / sā mṛgāṅkavatī jīvanty a-kṣata-aṅgī viniryayau //

tāṃ tathā saṃkaṭottīrṇāṃ dṛṣṭvā kāntāṃ sasaṃbhramam /
ehy ehīti vadan rājā pradhāvyaivāliliṅga saḥ // SoKs_12,19.128 [= Vet_12]

tāṃ tathā saṃkaṭa-uttīrṇāṃ dṛṣṭvā kāntāṃ sa-saṃbhramam / ehy ehi iti vadan rājā pradhāvya evā aliliṅga saḥ //

priye kim etat svapno 'yam uta māyeti tena sā /
pṛṣṭā nṛpeṇa saṃsmṛtya vidyādhary evam abravīt // SoKs_12,19.129 [= Vet_12]

priye kim etat svapno 'yam uta māya īti tena sā / pṛṣṭā nṛ-peṇa saṃsmṛtya vidyādhary evam abravīt //

śṛṇv āryaputra na svapno na māyeyam ayaṃ punaḥ /
vidhyādharendrāt svapituḥ śāpo 'bhūd īdṛśo mama // SoKs_12,19.130 [= Vet_12]

śṛṇv ārya-putra na svapno na māya īyam ayaṃ punaḥ / vidhyādhara-indrāt sva-pituḥ śāpo 'bhūd īdṛśo mama //

bahuputro 'pi sa hi me pitā pūrvaṃ vasann iha /
mayā vinātivātsalyān nāharam akarot sadā // SoKs_12,19.131 [= Vet_12]

bahu-putro 'pi sa hi me pitā pūrvaṃ vasann iha / mayā vina āti-vātsalyān nā aharam akarot sadā //

ahaṃ ca sarvadā śarvapūjāsakteha niḥjane /
caturdaśyor athāṣṭamyor āgacchaṃ pakṣayor dvayoḥ // SoKs_12,19.132 [= Vet_12]

ahaṃ ca sarvadā śarva-pūjā-āsakta īha niḥ-jane / caturdaśyor atha aṣṭamyor āgacchaṃ pakṣayor dvayoḥ //

ekadā ca caturdaśyām ihāgatya rasān mama /
ciraṃ gaurīṃ samarcantyā daivād avasitaṃ dinam // SoKs_12,19.133 [= Vet_12]

ekadā ca caturdaśyām ihā agatya rasān mama / ciraṃ gaurīṃ samarcantyā daivād avasitaṃ dinam //

tad ahar matpratīkṣaḥ san kṣudhito 'pi sa matpitā /
nābhuṅkta nāpibat kimcid āsīt kruddhas tu māṃ prati // SoKs_12,19.134 [= Vet_12]

tad ahar mat-pratīkṣaḥ san kṣudhito 'pi sa mat-pitā / na abhuṅkta na apibat kim-cid āsīt kruddhas tu māṃ prati //

tato rātrāv upetāṃ māṃ sāparādhām adhaḥmukhīm /
bhavitavyabalagrastamatsnehaḥ śapati sma saḥ // SoKs_12,19.135 [= Vet_12]

tato rātrāv upetāṃ māṃ sa-aparādhām adhaḥ-mukhīm / bhavitavya-bala-grasta-mat-snehaḥ śapati sma saḥ //

yathā tvadavalepena grasto 'dyāham ayaṃ kṣudhā /
māsi māsi tathāṣṭamyoś caturdaśyoś ca kevalam // SoKs_12,19.136 [= Vet_12]

yathā tvad-avalepena grasto 'dya aham ayaṃ kṣudhā / māsi māsi tatha āṣṭamyoś caturdaśyoś ca kevalam //

harārcanarasād yantīm atraiva tvāṃ bahiḥ pure /
nāmnā kṛtāntasaṃtrāso rākṣaso nigariṣyati // SoKs_12,19.137 [= Vet_12]

hara-arcana-rasād yantīm atra eva tvāṃ bahiḥ pure / nāmnā kṛtāntasaṃtrāso rākṣaso nigariṣyati //

bhittvā bhittvāsya hṛdayaṃ jīvantī ca nireṣyasi /
na smariṣyasi śāpaṃ ca na tāṃ nigaraṇavyathām // SoKs_12,19.138 [= Vet_12]

bhittvā bhittva āsya hṛdayaṃ jīvantī ca nireṣyasi / na smariṣyasi śāpaṃ ca na tāṃ nigaraṇa-vyathām //

sthāsyasy ekākinī cātrety uktaśāpavacāḥ śanaiḥ /
so 'nunīto mayā dhyātvā śāpāntaṃ me 'bravīt pitā // SoKs_12,19.139 [= Vet_12]

sthāsyasy ekākinī ca atra ity ukta-śāpa-vacāḥ śanaiḥ / so 'nunīto mayā dhyātvā śāpa-antaṃ me 'bravīt pitā //

bhartā bhūtvā yaśaḥketunāmāṅganṛpatir yadā /
rākṣasena nigīrṇāṃ tvāṃ dṛṣṭvā taṃ nihaniṣyati // SoKs_12,19.140 [= Vet_12]

bhartā bhūtvā yaśaḥketu-nāma-aṅga-nṛ-patir yadā / rākṣasena nigīrṇāṃ tvāṃ dṛṣṭvā taṃ nihaniṣyati //

tadā tvaṃ mokṣyase śāpād dhṛdayāt tasya niḥgatā /
saṃsmariṣyasi śāpādi vidyāḥ sarvās tathā nijāḥ // SoKs_12,19.141 [= Vet_12]

tadā tvaṃ mokṣyase śāpād dhṛdayāt tasya niḥ-gatā / saṃsmariṣyasi śāpa-ādi vidyāḥ sarvās tathā nijāḥ //

ity ādiśya sa śāpāntaṃ tyaktvā mām ekakām iha /
niṣadhādriṃ gatas tāto bhūlokaṃ saparicchadaḥ // SoKs_12,19.142 [= Vet_12]

ity ādiśya sa śāpa-antaṃ tyaktvā mām ekakām iha / niṣadha-adriṃ gatas tāto bhū-lokaṃ sa-paricchadaḥ //

ahaṃ tathā carantī ca śāpamohād ihāvasam /
kṣīṇaś caiṣa sa śāpo me jātā sarvatra ca smṛtiḥ // SoKs_12,19.143 [= Vet_12]

ahaṃ tathā carantī ca śāpa-mohād iha avasam / kṣīṇaś ca eṣa sa śāpo me jātā sarvatra ca smṛtiḥ //

tat tātapārśvam adhunā niṣadhādriṃ vrajāmy aham /
śāpānte svāṃ gatiṃ yāma ity eṣa samayo hi naḥ // SoKs_12,19.144 [= Vet_12]

tat tāta-pārśvam adhunā niṣadha-adriṃ vrajāmy aham / śāpa-ante svāṃ gatiṃ yāma ity eṣa samayo hi naḥ //

tvam ihāsva svarāṣṭraṃ vā vraja svātantryam atra te /
evaṃ tayokte sa nṛpo duḥkhito 'rthayate sma tām // SoKs_12,19.145 [= Vet_12]

tvam ihā asva sva-rāṣṭraṃ vā vraja svātantryam atra te / evaṃ taya ūkte sa nṛ-po duḥkhito 'rthayate sma tām //

saptāhāni na gantavyaṃ prasīda sumukhi tvayā /
kṣipāva tāvad autsukyam udyāne krīḍanair iha // SoKs_12,19.146 [= Vet_12]

sapta-ahāni na gantavyaṃ prasīda su-mukhi tvayā / kṣipāva tāvad autsukyam udyāne krīḍanair iha //

tvaṃ gacchātha pituḥ sthānaṃ yāsyāmy aham api svakam /
etat tadvacanaṃ mugdhā tathety aṅgīcakāra sā // SoKs_12,19.147 [= Vet_12]

tvaṃ gaccha atha pituḥ sthānaṃ yāsyāmy aham api svakam / etat tad-vacanaṃ mugdhā tatha īty aṅgī-cakāra sā //

tato 'tra reme sa tayā sahodyāneṣu kāntayā /
sajalotpalanetrāsu vāpīṣu ṣaḍahaṃ nṛpaḥ // SoKs_12,19.148 [= Vet_12]

tato 'tra reme sa tayā saha udyāneṣu kāntayā / sa-jala-utpala-netrāsu vāpīṣu ṣaḍ-ahaṃ nṛ-paḥ //

mā sma yātaṃ vihāyāsmān iti pūt kurvatīṣv iva /
utkṣiptavīcihastāsu haṃsasārasaniḥsvanaiḥ // SoKs_12,19.149 [= Vet_12]

mā sma yātaṃ vihāya asmān iti pūt kurvatīṣv iva / utkṣipta-vīci-hastāsu haṃsa-sārasa-niḥ-svanaiḥ //

saptame 'hni sa yuktyā tāṃ priyāṃ tatrānayad gṛhe /
bhūlokaprāpiṇī yatra sā yantradvāravāpikā // SoKs_12,19.150 [= Vet_12]

saptame 'hni sa yuktyā tāṃ priyāṃ tatrā anayad gṛhe / bhū-loka-prāpiṇī yatra sā yantra-dvāra-vāpikā //

tatra kaṇṭhe gṛhītvā tāṃ tasyāṃ vāpyāṃ nipatya saḥ /
uttasthau svapurodyānavāpīmadhyāt tayā saha // SoKs_12,19.151 [= Vet_12]

tatra kaṇṭhe gṛhītvā tāṃ tasyāṃ vāpyāṃ nipatya saḥ / uttasthau sva-pura-udyāna-vāpī-madhyāt tayā saha //

tatra kāntāsakhaṃ prāptaṃ taṃ dṛṣṭvodyānapālakāḥ /
hṛṣṭās tan mantriṇe gatvā jagadur dīrghadarśine // SoKs_12,19.152 [= Vet_12]

tatra kāntā-sakhaṃ prāptaṃ taṃ dṛṣṭva ūdyāna-pālakāḥ / hṛṣṭās tan mantriṇe gatvā jagadur dīrghadarśine //

so 'py etya pādapatitas tam ānītepsitāṅganam /
dṛṣṭvā prāveśayan mantrī sapauro 'bhyantaraṃ nṛpam // SoKs_12,19.153 [= Vet_12]

so 'py etya pāda-patitas tam ānīta-īpsita-aṅganam / dṛṣṭvā prāveśayan mantrī sa-pauro 'bhyantaraṃ nṛ-pam //

aho saiṣā kathaṃ prāptā rājñā divyāṅganāmunā /
vyomnīva vidyud iva yā kṣaṇadṛśyā mayekṣitā // SoKs_12,19.154 [= Vet_12]

aho sa aiṣā kathaṃ prāptā rājñā divya-aṅgana āmunā / vyomni iva vidyud iva yā kṣaṇa-dṛśyā mayā īkṣitā //

yad yasya likhitaṃ dhātrā lalāṭā-kṣarapaṅktiṣu /
tad avaśyam asaṃbhāvyam api tasyopatiṣṭhate // SoKs_12,19.155 [= Vet_12]

yad yasya likhitaṃ dhātrā lalāṭa-a-kṣara-paṅktiṣu / tad a-vaśyam asaṃbhāvyam api tasya upatiṣṭhate //

ity atra mantrimukhye 'smin dhyāyaty anyajane 'pi ca /
divyastrīprāptisāścaryaṃ rājāgamanasotsave // SoKs_12,19.156 [= Vet_12]

ity atra mantri-mukhye 'smin dhyāyaty anya-jane 'pi ca / divya-strī-prāpti-sa-aścaryaṃ rāja-agamana-sa-utsave //

sā mṛgāṅkavatī dṛṣṭvā taṃ svadeśagataṃ nṛpam /
iyeṣa pūrṇasaptāhā yātuṃ vaidyādharīṃ gatim // SoKs_12,19.157 [= Vet_12]

sā mṛgāṅkavatī dṛṣṭvā taṃ sva-deśa-gataṃ nṛ-pam / iyeṣa pūrṇa-sapta-ahā yātuṃ vaidyādharīṃ gatim //

nāvirāsīc ca vidyāsyāḥ smṛtāpy utpatanī tadā /
tataḥ sā muṣitevātra viṣādam agamat param // SoKs_12,19.158 [= Vet_12]

nā avirāsīc ca vidya āsyāḥ smṛta āpy utpatanī tadā / tataḥ sā muṣita īva atra viṣādam agamat param //

kim akasmād viṣaṇṇeva dṛśyase vada me priye /
ity uktā tena rājñā sā vidhyādary evam abravīt // SoKs_12,19.159 [= Vet_12]

kim akasmād viṣaṇṇa īva dṛśyase vada me priye / ity uktā tena rājñā sā vidhyādary evam abravīt //

sthitāhaṃ śāpamuktāpi tvatsnehād yad iyac ciram /
tena vidyā mama bhraṣṭā naṣṭā divyā ca sā gatiḥ // SoKs_12,19.160 [= Vet_12]

sthita āhaṃ śāpa-mukta āpi tvat-snehād yad iyac ciram / tena vidyā mama bhraṣṭā naṣṭā divyā ca sā gatiḥ //

tac chrutvā hanta siddheyaṃ mama vidyādharīti saḥ /
rājā tato yaśaḥketuḥ pūrṇaṃ cakre mahotsavam // SoKs_12,19.161 [= Vet_12]

tac chrutvā hanta siddha īyaṃ mama vidyādhari īti saḥ / rājā tato yaśaḥketuḥ pūrṇaṃ cakre mahā-utsavam //

tad dṛṣṭvā dīrghadarśī sa mantrī gatvā gṛhaṃ niśi /
śayanīyagato 'kasmād dhṛtsphoṭena vyapadyata // SoKs_12,19.162 [= Vet_12]

tad dṛṣṭvā dīrghadarśī sa mantrī gatvā gṛhaṃ niśi / śayanīya-gato 'kasmād dhṛt-sphoṭena vyapadyata //

tato 'nubhūya tacchokaṃ dhṛtarājyabharaḥ svayam /
yaśaḥketuś ciraṃ tasthau sa mṛgāṅkavatīyutaḥ // SoKs_12,19.163 [= Vet_12]

tato 'nubhūya tac-chokaṃ dhṛta-rājya-bharaḥ svayam / yaśaḥketuś ciraṃ tasthau sa mṛgāṅkavatī-yutaḥ //

ity etāṃ kathayitvā mārge tasmai kathāṃ sa vetālaḥ /
avadat punas trivikramasenaṃ nṛpatiṃ tam aṃsagataḥ // SoKs_12,19.164 [= Vet_12]

ity etāṃ kathayitvā mārge tasmai kathāṃ sa vetālaḥ / avadat punas trivikramasenaṃ nṛ-patiṃ tam aṃsa-gataḥ //

tad brūhi bhūpate te saṃpanne svāminas tathābhyudaye /
hṛdayaṃ sapadi sphuṭitaṃ tasya mahāmantriṇaḥ kim iti // SoKs_12,19.165 [= Vet_12]

tad brūhi bhū-pate te saṃpanne svāminas tatha ābhyudaye / hṛdayaṃ sa-padi sphuṭitaṃ tasya mahā-mantriṇaḥ kim iti //

divyastrī na mayā kiṃ prāpteti śucāsphuṭad dhṛdayam /
kiṃ vā rājyam abhīpsor rājāgamajena duḥkhena // SoKs_12,19.166 [= Vet_12]

divya-strī na mayā kiṃ prāpta īti śuca āsphuṭad dhṛdayam / kiṃ vā rājyam abhīpsor rāja-āgama-jena duḥkhena //

etac ca yadi na vakṣyasi mahyaṃ jānann apīha tad rājan /
dharmaś ca tava vinaṅkṣyati yāsyati dalaśaś ca jhaṭiti śiraḥ // SoKs_12,19.167 [= Vet_12]

etac ca yadi na vakṣyasi mahyaṃ jānann api iha tad rājan / dharmaś ca tava vinaṅkṣyati yāsyati dalaśaś ca jhaṭiti śiraḥ //

śrutveti tu trivikramaseno rājā jagāda vetālam /
naitat tasmin dvayam api śubhacarite yujyate hi mantrivare // SoKs_12,19.168 [= Vet_12]

śrutva īti tu trivikramaseno rājā jagāda vetālam / na etat tasmin dvayam api śubha-carite yujyate hi mantri-vare //

kiṃ tu strīmātrarasād upekṣitaṃ yena bhūbhujā rājyam /
tasyādhunā tu divyastrīraktasyātra kā vārtā // SoKs_12,19.169 [= Vet_12]

kiṃ tu strī-mātra-rasād upekṣitaṃ yena bhū-bhujā rājyam / tasya adhunā tu divya-strī-raktasya atra kā vārtā //

tan me kaṣṭe 'pi kṛte pratyuta doṣo batādhikībhūtaḥ /
iti tasya vibhāvayato hṛdayaṃ tanmantriṇaḥ sphuṭitam // SoKs_12,19.170 [= Vet_12]

tan me kaṣṭe 'pi kṛte pratyuta doṣo bata adhikībhūtaḥ / iti tasya vibhāvayato hṛdayaṃ tan-mantriṇaḥ sphuṭitam //

ity ukte narapatinā punaḥ sa māyī vetālo nijapadam eva taj jagāma /
rājāpi prasabham avāptum anvadhāvad bhūyo 'pi drutam atha taṃ sa dhīracetāḥ // SoKs_12,19.171 [= Vet_12]

ity ukte nara-patinā punaḥ sa māyī vetālo nija-padam eva taj jagāma / rāja āpi prasabham avāptum anvadhāvad bhūyo 'pi drutam atha taṃ sa dhīra-cetāḥ //

atha gatvā punaḥ prāpya śiṃśapātas tato nṛpaḥ /
sa trivikramasenas taṃ skandhe vetālam ādade // SoKs_12,20.1 [= Vet_13]

atha gatvā punaḥ prāpya śiṃśapātas tato nṛ-paḥ / sa trivikramasenas taṃ skandhe vetālam ādade //

āyāntaṃ ca sa vetālo bhūyas taṃ nṛpam abravīt /
rājañ śṛṇu kathām ekāṃ saṃkṣiptāṃ varṇayāmi te // SoKs_12,20.2 [= Vet_13]

āyāntaṃ ca sa vetālo bhūyas taṃ nṛ-pam abravīt / rājañ śṛṇu kathām ekāṃ saṃkṣiptāṃ varṇayāmi te //

asti vārāṇasī nāma purī haranivāsabhūḥ /
devasvāmīti tatrāsīn mānyo narapater dvijaḥ // SoKs_12,20.3 [= Vet_13]

asti vārāṇasī nāma purī hara-nivāsa-bhūḥ / devasvāmi īti tatrā asīn mānyo nara-pater dvi-jaḥ //

mahādhanasya tasyaiko harisvāmīty abhūt sutaḥ /
tasya bhāryā ca lāvaṇyavatīty atyuttamābhavat // SoKs_12,20.4 [= Vet_13]

mahā-dhanasya tasya eko harisvāmi īty abhūt sutaḥ / tasya bhāryā ca lāvaṇyavati īty atyuttama ābhavat //

tilottamādinākastrīniḥmāṇe prāptakauśalaḥ /
anargharūpalāvaṇyāṃ manye yāṃ nirmame vidhiḥ // SoKs_12,20.5 [= Vet_13]

tilottamā-ādi-nāka-strī-niḥ-māṇe prāpta-kauśalaḥ / anargha-rūpa-lāvaṇyāṃ manye yāṃ nirmame vidhiḥ //

tayā sa kāntayā sākaṃ harisvāmī kadācana /
ratiśrānto yayau nidrāṃ harmye candrāṃśuśītale // SoKs_12,20.6 [= Vet_13]

tayā sa kāntayā sākaṃ harisvāmī kadā-cana / rati-śrānto yayau nidrāṃ harmye candra-aṃśu-śītale //

tat kālaṃ tena mārgeṇa kāmacārī vihāyasā /
āgān madanavegākhyo vidyādharakumārakaḥ // SoKs_12,20.7 [= Vet_13]

tat kālaṃ tena mārgeṇa kāma-cārī vihāyasā / āgān madanavega-ākhyo vidyādhara-kumārakaḥ //

sa tatra lāvaṇyavatīṃ patyuḥ pārśve dadarśa tām /
suptāṃ ratiklamasrastavastravyaktāṅgasauṣṭhavām // SoKs_12,20.8 [= Vet_13]

sa tatra lāvaṇyavatīṃ patyuḥ pārśve dadarśa tām / suptāṃ rati-klama-srasta-vastra-vyakta-aṅga-sauṣṭhavām //

tadrūpahṛtacittaḥ san madanāndhaḥ sa tat kṣaṇam /
suptām eva nipatyaitāṃ gṛhītvā nabhasā yayau // SoKs_12,20.9 [= Vet_13]

tad-rūpa-hṛta-cittaḥ san madana-andhaḥ sa tat kṣaṇam / suptām eva nipatya etāṃ gṛhītvā nabhasā yayau //

kṣaṇāt prabuddho 'tha yuvā harisvāmī sa tatpatiḥ /
prāṇeśvarīm apaśyaṃs tām udatiṣṭhat sasaṃbhramaḥ // SoKs_12,20.10 [= Vet_13]

kṣaṇāt prabuddho 'tha yuvā harisvāmī sa tat-patiḥ / prāṇa-īśvarīm apaśyaṃs tām udatiṣṭhat sa-saṃbhramaḥ //

aho kim etat kva gatā kupitā sā nu kiṃ mayi /
channā jijñāsituṃ kiṃ me cittaṃ parihasaty uta // SoKs_12,20.11 [= Vet_13]

aho kim etat kva gatā kupitā sā nu kiṃ mayi / channā jijñāsituṃ kiṃ me cittaṃ parihasaty uta //

ity anekavikalpaughavyākulas tām itas tataḥ /
harmyaprāsādavalabhīṣv anviṣyan so 'bhraman niśi // SoKs_12,20.12 [= Vet_13]

ity an-eka-vikalpa-ogha-vyākulas tām itas tataḥ / harmya-prāsāda-valabhīṣv anviṣyan so 'bhraman niśi //

agṛhodyānataś cinvan yan na prāpa kuto 'pi tām /
tat sa śokāgnisaṃtapto vilalāpāśrugadgadam // SoKs_12,20.13 [= Vet_13]

a-gṛha-udyānataś cinvan yan na prāpa kuto 'pi tām / tat sa śoka-agni-saṃtapto vilalāpa aśru-gadgadam //

hā candrabimbavadane hā jyotsnāgaurī hā priye /
rātryā tulyaguṇadveṣāt kiṃ nu soḍhāsi nānayā // SoKs_12,20.14 [= Vet_13]

hā candra-bimba-vadane hā jyotsnā-gaurī hā priye / rātryā tulya-guṇa-dveṣāt kiṃ nu soḍha āsi na anayā //

tvayā kāntyā jito bibhyad iva candanaśītalaiḥ /
karair asukhayad yo māṃ so 'yam indus tvayā vinā // SoKs_12,20.15 [= Vet_13]

tvayā kāntyā jito bibhyad iva candana-śītalaiḥ / karair asukhayad yo māṃ so 'yam indus tvayā vinā //

labdhāntara ivedānīṃ tair eva tudati priye /
prajvaladbhir ivāṅgārair viṣadigdhair ivāśugaiḥ // SoKs_12,20.16 [= Vet_13]

labdha-antara iva idānīṃ tair eva tudati priye / prajvaladbhir iva aṅgārair viṣa-digdhair ivā aśu-gaiḥ //

ity ādi krandatas tasya sā harisvāminas tadā /
kṛcchrād vyatīyāya niśā na punar virahavyathā // SoKs_12,20.17 [= Vet_13]

ity ādi krandatas tasya sā harisvāminas tadā / kṛcchrād vyatīyāya niśā na punar viraha-vyathā //

prātar bibheda viśvasya karaiḥ saṃtamasaṃ raviḥ /
bhettuṃ na cakṣame tasya mohāndhatamasaṃ punaḥ // SoKs_12,20.18 [= Vet_13]

prātar bibheda viśvasya karaiḥ saṃtamasaṃ raviḥ / bhettuṃ na cakṣame tasya moha-andha-tamasaṃ punaḥ //

vilabdha iva cakrāhvais tasya tīrṇaniśais tadā /
bheje śatagunībhāvaṃ karuṇākranditadhvaniḥ // SoKs_12,20.19 [= Vet_13]

vilabdha iva cakra-āhvais tasya tīrṇa-niśais tadā / bheje śata-gunī-bhāvaṃ karuṇā-krandita-dhvaniḥ //

svajanaiḥ sāntvyamāno 'pi viyogānaladīpitaḥ /
na ca lebhe dvijayuvā dhṛtiṃ tāṃ preyasīṃ vinā // SoKs_12,20.20 [= Vet_13]

sva-janaiḥ sāntvyamāno 'pi viyoga-anala-dīpitaḥ / na ca lebhe dvi-ja-yuvā dhṛtiṃ tāṃ preyasīṃ vinā //

iha sthitam iha snātaṃ kṛtam atra prasādhanam /
vihṛtaṃ ca tayātreti yayau tv ita ito rudan // SoKs_12,20.21 [= Vet_13]

iha sthitam iha snātaṃ kṛtam atra prasādhanam / vihṛtaṃ ca taya ātra iti yayau tv ita ito rudan //

mṛtā tāvan na sā tat kim ātmaivaṃ hanyate tvayā /
avaśyaṃ tām avāptāsi jīvañ jātu kutaḥcana // SoKs_12,20.22 [= Vet_13]

mṛtā tāvan na sā tat kim ātma aivaṃ hanyate tvayā / a-vaśyaṃ tām avāptāsi jīvañ jātu kutaḥ-cana //

tad dhairyam avalambasva tāṃ gaveṣaya ca priyām /
aprāpyaṃ nāma nehāsti dhīrasya vyavasāyinaḥ // SoKs_12,20.23 [= Vet_13]

tad dhairyam avalambasva tāṃ gaveṣaya ca priyām / aprāpyaṃ nāma na iha asti dhīrasya vyavasāyinaḥ //

iti bandhusuhṛdvākyair bodhitaḥ so 'tha kṛcchrataḥ /
dinaiḥ kaiḥcid dharisvāmī babandha dhṛtim āsthayā // SoKs_12,20.24 [= Vet_13]

iti bandhu-su-hṛd-vākyair bodhitaḥ so 'tha kṛcchrataḥ / dinaiḥ kaiḥ-cid dharisvāmī babandha dhṛtim āsthayā //

acintayac ca sarvasvaṃ kṛtvā brāhmaṇasād aham /
bhramāmi tāvat tīrthāni kṣapayāmy aghasaṃcayam // SoKs_12,20.25 [= Vet_13]

acintayac ca sarva-svaṃ kṛtvā brāhmaṇa-sād aham / bhramāmi tāvat tīrthāni kṣapayāmy agha-saṃcayam //

pāpakṣayād dhi tāṃ jātu priyāṃ bhrāmyann avāpnuyām /
ity ālocya yathāvasthaṃ snānādy utthāya so 'karot // SoKs_12,20.26 [= Vet_13]

pāpa-kṣayād dhi tāṃ jātu priyāṃ bhrāmyann avāpnuyām / ity ālocya yathā-avasthaṃ snāna-ādy utthāya so 'karot //

anyedyuś ca vicitrānnapānaṃ sattre dvijanmanām /
cakārāvāritaṃ kiṃ ca dadau dhanam aśeṣataḥ // SoKs_12,20.27 [= Vet_13]

anye-dyuś ca vicitra-anna-pānaṃ sattre dvi-janmanām / cakāra avāritaṃ kiṃ ca dadau dhanam a-śeṣataḥ //

brāhmaṇyamātravittasya niḥgatyaiva svadeśataḥ /
priyāprāptīcchayā so 'tha tīrthāni bhramituṃ yayau // SoKs_12,20.28 [= Vet_13]

brāhmaṇya-mātra-vittasya niḥ-gatya eva sva-deśataḥ / priyā-prāpti-icchayā so 'tha tīrthāni bhramituṃ yayau //

bhrāmyataś ca jagāmāsya bhīmo grīṣmartukesarī /
pracaṇḍādityavadano dīptatadraśmikesaraḥ // SoKs_12,20.29 [= Vet_13]

bhrāmyataś ca jagāma asya bhīmo grīṣma-rtu-kesarī / pracaṇḍa-āditya-vadano dīpta-tad-raśmi-kesaraḥ //

priyāvirahasaṃtaptapānthaniḥśvāsamārutaiḥ /
nyastoṣmāṇa ivātyuṣṇā vānti sma ca samīraṇāḥ // SoKs_12,20.30 [= Vet_13]

priyā-viraha-saṃtapta-pāntha-niḥ-śvāsa-mārutaiḥ / nyasta-uṣmāṇa iva atyuṣṇā vānti sma ca samīraṇāḥ //

śuṣyadvidīrṇapaṅkāś ca hṛdayaiḥ sphuṭitair iva /
jalāśayā dadṛśire gharmaluptāmbusaṃpadaḥ // SoKs_12,20.31 [= Vet_13]

śuṣyad-vidīrṇa-paṅkāś ca hṛdayaiḥ sphuṭitair iva / jala-āśayā dadṛśire gharma-lupta-ambu-saṃpadaḥ //

cīrīcītkāramukharās tāpamlānadalādharāḥ /
madhuśrīvirahān mārgeṣv arudann iva pādapāḥ // SoKs_12,20.32 [= Vet_13]

cīrī-cīt-kāra-mukharās tāpa-mlāna-dala-adharāḥ / madhu-śrī-virahān mārgeṣv arudann iva pāda-pāḥ //

tasmin kāle 'rkatāpena viyogena kṣudhā tṛṣā /
nityādhvanā ca sa klānto virūkṣakṣāmadhūsaraḥ // SoKs_12,20.33 [= Vet_13]

tasmin kāle 'rka-tāpena viyogena kṣudhā tṛṣā / nitya-adhvanā ca sa klānto virūkṣa-kṣāma-dhūsaraḥ //

bhojanārthi harisvāmī prāpa grāmaṃ kvacid bhraman /
padmanābhābhidhānasya gṛhaṃ viprasya sattriṇaḥ // SoKs_12,20.34 [= Vet_13]

bhojana-arthi harisvāmī prāpa grāmaṃ kva-cid bhraman / padmanābha-abhidhānasya gṛhaṃ viprasya sattriṇaḥ //

tatra dṛṣṭvā sa bhuñjānān viprān abhyantare bahūn /
dvāraśākhāṃ samālambya tasthau niḥśabdaniḥcalaḥ // SoKs_12,20.35 [= Vet_13]

tatra dṛṣṭvā sa bhuñjānān viprān abhyantare bahūn / dvāra-śākhāṃ samālambya tasthau niḥ-śabda-niḥ-calaḥ //

tathāsthitaṃ tam ālokya sattriṇas tasya gehinī /
padmanābhasya saṃjātadayā sādhvī vyacintayat // SoKs_12,20.36 [= Vet_13]

tathā-sthitaṃ tam ālokya sattriṇas tasya gehinī / padmanābhasya saṃjāta-dayā sādhvī vyacintayat //

aho kṣun nāma gurvy eṣā na kuryāt kasya lāghavam /
yad evam ayam annārthī ko 'py āste dvāry adhaḥmukhaḥ // SoKs_12,20.37 [= Vet_13]

aho kṣun nāma gurvy eṣā na kuryāt kasya lāghavam / yad evam ayam anna-arthī ko 'py āste dvāry adhaḥ-mukhaḥ //

dūrādhvābhyāgataḥ snātas tāvat kṣīṇendriyaḥ kṣudhā /
tad eṣaś cānnadānasya pātram ity avadhārya sā // SoKs_12,20.38 [= Vet_13]

dūra-adhva-abhyāgataḥ snātas tāvat kṣīṇa-indriyaḥ kṣudhā / tad eṣaś ca anna-dānasya pātram ity avadhārya sā //

paramānnabhṛtaṃ sādhvī tasmai saghṛtaśarkaram /
pātram utkṣipya pāṇibhyām ānīya praśritā dadau // SoKs_12,20.39 [= Vet_13]

parama-anna-bhṛtaṃ sādhvī tasmai sa-ghṛta-śarkaram / pātram utkṣipya pāṇibhyām ānīya praśritā dadau //

jagāda caitaṃ bhuṅkṣvaitad gatvā vāpītaṭe kvacit /
idaṃ sthānaṃ samucchiṣṭaṃ bhuñjānair brāhmanair vṛtam // SoKs_12,20.40 [= Vet_13]

jagāda ca etaṃ bhuṅkṣva etad gatvā vāpī-taṭe kva-cit / idaṃ sthānaṃ samucchiṣṭaṃ bhuñjānair brāhmanair vṛtam //

tatheti so 'nnapātraṃ tad gṛhītvā nātidūrataḥ /
gatvā sthāpitavān vāpyās taṭe vaṭataror adhaḥ // SoKs_12,20.41 [= Vet_13]

tatha īti so 'nna-pātraṃ tad gṛhītvā na atidūrataḥ / gatvā sthāpitavān vāpyās taṭe vaṭa-taror adhaḥ //

prakṣālya pāṇipādaṃ ca vāpyām ācamya cātra saḥ /
yāvad bhakṣayituṃ tuṣṭaḥ paramānnam upaiti tat // SoKs_12,20.42 [= Vet_13]

prakṣālya pāṇi-pādaṃ ca vāpyām ācamya ca atra saḥ / yāvad bhakṣayituṃ tuṣṭaḥ parama-annam upaiti tat //

tāvad gṛhītvā kṛṣṇāhiṃ cañcvā pādayugena ca /
śyenaḥ kutaḥcid āgatya tarau tasminn upāviśat // SoKs_12,20.43 [= Vet_13]

tāvad gṛhītvā kṛṣṇa-ahiṃ cañcvā pāda-yugena ca / śyenaḥ kutaḥ-cid āgatya tarau tasminn upāviśat //

tena tasyohyamānasya sarpasyākramya pakṣiṇā /
utkrāntajīvitasyāsyād viṣalālā viniryayau // SoKs_12,20.44 [= Vet_13]

tena tasya uhyamānasya sarpasyā akramya pakṣiṇā / utkrānta-jīvitasya asyād viṣa-lālā viniryayau //

sā tatrādhaḥsthite tasminn annapātre 'patat tadā /
tac cādṛṣṭvā harisvāmī sa etyānnam abhuṅkta tat // SoKs_12,20.45 [= Vet_13]

sā tatra adhaḥ-sthite tasminn anna-pātre 'patat tadā / tac ca adṛṣṭvā harisvāmī sa etya annam abhuṅkta tat //

kṣudhārtasya tadā tasya mṛṣṭānnaṃ tat kṣaṇena tat /
kṛtsnaṃ bhuktavatas tīvrā prodabhūd viṣavedanā // SoKs_12,20.46 [= Vet_13]

kṣudhā-artasya tadā tasya mṛṣṭa-annaṃ tat kṣaṇena tat / kṛtsnaṃ bhuktavatas tīvrā prodabhūd viṣa-vedanā //

aho vidhau viparyaste na viparyasyatīha kim /
yad viṣībhūtam annaṃ me sakṣīraghṛṭaśarkaram // SoKs_12,20.47 [= Vet_13]

aho vidhau viparyaste na viparyasyati iha kim / yad viṣī-bhūtam annaṃ me sa-kṣīra-ghṛṭa-śarkaram //

iti jalpan viṣārtaḥ sa harisvāmī pariskhalan /
gatvā tāṃ sattriṇas tasya viprasyovāca gehinīm // SoKs_12,20.48 [= Vet_13]

iti jalpan viṣa-artaḥ sa harisvāmī pariskhalan / gatvā tāṃ sattriṇas tasya viprasya uvāca gehinīm //

tvaddattād viṣam annān me jātaṃ tad viṣamantriṇam /
kamcin mamānaya kṣipraṃ brahmahatyānyathāsti te // SoKs_12,20.49 [= Vet_13]

tvad-dattād viṣam annān me jātaṃ tad viṣa-mantriṇam / kam-cin mamā anaya kṣipraṃ brahma-hatya ānyatha āsti te //

ity uktvaiva sa tāṃ sādhvīṃ kim etad iti vihvalām /
harisvāmī parāvṛttanetraḥ prāṇair vyayujyata // SoKs_12,20.50 [= Vet_13]

ity uktva aiva sa tāṃ sādhvīṃ kim etad iti vihvalām / harisvāmī parāvṛtta-netraḥ prāṇair vyayujyata //

tataḥ sā tena niḥdoṣāpy ātitheyy api sattriṇā /
bhāryā niṣkāsitā gehān mithyātithivadhakrudhā // SoKs_12,20.51 [= Vet_13]

tataḥ sā tena niḥ-doṣa āpy ātitheyy api sattriṇā / bhāryā niṣkāsitā gehān mithyā-ātithi-vadha-krudhā //

sāpy utpannamṛṣāvadyā suśubhād api karmaṇaḥ /
jātāvamānā tapase sādhvī tīrtham aśiśṛiyat // SoKs_12,20.52 [= Vet_13]

sa āpy utpanna-mṛṣā-vadyā su-śubhād api karmaṇaḥ / jāta-avamānā tapase sādhvī tīrtham aśiśṛiyat //

kasya vipravadhaḥ so 'stu sarpaśyenānnadeśv iti /
tad abhūd dharmarājāgre vādo nāsīt tu niḥṇayaḥ // SoKs_12,20.53 [= Vet_13]

kasya vipra-vadhaḥ so 'stu sarpa-śyena-anna-deśv iti / tad abhūd dharma-rāja-agre vādo nā asīt tu niḥ-ṇayaḥ //

tat trivikramasena tvaṃ rajan brūhi mamādhunā /
kasya sā brahmahatyeti pūrvaḥ śāpaḥ sa te 'nyathā // SoKs_12,20.54 [= Vet_13]

tat trivikramasena tvaṃ rajan brūhi mama adhunā / kasya sā brahma-hatya īti pūrvaḥ śāpaḥ sa te 'nyathā //

iti vetālato rājā śrutvā śāpaniyantritaḥ /
sa trivikramasenas taṃ muktamauno 'bravīd idam // SoKs_12,20.55 [= Vet_13]

iti vetālato rājā śrutvā śāpa-niyantritaḥ / sa trivikramasenas taṃ mukta-mauno 'bravīd idam //

tasya tat pātakaṃ tāvat sarpasya yadi vāsya kaḥ /
vivaśasyāparādho 'sti bhakṣyamāṇasya śatruṇā // SoKs_12,20.56 [= Vet_13]

tasya tat pātakaṃ tāvat sarpasya yadi va āsya kaḥ / vivaśasya aparādho 'sti bhakṣyamāṇasya śatruṇā //

atha syenasya tenāpi kiṃ duṣṭaṃ kṣudhitātmanā /
akasmāt prāptam ānīya bhakṣyaṃ bhakṣayatā nijam // SoKs_12,20.57 [= Vet_13]

atha syenasya tena api kiṃ duṣṭaṃ kṣudhita-ātmanā / akasmāt prāptam ānīya bhakṣyaṃ bhakṣayatā nijam //

daṃpatyor annadātror vā tayor ekasya vā kutaḥ /
abhāvyadoṣau dharmaikapravṛttau tāv ubhau yataḥ // SoKs_12,20.58 [= Vet_13]

daṃ-patyor anna-dātror vā tayor ekasya vā kutaḥ / abhāvya-doṣau dharma-eka-pravṛttau tāv ubhau yataḥ //

tad ahaṃ tasya manye sā brahmahatyā jaḍātmanaḥ /
avicāryaiva yo brūyād eṣām ekatamasya tām // SoKs_12,20.59 [= Vet_13]

tad ahaṃ tasya manye sā brahma-hatyā jaḍa-ātmanaḥ / avicārya eva yo brūyād eṣām eka-tamasya tām //

ity uktavato 'sya nṛpasyāṃsād bhūyo 'py agāt sa vetālaḥ /
nijapadam eva nṛpo 'pi sa punar api dhīras tam anvagād eva // SoKs_12,20.60 [= Vet_13]

ity uktavato 'sya nṛ-pasya aṃsād bhūyo 'py agāt sa vetālaḥ / nija-padam eva nṛ-po 'pi sa punar api dhīras tam anvagād eva //

sa trivikramaseno 'tha gatvā taṃ śiṃśapātaroḥ /
bhūyo 'py āsādya vetālaṃ skandhe jagrāha bhūpatiḥ // SoKs_12,21.1 [= Vet_14]

sa trivikramaseno 'tha gatvā taṃ śiṃśapā-taroḥ / bhūyo 'py āsādya vetālaṃ skandhe jagrāha bhū-patiḥ //

prasthitaṃ ca tam urvīśaṃ sa vetālo 'bhyadhāt punaḥ /
rājañ śrānto 'si tac citrāṃ kathām ākhyāmi te śṛṇu // SoKs_12,21.2 [= Vet_14]

prasthitaṃ ca tam urvī-īśaṃ sa vetālo 'bhyadhāt punaḥ / rājañ śrānto 'si tac citrāṃ kathām ākhyāmi te śṛṇu //

asty ayodhyeti nagarī rājadhānī babhūva yā /
rakṣaḥkulakṛtāntasya rāmarūpasya śārṅgiṇaḥ // SoKs_12,21.3 [= Vet_14]

asty ayodhya īti nagarī rāja-dhānī babhūva yā / rakṣaḥ-kula-kṛta-antasya rāma-rūpasya śārṅgiṇaḥ //

tasyāṃ rājābhavad vīraketur nāma rarakṣa yaḥ /
kṣoṇīm imāṃ mahābāhuḥ prākāro nagarīm iva // SoKs_12,21.4 [= Vet_14]

tasyāṃ rāja ābhavad vīraketur nāma rarakṣa yaḥ / kṣoṇīm imāṃ mahā-bāhuḥ prākāro nagarīm iva //

tasmin mahīpatāv asyāṃ puryām eko mahāvaṇik /
ratnadattābhidhāno 'bhūd vaṇiṅnīvahanāyakaḥ // SoKs_12,21.5 [= Vet_14]

tasmin mahī-patāv asyāṃ puryām eko mahā-vaṇik / ratnadatta-abhidhāno 'bhūd vaṇiṅ-nīvaha-nāyakaḥ //

nandayantyabhidhānāyāṃ patnyāṃ tasyodapadyata /
sutā ratnavatī nāma devatārādhanārjitā // SoKs_12,21.6 [= Vet_14]

nandayanty-abhidhānāyāṃ patnyāṃ tasya udapadyata / sutā ratnavatī nāma devatā-ārādhana-arjitā //

sā ca tasya pitur veśmany avardhata manasvinī /
rūpalāvaṇyavinayaiḥ sahaiva sahajair guṇaiḥ // SoKs_12,21.7 [= Vet_14]

sā ca tasya pitur veśmany avardhata manasvinī / rūpa-lāvaṇya-vinayaiḥ saha eva saha-jair guṇaiḥ //

yauvanasthāṃ ca tāṃ tasmād ratnadattān na kevalam /
mahānto vaṇijo yāvad rājāno 'pi yayācire // SoKs_12,21.8 [= Vet_14]

yauvana-sthāṃ ca tāṃ tasmād ratnadattān na kevalam / mahānto vaṇijo yāvad rājāno 'pi yayācire //

sā tu pumdveṣiṇī naicchad bhartāram api vāsavam /
prāṇatyāgodyatā sehe na vivāhakathām api // SoKs_12,21.9 [= Vet_14]

sā tu pum-dveṣiṇī nā ecchad bhartāram api vāsavam / prāṇa-tyāga-udyatā sehe na vivāha-kathām api //

tena tasyāḥ pitā tūṣṇīṃ tasthau vātsalyaduḥsthitaḥ /
sa ca pravādo 'yodyāyāṃ tasyāṃ sarvatra paprathe // SoKs_12,21.10 [= Vet_14]

tena tasyāḥ pitā tūṣṇīṃ tasthau vātsalya-duḥ-sthitaḥ / sa ca pravādo 'yodyāyāṃ tasyāṃ sarvatra paprathe //

atrāntare sadā caurair muṣyamāṇāḥ kilākhilāḥ /
saṃbhūyātra nṛpaṃ paurā vīraketuṃ vyajijñapan // SoKs_12,21.11 [= Vet_14]

atra antare sadā caurair muṣyamāṇāḥ kilā akhilāḥ / saṃbhūya atra nṛ-paṃ paurā vīraketuṃ vyajijñapan //

nityaṃ muṣyāmahe cauraī rātrau rātrāv iha prabho /
lakṣyante te ca nāsmābhis tad devo vettu yat param // SoKs_12,21.12 [= Vet_14]

nityaṃ muṣyāmahe cauraī rātrau rātrāv iha prabho / lakṣyante te ca na asmābhis tad devo vettu yat param //

iti pauraiḥ sa vijñapto rājā tām abhitaḥ purīm /
taskarānveṣaṇe channān ādiśad ratrirakṣakān // SoKs_12,21.13 [= Vet_14]

iti pauraiḥ sa vijñapto rājā tām abhitaḥ purīm / taskara-anveṣaṇe channān ādiśad ratri-rakṣakān //

te 'pi prāpur na yac caurān purī sāmuṣyataiva ca /
tadaikadā svayaṃ rājā niśi svairaṃ viniryayau // SoKs_12,21.14 [= Vet_14]

te 'pi prāpur na yac caurān purī sa āmuṣyata eva ca / tada aikadā svayaṃ rājā niśi svairaṃ viniryayau //

ekākī cāttaśastro 'tra bhraman so 'paśyad ekataḥ /
ekaṃ prākārapṛṣṭena yāntaṃ kam api pūruṣam // SoKs_12,21.15 [= Vet_14]

ekākī cā atta-śastro 'tra bhraman so 'paśyad ekataḥ / ekaṃ prākāra-pṛṣṭena yāntaṃ kam api pūruṣam //

niḥśabdapadavinyāsavicitragatikauśalam /
saśaṅkalolanayanaṃ paśyantaṃ pṛṣṭato muhuḥ // SoKs_12,21.16 [= Vet_14]

niḥ-śabda-pada-vinyāsa-vicitra-gati-kauśalam / sa-śaṅka-lola-nayanaṃ paśyantaṃ pṛṣṭato muhuḥ //

ayaṃ sa nūnaṃ cauro me muṣṇāty ekacaraḥ purīm /
iti matvaiva nikaṭaṃ sa tasyopayayau nṛpaḥ // SoKs_12,21.17 [= Vet_14]

ayaṃ sa nūnaṃ cauro me muṣṇāty eka-caraḥ purīm / iti matva aiva nikaṭaṃ sa tasya upayayau nṛ-paḥ //

tataḥ sa cauro dṛṣṭvā taṃ nṛpaṃ ko 'sīty abhāṣata /
cauro 'ham iti rājā taṃ cauraṃ pratyabravīt sa tam // SoKs_12,21.18 [= Vet_14]

tataḥ sa cauro dṛṣṭvā taṃ nṛ-paṃ ko 'si ity abhāṣata / cauro 'ham iti rājā taṃ cauraṃ pratyabravīt sa tam //

so 'tha cauro 'bhyadhād dṛṣṭvā tarhi tulyo 'si me suhṛt /
tad ehi madgṛhaṃ tāvan mitrācāraṃ karomi te // SoKs_12,21.19 [= Vet_14]

so 'tha cauro 'bhyadhād dṛṣṭvā tarhi tulyo 'si me su-hṛt / tad ehi mad-gṛhaṃ tāvan mitra-ācāraṃ karomi te //

tac chrutvā sa tathety uktvā tenaiva saha bhūpatiḥ /
yayau vanāntaḥdharaṇīkhātāntaḥvarti tadgṛham // SoKs_12,21.20 [= Vet_14]

tac chrutvā sa tatha īty uktvā tena eva saha bhū-patiḥ / yayau vana-antaḥ-dharaṇī-khāta-antaḥ-varti tad-gṛham //

aśeṣabhogabhogāḍhyaṃ bhāsvaddīpaprakāśitam /
navīnam iva pātālaṃ balirājānadhiṣṭhitam // SoKs_12,21.21 [= Vet_14]

aśeṣa-bhoga-bhoga-āḍhyaṃ bhāsvad-dīpa-prakāśitam / navīnam iva pātālaṃ bali-rāja-anadhiṣṭhitam //

tatra praviṣṭe tasmiṃś ca kṛtāsanaparigrahe /
rājñi so 'bhyantaragṛhaṃ praviveśātha taskaraḥ // SoKs_12,21.22 [= Vet_14]

tatra praviṣṭe tasmiṃś ca kṛta-āsana-parigrahe / rājñi so 'bhyantara-gṛhaṃ praviveśa atha taskaraḥ //

tat kṣaṇaṃ ca tam etyaikā dāsī tatrāvadan nṛpam /
mahābhāga praviṣṭas tvam iha mṛtyumukhe katham // SoKs_12,21.23 [= Vet_14]

tat kṣaṇaṃ ca tam etya ekā dāsī tatra avadan nṛ-pam / mahā-bhāga praviṣṭas tvam iha mṛtyu-mukhe katham //

ekacauro hy asau pāpaṃ niḥgatyātaḥ kariṣyati /
dhruvaṃ visvāsaghātīti tad itas tvaritaṃ vraja // SoKs_12,21.24 [= Vet_14]

eka-cauro hy asau pāpaṃ niḥ-gatya ataḥ kariṣyati / dhruvaṃ visvāsa-ghāti īti tad itas tvaritaṃ vraja //

ity uktaḥ sa tayā rājā niḥgatyaiva tato drutam /
gatvā svarājadhānīṃ ca niśi sainyāny asajjayat // SoKs_12,21.25 [= Vet_14]

ity uktaḥ sa tayā rājā niḥ-gatya eva tato drutam / gatvā sva-rāja-dhānīṃ ca niśi sainyāny asajjayat //

saṃnaddhasainyaś cāgatya dasyos tasya rurodha tat /
bhūgṛhadvāravivaraṃ rasattūryā-kulair balaiḥ // SoKs_12,21.26 [= Vet_14]

saṃnaddha-sainyaś cā agatya dasyos tasya rurodha tat / bhū-gṛha-dvāra-vivaraṃ rasat-tūrya-a-kulair balaiḥ //

tato ruddhe gṛhe vṛttaṃ pratibhedam avetya saḥ /
maraṇe niḥcitaś cauraḥ śūro yuddhāya niryayau // SoKs_12,21.27 [= Vet_14]

tato ruddhe gṛhe vṛttaṃ pratibhedam avetya saḥ / maraṇe niḥ-citaś cauraḥ śūro yuddhāya niryayau //

niḥgataś ca raṇe cakre parākramam amānuṣam /
karāṃś cakarta kariṇāṃ jaṅghāś ciccheda vājinām // SoKs_12,21.28 [= Vet_14]

niḥ-gataś ca raṇe cakre parākramam a-mānuṣam / karāṃś cakarta kariṇāṃ jaṅghāś ciccheda vājinām //

jahāra ca śirāṃsy eko bhaṭānāṃ khaḍgacarmabhṛt /
tatas taṃ kṣapitānīkam abhyadhāvat svayaṃ nṛpaḥ // SoKs_12,21.29 [= Vet_14]

jahāra ca śirāṃsy eko bhaṭānāṃ khaḍga-carma-bhṛt / tatas taṃ kṣapita-anīkam abhyadhāvat svayaṃ nṛ-paḥ //

sa tasya khaḍgavidyājño rājā karaṇayuktitaḥ /
hastāj jahāra niḥtriṃśam atha tāṃ kṣurikām api // SoKs_12,21.30 [= Vet_14]

sa tasya khaḍga-vidyā-jño rājā karaṇa-yuktitaḥ / hastāj jahāra niḥ-triṃśam atha tāṃ kṣurikām api //

aśastraṃ muktaśastro 'tha bāhuyuddhena taṃ nṛpaḥ /
cauraṃ nihatya dharaṇau sajīvagrāham agrahīt // SoKs_12,21.31 [= Vet_14]

a-śastraṃ mukta-śastro 'tha bāhu-yuddhena taṃ nṛ-paḥ / cauraṃ nihatya dharaṇau sa-jīva-grāham agrahīt //

nināya taṃ ca saṃyamya sadhanaṃ nagarīṃ nijām /
prātaś cājñāpayat tasya śūlāropaṇanigraham // SoKs_12,21.32 [= Vet_14]

nināya taṃ ca saṃyamya sa-dhanaṃ nagarīṃ nijām / prātaś ca ajñāpayat tasya śūla-āropaṇa-nigraham //

nīyamānaṃ ca taṃ vadhyabhūmiṃ cauraṃ saḍiṇḍimam /
dadarśa sā ratnavatī vaṇikkanyātra harmyataḥ // SoKs_12,21.33 [= Vet_14]

nīyamānaṃ ca taṃ vadhya-bhūmiṃ cauraṃ sa-ḍiṇḍimam / dadarśa sā ratnavatī vaṇik-kanya ātra harmyataḥ //

vraṇitaṃ dhūliliptāṅgam apy etaṃ māramohitā /
dṛṣṭvaiva gatvā pitaraṃ ratnadattam uvāca sā // SoKs_12,21.34 [= Vet_14]

vraṇitaṃ dhūli-lipta-aṅgam apy etaṃ māra-mohitā / dṛṣṭva aiva gatvā pitaraṃ ratnadattam uvāca sā //

vadhāya nīyate yo 'yam eṣa bhartā vṛto mayā /
tan nṛpād rakṣa tātainaṃ na ced enam anu mriye // SoKs_12,21.35 [= Vet_14]

vadhāya nīyate yo 'yam eṣa bhartā vṛto mayā / tan nṛ-pād rakṣa tāta enaṃ na ced enam anu mriye //

tac chrutvā tāṃ pitāvādīt kim idaṃ putri bhāṣase /
yā tvaṃ necchasi bhūpālām api bhartṝn abhīpsataḥ // SoKs_12,21.36 [= Vet_14]

tac chrutvā tāṃ pita āvādīt kim idaṃ putri bhāṣase / yā tvaṃ na icchasi bhū-pālām api bhartṝn abhīpsataḥ //

sā pāpaṃ taskaram imaṃ vāñchasy āpadgataṃ katham /
ity ādi pitrā proktāpi niḥcayān na cacāla sā // SoKs_12,21.37 [= Vet_14]

sā pāpaṃ taskaram imaṃ vāñchasy āpad-gataṃ katham / ity ādi pitrā prokta āpi niḥ-cayān na cacāla sā //

tataḥ sa tatpitā gatvā tasya caurasya satvaram /
sarvasvenāpi rājānaṃ vadhān mokṣam ayācata // SoKs_12,21.38 [= Vet_14]

tataḥ sa tat-pitā gatvā tasya caurasya sa-tvaram / sarva-svena api rājānaṃ vadhān mokṣam ayācata //

rājā tu taṃ na tatyāja hemakoṭiśatair api /
svaśarīrapaṇānītaṃ cauraṃ sarvāpahāriṇam // SoKs_12,21.39 [= Vet_14]

rājā tu taṃ na tatyāja hema-koṭi-śatair api / sva-śarīra-paṇa-ānītaṃ cauraṃ sarva-apahāriṇam //

tataḥ pitary upāyāte vimukhe sā vaṇiksutā /
anumartuṃ kṛtasnānā vāryamāṇāpi bandhubhiḥ // SoKs_12,21.40 [= Vet_14]

tataḥ pitary upāyāte vimukhe sā vaṇik-sutā / anumartuṃ kṛta-snānā vāryamāṇa āpi bandhubhiḥ //

āruhya śibikāṃ tasya dasyor vadhyabhuvaṃ yayau /
anvīyamānā rudatā pitrā mātrā janena ca // SoKs_12,21.41 [= Vet_14]

āruhya śibikāṃ tasya dasyor vadhya-bhuvaṃ yayau / anvīyamānā rudatā pitrā mātrā janena ca //